華嫂冰室 (皇廷廣場)

营业中

休息中

是日筆者有點差事要做, 來到觀塘. 當然要把握機會吃華嫂. 週末下午一時到達, 等候了差不多三十分鐘才可入座, 非常旺場. 看看menu, 點選了人氣的豬排雞翼蕃茄湯米線(HK$45). 等候了一段時間, 侍應終於送上食物. 賣相不錯, 色澤鮮艷有光澤, 而且分量不少, 很豐富呢! 試一口蕃茄湯底, 味道很濃郁, 用上蕃茄蓉, 酸酸甜甜挺開胃. 米線屬於偏幼身的那種, 試一口, 口感太軟身了, 米香不夠, 感覺一般. 聽聞最出色的是豬排, 試一口, 豬排煎得甘香, 入口確實juicy. 以它偏厚切的闊度, 咬下去仍屬淋軟, 實屬難得. 但用上的豬排有點偏肥, 是美中不足. 那兩隻雞翼, 原以為是普通煎雞翼, 試一口, 原來是滷水雞翼, 非常入味, 但雞翼的肉質有點偏淋了, 滷水跟蕃茄湯底也不是很match. 吃飽飽, 回家去了.

次次嚟都必食豬扒+雞翼好味無法抗拒！！清清地一碗米粉，第一次送到面前時都唔覺有咩特別....不過聞一下已經覺得幾香碗粉份量都幾多，有2條菜，叫做平衡下啦先咬一啖豬扒，哇，幾好味喎唔硬，又厚又大件，次次都有2大塊；再食啖雞翼，正呀，好腍好入味米粉都夠滑。雖然湯底係冇味的，不過啲餸夠味所以冇大問題。自此之後，雖然有其他嘢想試，不過食5次都總有4次比呢2樣餸佔領咗我的食慾剛寫食評冇幾耐，有機會再介紹吓佢其他嘢食啦。

次次都係食芫茜皮蛋湯底米粉或者招牌菠蘿包。今次試新嘢。試試佢嘅鹹牛肉雞蛋芝士豬仔包先。因為唔會期望用有機雞蛋、藍芝士做，所以對佢都冇咩厚望。 但係我想講，佢個豬仔包真係好軟，好香~ 若果鮮油豬都應該吸引~

不經不覺, 華嫂冰室已經開左4間. 由一間位於元朗小村的小士多, 到現在開充到多個區域, 除了老板厲害, 總有佢過人之處的. 毎間舖都總係勁多人, 甚至渣埋車入去元朗總店, 都係一條勁長既人龍. 今日終於見到唔使點等, 可以去試下拉! 芝士咸牛肉蛋多士$22是店中其中一個出名的食物果然有佢既過人之處!正!不過食完感覺好有罪疚感, 因為太肥利了, 感覺不太健康. 

下午一點多午膳時間餐廳外超多人，大約有30人等位，亦有5-6人買左外賣等拎，由於附近冇地方泊車，所以買外賣拎走食，等左20分鐘我既外賣終於有啦，買左三款食物加飲品，外賣既包裝好特別好靚 秘製撈米線 HKD44話明秘製撈，撈汁緊係最重點啦，撈汁食落類似酸麻辣味，同譚仔某款小食既汁好似，唔算好辣，好醒神開胃，因為我係好鐘意食譚仔，所以好岩我口味，仲有勁多莞茜，鐘意莞茜既人見到真係加分，超正！配埋豬排,紅腸,午餐肉,青瓜，全部切成條狀，容易擺入口又易咬，麻辣青瓜配埋似煎或炸過既肉類，脆口又野味，成野碗都好好味，喜出望外，非常滿意，睇落細細碗但食完已經勁飽，口闊肚窄🤩 招牌蛋沙律多士 HKD22烘過既多士搽左厚厚既蛋沙律，再夾埋生菜,蕃茄,火腿，成件多士超厚，好重料，如果食哂兩件當早餐都夠哂飽，做早餐唔錯$22抵食 鮮油菠蘿包 HKD14菠蘿包好脆，加兩片牛油，香港人食過都知點好味法 樽裝凍奶茶 HKD22係我飲過好飲既奶茶之一，好滑好濃，不過$22一樽有點貴，冇睇價錢叫左樽裝，唸住樽裝冇加冰可以KEEP耐啲唔淡味，樽裝有logo影相好似特別靚，奶茶真係值得一試👍🏼 📸買左外賣去九龍灣郵輪碼頭

是日筆者放假, 要到觀塘做一點差事. 中午時分來到華嫂冰室. 平日中午十二時半到達, 店外至少有三四十人在等候, 果然是人氣店. 筆者只是一位, 所以只是等了十五分鐘便可入座, Lucky. 店內用上灰色的牆身, 落地玻璃, 空間感十足, 有點文青café的感覺. 看看menu, 點選了熱奶茶(HK$14), 招牌芝士咸牛肉蛋朱仔包(HK$21). 試一口熱奶茶, 夠熱, 茶味濃郁, 口感厚實甘醇, 很有水準! 招牌芝士咸牛肉蛋朱仔包, 朱仔包烘過, 入口夠脆口, 正! 內裏芝士味濃, 蛋香也濃, 但有點蓋過了咸牛的鹹香, 但也算有誠意了. 侍應很有禮貌, 服務不錯.

周六下午快三點到，遠遠地就見到黑壓壓一片人在排隊。在前台拿到的號碼是29，而當時在叫13號，順便看了一眼，裡邊大概有十幾到二十桌的樣子。朋友和我剛好都是不愛排隊的人，這次特地來是因為本人曾經路過兩次，都被排隊的人之多嚇跑了，第三次來有點不甘心再走了，便想試試排一次，所幸大概20分鐘就到我們了。點了三個比較招牌的菜，如果滿分100，份量大調味好的米線可以打75分，奶茶和菠蘿包並沒有太驚喜大概70吧🤔另外有網上外賣平台服務欸，不喜歡排隊可以叫外賣吧，不過肯定堂食比較熱辣辣～

已經唔係第一次食華嫂3點去到仲係咁多人等位-秘制撈米線（好好味👍🏻）-所向無敵餐蛋麵（正常野）-招牌芝士鹹牛肉豬仔包（有點鹹但都好味）-招牌菠蘿牛油包（好味😋）-凍奶茶（必叫，奶味好充實）2個人食埋單$125份量都多既所以兩個細食既可以叫一碗麵一個包share

去觀塘買diy 護膚原材料順便嚟探吓華嫂🤨華嫂真身不在只有華哥坐鎮，喺屏山度食閒閒地等成個鐘，而呢度都係好多人等但因為多座位都係等咗20分鐘，地方近麗港城、座落工業區當中，可能呢日係星期六人流不太多、兩個人叫兩個麵（豬潤魚肉丁同豬潤煎魚餅丁）一個波蘿油同招牌波蘿包、波蘿包略嫌不夠脆、一丁麵煮得剛剛好！豬潤同魚肉一貫水準不過不失,冰花奶茶香滑順喉值得一試價錢同屏山差不多但觀塘鋪有限定秘制撈米線同埋喇沙湯米線，都有好多人叫呢兩款新嘗試

今日有朋友係觀塘結婚所以一早過黎食過華嫂先天真地以為星期六少啲人等但都等左一陣例牌必食呢個每次黎都叫新鮮多士夾住煉奶同凍牛油唔係出面茶餐廳可以相提並論既今日試呢個蕃茄湯味濃唔似溝出黎亦冇味精既感覺

大大話話黎左呢間餐廳好多次，次次都係朝早8點就衝去食,因為我返工返9點加上一早去到都好快滿人，其實我好佩服呢間餐廳好有水准，雖然已經唔係新開但都仲keep 到個味道，算唔話得啦！不過塊豬扒感覺上愈黎愈細塊！今次我轉登星期六帶友人去，排隊排左好耐..1個鐘都有🙊下次唔好搞我真係...但為左帶朋友去食值得既，佢又好滿意！首先介紹飲品 我最愛就係話梅柑桔🍊酸酸甜甜好好飲，平時我都唔鐘意飲凍野但呢個係無得頂，反而我麻麻地佢出名既奶茶，覺得甜左d加上價錢都唔平又無咩特別，不過個支樽幾靚 想影相既可以外賣一枝另外我最喜愛系列，牛肉豬仔包，焗得好好又夠熱加埋牛肉芝士egg 特別好食，不過又講真點整都好食，但佢又整得好好食，講緊廢話😂總之黎到華嫂一定要試呢個包好食過菠蘿包好多！我最喜愛系列第二，豬頸肉紅腸午餐肉撈米線 有點辣辣地 好過癮，唔食得辣都可以一試加埋有芫茜....好野味！我決定外賣帶俾我阿媽試。今次真係又食又拎！豬扒米粉又係我最愛系列😋呢個就健康d 個湯係芫茜湯😊希望可以開返間係新界啦😛😛😋

華嫂由元朗開到岀市區。每日都大排長龍，果然好受歡迎。我公司在附近，如果唔想排餐飽嘅朋友仔，就可以打落去叫外賣自取，咁就可以減免不少排隊等候嘅時間。我今次食車仔面，都有十幾款餸選擇。如果轉湯底要+$8 ，聽落都有啲貴，但試左一次，果然都幾足料。值得一加。我揀左芫茜皮蛋湯底，湯料無偷工減料。讚。材料揀左魚皮頭同墨丸也不錯！份量對女仔嚟講係足夠。價錢合理。

星期六多趁打烊前趕到四點十分來到依然人頭湧湧誰叫今日是公眾假期呢🤦🏻‍♀️-每次來到必叫的招牌菠蘿包（HKD19）華嫂用的菠蘿包絕不像市面其他大型連鎖集團的「空氣菠蘿包」脆卜卜的菠蘿包入面夾了半融的牛油 煎蛋和番茄菠蘿包必須趁熱吃要不然牛油就會漏曬到包的底部😅🍳煎得不會太熟 中間還有少許蛋液 令🍍🍞食落不會太乾身🍅番茄是整個包最「清新」的部分它的出現反而令包食落的感覺不會太油膩和重口味整體來說菠蘿包的配料配搭得真係好好 完全沒有違和感怪不得可以如此暢銷🤤🤔🌟Rate:8/10-支裝華嫂奶茶（HKD14）有沖過奶茶的都知道茶和奶的比例真的好重要☕️而華嫂的奶茶是我飲過之中的表表者茶味濃得來又不會苦澀除此之外口感亦非常香滑兩者配合得好好 完全唔會互相override大家的味道🌟Rate:9.5/10-秘制撈米線（HKD42）好fusion－感覺是混合了泰／越式以及港式米線／粉麵特點配料有秘制豬扒、紅腸和午餐肉卻又加入了香草、辣椒、用醋等醬油混合而成 像是泰式的醬汁吃下去清新又不會油膩米線配合洽宜-點菜時特登叫伙計少辣，擔心會太辣試完之後發現一點都不辣，然後自己加了辣椒油才發現....原來華嫂的

成日聽啲人講到華嫂冰室神級好味，搞到我一直好想試，呢日咁岩經過附近就一於食下！嗰陣係平日下午茶時間左右，店外已經有一堆疑似等位的人，不過已經唔算多人，我地幾個人等左一陣就有位。不過店內啲枱都擺得幾密，搞到通道窄窄地，寸步難行，而我地就被安排同人搭枱，迫埋哂喺張細枱坐，膊頭掂膊頭咁滯，不過黎得呢啲港式地道茶餐廳就預左唔會坐得舒服既，快食快走。雞翼蕃茄湯通粉係我一直最想試既，賣相都好吸引，可惜食落又冇我想像中咁好食，雞翼係好味既，個湯睇落係好濃好杰，但就唔係咁入味，所以味道其實幾普通。咸牛肉蛋包幾足料，但唔夠熱，同埋個包本身有少少鞋同乾。整體來說，質素係唔差既，但又未去到啲人吹捧到咁高質。。

聞名已久, 雖然假日來, 但都唔算等太耐, 10分鐘內已入座, 芝士咸牛肉蛋包味道不錯, 唔算太咸, 如果是半生熟有蛋汁流出會更正, 紅豆冰是椰汁底好好飲, 紅豆好林, 唔太甜, 十分飽足