華嫂冰室 (皇廷廣場)

营业中

休息中

係觀塘翻工咁耐，其實華嫂一直都係樓下，不過每次經過見到咁多人排隊，就無心情去食佢真係好想問下啲同事，究竟係咩原因令你排咁鬼耐都要食佢，係愛丫？定係責任丫？最近終於揾到個無乜人既時間去試下，喂，又真係唔錯喎入到去，雖然少左人，但都係空間有限。由於平時早餐好多時都食麵，所以今次揀左米粉所向無敵餐蛋米，加多個熱奶茶食物方面，呢碗野都真係幾 所向無敵 既，外觀，味道都非常唔錯，剩係塊厚切餐肉已經值得其他茶記仿效，仲要搭多條菜，仲想點丫飲品方面，小弟一向愛飲奶茶，呢杯野係堅好飲，出面既茶記好多時飲落都有d涼茶味，但呢杯係無既，仲要滑，飲完當堂開心曬，十分值得推介整體而言，華嫂值得一去，推介比係觀塘翻工既各位

其實我已經光顧過呢間華嫂好多次，次次既食物質素都唔錯。可惜佢地既服務一般，出餐速度時快時慢，而今次我同男朋友一齊用餐，男朋友既豬扒烏冬唔洗10分鐘就上左，而我叫既肉眼筋雞翼煎蛋米粉足覆足等左半個鐘！ 係等左20分鐘既時候，我地同其中一個男服務員講：我地碗麵等左好耐都未有，可唔可以跟一跟？ 個服務員只係拎一拎起張單 求其睇左一眼hea： 排緊隊，等等啦！ 之後完全冇跟進過！過多幾分鐘，我地再向另一位女服務員講我地既情況，女服務員既態度就好好，即刻幫我地跟進，過左大概8-10分鐘我碗麵終於到！而女服務員前後不斷都有講到唔好意思！一直華嫂都有好多人排隊，我覺得主要既原因唔係因為佢地太多人食，而係佢地出餐時太多甩留，導致好多食客都要等同行既朋友/同事既餐，導致遲遲都交枱，出面排隊既食客繼續排隊，我認為佢地應該要改善一下佢地既出餐既準確度，同某啲員工既服務態度！

餐廳位於敬業街，不近APM, 要步行差不多10分鐘。大熱天時的天氣下，真要好好想想還要來嗎。抱著期待的心情試呢間有名的芝士咸牛肉朱仔包，在門外等位期間，看看餐牌，原來餐牌只有一個，沒有套餐，飲品要加$11一杯好吧，心想就試一次看看有多好味！從門外望入餐廳，內裡座位不太多，十分擠擁。環境裝修也一復，感覺跟普通茶餐廳冇分別。剛好有人埋單，下一張應該輪到我吧！誰知門口的收銀突然說截單，今天要收舖了，她的態度十分差，在門外苦等最後竟然是「截單」。

今早約了朋友去官塘敬業街那間華嫂冰室吃早餐。當時大約九點半，等候的人很多，等了十多分鐘才入座！兩人各點了一碗芫茜豬潤魚肉公仔麵（可選米缐，通粉）另點了招牌沙律三文治、鮮牛油多士及凍鴛鴦。碗豬潤面，內容豐富，魚肉豬潤新鮮味甜，配上大量的芫茜，十分和味。招牌沙津三文大件抵食，亦十分可口，外型吸引。再來果件鮮油多，香脆，但因為混了太多練奶，太甜而奪了鮮牛油的甘香味，而較失色！凍鴛鴦平凡一點，可能淨叫凍啡會好一點吧！

今日去開觀塘順便去華嫂冰室食返個午餐，我地十二點鐘就到，因為未到lunchtime 所以排了十五分鐘入去，坐低即刻叫左個招牌菠蘿包，喇沙豬扒米線加一杯冰花奶茶，喇沙湯底好野味好濃，值得一試

平日不做晚市的華嫂，得趁著假期才能再來。這天天氣不很好，間中下點雨，因此排隊的人也少一點，可以早點進去。一直念念不忘它的咸牛肉芝蛋豬仔包。豬仔包脆脆的，配上鹹香的牛肉、半融芝士和反蛋，很好吃。檸檬益力多也是本人必點，酸酸甜甜好清新開胃。反而麵類感覺遜色一點，芫茜湯底算是比較合口味，豬潤沒有「壓」味。蕃茄湯底略嫌太濃厚，吃幾啖便有點膩。鮮牛還不錯。下次再來華嫂，乾脆只吃麵包好了

排隊大概30分鐘就入座.裡面滿滿客人.東西也很快上桌.叫了他們招牌菠蘿油.其實我滿期待的.但是吃了一口覺得冷的就算了沒有脆度.只是多了番茄跟生菜就多貴了10蚊.有點失望.下次應該沒什麼意願排隊了

一到星期六就想吃餐好的start the weekend！時不時就會想吃這間華嫂，近近地價錢吸引又好食！不過就要不怕麻煩的排長—————籠。今天又想吃華嫂，朋友很好的先去排隊。去到不用等很久就可以點餐。不過點餐後依然要等，等，等一段時間才真正可以入去食！吃過很多次不過每次吃都是那幾款😂。招牌蕃茄雞翼豬扒通每人一碗麵一杯奶茶。雞翼很滋味雞肉夠嫩味道夠濃但不會咸。豬排同樣滋味啖啖肉，不顧儀態的大口大口吃。麵的份量不多，懷疑男仔來吃一碗的話應該不飽吧。最愛的蕃茄底，濃郁得很！好像較濃茄醬的味道。今次點了咸牛肉雞蛋三文治很好吃！第一次試這個，熱哄哄的上枱我們馬上放入口吃，驚喜好吃！咸牛肉味道調得很惹味，加上三文治百搭的雞蛋，再配了不會厚身的白麵底，每一口都吃到又香又可口的牛肉！下次我要再點這個Encore!

聽過呢個名好耐，終於有機會食到❗️ 如果去觀塘呢一間華嫂嘅話，記得記得佢係開星期一至六同埋唔早晚市🤦🏻‍♀️ 話說小女已經摸過門釘。星期五下午嘅門口已經排左好多人，等左十分鐘左右就有位。等緊嘅時候，店員就會幫你落order，佢個餐牌係冇set 架，全部都係散叫的。我地叫左麵餐，見到好多人都叫喇沙湯底🤔，所以我地都叫左個豬扒喇沙米線同一個餐肉芝士腸米粉。 喇沙湯底幾足料，芫荽、豆卜、雞蛋同芽菜都有👍🏼👍🏼😋😋 豬扒炸得幾好，肉味夠，咬落d肉又淋😋😋 唯一唔好就係d米線🙈 煮到淋曬同好碎🙈 至於另一碗，雖然唔係特別嘅湯底，但佢塊午餐肉係厚嘅同埋食到係有質素嘅，而芝士腸都有雙妹牌嘅味道🤤👍🏼👍🏼 整體黎講都幾好。👍🏼

今日經過開觀塘，見黃雨咪去華嫂⋯一心諗住會少人d, 行到去都唔少人係門口等⋯算吧啦！我一條友應該唔駛等好耐掛，竟然一場黎到咯⋯⋯好在，等了大約五分鐘就到我了～芝士咸牛肉煎蛋豬仔包：上次太晏黎賣曬食唔到，今趟必定要試試看豬仔包焗過脆包面，咸牛肉係自家裝（唔係罐頭咸牛肉），隻煎蛋唔係全熟會流黃架，芝士襯曬個包和隻蛋，好好味！～樽裝奶茶：查實小女子好少飲奶茶的，但知道它們的奶茶也很出名，就試一次吧！奶茶不太奶，有茶味，對於唔太鍾意奶的我就覺得不錯啊！很滿足的一餐！

唔駛遠征山旯旮都食到華嫂冰室皆因官塘都有！其實都開咗好幾年，每次經過都人山人海，嚇親小妹😅好啦⋯⋯今日做野做晏咗，午餐變下午茶，咁即管俾個機會佢，行去睇下多唔多人？都係滿座，但好彩等一張就有位😁，終於有機會試到。好肚餓...好肚餓....華嫂招牌菠蘿油已經滿足唔到我....何況梗係要試食d元朗總店冇𠺢啦⋯⋯就係秘製撈米線🍜！嘩😱見到真係大大碗，鋪滿哂紅腸🌭、午餐肉🐷、豬扒同青瓜🥒，盛惠$43。秘製麻辣汁同米線好夾，加埋青瓜爽脆，真係要俾個like👍🏻，廚房俾配料真係一d唔手軟，我食到一半已經飽咗！如果兩個人黎不妨考慮叫一碗share，再加多件招牌菠蘿油，咁就一☝️次過滿足哂兩✌🏻個願望。#foodblogger #gotravelwithandie #食玩焗煮遊世界 #hkfoodie #hkig #華嫂冰室 #官塘店 #秘製撈米線

撞正黃雨走去朝聖😆😆😆，不過如題啦！不枉此行👍🏻👍🏻下次好天我會再去🤨🤨一坐低整杯咸擰七👏🏻👏🏻👏🏻大大粒咸柑桔！就算出面落大雨，嗰一刻都即刻fresh 唒☀️☀️☀️一睇歺牌已經好吸引，有好多野想食😋😋但肚仔有限，唯有選擇最想食嘅先🤟🏽雞翼冬蔭功米缐：雞翼係鹵水嘅，超入味囉👍🏻👍🏻冇得彈！咸牛肉芝士蛋豬仔包：一黎到熱辣辣😍😍已經想一啖咬落去，d芝士又溶溶地，夾埋個咸牛肉，簡直就⋯都吾知點形容！總之令到你好滿足，好想再食多啖😋😋😋

久不久要放蹤一下食一點邪惡美食😈🌭鹹牛肉蛋豬仔包 | $22簡直是無可挑剔的完美❗️麵包烘至微脆上面舖滿芝麻更添香味鹹牛肉多到瀉出來 而且非常夠鹹香重口味人士至愛😍切開就見到蛋煎到蛋黃剛熟有微微溏心的狀態實在太好食😋🥗秘製撈米線 | $43集我至愛於一碗撈米線紅腸、豬排、餐肉、青瓜、芫荽每樣味道都好好 華嫂豬排從來都是咁出色秘製醬汁酸酸辣辣勁惹味😋加上炸蒜花生更香口 又增添脆脆口感超重芫荽味 怕芫荽的可能要叫其他麵食啦

猶記得第一次到華嫂吃到的食物令我有點失望。 不過我明白不論餐廳有多知名、多好評……也不是每樣東西都好吃都啱所有人口味！ 由於華嫂在我家附近，所以可耐心地尋找他的美味之處我和蝦子餅時間彈性，(平日)早上起床梳洗更衣出門已是10:45， 這時華嫂人潮高峰期已過……我們可以嘆慢板了咸牛肉芝士蛋菠蘿包……話說某日豬仔包和多士同時售罄，"舅父"向我推介這個配搭的……果真好介紹豬扒(碎上)通粉……華嫂嘅豬扒也是蠻不錯的，調味適中， 雖肉質不是超軟滑…但絕不鞋口！香煎鯪魚餅……久不久就會點這個懷念一下兒時的味道！ 鯪魚肉彈牙可口煎得香又熱辣辣

星期六的午飯時間華嫂冰室門口站滿了候位的人群但輪候速度比想像中快大約等了接近半小時便有位了～入座前先點餐，其實入座後還可加單的！我和親戚一行四人點了三碗粉麵&三份麵包/多士share檳城喇沙湯米線，可選豬扒﹑肥牛或雞翼我們就要了一豬扒，一肥牛另點了一碗秘製雞翼米線，加$8轉冬蔭公湯底還點了招牌菠蘿包﹑招牌芝士咸牛肉蛋朱仔包及鮮油奶多檳城喇沙湯米線，份量好足！豬扒好大塊，肥牛的份量亦不少～～豬扒的肉質夠稔不粗糙！喇沙湯底味道香濃，帶椰汁香～～豆卜吸盡湯汁！正！秘製雞翼冬蔭公米線，這碗米線相對失色鹵水雞翼夠稔夠入味惜冬蔭公湯底偏酸而不辣，也沒有菇菌及香茅的味道，不習慣這種味道！招牌菠蘿包，夾著蕃茄﹑蛋和一大片牛油菠蘿包外脆內軟，但味道普通，不算好特別！這三款材料不能共同營造出惹味的味道！招牌芝士咸牛肉蛋朱仔包，是眾多食物中，力推的一款用料十分充足！咸牛肉香而不過鹹，半溶的芝士加上咸牛肉本來已足夠惹味再加上半生熟煎蛋的蛋汁滲透在芝士咸牛肉之中三樣材料再加上香脆的豬仔包，美味至極！！惹味而不覺得膩！！！鮮油奶多，最後以此作結烘得焦脆的多士，夾著凍鮮油及澆上煉奶味道不會過甜過膩～份量亦比部份茶餐