菓一道 (已結業)

這個蝦球蟹柳煎蛋湯米線,只需$22,連熱飲(我叫咗杯熱奶茶,味道拍得住茶餐廳添).講番個米線,湯底很清,米線亦很易入口,蝦球都有三兩粒,仲有兩舊蕃薯及不少椰菜,頗健康,又扺食.

Tea set提子多士 + 提子干、菠蘿、粟米沙律低糖綠茶個提子多士嘅麵包好新鮮鬆軟，唔會好甜，好味！個沙律嘅沙律醬適中，唔似其他茶餐廳咁多沙律醬，夠晒健康，正！

今次估不到又有機會來見餐晚飯，可能是要戒口的關係，所以腦內也想不出有再好的選擇了。今次吃的是白汁蜆肉意粉，發覺意粉都幾彈牙，冇一般煮得太諗的弊病，驚喜。而其他食材都好新鮮，令到整體感覺都很清新，完全不像是Food Court質素，所以又驚喜。白汁是清清的，我覺得都好夾食材，不俗。配上足料南瓜西米露，又是滿足的一餐！當然會再來Encore了！

要吃得健康，除了自己煮之外，出街食真是沒有甚麼選擇，素食是健康但素食店多數會落好多油煮，營養價值都不高。今次在Food Court見到有以健康為主打的食店，實是喜出望外。晚餐的湯麵都只是$20-$30，算抵食之外，選擇都不少。點了雜菇蛋湯麵，送南瓜西米露。先吃西米露，發覺質素都好，西米露稍嫌過諗，但整體感覺是落足料。可能我本身都喜歡較淡的口味，所以覺得麵的湯底夠清夠甜，感覺都幾健康。配料是很普通而蛋也有幾多油...但總括都算是較為健康的一餐了！可以Encore呀！

這間可算是近年少有，以清淡健康為賣點的食肆叫了一碗肉腸煎蛋米粉，真的十分清淡湯底好明顯沒有味精，雖則健康，卻是淡薄無味肉腸煎蛋再配上一些清菜、蘿蔔，味道偏向淡，很有吃齋的感覺對追求健康的朋友來說，這間食肆實在是上佳選擇價錢方面，十分抵食一碗肉腸煎蛋米粉，加上餐飲，也只是二十元正！

$26的餐連飲品,果汁則要加$8,所以只叫了熱奶茶,它是用蔗糖的,驚喜的是這裡的奶茶味道不錯,很有茶味,亦很濃.意粉本身不硬,沙茶醬味道不會太重,肉醬的味道也不錯,火雞肉也出期地有口感,整體上不油膩,味道不錯.$26的價錢雖然不是平,但不會覺得不值.

之前喺黃埔嗰間食過幾好,但要五六十蚊,頗貴,諗住呢間係快餐形式,價錢平啲,即管黎試.點知都唔平得好多,一個雞扒紅米飯加飲品都要三十四蚊,咁我叫咗個最平既龍脷柳煎蛋意粉飲糖水,二十二蚊.嘩!好清,真係好清,個湯意粉同個木瓜雪耳糖水啲味道真係清過清水,名副其實健康餐,真清淡.

很少去旺角嘅, 今日見到food court有菓一道,即刻搵位買嘢食.同朋友叫咗個意粉同炒飯, 但係發覺food court嘅食物水準同餐廳的相差太遠, 兼且個炒飯同意粉都唔夠熱...令我有點兒失望.其實佢哋餐廳嘅嘢食做得唔錯, 但係點解food court可以相差咁多.不如做番餐廳啦.

到樓上KTV 後，大伙兒經濟地吃頓方便晚餐。food court 的好處就係各自選擇喜歡的。我選了「菓一道」是因為經濟和扮健康！晚餐附咖哩雞肉、糙米飯、翠玉瓜，飲品選了熱奶茶，才賣$30。店家宣稱熱量僅4xx 卡路里。以正常成年男子的晚餐，4xx 卡路里其實算少！味道好味，糙米飯質地有趣，証明我唔係食軟白飯的真正男子漢，哈哈！為了那糙米飯，應該會再幫趁。

食了午餐，叫左粟米沙律加提子厚多($18)，仲有野飲送，原先而為會唔夠食，但原來係剛剛好，沙律好清新，有粟米、提子乾和蘋果。提子厚多很軟熟，外面就好脆，這一頓午餐既滿足，又健康！最抵讚係列埋卡路里，食得很安心！

去親foodcourt都心大心細*樣樣都好想食=Ｏ=由於時間有限(得半個鐘時間食)最後揀左黑椒雞扒紅米飯+糖水黑椒雞扒紅米飯:: 紅米飯硬度適中好有口感D雞扒又夠味.. 非常唔錯!!糖水係海帶綠豆沙:: 好多海帶又唔會太甜..好好好味*哈哈健康得黎又好味!!食飽飽趕住入場睇男兒本色

依間既selling point係以健康既食物為主, show 出黎既午餐, 都係好符合健康金字塔, 多菜少肉~ 今日叫左個雜菌蜆肉天使麵, 好香, 加了很多香草, 同時配菜用翠肉瓜絲、冬菇、雞脾菇, 不過個汁太稠, 濃一點比較好。

早幾日同朋友仔去睇戲前黎食飯叫左二人餐只係$50超抵食包括兩款任選湯麵或炒粉或炒飯+蔬菜一碟+飲品/糖水/湯兩杯選左沙嗲雞粒炒意粉同煙鴨胸炒糙米飯飲品要左水蜜桃紅茶同雪梨牛蒡齋湯沙嗲雞粒炒意粉好好味,加埋翠肉瓜,蘿蔔絲,雞脾菇一齊炒,好有口感夠味又唔油,意粉亦唔會過淋,推介!!!煙鴨胸炒糙米飯全部材料切到細細粒,好易食又有口感,味道亦ok,但因為食左炒意粉先,所以先入為主覺得無咁好味兩樣份量亦足水蜜桃紅茶唔會太甜又夠凍,ok雪梨牛蒡齋湯好清甜,除左雪梨外仲有紅蘿蔔同粟米,合晒我心意但流程上差左d因為佢唔似大家樂大快活o個d咁快有但又無俾牌仔你結果害我企足至少十分鐘先拎到

今日試過佢既黑椒雞扒紅米飯配冇味精中式例湯.紅米飯有點太淋,硬一點會口感較好, 例湯好像是眉豆黃瓜蘿蔔湯,湯渣不多. 整個餐份量也不多, 而且又冇黑豆漿供應,有點失望.....算是ok!

太太到過尖沙咀分店食過一次，覺得都可以，所以星期六晚我o地就揀o係呢度食晚飯。食物同想像中咁上下大碟（都好o既，好過某o的舖頭太大碟o徒晒），不過當然冇o的sample 咁精緻啦。味道比想像中好，連湯都真係冇味精，意粉同材料o既比例做得好好，唔會淨係搵意粉塞飽你，雞扒又去埋皮，但又唔會失去肉汁同味道，算係唔錯。唯一一樣要彈o既，就係我倆口子都要意粉，居然畀餐具時都只得筷子，未夠細心啦，但一問就即刻補返，都ok。