影片
以上资料只供参考，请与餐厅确认详情
平时都唔写食评，但呢间真系想comment 下。个日谂住经过食碗面，未食过呢间野谂住叫样最稳阵，生牛肉汤河味道应该都系同出面差唔多，黎到个汤系冇味，牛肉好"un"冇牛肉味，一d 都冇越南风味，可以话系我食过最难食既生牛肉汤河！！🤨
继续阅读
同朋友一齐食午饭，自己叫咗个黄咖哩猪颈肉饭，谂住份量都系普普通通啦，点知上菜时系一大碗，无错系一大个碗，比其他食过的越南或者泰国餐厅的份量，可以算系多好多。卖相不错，味道亦不过不失，虽然d咖哩就水咗d，自己比较钟意「杰」d浓d。咖哩亦唔辣岩晒口味，但for食开辣的人就不适合。不过，最重要都系份量多，填到个肚饱一饱好满足。而午餐送埋饮品叫咗青柠七喜，系几好饮。如果旨在食饱其实可以一试，无讲到咁差....
继续阅读
好耐冇去过坚尼地城，听闻厚和街有好多间餐厅，今晚在地铁站附近听完 seminar 后，就贡去睇嘢有咩食。可能夜的关系，很多餐厅都打烊了。 唯独是呢间莲越坊最多人，于是毫不犹豫就走了入去。我叫左个生牛肉金边粉，味道一般。汤底唔算好浓，生牛肉嘅份量都多。上青柠时无跟辣椒粒，要问先有。辣椒粒唔够辣。老婆想食清淡啲，就叫咗个青咖哩杂菜饭。饭送到的时候见到佢有三件略略煎过的豆腐，但里面其实冇乜杂菜。 另一个不足之处，可能杂菜水份太多，食到尾时啲咖哩汁都变晒做咖哩水。另外叫咗一个春卷做小食，呢个相对ok. 不过4旧春卷配两块生菜，就好似少咗啲啦。
继续阅读
越式既粉面系我最喜欢既菜式之一，之但系要整得好味就唔容易。小弟同朋友仔今次去到西环士美菲路个边既厚和街试左莲·越坊，叫左河内牛爽腩金边粉 (HKD 55)同埋手撕鸡金边粉 (HKD 50)。佢地系不收加一既。两碗金边粉既分量都尚算适中，调味料如柠檬同辣椒都有跟足，而且都有健康既蔬菜。 牛腩非常爽口弹牙，口感唔错，汤底浓郁，非常有越南风味。 另外个碗既汤底相对清甜，手撕鸡分量多，而且又啖啖肉。其实佢地都仲有小食如炸虾饼，香茅猪扒，猪颈肉等等。 不过唔想眼寛肚窄，留番下次再encore过。
继续阅读
本身食开越盏，今日做野行经见到有间越南野，咁啱个肚饿饿地，咁就去呢间野食个靓饭。食开越南野都必食生牛河，而呢间啲生牛河个汤底真系不得了，无味精，加埋啲生洋葱，牛肉同河粉，简直一流。我食到连汤都无剩一滴咁滞。另外试左个滴滴咖啡，先知原来越南咖啡系用练奶冲，味道几特别，有兴趣既朋友可以一试。而虾饼系即叫即炸，上枱仲有烟出，入口外内爽，朋友见我食唔停口，都忍唔住嗌多左碟食！一件$20,手掌咁大件，抵食！！
继续阅读