蓮香茶

营业中

休息中

呢杯野你可以唔飲, 但一定要請你朋友飲! 蓮香樓旗下茶飲店，呢杯「殘雪半響」真係一試難忘，堪稱茶飲界既藝術品。首先，奶泡做到極致，稀薄得嚟仲透光，完美呈現「輕如鴻毛」既概念；茶味就更加精彩，淡到只剩下想像空間，畀你自己發揮創意感受。至於整體味道，水、奶、茶三者互不干擾，互不打擾，達致前所未有既平衡——即係冇乜味。真係好飲到想立刻分享畀朋友，一齊經歷呢杯人生清淡得嚟又咁深刻既飲品。蓮香樓今次真係出手不凡，將「飲唔飲都一樣」發揮到極致！

茶味好淡，水清茶寡。唔會再試，好似一杯淡奶溝水。講得出好味嘅嗰啲人唔知收咗幾多錢。每次經過舖頭都想叫，卒之嗌咗外賣，唔試唔知，一試真係嚇咗一跳，杯嘢飲係可以破壞你一日嘅心情。犀利。！從來都唔會打食評。真心要打出嚟防止大家中伏

蓮香樓下 · 手搖飲品店 #蓮香茶 📍#雲泡系列 浮生若夢 $38法式花茶湯、雲呢拿雲泡、玫瑰花碎 + 蒟蒻 (+$5)店舖內有擺放茶餅類禮品出售，不期然對茶底滿有期待法式花茶味淡，選擇咗微糖 - 能隱約飲到花香味雲呢拿味奶泡製作過程非常ig-able📸 相對坊間常見嘅奶蓋，口感相對light好多但唔知係咪泡太滿… 未打卡已經滴緊出黎，店員叫我先飲 (唔好等埋朋友嗰杯)‼️我好似平時飲奶蓋嘅方式，務求一大啖同時有泡泡+茶嘅口感，點知連玫瑰花‘粗碎’都飲埋，‘生吞’花瓣好raw好澀…🤫🥲建議用飲管冇咁‘lei hea’

好耐之前都有去過蓮香樓飲茶食野，呢排知道出左蓮香茶，當然要黎朝聖下。今日係中環食完個晏就上黎揾蓮香茶了▪︎餐牌▪︎▪︎餐牌▪︎同朋友叫左2杯凍茶▪︎殘雪半響▪︎$38▪︎浮生若夢▪︎$38左邊杯係“殘雪半響”，茶底係山茶花烏龍，面頭係全脂奶雲泡、榛子碎。-山茶花烏龍比較少見，味道清幽，飲落清新解渴，係我鍾意既味道，濃度適中又有特別既茶味。雲泡有少少唔同出面既奶蓋，佢比較綿密，不過係條街用飲筒行住飲，所以雲泡試左少少。右邊個杯係“浮生若夢”，茶底係法式花茶湯，面頭係雲呢拿雲泡、玫瑰碎。-友人飲呢杯，唔太岩我口味，因為佢係花茶個類，加上友人好似無小甜？微甜既我就普通，加上唔太鍾意飲法式花茶。不過應該岩友人口味，見佢都好快飲曬成杯🤣玫瑰味重既法式花茶，呢種茶的確要帶點甜味先好飲既。整體黎講，如果黎開中環都會再試下其他茶❤️

蓮香樓細細個都成日去飲茶，每年中秋都有罐月餅看門口！最近重開，雖然轉左老細，不過都去試下懷緬下，去到最驚喜係地下加入了手搖茶，分為五類，奶茶、檸茶，果茶，雲泡，純茶系列。叫左杯寒天蜜桃烏龍茶…估唔到又唔錯，茶味唔錯，其他當然係糖水黎。跟手老婆再叫杯浮生若夢，呢次有雲呢拿味泡，試左幾口，就直接拌成奶茶，雖然唔知茶底是甚麼，但又出奇地夾，味道甘香，最後係紙杯設計好靚好特色，最貴$38杯黎講，價錢都可接受