蓮花齋 (已結業)

中秋過後，不想肚仔大過南瓜，難得假日，同家人去區內稔熟的蓮花齋食午餐去。其實是次數不清第幾次來臨，以往在FB東涌社區群組推介過此臥虎藏龍之素食餐廳給區內居民認識，不少外藉素食居民趨之若鶩，紛紛表示支持陸續寫食後感。相信住東涌居民皆嚮往環境舒服，遠離自由行的食肆用饍，蓮花齋的出現真的讓人驚喜！食物更不在話下！ 蓮花齋外的宣傳單張，免費泊車雖然不是佛教中人，但此尊多子佛像擺放很有恬靜襌明的感覺。休憩的涼亭在市區素食餐廳較少有，環境一流紅燒枝竹油煲（$78）：有食評留言表示食物過鹹，我也認真求證，小的食過不下10次，真的從未覺得有鹹到猛喝水的感覺。而此枝竹更是炆得恰到好處，配冬菇做的素油，送飯吃可口極了椒鹽鮮魷（$68）：年輕人總喜歡食香口餸！ 此椒鹽鮮魷口感極似魚片，但細看認真了花紋的！ 即使椒鹽都不鹹！ 老闆推介兼本人推介！ 潮州煎素蠔餅！內裡蠔仔軟軟口感係咩嚟架？有紫菜軟q如麻糬的質地，再有芫茜馬蹄的清香爽脆卻不搶。。。真係好好味好好味好好味！最後埋單只是二佰多！ 嗚嗚！其實人家很想食很多菜式！ 如招牌蜜汁素叉燒！ 半肥瘦都做到嘅神奇！ 可惜太大碟吃不下！， 下次必定召集多些人再

今天午飯小泰皇無開，路過此店見裝修幾靚，於是入去試下，結果中伏。個menu 好多唔同「肉」，根本唔知係咩，最後叫了三個菜一個飯。蒜蓉菜心味道算正常，但好細碟。芋頭魚唔香脆，口感比較實。有碟唔知咩炒菇（唔係我點菜）超級咸，要狂飲水。最慘係連碟鴛鴦飯好重「獻」，飯好濕，一舊舊，食左兩啖已經唔想食。枉個職員點菜時仲同我地講，香港無咩地方食到咁平既齋，又好熱心推介，賣花讚花香，結果十分令人失望。總括黎講：無下次。

最近聽說東涌新開了一家素菜館，離東涌站有點距離，在東涌大嶼山巴士總站可轉乘往大澳的11號巴士，在下嶺皮村下車。餐廳環境清幽，磚紅色的三層平房，走進大門是一個小小的庭園，正中央是一尊白石「多子佛」，笑面盈盈就好像在歡迎每一位食客，庭園中有雅緻的餐桌，食客可選擇室外或室內雅坐。此外，餐廳待應們親切，招呼週到有禮。餐點方面主要以味道為先，據說掌厨的師傅們都是三十多年功力的大師級人物，層於香港有名的素菜館打拼，現時幾位退休師傅歸回田原，立佛堂設素館。晚飯小菜消費大眾化，小菜平均七、八十元，但值得一提的是其份量絶對比一般「齋舖」足量，一個焗飯足夠四位男士份量。餐廳待應推介的「秘製叉燒」和「焦糖雙脆」都必吃之選！此外，據說中午有「素」食自助餐，每位約78元。

應約與數位家長朋友一行十三人，有大有小，一起往吃自助齋宴。人多，所以家長朋友已預早訂位，唯抵步後，蓮花齋的負責人謂沒位了，聽到，即時火起，負責人即安排我們到二樓去，我仍表不滿，並謂我們有小朋友，拿著食物上上落落極度不便，本人表示非常不滿，但只得無可奈何地接受。也許負責人已知道不妥，遂建議謂將食物傳到二樓去。我們當然接受。走到地下看，視察環境，舉目一看，十多張桌子，每張桌子可供五至六人使用，並滿坐，但自助餐安放食物的桌上，好像六碟食也沒有，不是吧！而她們官方臉書內的圖片至小有十碟左右。回到二樓，家長朋友們也見勢色不對，決定改為散叫。吃了什麼齋菜實在不想浪費筆墨多敖了，重點是食物有油溢味，份量少，就連炒飯也做得不好。負責人也見勢色不對，問我食物得吾得，大家冷漠回應後，負責人謂贈予一個湯羹讓我們品嘗，但媽的，湯羹上桌時只暖不熱，真的懷疑是賣剩庶。大家也沒飽肚，唯有轉戰茶餐廳去。這店，不去也罷！

本人一向唔鍾意食肉，住咗東涌好多年，區內全部都係肉食店，除咗可以去羅漢寺食齋外，想食餐素都唔容易，難得聽到街坊講話村屋嗰邊有一間齋舖開咗，就即管中午去試吓，逸東邨行過去下嶺皮果條天橋一落就見到，鋪頭有室外又有室內嘅座位，中式格調優雅，佢有自助午餐，不過我就鐘意散叫，今次叫咗羅漢齋炒麵、芋頭魚、同南瓜翅，當中芋頭魚最掂，炸得好鬆化入邊芋泥又唔會好實，好食，其次南瓜翅都好味道又夠熱，羅漢齋炒麵就普通，因為我一向無相機先食習慣，所以冇影到相，下次再幫襯時補返。

今日收到媽咪電話話要入東涌食齋~心諗:下東涌!食齋!咪玩啦…我只知天壇大佛有齋食,唔係要我同佢上到咁高食呀…本來想同佢講話轉地方食既時候,我媽咪話朋友介紹而且係新開既~聽到咁梗係應承佢啦…坐車去逸東邨再行5分鐘,去到外面睇就係村屋無乜特別~因為唔覺入面有野食!好似私房菜咁!入到去就見有一個涼亭好優雅!入到屋就坐低,有人招呼叫左幾個小菜~(因為都幾多人食,所以出菜慢)叫左羅漢齋炒麵,甜豆百合淮山炒雲耳,粟米粥,蓮藕餅同咕嚕肉~炒麵好脆又唔油唔咸淮山百合好清新又唔潺,好香薑汁味蓮藕餅本人覺得驚喜,出面餐廳食唔到既味~粟米粥媽咪話要食,但又好好食喎~粟米唔係用罐頭既!不過咕嚕肉既肉本人同媽咪就唔多like因為好硬總括黎講呢間俾到驚喜我!又唔油又唔咸無味精~老闆娘話佢既菜式全部都係想保留原味~唔想食得唔健康!呢個真係讚!讚!讚!下次再去食過