莫老爺桂林米粉 (已結業)

得知深水埗開咗間桂林米粉並且主打脆皮五花肉，心諗唔使再淨係掛住元朗嘅陸記，九龍終於都有得食。個湯同個粉都係冇問題嘅，配料多而且令口感更豐富，只不過敗筆在於其主打嘅脆皮五花肉，好薄，碗粉上到檯嘅時候啲脆皮已經唔脆，又腍又奀，而肥膏同肉嘅比例就直情係九比一，得肥羔，見到有少少肉質但係咬落去都只係感覺到係肥膏，總之就係唔好食，而且店員亦懶懶閒，我揚手佢行過都見唔到，落單時亦沒精打采。如果有心想進步，真係希望向元朗陸記絕代雙豬粉學習，人哋脆皮肉夠厚，脂肪同肉嘅比例係層次分明，而且啲脆皮即使係浸係湯入面，食到尾都仍然保持到脆口。

真係一陣獨特嘅酸臭味呀 < 牛丸桂林米線清湯(微辣)>配菜有好多: 香菜、筍絲、花生、蔥花、芽菜。 原本叫咗清湯, 但係都有微微嘅辣味。 而清湯定非普通嘅清湯, 都係有嗰陣獨特嘅酸酸宿臭味。 我個人覺得嗰啲酸酸臭臭嘅你應該係嗰啲醃製嘅筍絲發出來的。牛丸有五粒, 鮮味彈牙, 牛味充盈。 桂林米線比到我哋食開嘅米線再粗啲, 質地好彈牙, 更加滑。 總括嚟講: 感覺好特別, 味道亦好好, 份量非常充足。<自家製豆漿> 係真真正正嘅自家製、自己磨嘅豆漿, 黃豆味非常濃郁, 入口清新, 令人心曠神怡。而且呢間舖仲充滿人情味, 老闆好好人, 招呼好周到。 環境亦尚算ok, 乾淨企理, 坐得幾舒服。

早前螺螄粉在香港掀起一陣熱潮 我都唔執輸係淘寶買左好幾款試試😳😳獨特的螺味同荀味令人一試難忘😂🙈今次行過深水埗 第一次見到有鋪頭賣螺螄粉又點可以唔去試試😶呢度專賣滷水粉同螺螄粉 而我當然叫左個G餐試試😈第一眼見到個湯就估佢應該唔多辣 結果佢真係完全唔辣 要自己再加辣油☹️雖然碗粉幾大碗咁 又有好多脆皮係面 但係冇左陣螺味同荀味🤢 令到成碗面有啲寡🤢🤢未試過正宗螺螄粉所以唔知點先算正宗 但呢間感覺比較清淡 如果你食慣濃味就可能會同我一樣唔多鐘意❗️

之前經過呢間店，見$38一碗價錢都幾抵，就一試愛上了食過佢既大腸桂林米粉，平時好驚出去食大腸洗得唔乾淨，或者有陣味。但呢度既大腸完全唔腥，仲好有咬口不過最近見佢出返螺螄粉，我係螺螄粉fans就梗係試下啦！係香港真係未見過有得食。湯底微辣，好香，而d人話好臭的酸笋一d都唔會臭，有少少甜，好食！其他配料都好足，包括腐竹、酸豆角、雲耳同埋花生想試下螺螄粉既人可以試下呢間~不過美中不足既係因為我叫外賣，拎到返去d湯都差唔多冇晒，希望店家可以出分湯既選擇

去深水埗買電腦，本來順便打算食拉麵，看見一個易拉架介紹新開的桂林米粉，所以轉軚一試，地點也正正在地鐵站外面，佔盡地理優勢。雖然也只是地痞小店，叫做光猛企理，連椅子也有點特色，不過中間冷氣機滴水滴得過份很久才有人理會。店內主打桂林米粉，主要的幾款也是劃一38元。我和老公點了一個推介的鍋燒脆皮肉、螺螄粉，以及涼拌青瓜。桂林米粉其實像是米線，但更粗更滑溜，口感不錯。脆皮肉就算不上是「脆」了，但這塊燒肉算是不錯。雖是清湯不辣，但有酸豆角、香菜等等配料，吃起來味道也不會太清。至於老公點了螺螄粉，只是非常微辣，很易入口，麵身較幼，亦比普通米線更煙韌。唯一奇怪是螺螄粉內卻找不到一粒螺螄，不知是我少見多怪還是甚麼。但總括來說，以38元來説這間餐廳算是抵食，行開深水埗要醫肚也不錯。