莎樂美餐廳 (已結業)

今日(30-5-2015 Sat)等男友放工後一齊去食晏買o野,我o地o係千色店等,等到佢後諗食咩o野?Pokka已經冇乜位而且貴,於是我提議莎樂美,o黎到重有啲位,我o地問侍應可唔可以坐卡位?佢答留俾四人坐,要我o地坐走神o既二人枱.我o地唔鍾意,於是坐門口o既位.坐好後,我要$58.00o既A號鐵板午餐,係日本帶子伴美國雞扒配白菌蒜蓉汁,男友要$46.00o既 2號餐,巴西牛柳粒飯,我o地都要周打魚湯.好快,兩個湯都到o黎,味道唔鹹,清清淡淡咁,味道同以往一樣,餐包都係暖暖地.之後男友o既巴西牛柳粒飯到o黎,我試吓,牛柳粒得幾粒,而大部份都係大大件牛肉塊,而味道,我竟然食到羶味,一般喎.然後我o既日本帶子伴美國雞扒配白菌蒜蓉汁到o黎,呢次鐵板好似唔夠熱,熱力好快燒失,雞扒有兩件大大件o既,日本帶子唔大隻,食落, 雞扒煎到皮脆,帶子正常冇問題啦.薯條好熱,個汁都幾鹹吓.最後我o地都要可樂,而雲呢拿雪糕球同舊年一樣咁細個.服務:唔俾卡位我o地算數,但後來好多都係兩個人,o個啲佢又俾坐,我覺得係睇人囉.而我見到佢o地貼o左一張o野,話食客限食1.25小時.價錢:呢餐連加一耍$114.00

今日放工后過黎荃灣探朋友，老友話帶你試下荃灣出名嘅老牌港式鐵板餐廳，莎樂美！更係好喇！我係一個鐵板fans。入到餐廳巳經好有一種典型港式扒房feel，唔高級，燈光暗暗的，但坐位舒服！唔似金鳳同安娜咁飯堂feel。可以叫嘢食嚕。當然問老友有咩好介紹，佢即刻答:「識食更係食牛柳喇!」...下，洗唔洗咁hard sell呀？！可能牛柳成本貴，好多地方巳經冇得食，又或者soda到啫喱咁。好，就試試！餐湯有紅白，當然叫紅喇！個湯同一般出面嘅餐湯不一樣的只有菜味，呢個好濃牛味，非常足料。餐包甜甜地，perfect match!個鐵板牛柳一黎到，巳經嚇死我。咁大舊？仲有兩舊？？兩舊肉舖滿成個鐵板咁大？！(好想影比大家睇，但手機個影相功能short咗。同大家分享唔到，可惜！)個侍應淋黑椒汁時，d黑椒味超堅！牛柳d肉味好濃，肉質好 tender ！正！雖然已飽到上心口，但都要食完雪糕先。有朱古力粒粒嘅朱古力雪糕，好味！餐飲叫咗凍檸茶，冇特別。百幾蚊，有湯、湯包、兩舊牛柳、餐飲，同雪糕，去邊度揾！服務巳經唔重要了。超抵！總括: 真材實料，大件㚒抵食，一定有下次！

排隊時候留意到外面寫住:只收現金, 真係好耐無試過一間扒餐廳無得簽卡,而另一句係原來有搭枱禁⊙_⊙今時今日除左茶餐廳我都想唔出形容詞,見到佢今日晚餐係西冷,我唔試改食我最喜歡T骨,5成熟, 估唔到佢幾重本真係大話塊鐵板,男朋友有點嚇親禁,食T骨就係貪佢大,我一d都無怯成塊清晒,可惜有點地方要改進,點解無汁揀? 我塊朳一到,說時遲那時快,佢就倒汁? 什麼味?原來係燒汁……其實我喜歡黑椒汁配牛朳😧相信無汁揀得佢呢間店,我選左羅宋湯,偏咸仲3大舊牛腩……但有鬼用煲完羅宋硬到咬唔到,個湯唔夠辣，唔係我口味,最後仲有雲尼拿雪糕,洒上七七彩碎又真係好懷舊,想起以前的皇后餐廳, 如果男仕胃口大不坊來食,一定夠飽架, 我就覺得牛朳可能用左梳打粉,得個林字,又勁黏牙縫……其實有點比想像中失望

很久沒吃過莎樂美而且還是分店，以前總是會走過去總店吃的，貪那裡店舖懷舊鐵板亦是兒時那種大鐵板，人大了就有點想回到從前的感覺。1點左雖然不用等位但店內基乎都坐滿了，看餐牌$55完扒餐包餐湯餐包跟雪糕，我想在那裡也找不到，椰林閣午餐也要50元還不包雪糕呢。羅宋湯比較咸了一點點，基本上普普通通不難入口。這個牛扒餐比我想像中的還要大份而且還有兩塊 ，牛扒鬆軟不太熟不太生，不過牛扒味道要依靠黑椒汁，若是單吃牛扒不跟汁是比較難入口。牛奶公司朱古力雪糕＋朱古力粒，味道佳

今日(13-12-2014 Sat)等男友放工食晏,突然諗起呢間,於是提議o黎呢o度.我先o黎等位,等o左大約15分鐘有枱,男友都o黎到.我要$45.00o既西西里雞扒午餐,要周打魚湯,男友要$54.00o既黑椒牛柳粒鐵板餐,模模糊糊*咁要o左周打魚湯.好怏,兩個餐包同餐湯到o黎,餐包暖暖地又軟熟,周打魚湯質地好濃同滑,有一件梳打餅,一粒帶子仔重有其他o野,都幾豐富.然後我o既西西里雞扒意粉到o黎,雞扒大大件,意粉又超多,真係嚇親.食落,西西里雞扒面上o既汁係甜甜地,雞扒好厚肉又腍,但都有少少辣.意粉係番茄意粉,味道好夠.而男友o既黑椒牛柳粒鐵板呢,o黎到淋汁時都冇孜孜聲,但男友話都好熱.牛柳粒唔係牛柳粒,切到大大舊,我食吓,嘩!好辣,男友就鐘意佢juicy.薯條都被黑椒汁攪到好辣.而餐茶凍檸水呢,比其他茶餐廳細杯,雖然係咁,但冰粒唔多,咁樣就唔會覺得唔夠飲.不過一飲落就覺得好甜.最後,男友個餐有雪糕o既,係雲呢嗱雪糕,呢個正常冇問題.服務:我排隊等位時,一個男職員問我前面o個個男人幾多位?個男人答兩大一細,咁就入o左去.之後女職員出o黎嗌有冇人齊o既兩位?由於的男友未到,所以我唔可以

放假同媽媽入荃灣行下, 行過見到好似幾多人食, 所以我地都試下啦! 咁岩2個人就有位, 即刻可以坐低!其實環境真係麻麻地, 枱與枱之間無咩空位, 真係僅僅夠一個人行, 一唔小心都好容易倒瀉野... 而且地下有D濕, 見到有人差D跌倒, 真係牙煙...呢度唔係好多野食揀, 不過鐵板睇落幾抵, $54凍飲唔洗加錢, 而且見都幾多人食喎, 所以我都揀左個! 不過媽媽就費時食咁熱氣喇, 都係揀左個普通午餐~套餐跟個餐包同湯, 羅宋湯或者周打魚湯, 我地叫左一紅一白, 白湯我就覺得質感較厚, 似食緊jelly多過飲湯~  相反紅湯都幾足料, 少有地有幾舊牛腩係度再加d蔬菜, 有少少辣味, 味道還不錯!媽媽既俄國牛柳跟飯, 飯比較乾食到有d頂胃, 好大碗牛肉, 食極都食唔完! 不過媽媽就唔太中意個汁, 又唔係茄汁但又酸酸地...我既鐵板真係好大碟!!! 有成2大塊雞排, 仲有薯條墊底, 睇到都飽左大半! 味道就ok啦, 都係普通雞排, 食完一塊都已經好飽, 最後都食唔晒有d浪費... 仲有個雪糕做甜品!除左食物大份, 呢度真係無其他好... 侍應態度有好大改善空間, 環境亦係, 不過想食個抵既鐵板

莎樂美餐廳。老店由細細個開始食。食左20年都有啦。見幾個月冇食。就第一次去新店食。點知食物同埋服務態度都好差。而我係第一次寫食評。要我劣評一間帶比我回憶既老字號 真心痛。1。鐵板雜扒。除左底層掂住鐵板個塊其他都係凍既。(鐵板喎。你煮定都整番熱比我呀！？)2。焗海鮮飯。叫左2碟個飯暖的。接近凍3。蘇皮海龍王湯。個蘇皮岩岩拎出黎就淋晒。(老店好飲好多呀)4。鐵板牛柳。我叫5成熟佢比全熟我。咁問幾成熟做咩。其實唔望佢進步。只希望分店keep到老店水準。一分錢一分貨。仲有最後小插曲。埋單時553蚊。我未比夠錢佢就收左比錢隻碟。一早講左拎緊錢未夠數。。。。唉。講住去跳樓咩

兒童節，請左下午假去玩，一直都好想試下呢間餐廳，夜晚經過見都過$100/人，又多人排隊，都唔多想等，見今日有時間就過去食午餐，平平地試下個質素先。2點左右到達，唔洗等位，入到去坐卡位，環境ok，望下餐牌，揀左串燒大蝦皇拼什扒，聽聞最有名係什扒，出名大份抵吃，$53+10%，可以一試。首先上左紅湯同餐包，好濃的湯，ok，但唔夠熱，包就暖暖地，也可以。主角出場，冇想像中咁大份，不過午餐價錢平d，當然份量會少一點，可以理解吧，味道方面，唔夠熱，有雞扒，豬扒，腸仔，火腿，扒類就明顯凍凍地，整左一排，唔夠金鳳新鮮，值得一讚係隻大蝦，估唔到肉質唔諗，幾爽同大隻，最後係飲品同雪糕，呢個價錢黎講算係咁，不過就唔會再黎食了，都係食返金鳳滿足好多，因為扒房都係適合做晚餐，呢間太多人唔會試了。

今日咁岩就去開荃灣，哥話食過還可以，一見排左好多人咁，咁就試下依間喇我地叫左個兩個西冷set同t骨牛扒set,其中一個就配左黑椒汁(+3蚊)首先餐包方面，應該冇加熱過，凍既包。湯就不過不失。餐具方面就唔太乾淨，不過可以自己清潔下就ok。值得一讚係扒上個陣都幾好，有條方巾遮擋衣服之用，有別其他餐廳就咁用紙巾遮一遮。T骨7成好韌,切好耐，友人食食下都放棄左繼續食。西冷似乎幾受歡迎，我地叫完之後都聽到話冇曬嚕，上個陣，有少少失望，扒方面，我既7成西冷太硬，煎得過左啲火，唔似7成，咬落去肉質嘛嘛。薯菜方面，硬左少少。而黑椒汁的確唔錯，5成熟係岩岩好。飲品有橙汁，啤酒，汽水，同茶選擇。算係多選擇。之後仲有甜品作完結。總結：有機會可以試總店，不過一定唔會叫T骨。

今日咁岩就去開荃灣，哥話食過還可以，一見排左好多人咁，咁就試下依間喇我地叫左個兩個西冷set同t骨牛扒set,其中一個就配左黑椒汁(+3蚊)首先餐包方面，應該冇加熱過，凍既包。餐具方面就唔太乾淨，不過可以自己清潔下就ok。值得一讚係扒上個陣都幾好，有條方巾遮擋衣服之用，有別其他餐廳就咁用紙巾遮一遮。T骨7成好韌,切好耐，友人食食下都放棄左繼續食。西冷似乎幾受歡迎，我地叫完之後都聽到話冇曬嚕，上個陣，有少少失望，扒方面，我既7成西冷太硬，煎得過左啲火，唔似7成，咬落去肉質嘛嘛。薯菜方面，硬左少少。而黑椒汁的確唔錯，5成熟係岩岩好。飲品有橙汁，啤酒，汽水，同茶選擇。算係多選擇。之後仲有甜品作完結。

尋晚(22-11-2013 Fri)爸爸出去食飯,我就同男友出街食晚飯啦,由於我放得早,所以我6:15pm已經到o左,o黎到時當然仍有好多卡位,我話兩位,女侍應安排我坐長凳o個邊,我問可唔可以坐卡位?佢答要人齊至可以.我唔想阻佢做生意,就問可唔可book 7:00pm枱?佢答冇book枱服務.咁我唯有坐o係o度等男友啦.o係等o既時候,都有幾個客同樣未人齊,坐o係o度等,但竟然其中兩個o係未齊人o既時候都可以先轉坐卡位.眼見只剩返兩張卡位,我就打電話問我男友情形,佢答佢上o左車,應該好快o黎到啦.我就向另一個女侍應要求,佢答可以,而咁o岩有一張卡位埋單,佢o地執好枱就俾我轉過去.我o岩o岩坐定,男友就o黎到.男友要$118.00o既鐵板紐約西冷牛扒餐配肉汁,6成熟,要羅宋湯;我要$89.00o既鐵板夏威夷雞扒餐配夏威夷汁,要周打魚湯.好快,餐包同兩個湯都到o黎,影好相食得.餐包好熱同軟,周打魚湯夠杰身,裡面有啲魚肉,鹹淡適中.我又試吓男友o既羅宋湯,味道都好濃.又好快,男友o既鐵板紐約西冷牛扒到o黎,熱騰騰,西冷牛扒大大件,好耐冇見咁o大既扒喇,切開睇,粉紅色又厚,食落,肉質超鬆軟,但

今日同屋企人去莎樂美食晚飯，因為都好耐冇幫襯過，所以都想去懷緬一下，點知就食到一肚氣，我地一行四人安排坐係卡位，待應連刀叉同水都未放好就埋嚟問我地食乜，都算喇，個待應好似唔識廣東話咁，問乜都唔識答戇居居咁，我地落完單我都好擔心佢有冇落錯，佢粒聲唔出又唔同我地再confirm就走咗去，我跟住再揾另外一個同事confirm。嘢食方面T骨扒我地order咗六成熟，嚟到個扒咬唔爛切唔郁，同個廚師投訴，佢原碟俾返我地話T骨個位係咁硬，我要求換其他扒，佢地話只可以換返T骨，竟然可以咁樣做生意，仲有個扒賣成$115蚊，質素仲衰過大家樂，我冇再同佢理論，叫佢地收走個扒，大蝦牛柳餐牛柳ok但係蝦係霉嘅，黑椒牛柳餐ok,當我地食到一半待應就催我地飲乜，到最後上甜品朱古力雪糕，待應用手指夾住四杯雪糕上嚟，手指叉哂入去.....真係乾淨，總括而論四個人食成$571真係背脊骨落，仲要咁差service,真係以後唔會再嚟！！

呢間餐廳，港式扒就預左，但冇諗到咁差，應該話令人有驚起（身走人）我原先叫了個set dinner..牛扒，個位女侍應話晚餐冇分幾成熟，ok...食平野$90，不能有要求，到飲完湯，食埋餐飽，佢特然笑哂行埋黎，心知不妙，佢話晚餐牛扒吾夠做一份，叫我改第二個餐，個時只係晚上8時正，ok...冇就轉鐵板T骨扒，今次可以叫5成熟，過左10分鐘，又一位侍應，忽然放低一碟疑似平價晚餐牛扒，話你要嘅晚餐，原本個位侍應走埋黎解釋話，我見又一份晚餐多左，咪幫你轉番，我拒絕接，要T骨，咁佢地收走了到T骨黎到，勁！我用盡力都冇法子將條筋切開，成塊扒有四條強勁嘅筋痴住，加上八成熟嘅"幫助"下，我基本上冇食過塊扒。我朋友的什扒餐亦十分"精彩"，塊塊一樣，無味及"柔韌"十足。在如此有"禮貌"和氣氛"平和"下，我倆就此完成了這餐飯

其實我由細到大住荃灣附近既，莎樂美呢間啲扒係荃灣黎講都叫做出名。我以前食開舊店，好食歸好食，但服務同衛生都好差，近廚房既走廊永遠有蟑螂爬黎爬去。啲侍應又好似日日都燥底咁既樣。分店既衛生的確係乾淨過舊店既，但係都係好多垃圾係枱底係無人掃，不過都無問題，我都無乜所謂既，可能係唔係禮拜六日，唔洗等位，好快就可以即刻叫野食。我叫左西冷牛扒餐6成熟黑椒汁，我男友個餐同我一樣不過7成熟蒜蓉汁。到送過黎都好正常既，到淋汁果下，個侍應問都無問一野淋晒蒜蓉汁落我份6成熟既西冷到，個汁撈亂左黎淋，我男朋友都己經有叫個侍應，但佢唔知係咪扮聽唔到定真係聽唔到，無理到我地。我就即時同另一個侍應講，佢就以為剩係個汁淋錯左就話：哦，無淋錯係掉轉左擺姐，唔好意思 。其實我同男朋友個扒熟既程度係唔同！我就好無奈要食7成熟既扒.....味道其實都好既，肉幾厚身同個汁夠入味，但係味道都係舊果間好啲。舊果間啲肉好似易咬啲，不過都算係唔錯架啦！唔介意既都可以試下既...到賣單果陣，個侍應就咁“隊”張單埋黎意思叫我地找呢個數，歡迎同多謝都無句，服務完全無分。我真係激到砰門走左....經過今次，我真係寧願食總店都好過去呢間分店，一

這天算是不是好熱, 午餐時間一到, 忽然好想食鐵板餐, 就想到這間店, 便與幾位同事便一起去, 到步後店內人唔多唔駛等一坐底立即落單.唔駛幾分鐘湯與麵包先到, 羅宋湯有點淡, 但味道還可.再過幾分鐘又來點的雞扒+帶子薯條餐, 疊了兩層原來是兩件雞扒手掌大小, 底係薯條同旁邊有粒帶子, 個待應很就快下汁, 我也手快用毛巾擋住唔係就不得了. 而其他人各點了不同扒餐, 白煙四起.餐後有雪糕朱古力一球, 與餐飲一小杯, 港式扒餐.都算滿足了今天想食的東西, 這次的午餐整體不過不失...