莎樂美餐廳

营业中

休息中

港式扒房餐廳買少見少, 莎樂美在荃灣三十多年, 有着傳統的裝修, 包括兩層的樓面, 偏暗的燈光, 雲石枱以及卡位, 還有清晰可見的水吧, 當然少不了的是長年累月吃鐵板餐而散發出的油煙味. 就算不點鐵板餐, 午餐點其扒飯, 也是找回昔日香港的較簡單途徑. 去港式扒房我一定會點黑椒汁, 扒類肉質並非太出色, 但這汁醬不但只為扒類起了畫龍點睛的作用, 而且拌飯味道也是相當不錯. 這裏的牛扒和豬扒並非如坊間所說的差, 至少夠熟, 夠大份, 夠厚, 也沒有雪味. 外面的叔叔紙牌人形, 應該是伴隨着這餐廳, 也就是是其吉祥物.

經過荃灣見老字號先幫襯～扒房一向性價比高～有：餐湯、餐包、扒、仲要有甜品、飲品餐湯有兩款揀～揀咗周打魚湯偏鹹有少許洋蔥粒～可能個湯底係加熱水開嘅～粉粒仲係一嚿嚿冇攪勻～配軟熟餐包日本帶子伴美國雞扒～白菌蒜蓉汁只係食到蒜蓉味～有一粒大帶子～雞扒一開二上～薯菜有三色豆、椰菜、幾條薯條～份量算多跟餐有熱飲叫咗奶茶味道正常～朱古力雪糕甜品～不過唔知係唔係翻雪有一粒粒細嘅冰塊～味道麻麻～好水冇咩味另外加咗一碟意粉～又乾又凍又冇味 餐具好油又有食物殘跡洗唔乾淨都仲可以收加一服務費加一服務費後自動再加五毫子～全店只收現金～就算你有五毫子俾～佢都唔收～要收齊$1～可以強制多收費用？

今天與家人一起去荃灣去拜山，又到午飯時間了，途經沙咀道，見到這間老牌式餐廳沙咀道294號地舖，一般裝潢，仲有樓上座位先看看餐牌😀感覺頗為廉價鐵板午餐包括（雪糕、汽水或咖啡）也可以加$ 跟飯或意粉噢！這周打魚湯，有魚肉，餅乾沉底了似乎是麵粉湯，口感差🥲串燒大蝦皇伴沙地亞什扒 $70店員先灑上肉汁🤗好豐富喎，層層疊疊大大隻蝦，一塊牛扒，大塊雞扒，啖啖肉，火煺、腸仔、薯條，、、焗飯類焗什菜牛脷飯 $68味道好一般啦、濕潤口感😀什豆、椰菜花、大大件牛脷，熱奶茶，嘛嘛哋ok甜品： 朱古力雪糕🍧⋯⋯粒粒朱古力，😋🤗

國慶假期香港竟然冇乜人唔通啲人真係 上深圳 尋歡？兩點鐘去到莎樂美樓上已經 有很多空位點了最出名的鐵把餐$70照舊 點牛肋條 相信這個餐牌他們是再過幾十年不會改了食物份量一樣樓上的兩位阿姐完全是 街坊 模樣， 但可能過了高峰期， 他們也沒有那麼忙其實一直都對我們是有求必應， 我後面有個麻甩佬各樣的問題，那個肥姨 逐一的幫他解答。先上週打魚湯 跟前年來的一樣都是感覺非常廉價用麵粉開一樣的感覺要等一會才有麵包到， 跟飛鳳金鷹等扒房一樣 用差不多的麵包 如果牛油是雪凍 硬掘掘的更好 大部分人都不喜歡這種已經溶掉的牛油牛肋條嚟到了 跟以前一樣佈滿各樣材料 牛肋條也有 六條吧配有薯條 扒蕃茄 椰菜花等等牛肋條沒有很多筋 不要講究有沒有牛尾了反正 這個價錢給這個份量以及 感覺就是沒有hea做！最後有杯細凍鴛鴦， 和雪糕簡直跟 以前的一模一樣一個大男人就是吃不完其實記得當時走時沒有很滿意但細想過來這個價錢廚房師傅又畀了這個 份量這個擺盤要嫌棄的 最主要是哪個比較殘舊的環境吧咁又有什麼好挑剔呢

其實呢啲有返啲年份嘅香港豉油西餐廳，質素真係冇乜好講，食嘅嘢唔會話特別好定唔好味，最吸引人嘅地方係大件夾抵食起碼飽肚。但呢張沙樂美做咗幾廿年， 咁多年呢地方都係咁大架勒， 但咁多年嚟都係好鍾意張啲枱擺到咁密。成間舖大部分員工都係中年以上 其實動作慢啲都可以接受 但係唔知點解個阿頭係都要將一啲好緊張嘅氣氛擺落去餐廳度，出嘢收碟操兵咁，最大鑊係餐廳嘅管理問題，個疑似大佬係要當面對啲員樓面呼呼喝喝，喝神喝鬼咁，鬧嘅仲係知無理取鬧嘅嘢，例如好話個樓面唔一次過攞鐵板同汁上枱，但其實咁就仲危險，有乜意外阿大佬擔唔擔當得起？總之大成餐飯食到好大壓力又唔舒服…而且呢間嘢畀我嘅感覺係個鼻好大。問親乜嘢都係以「我哋呢度係點點點」去回應客人問題， 想打去留位？「我哋呢度不設留位個播」；想要杯可樂冰底？ 「我哋呢度冇冰底㗎啵」， 但大哥你唔明唔明呀就係因為你哋啲嘢飲好細杯呀！ 一個餐收人百幾二百蚊個杯凍飲 得兩啖好唔好意思呀？叫冰底都係想自己飲一罐可樂啫！！定係另叫嘢飲一樣都 只限兩啖架咋？你地啲服務係咪一定要咁死㗎！！ 對staff同對客一樣咁掘！服務態度簡直係零分！就算去其他港式扒房去金鳳去第尾去花園都唔

去到荃灣上完堂，9點鬆d到就諗起呢間，歷史悠久香港老扒房9點入到門口，仲有兩枱客其他姐姐都等收工坐哂係到一坐底就講收十點🤪姐係話好快d食完走唔好左呀姐收工叫左一份西冷牛扒，飲白湯見佢寫到周打蜆湯都有d期待😚一飲就知出事，咸到呢又無白湯既牛油香，d配菜好似岩岩放落去牛扒黎到，大大件即時開心返🤪點知一食，又係咸到呢叫5成，硬到可以揼死人😔😔😔

好耐都冇食莎樂美啦！今日行過見到有個龍蝦牛柳餐就試吓啦！唔食又是可一試難忘啊！佢嘅龍蝦睇落好似麻麻地，但係其實啲肉質好靚，爽甜彈牙！牛柳叫左三成熟佢煮得剛剛好我就鍾意碟上唔要鐵板上的！總之就係208有龍蝦🦞又有牛柳真係物超所值！

呢間舊式扒房出咗名份量大，今日真係見識到。我哋兩個人一個就拉咗鐵板雞扒餐另一個就要咗鐵板豬扒餐，個餐有餐包有餐湯。又有餐飲仲有杯雪糕添。究竟點樣份量大呢，睇佢個鐵板豬扒餐你就知道。佢個鐵板豬扒餐一共有3塊豬扒，真係非常之驚人。不過個雞扒餐就只有兩塊雞扒，但係塊雞扒都幾大塊。食咗一半已經飽晒，不過我哋兩個都加咗$8嘅意大利粉，佢係茄汁意粉，佢嘅味道真係充滿童年回憶。連埋餐飲同雪糕，都唔係話唔係飽到上心口。

半世纪前才十六歲，在這家莎樂美餐廳食咗一個吉列魚柳套餐，當時覺得非常美味，到今天仍懷念當時的味道，那個時代家貧很少機會食西餐也是一個原因吧！今天興起特意去這餐廳鋸扒，點了一份黑椒牛柳，端出來的時候，睇見两塊比鐵叉還要厚的牛柳嚇了一跳，這個份量一個人實在吃不完，切一小塊放入口，心裡凉了一大截，肉很淋，但完全没有牛肉嘅味道，從來未吃過咁難食嘅牛柳，唯有放下刀叉，155元埋單走人，滿懷希望的進店，徹底失望的離店。

荃灣老牌子莎樂美，由細聽到大，間唔中想食牛排都會諗到。今日嚟到6:15老闆話要人齊先可以入座，最後等到6:30先入去2樓仲有位，晏少少就滿晒人了鐵板集扒餐 $155分量夠大每次都令人驚喜，因為朋友個餐吃飯，所以想叫個意粉一齊share，要加$8建議可以不用加。因為本身份量大又有薯條已經好足夠。味道當然唔會話係五星級嘅高級扒房啦，但調味亦都做得唔錯，肉有預先醃製過夠味得來又唔會太鹹，黑椒汁要加$3，我之前食過係會再濃味啲再鹹少少🤏是日晚餐鴛鴦扒飯 $108朋友食是日晚餐鴛鴦扒飯，有牛扒同豬扒配飯雖然冇鐵板，但呢個餐抵食，同樣有跟餐湯、包，餐茶同雪糕。我覺得羅宋湯好味啲，不過白湯配面包好食啲，每次都好難揀😂總結來講又細食到大都係一種懷舊嘅味道，但係環境真係同細個一模一樣有點舊，不過間中食下我又覺得幾好食係一種懷舊同情懷

搭巴士成日經過呢間西餐廳，終於有時間過嚟食個lunch ，以為佢舖頭細細冇乜位，原來佢有兩層，不過食lunch time時間，等咗大概10分鐘先有位。坐低咗，waiter們就急不及待過嚟落order，我哋order左周打魚湯、黑椒牛肋條，同埋串燒大蝦皇伴什扒。話口未完，上餐時間非常快，waiter亦非常之高效率😆好鍾意食舊式西餐廳嘅餐包加牛油，其實呢種餐廳嘅食物味道一般都係普普通通，亦都唔會有好大嘅期望，但以呢個價錢食到呢一個質素同質量，真係好抵。而且好開心見到飯後甜品嘅金屬雪糕碗，好懷舊😚

莎樂美餐廳扎根於荃灣多年，是一家主打港式西餐飲食的餐廳。餐廳的裝潢非常懷舊，氣氛舒適。今天我叫了一個雜排餐，餐點的份量，非常豐盛。雜排餐包括了牛扒、豬扒、雞扒和香腸等各式各樣的肉類（會因應當日餐廳供應，種類可能會有不同　），還有薯菜和雪糕，讓人一點也不會覺得不夠飽。所有的肉類都烤得很熟，口感十分美味。雞扒和牛扒的肉質都很嫩，入口即化。豬扒的肉質稍微有些緊實，但仍然很好吃。香腸的味道也十分特別，有著濃郁的香料味道。薯條非常酥脆，口感十分棒。雪糕亦相當可口。除了雜排餐，莎樂美餐廳還提供了許多其他的港式西餐美食選擇，例如鐵板餐，焗飯，咖哩等等，價格也非常合理。

朋友突然話想食扒，google一下附近見到呢間港式扒房…喺市區食慣花園餐廳嘅我哋原本期望不大。但呢份雜扒嚟到之後，全部人即刻「嘩」咗一聲！份扒真係好大份！而且$145包埋湯，餐包，生啤同雪糕真係抵到爛！味道雖然唔係話好標青，但港式扒房嚟講真係唔曳㗎喇…其餘重叫咗葡國雞飯同西炒飯都係足料大大碟！同埋份量都真係幾多，最後兩男一女都食唔晒，所以細食的話就注意一下唔好叫太多…總體嚟講真係好過預期好多，想食頹扒嘅不妨試吓！

嗰日同朋友傾開想食啲懷舊式扒房跟住佢就帶咗我過嚟啦好耐都未去過呢啲形式嘅扒房啦好似瞬間去咗八九十年代咁樣😂😂今次我嗌咗個黑椒牛柳扒餐$180我覺得呢個價錢都算係咁樣牛柳都有兩大舊仲有得跟飯或者意粉女仔食 真係超級超級超級飽同埋佢都有跟麵包同餐湯 飲品最估唔到竟然食完都會有雪糕添總括而言 我認為雖然環境比較狹窄既同埋廁所要走返去後巷😂😂😂但係我覺得如果想食吓呢啲懷舊扒房都不妨試吓 都真係抵食夾大件

假日去荃灣食午餐，這間餐廳裝修比較舊，環境一般，地下及閣樓座位與座位之間距離比較近，叫了兩個扒餐，上餐時間快，食物份量大，味道就一般，牛肋條有點韌，雜扒餐冇蝦，轉了帶子。薯角皮比較燶，焦黑咗。湯就不夠熱。雪糕內有朱古力碎。整體來說，都OK。價錢實惠。