莎樂美餐廳

营业中

休息中

什扒餐內容豐富，包括了豬扒、牛扒、雞扒、火腿、腸仔和雞翼。上桌時，我也被它的大堆頭「震懾」了。一層一層的把它「攻破」。其實，依我的理解，港式西餐的精髓，就是將平價的肉食，透過醃製的方法、用的汁醬、奉客的形式等等，改成可以上得大檯見人的餐點。而這裡就正正在做這件事。除了雞全翼有點「大而無當」，各個項目也是恰如其分，應爽的爽，應腍的腍。去凍肉店買那種醃了的扒去燒烤，學生時代或許還會，現在，外頭熱得差點不想動，我是寧可來吃這種。所費無幾，乾手淨腳。

今日同朋友去荃灣行完街，肚非常之餓！一於食餐勁既！於是見到呢間舊舊地既gur扒餐廳好似幾多人食, 於是就入去啦!都唔係太多人!我叫左個香港人好常叫既西冷鐵板同一杯凍檸茶。凍檸茶真係好特別, 佢既茶同人地既茶唔太同, 飲飲下都飲左半杯。佢上左個包同埋湯, 湯好大碗, 食完個湯都有小小飽。嘩! 個西冷超大塊, 不過我叫左7成熟, 佢煎到9成咁制味道都唔錯, 肉汁ok, 不過份量真係有點大, 對於女仔黎講可能真係要考慮下最後, 仲有個雪糕。所以, 成個過程都唔錯既! 

早收工 同honey搵好野食大家都想食餐好 揀左鋸扒 見莎樂美係openrice人氣唔錯 為左一嚐滋味山長水遠搭1個鐘黎食排左半個鐘左右有位啦一邊排一邊聞到食物既香味 由於我唔食得牛同蝦 所以無揀到聖誕大餐最後揀左兩個set dinner 一個什扒$13x一個西冷扒$14x餐湯要周打湯什扒好多 豬牛雞都有 西冷扒 5成熟好啦 重點黎啦因為期望太高 所以失望愈大什扒啲肉好鞋好乾 無肉汁係啲似滲出既(其他寫評話有既??)至於西冷扒 男友話好韌 同埋個鐵板唔係好夠熱 好快凍晒 我什扒有牛 我比埋男友食 佢話鞋過佢舊牛另外 我係奶茶控 杯奶茶個口味唔岩我飲 😭😭😭無茶香 叫左少甜少冰 都仲好甜 無乜茶香(同ruby tuesday 有得揮 好過ruby tuesday少少) 飲左兩啖就byebye最後仲有雪糕 sorry 唔好食總結:個扒既份量係會飽死人 但質素就麻麻 呢個價錢(貴過金鳳成倍甘濟) 甘既質素 性價比唔高 5星既話 值1.5星 😔

呢間扒房荃灣好出名，攞位係需要人齊先可以入座而且呢間吾會需要限時，所以坐得耐之餘又可以同朋友吹下。我地幾個人每人叫吾咗同既餐，什扒餐，西冷牛扒同雞扒餐什扒餐味道吾錯，入面有雞全翼，雞扒，豬扒，牛扒，火腿加腸仔，份量好大雞扒好香又厚，一切開重有雞油流出雞全翼好大隻, 牛扒吾會太薄，而且一入口有香香既牛味，口感新鮮之餘有又肉汁重點係配上燒汁，燒汁味道比較鹹，配肉重可以中和鹹味。什扒餐係超大份之餘，食完係超飽~~西冷扒五成熟，切開入面扒超多肉汁(五成熟岩岩好，完全鎖住啲肉汁，又吾會令啲肉老)雞扒雖然好普通，但本身雞味重之好重之餘，廚房煎得兩面都好香，雞扒本身有肥膏，所以好多汁最後上甜品，每人一杯朱古力雪糕，呢杯雪榚入面有一粒粒朱古力粒係入面，好好食

住荃灣的人一定會識的老牌扒房，莎樂美餐廳。我每次行山到荃灣都一定會食的扒房，因為它的午餐性價比非常非常之高今晚難得係附近上完堂，第一次試它的晚餐Menu有好幾頁，但大部分人都只會看頭兩版的套餐：餐包，沙律，湯，扒，飯or意粉，雪糕同飲品。價錢由幾十到百幾加一服務費晚餐，黑椒牛扒意粉，凍奶茶係我今晚的選擇出菜的次序，時間非常好，先來沙律，餐包及羅宋湯沙律有波羅，橙片，奇異果，紅蘿蔔薯仔，生菜，種類算多，味道比起同價位的餐廳好麵包暖暖的餐包加埋牛油，我的至愛。放落羅宋湯特別好味羅宋湯有牛腩粒的羅宋湯功架十足，少少辣味，仲有其他配料，好飲當食完以上前菜，侍應會收起，過不久，主菜才會出現。這個安排特別好，唔會有一種趕住走的感覺又唔會整張枱都放滿食物，最重要是主菜唔會因為冷氣而令質素下降黑椒牛扒意粉（碟上）牛扒有兩塊，約半寸厚，份量恰好。不過...肉質非常韌，切開後放入口，要咀嚼很久才可下嚥。意粉反而值得一讚，用茄汁炒底，好香而且就咁食已經好好味。黑椒汁唔錯，少少辣好香差不多食左大半，侍應會問飲甚麼餐茶。叫完後我開始玩電話，侍應問係咪食完惗住收碟，我話等一陣會繼續食，佢大聲同其他侍應講4號枱唔收

最近工作頗忙，難得有日可以早下班，便選擇扒房慰勞一下自己相約男友後，便到較懷舊的莎樂美，然後相繼點餐..等待食物時，店中正播著 7-80 年代的歌曲，十分有FEEL*套餐附有餐湯及餐包。餐包有預先預熱，加上半片牛油在包中，口感豐富*男友的什扒餐，男士最愛，必飽之選內有豬、牛、雞扒外，還有腸仔、火腿、煙肉及薯菜....豬跟雞扒不過不失，但牛可能放於鐵板底部，則過熟及太乾。*T骨五成熟個人而言，如選擇鐵板的話，肉選五成熟則最好不過。T骨肉質軟唸，加上骨邊帶有脂肪，香口而美味。*套餐新地球預先弄好連器皿一同雪好，雪到雪糕球邊冒出雪來，感覺有點不衛生。

食扒餐, 一向有的三寶都有提供--餐包, 餐湯同飲品, 餐包都是一般甜餐包, 用微波爐叮一叮就出黎, 牛油有時會放餐包底, 搽時會有半溶的狀態, 更易搽, 又滑又香。豬扒帶子配薯角- 用碟上, 不會因煙而熏到。豬扒入口軟嫩, 易咬又鬆, 而且量又好多, 有成2塊, 好抵食。帶子就一般, 炸得太乾, 雪藏味都重。雪糕- 好特別的方法, 此店會一氣過用所以有杯, 盛好雪糕, 雪糕連杯會一并放入雪櫃, 拎出時未會太快溶, 所以好O岩慢食的朋友。味道奶味重, 加上朱古力cream, 入口甜甜, 作結最好。

今日去荃灣食飯，剛好大家都是食肉獸，所以去這家在荃灣好多年的西餐廳。//來到時，都要等了一陣子才有位，坐低後我就貪心一點，點了雜扒餐。//主菜來前，先有湯和餐包，我點了周打魚湯，在白湯中有一些魚肉碎，而且最懷舊之處是加了一塊梳打餅在湯中，雖然這塊小小的餅乾看起來微不足道，亦在正宗的西餐廳不會出現，但就體現出那種港式西餐的懷。//主菜來了：我都有點驚訝，因是一座肉搭，有腸仔，雞全翼，豬扒，牛扒和雞扒，份量十足，用鐵板上當淋上黑椒汁時，那種渣渣聲令人十分興奮，加上十分熱，縱使肉的質素不是最高，但沒有將價就貨，十分超值，值得一提的是雞全翼和腸仔，可能仍是用以前的牌子，仍然以前的那種質感，十分滿意。//配上啤酒和甜品（雪糕），可能比較其他的西餐他不是最高級和豪華，但那種懷舊港式的感覺，令人十分難忘，在2015年仍有80年代的食店感覺，真的值得再去唷

fd生日就去食呢間.兩個一樣的扒餐150$左右..唔記得西冷定肉眼..成個月前..但就伴大蝦..記憶猶新有幾樣..其他平平無奇!就係個碟野有d西餐叫爪既菜一咬落去勁苦..吐唔吐唔切..我算..之後到d薯條..好多都炸到硬到食唔落肚了..而配角大蝦..咬啖係霉哂個種肉質..即係死左好耐個d蝦變質個d感覺..好失望..食同唔食無分別啦巳經..好最後到主角塊扒就犀利啦!我叫5成..fd叫7成..但黎到都仲係好紅下，真係似兩成熟裡層..食左無一半忍唔住叫整熟d..隔離台都係..之後整熟完返黎都仲係血淋淋5成都無款..算啦..我就要求唔高本身知道生牛肉都係咁食就食左佢..但真係唔值咁貴囉..50$都嫌比多佢..整pat咁既野過黎..fd直頭食左無一半就放棄..生日要食成咁..真係苦笑極了 呀..記得貪佢有雜果賓治..叫小冰..點知多到啜幾啖就無個隻..真係成個廚房都係訓梗教定新到無得再新?

眼前這令我食指大動，先不論價錢配這份量相當划算，當侍應淋上燒汁，一蒸氣漸漸向上，肉香味實在濃郁！牛扒一向切忌過熟，否則就如吃橡膠沒兩樣，這牛排成熟度剛好！豬排則有點老，不過仍能接受，而雞肉則夠嫩滑，配上燒汁一流！薯條受熱失去了該有的香脆，下次轉白飯該更可口。總括而言，要來嘗這雜排必事前不宜吃太多，否則這重量級份量實在太多了

去開荃灣，知道呢間食牛扒出名，入到去叫左個ｔ骨牛扒。有湯有包。個包唔熱。湯似雜菜水加茄汁。到個T骨牛扒來咯。一睇覺得好大件。叫左七成熟。切開３成都無。叫咗入廚放番熟，點知他原碟入微波爐叮熱就摞返出來俾我。食牛扒變咗牛肉幹。冇再食亦唔會再萊食。

莎樂美係荃灣屹立幾廿年，相信係所有荃灣人既集體回憶。學生哥、一家大細、情侶去既好地方！相信因為莎樂美大件夾抵食。但可能因為近年d租加得太犀利啦，貴左好多。相比同一價錢可能會有更好既選擇。但呢家買既係一份回憶同埋jarjar聲既鐵板。莎樂美既質素平平，志在抵食。餐湯同餐包。張台比較窄，小小論盡既朋友要小心台上既東西喔！由其係餐湯！😁西冷可以接受。雞扒大塊到不行。貴左，間唔中黎呢到搵番d 回憶都ok既！

如閣下居住葵青區，相信聽過莎樂美餐廳。由於歷史悠久，餐聽裝修難免陳舊，但今次絕對是食味道和份量而不是食裝修。言歸正傳，小弟帶靚靚表妹去光顧，她叫 了午餐依文士豬扒飯，我就叫了重量級什扒鐵板餐。先嚟餐湯有兩種選擇，忌廉周打魚湯或羅宋湯，我絕對推介後者。羅宋湯不但足料，湯濃有層次，棘中帶甘甜， 絕對是一流。什扒鐵板餐包括大蝦，雞扒，豬扒，腸仔、火腿和升薯菜。份量十足，而且扒肉鮮嫩入味，不單令人味覺滿足，而且扒肉大大件，不像坊間連鎖快餐店 般只得半塊各仔般小家。看著洋葱汁加在鐵板時，因熱力蒸發帶同香肉的味道刺激着味覺神經，食慾已按耐不住了。鐵板餐包括餐飲和雪糕甜品。

今日去荃灣沙咀道莎樂美食lunch, 叫個鐵板午餐, 寫明係$55蚊侍應嬸嬸問要紅湯定白湯, 我話要白湯, 問要飯定意粉, 我話意粉最尾埋單話要$64, 問佢點解收多9蚊, 佢話意粉要加錢, 我話佢冇講, 佢話係我自己要飯, 佢冇逼我咁都算, 最搞笑係冷氣壞左, 侍應嬸嬸就係咁數臭老細, 話老細冇鬼用, 剩係識縮沙唔想俾錢要佩服呢位侍應嬸嬸, 絕對係打工王帝既表表姐!

真係為左莎樂美而開openrice account,一直都聽人講話莎樂美 "好抵食好好食", 但成日經過門口都勁多人排隊,而令我放棄選擇終於, 今日5點幾6點, 經過荃灣, 莎樂美冇人排隊所以走左入去幫襯$150, 推介 - T 骨牛扒..仲有香芒大蝦沙律, 同埋甜品大蝦沙律幾ok (雪蝦冇蝦味係必然, 但起碼夠大隻夠爽口),甜品雪糕都ok, 但個T 骨 (5成熟) 就真係....牛冇牛味, 林pat pat, (唔知係唔係鬆肉粉, 因為我由細到大未食過D 咁怪口感嘅牛扒)口感類似阿媽煲完4個鐘老火牛尾湯嗰舊牛尾, 以為只係T骨出事, 再share下朋友仔嘅鐵板西冷, 原來都係一樣~ 林到冇牙都食到當我地都覺得食牛扒唔知食緊乜嘅時候...聽到側邊檯嗰D 講 "哇~好大塊", "好林好好味"加上, 離開餐廳時, 排隊人龍已多達20人以上....小弟完全無言以對 究竟食扒係要食價錢, 定係食質素?"林" 是否就代表 "好味", 自問對食物要求唔高, 只希望嗰種食物有返自己應有嘅味道....我敢講, 就算連扒王都做得好過佢 (除前菜同甜品外)試過, 唔會有下次