莎樂美餐廳

营业中

休息中

爸爸生日佢話由$60多元，食到依家（都唔知係唔係)咁多年都係食慣鐵板西冷牛排，雖然偶爾會食牛柳或其他，但都係西冷好味例牌，有餐湯餐包紅湯…羅宋湯白湯…周打魚湯上圖/下圖都係西冷牛排唯一分別上圖係肉汁，下圖係黑椒汁（要另外加錢）一般配薯菜，如果轉飯或意粉要加錢牛排，如圖所見，好大塊偶爾可能會遇到塊排係無咁靚圖中為五成熟，中間义落去有少少血水不過都應該唔止五成熟今日塊排好淋餐再跟餐飲，小杯的如果覺得唔夠喉，可以加錢加大杯啲最後仲有球雪糕

到「莎樂美餐廳」，本是打算吃下午茶餐，但見午餐的鐵板餐才六十元，而下午茶餐平均都要三十多元，我家三口便決定吃兩個鐵板餐。麵包送上桌是暖的，塗上牛油後很不錯吃，羅宋湯的味酸甜平均，菜已煲淋，只是欠了點肉，湯的質地頗濃，整體不錯，但我還是喜歡較為稀一點的羅宋湯。「串燒大蝦皇伴莎地亞什扒」，內容非常豐富，有一大塊豬扒，一大塊雞扒，一隻大頭蝦，一塊火腿和一條腸仔。豬扒稍嚡，亦稍咸，雞扒熟了少許致有點乾，但味道不錯，蝦是大頭蝦，火腿和腸仔則很咸。「黑椒薄牛扒」，我們不吃辣，固改了燒汁，牛扒有兩大塊，亦不薄，唯稍韌，估計有八成熟了，有牛味，只六十元，不能要求太高吧！沒想到餐後還有朱古力雪糕一球。六十元一個鐵板餐，真的還想怎樣，有兩大塊扒，有麵包有湯有雪糕有餐飲，性價比高，值回票有餘，何況，這四塊扒也不算差，大家樂的牛扒餐一塊也六十元呢。良心食店就在此，六十元的鐵板餐，很便宜的價錢，而吃到了合理的味道，值得再吃！

係荃灣住嘅人都應該聽過或者食過呢間老字號扒房餐廳，皆因佢係呢度都開業咗幾十年服務街坊，見證荃灣不斷改變，佢仲可以屹立不倒你就知道點解，挭係有D賣點才可以存在，今日就有機會來食吓呢度午餐午餐餐牌有兩種選擇，一係鐵版套餐同正常套餐加焗飯同埋沙律呢4種款式見到價錢差小小,我就要串燒大蝦皇伴沙地亞什扒配黑椒汁，餐湯要咗羅宋湯跟牛油餐包，餐飲係凍奶茶再來係主菜鐡板餐，份量超多好厚，醬汁自己落可以控制份量。先食火腿，再食係豬扒，超大塊大過隻手，至於肉質鬆軟已入味唔錯再下一層係雞扒，份量一D都唔小過豬扒，雞皮香脆內裏肉質嫩滑。之後係串燒大頭蝦肉一般有D霉唔夠鮮，香腸同薯角還可以最後食埋抔朱古力雪糕整體來講還可以，咁價錢咁份量係第二間食一樣未必有咁多，水準或者都係差不多，又可以食到肚飽，真係冇要求。

唔記得是父母帶我來食或是同朋友來食，記憶中來食時是之年紀輕輕，最深刻印象就是個餐好大份，我一個人是食不完，每次經過都心思思想入去重溫，記憶中食物不是太好味，也不難食，最重要價錢平，又大份。終於決心入去，食後 😣😫😲😢，再加上肚瀉 ☹😭，雖然只是肚瀉一次，不知是雪糕引起，或是凍檸檬茶引起，但我感覺真是非常失望 🙈

話哂都係一間扒房，但原來係流既，比流更流 。。。因為根本就未入流 ！同男朋友每人叫左一個扒，已經唔係 $ 88 蚊個 d 精選餐，而係 $ 150 蚊既扒 ！點左一個西冷扒，一個黑椒牛柳，兩個肉都係選擇 7 成熟 ！👇🏻👇🏻👇🏻👇🏻👇🏻先食配菜，鐵板上都唔太熱，只係溫熱，個 d 薯角係好似擺左成日，凍到硬哂咁，總之好難食 算，扒先係重點 。。。先介紹紐約西冷牛扒 👆🏻👆🏻👆🏻👆🏻👆🏻 請問呢個 《 軟林林 》 ，勁似肥膏既內臟係咩黎 ？見到都想嘔 👆🏻👆🏻👆🏻👆🏻👆🏻👆🏻我地叫 7 成熟！真心想問，個廚師用咩準則去判斷咁樣係 7 成熟呢 ？👆🏻👆🏻👆🏻👆🏻👆🏻👆🏻仲有個面係燶既 好，繼續介紹 。。。黑椒牛柳 👆🏻👆🏻👆🏻👆🏻👆🏻👆🏻一樣係 7 成 ！😑😑😑😑由於，我地冇叫其他食物，亦唔想浪費，所以幾咁無奈都好，都嘗試照食 。。。但食多兩啖已經頂唔順 。。。因為裡面係凍既 ！之後個侍應過黎問我地飲乜 ？我順便問下佢，呢個其實係幾成熟 ？佢態度好差咁話：你要幾多成丫 ？ 7 成都係見血既 ！✨✨✨✨✨✨✨✨✨✨✨✨✨✨✨從未試過食餐飯食到咁鬼嬲 ！埋單成為 $ 325 蚊 ！唔係話好多錢，

真係好難食，大家千期唔好黎浪費金錢，佢啲牛無牛味，好梅，好鞋！都唔知食緊咩！我食左三分一就頂唔順！好差 啲人服務態度又唔好！價錢又唔係話真係咁平，真心呢間野係伏！

這間店都算歷史悠久，好有懷舊feel，叫左個日本帶子伴美國鷄扒加白箘蒜茸汁，份量十足，塊鐵板差D裝唔晒，兩塊雞扒都好厚好大塊，口感十足，肉質美味，個汁都可以，蒜茸味唔重，有湯又有雪糕，$60真係低食。

一向多菜少肉嘅小編甚少光顧扒房, 有一晚友人介紹小編食荃灣區沙咀道出名嘅豉油西餐, 乜嘢係豉油西餐? 根據wiki, 即"港式西餐, 是一種具有香港特色的西餐料理".踏入門口, 有啲穿越感覺, 好懷舊, 侍應帶我哋上閣樓, 樓底好矮, 枱凳都好窄, 枱面擺設好似幾十年冇update過, 講真, 小編覺得呢個環境好得意!餐牌都好舊, 選擇甚多, 小編同友人比較懶, 睇套餐就算. 友人點咗個海陸空套餐, 小編點咗個夏威夷汁鐵板雞餐.食物質素好一般, 羅宋湯太重口味, 海陸空餐全部肉同汁疊埋一齊, 唔係鐵板上, 視覺上有啲失望, 夏威夷汁雞扒ok嘅, 小編欣賞佢有幾粒菠蘿!!未食完主菜待應已經隊兩抔雪糕chur人走, 原來晚市好多人, 排隊排到上閣樓! Well, 睇驗過就夠了.

兩年前一家大細行完城門水塘之後晚餐，果時水準已經唔多掂，主要原因係叫5成變3-4成，叫7成變8-9成！兩年後既今日，食肆仍然存在，而老公又好想鋸扒，荃灣應該無鐵板扒房，所以我哋決定比多次機會佢，試試水準會唔會有改善，點知結果係再差多幾錢。。。唔會再有下次！T骨扒吸取上次經驗教訓，諗住今次叫６成一定無死，扒上枱一刻，眼見外表好對辦，但切開就唔多對路，都唔識點形容呢件嘢，口感較腍又無牛味，而顏色偏向似豬扒，真係唔知佢用咗幾多梳打粉去醃件扒，我只識形容佢係一件大T骨！西冷扒同樣叫6成，但出嚟結果係7-8，非常失望！肉無肉汁又鞋烚烚，切係ＯＫ容易既（我相信又係梳打粉既威力），但無味道可言囉，只係靠燒汁去彌補，而唯一覺得好味既係旁邊既配菜－薯角！二人共消費：$230後記：雖然係扒界老字號，但我覺得佢對食物毫無熱誠，請好好監管食物水準！另外，衞生問題都好嚴重，下層卡位全程都嗅到廁所味，有點嘔心！冷氣非常凍，完全無除過外套，一出街先可以溶到雪！

今日早上睇到都市日報推介，今晚特意和朋友一起去試下。我要7成熟西冷牛扒鐵板上，另外我朋友要什扒鐵板上。但大家見到鐵板唔熱，倒汁時無聲。我牛扒太生，只係邊熟，里面全生，食到一半頂唔住，請他們再煎，後來變十成熟，咬到我口好累。我朋友什扒全部都唔熱，扒就熟，但涷。我們感到太失望了，以後唔會再去。另外，服務員做野好快，比我感覺想我們快d食，快d走。我們食得好辛苦。從未食過咁難食的扒房。相比大家樂和大快活都好味過它。

周一六點，同十世無見的弟兄S相約在這間歷史悠久的平民扒房食飯，食完飯去睇戲。我和他也點了精選晚餐88的 鐵板牛柳粒，外加一杯紅酒。例牌是餐湯和餐包先到，真材實料的羅宋湯還是一貫水準，我見弟兄的周打蜆湯也是真的有蜆肉喝著湯的時候靚姐左右手各自拿著一杯紅酒來了，放下紅酒後，還煞有介事地移正了發黃的杯墊再將紅酒放上去……我想這些小細節便可以看出老餐廳堅持的用心吧湯還沒有喝完菜蔬蟹柳沙律便來了，蕃茄片和青瓜也很新鮮爽脆…正吃著沙律的時候主菜也上了，不難想像牛柳粒伴著薯角和雜菜粒白煙騰騰，橙色的醬汁正在滋滋作響。主菜最令我驚喜的是薯角雖然只是普通貨色但烤得焦脆可口，至於牛柳粒雖然不算韌但味道廉價，而橙色的醫汁味道更加廉價，很切合廉價精選晚餐這個主題我還是津津有味地把整盤吃光了，S則吃剩了四分之一。正當我們捧著肚子，呷著剩下的紅酒準備買單之際，居然有甜品！懷舊的小鐵碗盛著洒上彩虹粉的朱古力雪糕球來了我們還被提醒還有餐茶未點！結果：好飽我見食評裡對這裡評價好壞參半，但我仍會給上一個，因為在這一餐裡，我還是感受得到老餐廳對食物和服務的堅持，加上我自己對這裡有特殊的回憶…對上一次光顧這裡已是十年前，十年

聽人講呢間野幾好食幾好食，所以今日同朋友黎試下，一食點知中伏，鉄板扒D扒係凍既，甘大個女都未食過凍既据扒，仲要收百幾蚊一個set，隻蝦霉既，叫佢換第二樣野俾我，點知佢話換條腸仔俾我，話d蝦係急凍蝦係甘既，我o晒咀。第一，一隻蝦換一條腸已經搞笑。仲要話急凍蝦係咁既?其實我同朋友自己都係做飲食，就算係急凍既蝦都唔會係霉law,一定係佢地儲存方法有問題，成碟扒食左一半都無，已經食唔落去，唔係因為飽，係因為真係好Q難食。最搞笑係睇食評d人話好食先搞笑

許多時候等車回家，總會留意對街一間叫莎樂美的懷舊餐廳。它外表有點舊舊的，令我實在好奇來為何來幫襯的人卻有那麼多，記我今年農曆年過後，回復正常營業的第一天，店外更見長長人龍。推門入內，空氣中飄着混和清潔劑的氣味，這時才想記剛剛門外掛了個「廁所維修」的吊牌。我們見樓上還有一層，便決定往上看看，如果樓上也是同樣情況，我想我們還是會摸摸鼻子走人的。慶幸上層環境還好，不過冷氣太強了點。這兒的晚餐選擇不多，套餐設定包括餐湯、沙律、餐飲和雪糕，價錢大概$80~$150不等，相當超值。匆忙的點了兩款精選晚餐，包括蒜蓉雞扒餐($83)和鐵板極品牛柳粒餐($83)。餐包捧上手，冷冷硬硬的。日式沙律看來乾巴巴，賣相不很吸引，感覺跟西餐亦不太協調。餐湯份量倒是比平常多，只見大大的湯碗中有件類似魚塊的東西，撈起來，發現原來是片梳打餅。蒜蓉雞扒餐端來時份量相當嚇人，雞扒疊了兩塊，每塊比我的臉還要大，把埋在下面的薯角幾乎都遮蓋住，女士單憑一己之力應該沒可能把它吃完。伴菜薯角看起來香脆可口，但明顯有點放涼。要數當晚的亮點，可能就是鐵板極品牛柳粒餐。牛柳大大粒，有口感之餘，肉質軟軟的，只用了少許黑椒提味，雖然意粉同樣放

荃灣的懷舊西餐廳抵食夾大大件！係好浮誇的平價扒餐 ！只需$58便有一份鐵板餐雜扒餐有: 大蝦、雞扒、豬扒、香腸、火腿、 薯條你完全唔會理解 點解可以做到咁平又好味精！黑椒牛仔骨都好正！肉質雖然太點韌，但黑椒汁夠惹味有一次唔小心被牛肉啃親，切太大舊放了入口，咬唔開照吞就出事了^^""""魚柳就健康少少啦～但一樣都係好大好大塊！每次去都要兩個女仔先食得哂冇記錯加$3就可以多碟意粉，每人$30就解決到一日LUNCH~~~最好係餐連餐包、湯、飲品＆甜品！呢個LUNCH真係無得輸！晚餐餐牌會調整~~~~貴少少

老牌傳統 平民 扒房， 平時夜晚大排長龍， 等了又等 ， 唔想等可以點 ，梗係 揀個lunch time 時間去啦，58蚊 一個鐵板午餐，平靚正!餐湯可以選擇羅宋湯或周打魚湯， 我個人比較鍾意飲羅宋湯 可以食下啲雜菜感覺都健康啲而且羅宋湯味道酸酸甜甜咁比較開胃 就算鋸完個扒， 感覺都好似冇咁飽滯。 呢度嘅 羅宋湯 個湯蕃茄味唔會好濃 ， 帶 小小 酸may may，而且裏面有很多雜菜 畀你食。黑椒牛柳條跟 薯菜如果 男士或者比較 食量大啲嘅客人 ，想食飯或者意粉 可另加多三蚊。 一般好似我哋女仔咁 食埋佢啲配菜我相信已經會好飽， 足夠你食。我比較鍾意食 肉質鮮嫩一點 ，所以點了五成熟都係剛 剛好，牛味十足， 我諗點七成熟可能會韌。配菜和薯仔如果可以再腍些少會比較好啲。食飽飽最後 再食埋佢個朱古力雪糕 ， 我個鐵板午餐 咁就為之完美結束喇😋