莎娃迪卡 (已結業)

路過見到佢新開張，就入去試下。佢話係泰國師傅煮，令我滿心期待，但希望愈大，失望愈大。四個人叫左幾道菜。先講沙嗲串燒，叫左豬牛雞各兩串，雞有雪味，牛肉好“un“，豬肉好“hi“好老個沙嗲汁仲要好稀，唔好食，而且串燒唔夠熱。之後馬拉盞炒芥蘭，好喊。黃咖哩牛肉，牛肉有“那“粉“那“過，5好食，咖哩汁又係冇咖哩味，似蒲汁多泰式炒金邊粉味道就好，但啲粉好似未煮林咁，硬左啲。新張期間，佢仲送左啲蝦餅魚餅，普普通通。唯一值得稱讚，係侍應嘅服務態度良好，但價錢又唔算平，又唔好食，我不會再去。

曾經光顧過這個地址的西餐廳，原本是社企年長人仕工作嘅地方，近排發現突然轉左手變左泰國菜又試一試☝🏻️小店門外有個店員不斷向途人介紹佢地新開，唔少路人都因為佢嘅誠意入左去試午餐選擇不少，價亦很相宜今日想食咖哩飯，有紅、黃、青咖哩3種選擇，亦可選配雞、牛、豬基本上餐廳同以前嘅外貌無變，所以裝修亦係一間西餐廳嘅外觀，加左少少泰式嘅裝飾物。叫左$55的青咖哩豬飯龍眼冰特飲加$9大大杯龍眼冰，甜度適中，上面幾粒龍眼肉清甜爽口青咖哩豬的份量不多不少，作為午餐係岩岩好的，豬大概有7、8件，配料有豆角、辣椒、九層搭，青咖哩方面是溫和的辣味帶點椰汁甜香，調味唔錯，質地方面我認為可以杰身少少。佐敦區午市競爭好大，祖迪知道同區亦有價錢、menu接近的泰國餐廳，莎娃迪卡的優勝之處是座位比較舒適，服務態度良好。如果餐廳內有背景音樂播放高更完美了。