莆田 (形點 I)

营业中

休息中

莆田是一間在新加坡拿過米芝蓮一星的菜館這次來到形點逛街剛好有一間莆田在形點中而且莆田經常都是滿座的幸好這次早點去有位置不用等坐下會先送上小菜我們還點了中蝦苗拌頭水紫菜這個賣相精緻而水紫菜的口感爽口彈牙味道有一點帶酸甜的感覺十分開胃百秒黃花魚魚肉煮得剛剛好不會太熟或太生剛好可以輕易夾下魚肉而黃花魚的幼骨比較多吃時要小心一點酥炒芋芯這道我覺得可以算是甜品芋芯外層是甜甜的脆糖加上芋頭當作甜品也可以莆田滷麵這滷麵的湯很濃郁而且是稠身的麵的質感很軟滑因為加入了蜆肉的關係整個麵也是海鮮味

呢日轉吓口味, 同朋友到莆田食福建菜~ 福建近海, 自然能吃到很多美味的海產, 余媽媽大愛! 先來前菜, 脆卜卜的頭水紫菜, 令我地食到唔停口呢！ 到主菜出場。。。 <蝦苗伴頭水紫菜> 呢款福建名菜真係名不虛傳, 滑滑的頭水紫菜酸酸甜甜好開胃, 蝦苗好爽~ 完全帶出福建菜不清淡, 偏於酸甜的獨特風格! <紅菇燜豆皮> 好入味! 菇爽爽地, 伴金針, 腐竹, 腩肉, 聖子, 柱貝, 蝦乾特豐富材料一陣煮, 入口絕不單調! <酥炒芋芯> 我地非常喜歡, 用油輕炸, 芋芯外面好香脆香口, 甜甜地, 裏面又夠粉, 多吃幾件也不會膩~ <百秒黃花魚> 黃花魚香鮮甜, 魚肉好滑, 煮得剛剛熟, 落左薑冇咩聲味, 加上好鮮甜嘅魚湯, 真係回味無窮啊！ <莆田滷麪> 麪好充料, 好香滑。。。配料很豐富, 有蝦, 蜆, 豆卜, 菇, 豬五花肉等, 非常惹味! 呢餐福建菜冇令我地失望, 座得很舒適, 而且服務員很勤快, 不時為我地加茶, 間中食吓佢轉吓口味也不錯!

米芝蓮一星福建菜，係元朗西鐵站已經見到有廣告，一於試下😋好容易認又好得我歡心既藍綠色，一上二樓離遠就見到了！都幾肚餓就嗌個二人餐試下百秒黃花魚令人驚喜嘅黃花魚！魚肉好滑，但一定要盡快食，話明百秒，等多陣肉質都即刻唔同左。魚湯非常好飲，不過黃花魚真係幾多骨，要小心d食!酥炒芋芯外皮優甜又脆，食完一舊又一舊芋芯睇個人口味，我鍾意食芋頭，就覺得幾好味！另外仲有興化炒米粉、椒鹽海蠣、海蠣湯蠔仔比較腥同多沙，家鄉菜，食唔慣！好鍾意呢度嘅環境，寬敞又夠開陽午餐同下午茶都幾抵食！

早上起床，來飲茶，本來打算食點心，經過時發現莆田海蠣節，適逢季節推廣海蠣，六選二套餐價才$188，非常抵食。六款食法，包括有炆、煎、炸、湯、漬。各俱特色，需要從中選二款，真係心大心細，好難選擇，最後由朋友拍板定案。江口家鄉海蠣湯，滿滿一大碗的海蠣，肉質飽滿，粒粒分明，配搭番茄、椰菜花，口感豐富起來，多了嚼口。食物味道層次也提升。而且非常有營養價值。餐廳用了九層搭來炆海蠣，是個創新的煮法。一般人可能只會想到用羗蔥，但九層塔就帶出了海蠣的鮮味和炆煮的香味，既香口又鮮美，呈現出新鮮感。興化米粉用黄尖米制作，比一般米粉尖細和幼小，色澤微黃，易煮易熟，口感細緻。配上炸花生香口有嚼勁，佐佴蜆仔，增加食慾。炸黃花魚就食得多。這個百秒黃花魚，顧名思義係用百秒時間令魚煮熟，短時間內鎖住魚的鮮味，肉質細膩，嬾滑，甚至湯都好清甜可口。溫馨提示：黃花魚帶有細骨需小心進食。酥炒芋芯，比炸來得健康，入口不覺有油膩感，外脆內香，炒香有焦糖味，爽甜美味。可以當一款甜品的心情去欣賞。吃完再慢慢嘆下茶，傾下解，看著小孩在一邊玩耍。不用上班的日子可以好放鬆。此時才發現餐前小食其實好開胃，酸甜中又有木瓜味，連小朋友都喜歡吃，

放工約了朋友去形點行街找野食, 平時西餐得多, 想食返少少中菜, 最後決定食莆田~上次食是推介紅菇, 過一排依家見到個大牌寫住海蠣, 即時蠔仔/蚵仔那類吧?朋友喜歡食煎炸食物, 特別點了碟椒鹽海蠣, 脆卜卜, 送啤酒就一流~ 配白飯也扒多兩啖>< 另外要推介下椒鹽豬手, 外皮脆到我以為是乳豬!! 因為脂肪炸後都流失, 食落是不會太油膩的。主食要推介興化米粉! 超級幼細的米粉, 我覺得似新竹米粉, 炒過後微乾身,米粉比平時粗身的米粉更入味! 茶介也很特別, 是炸紫茶, 很像零食, 還有碟酸菜, 十分開胃。

很久沒有去莆田食飯, 剛好晚上去元朗有一家, tiffanyblue的顏色有別於一般的酒家, 電梯上二樓遠遠便留意到。要了一壺菊花茶感覺很濃烈的菊花味, 打開看到一大包菊花~ 清熱解毒~ 我每次來都會點招牌菜百秒黃花魚, 魚肉又滑又嫩, 必食!! 而且我很喜歡薑的, 魚湯中是鮮魚味加薑的味道, 每次都會飲晒!!!!今次試新野-九轉小腸, 我估是腸中塞腸直到沒有空間, 然後切成小粒, 雖然小腸內都是滿滿的小腸,不過口感好彈牙!!不會死實咬唔到, 有點像厚肉版的牛肚口感~ 呢期是海蠣節都點了碟紫菜海蠣煎蛋, 海蠣數量多得很!!! 每一口都是滿口海蠣, 很嫩~ 300天的海蠣都很肥美~要試一試!

屋企人鍾意食中式菜，咁就揀間米之蓮一星試吓裝修靚D，等屋企人又可以坐得舒服D。前菜小吃都好食，係紫菜炸得香酥脆而不油，醃木瓜味道酸酸的十分開胃百秒黃花魚 有點魚湯水精華，沒有腥味，頗觧甜！肉質鮮味嫩滑! 但要多注意，小心吃，因為比較多幼骨!興化炒米粉加入多款海鮮配料蝦仁、蜆肉、豆乾、炸紫菜、炸花生等等，配以上等濃湯燜炒，米粉鬆韌，味濃鮮美極品椒鹽豬手豬肉是嫩的，加上椒鹽，外皮焦脆，肉筋爽滑彈牙，含豐富骨膠原，確實惹味；然而厚厚的豬皮頗膩口金黃的荷葉包包非常香脆灑上濃香芝麻，夾入蔥香醬濃的肉絲，好味酥炸椒鹽海蠣蠔配脆炸粉，細細粒一口一個，酥炸後香脆可口整體而言，環境很好，食物有質素，只係食物份量略為小碟，價錢偏貴。

這家來自新加坡的過江龍我們已經第二次光顧了，上一次是在尖沙咀，適逢週末入元朗又想吃點清的，不作他選了。星期六晚上，少不免的人頭湧湧，得等15分鐘左右入座，捧場客挺多。花白的雲石紋枱面感覺明亮大氣，配合原木的色調帶出暖感。前菜 頭水紫菜烤過的頭水紫菜咸香酥脆，只以少量鹽作調味，吃不停口。自家醃製的薑片亦很有水準，薄切而且不帶半點渣。蝦苗拌頭水紫菜同樣惹味鮮甜的蝦苗拌上頭水紫菜不但毫不搶味，且令整體更添脆嫩口感，而紅醋的調味亦剛剛好，酸酸甜甜很開胃。酥炒芋芯芋頭芯切成方塊，外皮炒得微焦香口，外脆內香軟，蜜汁的甜與芋頭的香很搭調，毫無違和感。百秒黃花魚福建名菜味道清新，肉質鮮甜偏淡口味，很正宗的一道，是有點多骨，但瑕不掩瑜。莆田滷麵麵質軟身，掛湯力強，湯底足料鮮味，而內裡的蔬菜亦嫩綠清甜。紅菇燉土雞使用了相對罕見的食材-紅菇，香濃的菇菌味撲鼻而至，更將整鍋湯染紅；而特意挑選的土雞亦很鮮美，很有雞味而且肉質結實彈牙，很足料的鍋物。

同囡囡去公園玩到攰，就到Yoho 食餐好的，試下米芝蓮一星飯店莆田，7點幾人流唔算好多，唔使等位就試吓先😝看了看餐牌，菜式都幾多，有選擇困難症！店員主動過嚟介紹 店員先奉上炸頭水紫菜同酸瓜，炸得香酥脆而不油，小朋友好喜歡食酸瓜酸酸甜甜好開胃👍👍👍仲有一壺好香嘅菊花茶百秒黃花魚是莆田招牌菜魚肉很滑嫩，又嘗到魚自身的鮮味，加上燜鍋中的魚湯更是鮮甜味美，囡囡好喜歡食😘莆田的興化炒米粉 材料豐富有蝦仁、蜆肉、豆乾、炸紫菜、炸花生…等，米粉有白如雪，細如絲的感覺，配的上等濃湯燜炒，米粉鬆韌，味道鮮美黃金荷葉包包好脆即切即放料。熱辣辣包面嘅芝麻更香脆，加埋啲肉好嘢味莆田的九轉小腸做到爽口彈牙，上桌連燭台加溫，保存著溫度，不帶腥味👍服務員見小朋友扭計，主動係囡囡面前扭波波送俾囡囡😘😘😘 整體黎講食物真係幾好味👍不過份量就好似少咗啲，如果有大食嘅人應該唔夠飽🤦🏻‍♀️

早排同朋友食過一次覺得幾好味，媽咪知道又話想試，呢日就專程帶佢黎品嚐一下菊花杞子茶，媽咪好中意飲，菊花味清香撲鼻一排無黎原來出左新既海蠣菜式，福建出名海產，當然要試下。烤得金黃酥脆，皮薄乾爽，椒鹽味好香，海蠣肉嫩易化，而且一啲都唔腥煎蛋炒成香口微焦，海蠣份量多，啖啖肉好鮮味加上蛋餅加左紫菜同韮菜，食起黎更有口感。媽咪中意食魚，專程點左呢味百秒黃花魚。湯底清甜帶鹹香，黃花魚肉質分明，唔多碎骨，老少皆宜。芋條外甜脆內綿密，甘甜惹味，食多幾件都唔覺漏。米粉口感鬆化，味道清清地，加左乾蒜炒成，好香蒜味，仲拌左啲花生粒同小棠菜粒，口感豐富。搭配枱上既莆田辣媽醬，蒜香十足，帶辣勁，食起黎更過癮，絕配媽咪食完都忍唔住買左樽返去

莆田貴為2016年車胎人推薦餐廳，宜家進駐咗元朗yoho，住喺元朗嘅我當然要嚟試吓，餐廰嘅空間相當大，座位多得嚟又夠哂闊落，推埋bb車嚟都坐得好舒適。蝦苗伴頭水紫菜，豉油有頭抽，原來紫菜一樣有頭水紫菜。紫菜每年可以採收12次，頭水紫菜只有一星期採割時間，而首次採割的紫菜就叫做頭水紫菜。頭水紫菜口感柔滑細膩，味道鮮香，配搭獨有嘅紅尾蝦苗，涼拌嘅食法酸酸地而帶冰爽，係一個好開胃嘅前菜。酥炒芋芯，平時對芋頭嘅印象係好易飽肚，但呢道菜選用上乘嘅檳榔芋，只用最嫩滑嘅部份，以農家傳統方法炒製，外層香脆帶甜味，口感外酥內軟，鹹中帶甜，每一啖都係正宗嘅莆田風味，很易就令人食上癮。百秒黃花魚，黃花魚因魚肉軟嫩鮮甜，骨少肉多，香氣四溢而聞名。莆田團隊精心研發及開創出獨特嘅烹飪手法，只需100秒，就可以蒸熟一條新鮮嫩滑嘅黃花魚，味道淡而不寡，肉質熟而不散，最大程度將黃花魚嘅鮮保留落嚟，充分體現咗黃花魚鮮美原味，成為鎮店名菜，試過一次，真係久久都唔能夠忘懷。紅菇燉土雞，紅菇係福建特產，喺福建鄉下嘅女人，坐月嘅時候一定係飲紅菇雞湯；紅菇風味獨特，香馥爽口，有人試過將紅菇炒嚟食，結果好似食木碎一樣，其實紅菇最啱係

元朗大型商場YOHO ，出名既食肆林立，其中一間係有米芝連既中菜，既然咁出名，一於拉大隊去食! 一入去餐廳，環境好舒適，好大好寛敞，而且座位都好舒服，服務員都好好招待，好好禮貌。打開餐牌，有好多選擇，不同款式，應有盡有，海鮮、湯、小吃、肉類、菜類、各式甜品。前菜畀咗一碟炸紫菜, 紫菜經炸香之後, 香香脆脆, 又唔覺得好油膩, 食落口幾開胃, 增進食慾。蝦苗拌頭水紫菜，必點的前菜，放入口清清爽爽，嚼著淡淡紫菜香， 加入咗醋黎調味，好開胃。 蝦苗亦令呢碟前菜提鮮， 不知不覺一箸一箸的吃，而賣相亦相當精緻。百秒黃花魚, 用缸瓦煲乘載黃花魚, 賣相都不錯, 魚中間斬開, 兩邊肉可更容易夾, 魚肉入口即溶, 有湯嘅鮮甜美, 無得彈! 再飲任佢嘅湯頭, 鮮甜無比, 最緊要就係黃花魚一啲腥味都冇, 值得一讚。另外我都喜愛就係酥炒芋芯, 外皮甜甜地又脆脆地，比想像中好！芋芯大小適中，炒到冇油，非常之健康，炒得雖然乾身，但係口感依然唔會乾爭爭， 芋頭亦相當粉。這個是莆田鹵麵，上枱時已經聞到一陣陣麵香，用料十足， 有蜆肉、蝦肉 、小棠菜、草菇等等。食落味道不錯，有點內涵，麵質幼滑爽皮，又係清哂窩！接待員曾

放工返到元朗，唔知食咩好之際，又揀左去食莆田，事關好掛住佢間野先有既辣媽醬~兩個人叫左五樣餸,最後食唔曬打包走前菜:蝦苗拌頭水紫菜蝦皮同紫菜好夾,酸酸甜甜好開胃~紅菇燉土雞$198生長於1000-1500海拔既野生紅菇同雞一齊燉既湯，好有鮮味，大大煲，湯仲係紅紅地色既好特別,飲落好滋補咁~事關佢個介紹係”湯愈紅 味愈鮮”酥炒芋芯$89好酥脆既外表配綿滑既芋芯，太好食啦!呢味餸真係要襯熱食，口感更佳~百秒黃花魚$69D魚好滑身,配埋辣媽醬真係無定得彈。莆田滷麵$82每次必叫黎食,湯汁好入味，D青菜仲好綠而且唔生，配住上海幼麵食一流!

莆田在香港滿有名氣，除了是來自新加坡的福建菜，還是2016，2017米芝連得獎餐廳。莆田價錢親民，但午市晚市人流較多，建議訂座或提早到達。蝦苗拌頭水紫菜以青瓜包住水紫菜，紫菜入口冰凍滿滿水份，口感柔軟滑身，味道酸中帶甜，建議把蝦苗攪拌均勻再吃。酥炒芋芯師傅把芋頭切至粒狀，把表面炸至香脆，再刷上一層糖漿，燒至脆身。入口外脆內粉軟，里面是原粒芋頭肉。百秒黃花魚魚開邊用百秒蒸成，肉質幼嫩柔軟，魚鮮甜而無腥，不過會有些少骨刺仔。莆田滷麵湯底濃稠似羹狀，味道鮮甜，麵質彈牙煙韌，每夾一口麵也吸附不少湯底，入味而口感也很好。紅菇燉土雞（例）紅菇不能人工培植所以以野生為主，具有極豐富的營養價值。看湯渣已經知道用料豐富，湯濃郁鮮甜。店家以土雞燉紅菇，入口鮮甜富雞香，湯里帶鮮菌味。

其實我久仰呢間餐廳大名好耐，因為佢成日賣廣告，又話米之蓮一星，好吸引咁，佢竟然響元朗都開咗分店，我二話不説搵埋朋友一齊去試吓啦！佢個地點都幾方便，近元朗西鐵站隔離嘅形點一期，入面座位都幾多，可能係星期二嘅夜晚我哋唔使等位好快就有位坐😛其實來之前我已經睇定左幾款網上嘅人話一定要食嘅餸菜，睇佢嘅Menu嘅時候入面都有重點推介到，我哋當然要揀。前菜方面我哋揀咗蝦苗拌頭水紫菜($52)，聽講呢隻紫菜非常珍貴，Menu上面又話一年只採集一次，又話紫菜中嘅黃金，好似好勁咁😂擺盤非常精緻，佢嘅味道唔錯，好似四川涼拌菜不過就不是辣的，而是酸酸地好開胃👍跟住我哋揀咗酥炒芋芯($89), 係用芋頭芯去炸，係最軟糯最鬆化嗰一部份，味道甜甜地，而且粒粒都外酥內糯，一粒接一粒，好易食多左唔覺！我哋重點左佢最近季節性推出嘅紅菇燉土雞（$198），原來係一個湯嚟嘅，可能係紅菇成煲湯都都好紅，不過佢呢個湯真係好足料同埋好好飲，清得來又唔會好油膩，好似阿媽燉嘅雞湯一樣，有屋企飲雞湯嘅感覺啊！個個都話要試的百秒黃花魚（$69），100秒應該係一個啱啱好嘅時間將魚整熟，先會令到魚肉又嫰又鮮，我建議一上檯就即刻食，咁樣就可以