荷里活冰室 (樂悠居商場)

营业中

休息中

攰攰哋諗住去荷里活冰室食個飯，佢個西檸雞真係令人大開眼界，個汁稀過例湯，跟住問所有員工一律都話唔知係點，又或者對住我個西檸雞企喺度祈禱祈咗十幾秒完全噏唔出一句說話，最後就話俾我聽係咁㗎係咁㗎…之後拎咗個黃色嘅汁過嚟話俾我聽係咁稀嘅係咁稀，咁多個員工冇一個知道究竟西檸雞整出嚟係點㗎？全部都淨係O咗嘴，然後粒聲唔出，真係完全估唔到，而家經濟咁差，估唔到都做到咁，你意思即係叫我呢一世都唔會再食，點解做生意可以做到咁？啲夥計乜都唔知..完

有個類似店長嘅女仔，黑口黑面唔在講，有一次點餐佢覆我嘅時候有錯漏，所以我最後提醒佢凍檸茶少甜，佢話落左單，無得改！就行開，話之你第二次約左個客係11:30係餐廳等，我叫了一個早餐，個客嚟到叫了一杯野飲，12點鬆啲有個阿姐嚟執枱，話佢哋要做午餐，趕我哋走！點解今日先寫評語？因為今日經過見到嗰個類似店長嘅女仔比個客狂爆粗鬧佢，我都估到佢實會發生這種事，但亦都估到佢啲同事話幫手閙番個客，重趕個客走，因為佢哋好多同事應該係同一個鄉下，以前聽到佢哋溝通都夾左幾句鄉下話，係到評論啲客人。食物就ok, 我建議如果去嗰度幫襯，千祈唔好現場有投訴，盞同一班人嗌交

下午茶，食炸脾是常識，配蘋果沙律加薯條就第一次食得咁豪，但係都唔貴，叫埋凍飲都係$47蚊，超級化算。講返味道先，外表炸脾炸得唔錯，只係唔夠生炸咁脆皮，但雞脾內裡非常juice，食到味都有汁，又無血，食落都正，但油都有好多。雖然雞脾油多，但好彩我選了蘋果沙律去索油，就顯得蘋果沙律菜更正更好味，配菜勝主菜，哈哈哈。薯條就沒有咩分享，都係著條啦！但我杯凍鴛鴦少甜少奶，就真係好到位，睇黎水吧師傅今日有手神，咖啡同奶茶配得很好，真係想再飲多杯，係我近來幫襯茶餐廳很少遇到一杯好鴛鴦。

星期六下午一點左右去食，普通茶記質素，冰室價錢，重點係對獨自用餐既人士非常之唔友好，不停咁逼人搭枱。明明四圍仲有唔少位，眼見仲有四張8位坐既大圓枱冇人，兩個卡座冇人。一坐落卡座，員工叫要我同一搭枱，問佢點解明明仲有咁多位，都要人地搭枱？ 佢就粒聲唔出，黑晒面咁行開，十分之冇禮貌。仲有又係其他茶記既通病，未食完就黎收你野，感覺好差。之前同屋企人都試過食完呢間野肚痛，不過唔知關唔關事所以冇打出黎，真次真係嬲嬲地，服務太差，忍唔住差評。

試新嘢總是十分刺激，朋友聚會就一齊黎荃灣嘅荷里活冰室食港式茶餐廳啦！一早就預約咗，食完之後喺心中留低咗一個重要位置，美味程度爆表！🙀🙀🍞首先就要黎一個菠蘿油！香脆嘅菠蘿包配上滑溜溜嘅牛油，簡直係最好嘅早餐組合⭐️味道一流，朋友全都大讚好食😀 🍜接住就必須試下懷舊沙嗲牛肉湯公仔麵配炒滑蛋，牛油餐包，湯底濃郁，牛肉鮮嫩，配上公仔麵同炒滑蛋，一試上癮，真係回味無窮！💖🥤再嚟就係叫凍檸水，清涼爽口，酸酸甜甜嘅味道，好解渴又開胃！Jeng啊~！

餐廳裝修簡潔乾淨，喺度食晚餐好舒服食物都唔错，呢度嘅環境真係好吸引人食慾啊！♦️ 煎封黃立倉 ♦️ 首先我哋試咗煎封黃立倉，個皮煎到金黃酥脆，入口咬落去，肉汁噴出嚟，好滋味嘅一道菜👍食落去真係好香口，每一口都令人回味無窮！♦️ 黑椒蜂蜜脆薯牛柳粒 ♦️之後就食咗黑椒蜂蜜脆薯牛柳粒，牛柳粒炒得恰到好處，肉質嫩滑多汁，配上香辣的黑椒蜂蜜醬汁，口感絕佳，味道十分滿足，真係好正味！㊗️ 荷里活冰室絕對係一間令人讚不絕口嘅港式茶餐廳，食物美味得無以言表，無論你係茶餐廳控定係好食嘅食客，一定要黎試試！💕

今晚想來一場港式茶餐廳盛宴，就嚟到位於荃灣嘅「荷里活冰室」食晚餐啦！咖喱牛腩飯✨。我要講，真係好好食🤗🤗 牛腩炆得軟腍入味，咖喱醬超香濃！配上香噴噴嘅白飯，簡直係人間美味！🤠魚湯碧綠蝦球魚片泡飯✨。 喂，呢個組合真係太創新！🤭 魚湯鮮甜配上綠色蔬菜同蝦球魚片，每一口都好滿足！10分滿足有10分滿足！😣😣好好味✌🏼紅豆冰✨. 最後，飲品方面推介紅豆冰，冰涼爽口，紅豆嘅甜味同冰涼感完美結合，好解渴同開胃！熱檸水✨. 另外，如果你想飲暖暖嘅飲品，熱檸水係一個好選擇，酸酸甜甜，暖到心頭！🍋🍋總括嚟講，呢間嘅荷里活冰室整得非常用心，食物新穎獨特，價錢公道，份量十足，實在值得大力推薦！食過一次都會再嚟。🤛🏻

一向鍾意荷里活冰室呢間茶餐廳，今次終於有時間嚟到荃灣試食早餐啦！🤝🤝🤝照燒雞扒配炒滑蛋，牛油餐包🤝🤝🤝照燒雞扒配炒滑蛋，牛油餐包絕對係正宗港式早餐"！雞扒彈牙多汁，滑蛋滑溜香濃，真係好好味到爆💥而且牛油餐包香脆可口，每一口都分人心滿意足，呢個早餐真係一試難忘！😻😻😽😽😽番茄鹹牛肉三文治 😽😽😽番茄鹹牛肉三文治，聽名宇就已經好吸引人！超新鮮嘅番茄同埋鹹牛肉，加埋三文治麵包，真係好味到冇得比😻每一口都带來前所未有嘅味覺享受，絕對值得推介！😚😚😻😻😻凍檸水😻😻凍檸水一試就會讓你驚艷，口惑細滑同埋好香濃。呢杯凍檸水清新爽口，帶有微微嘅甜味，口感超舒服，呢個味道絕對令你捨不得忘記，同埋合你期望再次嚟到呢度飲！ ✊✊

今日第一次嚟到位於荃灣嘅「荷里活冰室」呢間港式茶餐廳，餐廳嘅裝潢十分有港式風味～喺店門口，可以感受到一股濃厚嘅港式氛圍～餐廳環境乾淨整齊，光線明亮，心情都開朗起嚟 ～通常晚餐我都會選擇比較家常嘅食物，但今晚我決定嚟一份梅菜扣肉飯！肉質鮮嫩多汁，梅菜酸甜入味，每一口都好滿足！而漁香茄子煲就更加香嫩滋味，茄子煮得入味，配上魚香醬汁，令人食指大動！凍檸茶，一杯清涼解渴嘅飲品，檸味濃郁，帶有微微甜味，非常適合夏天飲用。「荷里活冰室」嘅食物都帶有港式茶餐廳嘅特色，好推薦大家嚟試試！食完之後，可以散步喺荃灣區，欣賞風景，體驗一下當地嘅生活風情！haha～

開業既時候幾好，越做越差⋯⋯😔最重要係員工態度極度惡劣，個收銀經理好似土皇帝咁，當面指責客人。 已經唔夠人手，個個又匿埋一邊傾偈睇電視，見過幾次客人叫極都冇人應泊拍枱而去。 經常漏單, 去三次總有一次落錯單，仲要對唔住都冇聲，又唔俾人飲品後上，完全冇晒香港茶餐廳嗰種彈性，又唔明點解唔轉自助落單？ 食物質素越嚟越差係事實，荃灣咁多服務&食物質素比佢好嘅餐廳，佢又唔係黃金地段，如果一直唔改善真係唔知佢仲可以做幾耐？唔知管理層知唔知道問題所在…..

點解服務態度可以差到咁 食飯比人鬧兩次！問下點解冇湯話要加錢ok fine 但洗唔洗咁勞氣 第二個焗飯仲離譜 等得耐焗飯都理解 問下你可以問翻我有冇落單 聽講你係侍應你落單架喔 其實如果冇落單我又點有嘢飲 邊有人問個客有冇落單咁離譜 成餐飯真係好離譜！

食之前問🤴🏻已經話 ‘ 差 ’ ，我未試過🤴🏻就陪我試多次，點知真係差！😗😗當時下晝五點幾得4-5枱客，店員傾偈叫咗幾次先過嚟落單，落單仲要落錯單，雖然一句唔好意思都冇，但都叫做客氣😐😐～～～風沙蒜香肉排飯～～～肉排有4-5塊唔係好大塊普普通通，蒜香味ok，但肉排幾乾吓，但個名都講左係 ‘ 風沙 ’ ， ‘ 乾 ’ 要預左啦😂😂！～～～肉絲炒麵～～～炒麵好香脆，芡汁冇咩味，當中嘅肉條都同樣有咩肉味，淨係食到個麵餅味同菇味😕😕！～～～紅豆🫘冰～～～紅豆好硬，成杯個甜味都怪怪地😖😖～～～例湯～～～湯味正正常常🙂🙂

今日中午去食，落左單。然後等左15分鐘冇單冇野飲上，平時水吧好快出野飲。我問姐姐係咪漏單，第一次完全唔當一回事，話等下啦，第二次先幫我check發現冇落單，又推黎推去話第個阿姐落單唔關你事。最後再落單，本身叫個餐賣晒。d姐姐態度仲要勁串，好似唔憂做咁。d服務趕客到。食物就…都係咁，始終一肚氣，唔會覺得好食。服務態度差到一個點，之前外賣又漏單，拎到返屋企先發現少左個飯，落返去拎咩表示都冇，一句道歉都冇。行兩轉。做野求求其其。仲要冇投訴渠道俾我反映意見。大集團應該反省下。

同屋企人去食下午茶，我哋入去食嘢到食完頭尾都係半個鐘頭時間，唔係坐好耐，呢頭啱啱食完嗰餐，我杯飲品都未飲晒飲咗一半，有個（後生紮馬尾矮矮哋）的女侍應走埋嚟收枱，居然連我飲一半飲品都收埋，有冇咁乞人憎女侍應呢？－般餐廳侍應只會收走枱面上吃完的主餐，然後留下個杯飲品，還會叫客人慢慢坐。我仲同個矮德德侍應講話我未飲完喎😡⋯⋯佢居然一聲道歉都冇，若無其事太過分😡。香港之所以咁多餐廳執笠，除咗租金貴，就係依啲咁差的侍應害到啲餐廳冇生意，廚師煮得幾好食都冇用，冇服務可言，仲邊有回頭客幫襯。

今朝唔算太多人，沖咗入去食早餐，坐低好快就諗好食咩點知一舉手發現成間餐廳除咗收銀一個職員都冇唔知係咪行咗去廚房嗰邊，但我又坐咗喺最入，咁就等啦，等咗10分鐘，終於有人行返出嚟落單即刻有幾個人叫佢哋落單，嘢食都算快嚟到味道正常👌🏻👌🏻食食下，冇神神有個阿姐嚟收左我個通粉，仲要唔講聲，未俾到反應已經走咗，真係咁想趕客？之後埋單又見到個黑口黑面串咀短頭髮阿姐，繼續黑面保持水準🤨間餐廳應該係想參考以前既澳牛