荷花廳

营业中

休息中

Join咗海景嘉福酒店Staycation package 本身餐飲時段係去瀚林廳食自助晚餐🍲酒店職員於當日check in先通知我哋轉咗自助晚餐地點 😅 轉去荷花廳 ➡️ 因瀚林廳當日有wedding event環境乾淨簡潔 比較適合飲宴酒會🍷 商業聚餐 或event ceremony 如果係渡假住宿🏠 呢間餐廳環境不太適合 沒有預計過入住當日先通知 有少少失望😅 整體食物質素幾好 👍食物種類多➡️每道菜都好精緻 👍賣相幾好 👩‍🍳食物整得好用心   啲海鮮🦐🦀好新鮮 ➡️熱盤就相對少選擇 甜品高質🍰服務員好nice 好有禮貌 refill食物都好頻密👍

海景嘉福酒店嘅staycation嚟到第二日，早上就要去食個早餐啦。同尋日晚餐自助餐一樣，我哋唔係去餐廳食而係去宴會廳食。我依然都係講嗰句，響宴會廳食嘢最大嘅問題係配套同氣氛，即使本身食物質素唔差，咁樣嘅配套享受已經大打折扣。西式包點都有唔少嘅選擇水果正常嘅款式都有，至於冷盤就只有一款火腿一款三文治及三款芝士。蛋檔有得做煎蛋同奄烈，但由於唔係一個正常嘅廚房，所以就冇得serve我最喜歡嘅水波蛋了。麵檔有幾款丸同麵西式盤就正正常常有西多、班戟、薯餅、豬肉腸、雞肉腸、煙肉、、煎三文魚、蕃茄，中式就有點心（蝦餃燒賣糯米雞）、雞粥同米粉。啊唔好意思仲有唔記得咗影穀物早餐類，不過都係正正常常嗰啲冇乜驚喜。飲品方面有好幾款果汁，不過都唔係鮮榨嘅，茶包用Twining，冇味道揀，咖啡就用nespresso機即做。朱古力酥同火腿正正常常，芝士同三文魚都OK。而三文魚我覺得今日早餐嘅比昨日嘅更好。都係講嗰句正正常常冇期望冇失望，但真心覺得將自助餐擺喺宴會廳實在覺得係夾硬來做。建議大家預訂staycation之前都要問清楚自助餐會響邊度serve，如果係宴會廳而唔係餐廳我個人就真係唔推薦了。

唔經唔覺都去咗好幾個酒店staycation，今日嚟咗海景嘉福。我有啲後悔選擇左食自助餐，因為發現原來staycation package嘅自助餐唔係響餐廳，而係響酒店嘅宴會廳serve。位於地庫嘅宴會廳首先係冇景觀嘅，另外燈嘅主色調係藍色，餐廳好少會用到冷色系嘅燈，因為冷色系嘅燈會減低人客嘅食慾。呢件事已經唔係好pleasant。另外嘅係枱好細張，我哋三個人原先比一張方形比麻雀枱仲細嘅枱我哋，真係唔係好適合，不過後來佢哋都換咗另一張比較大嘅圓枱俾我哋。海鮮方面有蝦、牆腳蟹、小龍蝦、翡翠螺同煙三文魚。蝦同小龍蝦仲有翡翠螺都相當唔錯，煙三文魚普普通通嘅貨色，長腳蟹無論肉質定味道都真係好一般啦。刺身真係唔係幾OK，得最普通嘅三文魚、赤身、油甘魚同蟹柳，好似最普通嘅日本放題嗰啲。另外都有幾款壽司，都係普普通通嘅貨色。青菜沙律只有凱撒沙律，冇其他嘅蔬菜選擇，不過另外仲有胡麻番茄、菠蘿雞沙律、泰式柚子沙律同泰式牛肉沙律，唔係什麼特別同名貴嘅款式，選擇亦都唔多，但每樣都好好食。試咗一個火炙三文魚壽司，都算唔錯，只係飯太乾。熱盤方面我揀咗燒羊架，羊架都係trim過嘅，另外咕嚕肉同咖喱都好好食，可惜配

是晚出席親友的婚宴，食物同服務生的態度都十分好。宴會廳上放置一台鋼琴無人問津，於是見開心便即興彈奏幾分鐘，唯獨一名男經理上前毫無禮貌問候一句：「先生你仲要彈幾耐？」男經理的不禮貌對待令我全晚食慾大消，為何堂堂一間五星級酒店的餐廳經理對客人的態度和處理手法可以如此差劣？餐廳一方大可以用「搔擾其他人」或「私人財產」等理由勸退，但我真的從未聽過有人對彈琴者如此無禮！一粒老鼠屎可以毀了一鍋粥，請酒店好好培養一下經理級人員的品格。