荷花亭風味小館 (已結業)

前兩日女朋友話好想食荷花亭的椰香湯底，點知去到舊址，先發現拉了閘招租，女朋友好唔開心咁係附近繼續搵食，點知行到去德華公園附近，離遠比佢見到荷花亭個大大banner，原來佢搬左去四坡坊，好多人排隊o既雲貴川風味米線隔離，失而復得! 入到去同老板娘打招呼，女朋友仲同佢講:"幾驚你執左"，點知老板娘都唔知幾開心，碗麫仲大碗左，真好人! 新舖仲少左人食煙，感覺好好，坐得舒服，出來見到好多人係度排隊食雲貴川風味米線，真的想叫佢地過黎試下，真係掂架! 隔幾日中午去食，叫左個椰香湯底的髮絲麫，老板娘知我係舊客，即刻送多碗糖水，水準依然，環境好左，值得推介! 继续阅读

係呀, 上海婆係老闆娘, 肥佬就應該係佢老公,老闆娘都幾好傾...講番正題, 下午茶真係幾抵€~鐘意食'雞翼米線/椰香湯底'...雞翼有4隻!!!不過quality 就好一時時,有時個湯好好味, 雞翼好新鮮...有時就冇乜味, 雞翼晦晦地... 继续阅读

要食好野, 就要知邊個係"頭"大陸口音那個是上海人, 老闆娘, 超級勤力兼硬淨, 上午7時睇舖至凌晨2時. 肥佬好似是她老公, 主睇廚房. 同老闆娘傾計, 佢好似個媽媽咁, 你想食咩話佢知, 你有咩唔舒服同佢講, 佢一定satisfy到你.我今日入去tea, 係講:我發神經, 想食熱條野, 炸d唔該就得到七味雞翼一碟(原來佢自己都係食呢味)同埋唔開聲都會比我的"COT走田"當然, 幾時都係, 同老闆多打交道, 就有好野食. 继续阅读

我都過啦~D清湯有冇你講咁呀~!!食物都好食~!! 继续阅读

我同男友o尋日o係呢間舖頭食晏..我o地叫o左個燒汁鰻魚焗飯同埋日式雞扒飯..兩個都唔錯！尤其是燒汁鰻魚焗飯，都幾好食！至於價錢方面，其實佢唔算平.之不過，佢個套餐又有湯，又有飲品或者糖水送，而且份量唔少，所以都算抵食!!! 继续阅读