影片
今次再到荷叶试佢嘅晚餐，今次点咗 两个煲，一个常餐同一个炸豆腐(忘记影相)，两个煲分别系梅菜扣肉煲($85)，鱼香茄子煲($72)，常餐系炸髀配”芝士”面。两个煲系套餐有饭有汤冻饮+$6先讲梅菜扣肉 肥瘦比例系一半半，肉唔嚡唔干，肥肉入口即溶，汁偏浓，捞饭一流，如果空口食就咸咗DD，梅菜同少少菜心仔垫底，吸晒味唔错。鱼香茄子 ，茄子切得比较大件，咸鱼感觉上可以再多啲(👅我偏好浓味)。都系一个唔错嘅捞饭选择。常餐：叫咗炸鸡脾配芝士面 ，炸髀即炸一赞，芝士面一般啦。整体来讲晚餐唔错，可以再encore戴返头盔先，我觉得好唔好食≠你觉得好唔好食，好唔好食因人而异。
继续阅读
上次唔好嘅经历，绝对冇打乱咗我对呢间舖头嘅信心，今次再一次俾我一个特别嘅惊喜。行完街返去马鞍山专登早几个站落车就系想食多次佢个下午茶。可能成日都冇食过嘢，所以今次嗌得丰富啲。个沙嗲牛肉转左河粉，另外加咗$5要吉列猪扒。最惊喜嘅系我发现佢个落单app热饮里便竟然有柠啡，以前读书嘅时候喺大排档成日饮，估唔到佢竟然将柠啡纳入常规嘅热饮里面。佢杯啡一啲都唔孤寒，俾咗劲多片柠檬。同埋个沙嗲牛肉河粉，啲河粉超大碗，刚好成日咩都冇食，呢个份量直头爆都可以唔使食晚饭。个吉列猪扒就有少少失望，失望在于搏咗少少，但系处理得几好好在外边炸得够脆，里便肉汁仲系好饱满。今次切切实实相当满足。
继续阅读
杨州炒饭🍚$60，餐厅系套餐为主，所以如果散叫嘅话时间会比较慢少少，我呢个炒饭都等咗起码10分钟，不过上碟嘅时候热辣辣出紧烟，睇得出系即叫即做，真系唔话得，杨州炒饭有叉烧，火腿生菜，大虾，蟹柳，成个口感同埋配搭都做得唔错，而且非常大碟，我都差啲食唔晒，质素嚟讲，我觉得都几好，茶餐厅水准系中上罗宋汤🥘，由于星期六日系冇普通嘅汤，所以我另外加咗$6，饮咗一碗罗宋汤，我觉得都几正常，而且份量都好好，有萝卜薯仔同蕃茄嘅口感，整体嚟讲不过不失！
继续阅读
新开一排，有时间就嚟食，食物质素尤其系猪扒真系好有水准，炒嘢亦几好，系偏多油。但应该唔会再去，今日一如既往嚟食早餐，但佢地有d卡位嘅装修系好有问题，就系张台设计得好窄，而个台脚嘅边缘好尖锐，一坐即刻撞亲都真系几痛，咁呢个我自己当然有责任。但我转台嘅时候(未落单)，个短头发嘅中年waitress，佢问我咩事，我就同佢讲返呢个情况，佢竟然一脸不屑咁样话佢从来未试过，话佢地餐厅嘅台无问题。咁本人身高的确唔矮，但隔离台个细粒女士即刻都话佢都曾经撞过，呢到的确系偏窄。咁我好无mood啦，费事同个waitress嘈；食完早餐去counter，咁啱又系呢个waitress帮我埋单，我反应多次我嘅意见，佢竟然又摆返𠮶个嘴脸，我真系把几火。大佬间餐厅又唔系佢嘅，我作为顾客撞到，死都话系我嘅问题，OK咁我咪以后唔嚟食，坦白讲都帮衬得唔少钱，但一间好餐厅往往都系俾啲唔care员工搞到顾客流失，反正佢都打份工。嚟晒大谱
继续阅读
屋企楼下终于有饭堂，今日朋友嚟我屋企，但都唔想煮，决定带佢嚟试吓呢间新嘅冰室🤣🐥 伤心口水鸡饭有惊喜！味道确实系麻酸带辣，辣系BB辣鸡皮好滑，鸡肉肉质鲜嫩，份量都几好我同朋友食完都唔伤心，仲好开心🤣好味又抵食🐮 牛肝菌牛柳粒饭一上枱好大碟，见到个份量觉得好满意牛柳粒镬气十足，牛肝菌同埋西芹都挂晒满满嘅牛肝菌汁送饭一流，迅速食咗半碗饭🤤新开嘅冰室嚟讲水准算系唔错上菜速度惊人，快之余仲要热辣辣环境新净，卫生唔错唔想煮嘅话，我会首选落嚟呢度开饭🤤
继续阅读
您可能会有兴趣的...