荷葉冰室

营业中

休息中

而家D餐廳收好早，夜媽媽喺粉嶺見呢間仲開緊就試下，叫咗兩個晚市套餐，首先係泰式炒粉絲，用個鍋上好有誠意，一拎上枱仲熱辣辣勁香，本身係好期待，點知食落去好失望，佢配料好豐富，香味口感係有齊，但個味道就好似唔記得落鹽咁，得D辣味，結果要自己係咁加鹽食，個三色蒸水蛋就唔錯嘅，但未到出色，入面有D皮蛋、鹹蛋、肉碎，都幾啱送飯，個湯同野飲都無乜特別，呢間可以唔洗特別試，不過可能其他餸好食嘅~💰價錢參考：- 泰式炒粉絲餐 ~$70- 三色蒸水蛋 ~$70

約咗朋友從蓮塘過關。自己早到咗，所以打算一個人指間餐廳食個早餐，等朋友。見到呢間啲食評講得唔錯，估計係線稿， 抱住冇所謂，試一試嘅心態。離開粉嶺火車站有啲遠，去到附近問一問人先知喺邊。喺餐廳門口覺得裏面光猛乾淨，裝修企理，枱與枱之間嘅距離寬敞，因而對呢間餐廳有啲好感。由於朝早七點幾冇乜人，唔使等位，侍應服務亦週到，識得親切地叫客人早晨，上餐亦好快，咁我已經覺得佢贏咗不少連鎖茶餐廳，同埋傳統茶餐廳。我叫咗沙爹牛肉麵、煎雙蛋加餐包，飲 咖啡。 我覺得個沙爹牛肉麵個湯底小小辣、牛肉新鮮，扺讚；不過即食面就比較普通。 煎雙蛋、餐包都係熱嘅，又加分。杯咖啡就輕微高過平均水準。 $38一個驚喜早餐，整體感覺非常良好。

我係一個食嘢好求其，唔係話真係太難入口，基本上我都會清晒不浪費。但係呢間嘢個椒鹽鮮魷真係太極品。首先魷魚只係得6-7嚿，得$5銀大多啲啲，最誇張嘅係裹完粉漿炸出嚟係可以成個手掌咁大舊，然之後成碟嘢極重油益味，極撚誇張，簡單啲講就係全程要拆個炸殼拎粒鮮魷黎食。我唔知係廚房定係老闆嘅問題，你收108呢個價錢做一碟咁嘅垃圾出嚟好唔好意思？我唔批評其他菜品服務員環境好唔好，我今晚只係叫咗呢碟小菜食，唔該，唔識做，冇心機做就唔好將呢個菜式放落菜單上面俾人叫，真係DLLM食到我一肚火

嚟過位於粉嶺中心嘅荷葉冰室幾次，早午晚餐都食過，都滿意！坐位也坐得舒服！今日我哋兩個人大約12:30來到食午餐，叫咗兩份set lunch - 籠仔土魷蒸肉餅飯 和 蝦醬生炒牛肉飯！每份午餐都配有例湯和飲品，今日的湯是袪濕降火的土茯苓粟米赤小豆扁豆湯，飲品我哋點咗茶走和熱檸水。兩款午飯質素都很好，味道適中，我們都很滿意。價錢也比同區的其他餐廳的午餐略便宜一點，是粉嶺區用膳的好選擇！午餐餐牌有一款素食，另外大餐牌的食物種類有很多選擇！飲品的選擇也多，有很多款特飲！期待下次來試其他食物！

去粉嶺同朋友食午飯，選擇荷葉冰室，好在我預先去到，要排隊接近10分鐘見到有人食酸菜魚，大大碗，坐低就即刻叫，可以選擇跟飯或者烏冬，足料，個湯好好味，又唔太辣，魚好新鮮，朋友猛讚好朋友話想食蛋，所以叫咗涼瓜菜圃煎蛋，都係好足料，非常好咬口，菜圃洗得好乾淨，但不失菜圃嘅甜味，蛋煎得好靚，冇碎哂散收收咁一個鐘午飯，有美食下好快又過咗了！

星期日無所事事，肚餓就搵間餐廳食吓飯，呢間喺粉嶺嘅荷葉冰室簡簡單單，裝橫都幾光猛，就入去坐低咗客人唔算好多，叫咗個午餐，一睇有個酸菜魚湯烏冬，酸菜魚配飯配米線就聽得多，烏冬真係未試過，抱住試伏心態叫嚟食一上枱見配料都豐富，酸菜、豆卜、支竹、芽菜，蓮藕片樣樣都有啲，魚肉無骨啖啖肉，湯底辣度適中，唔會好嗆口亦唔會淡而無味，特別係烏冬一啲都唔會腍，口感彈牙，講真的確有驚喜午餐奉送例湯，清清地唔錯餐褲上都好多選擇，每日新款，住喺附近諗唔到食咩又多一個選擇

昨天約下午2時用膳，叫炸雞脾肉酱意粉，配奄列，羅宗湯及凍飲，約75元，食物質素差，羅宋湯凍，奄列所配的丹麥多士，只得一塊方包的4分之1,不脆也不好吃，等了35分鐘，主菜亦未上，當然是漏单，再三向伙計查問，都不直告知食客，最後離去，只收我27完，相信再冇下次！！！

蝦銀針粉🦐有櫻花蝦和蝦，又樣又內涵唔錯，銀針粉唔會好油，推介👍墨丸紫菜河粉🦑紫菜份量好多，河粉係幼。老公覺得唔錯，佢已食過呢間幾次👍🐟吞拿魚芝士治🧀單售$29，有埋飲品$30麻麻𝓑𝓽𝔀之前第一次見商場水牌寫𝓒𝓪𝓯𝓮，以為西餐🤣熱檸水夠檸😋，凍檸茶冇檸味🙊

今晚去等位食晚飯，前面有3位在等，我站在𢓭面。忽然3個人走右邊行入去就坐低。我前面3個客人話佢哋等緊位。結果佢比返我前面客人先坐。我跟著入去見有另外一張枱，果個肥叔叔話叫我等下張，依張比左打尖果3個客先😡我知佢認為3個人消費多過我2個人。但係就真係非常不合理！！依家咁嘅服務態度，實在太過份佢哋食物質素非常參差，有時煎d魚全部黑鼆鼆價錢又唔係平，仲要咁樣揀客！！！

早上的行程結束，見還有時間，吃個早餐，飲杯啡！來到粉嶺區的荷葉冰室。店內裝潢光猛，座位與座位之間不會擠擁，有空間感。點了A3 懷舊沙嗲牛肉湯公仔麵餐，配即磨咖啡。雖說不是對沙嗲牛肉麵很有研究，但這家店的沙嗲牛肉個人來說很滿意！很多店的沙嗲牛肉湯太鹹，這家不但沒有，而且有濃郁的花生味，還吃到花生顆粒。公仔麵軟硬適中很重要，絕對沒有Over cook！即磨咖啡也很不錯，如果奶另上就適合我了。店員服務一流，主動又快手，還很貼心！

朋友上次食完念念不忘，對多元化的餐牌記憶猶新。今日二訪，又有新驚喜。不到兩星期，餐牌又更新🤭🤭最適合我這些花心又心大心細的客人。咖喱吉列豚肉飯 $56 (包括例湯及飲品）一上枱，塊吉列豬扒大過我塊面😍現在餐廳的豬扒只有越來越細塊，很久沒有見過這樣的份量了，性價比甚高。豬扒厚度適中，不會薄如一張紙，又不會太厚，口感不錯。炸衣薄，調味適中，啖啖肉，最啱食肉獸😍。飯量大，伴以適量沙律菜，感覺幾清新。溏心蛋配叉燒粟米粒芝士辛辣麵$ 48 (包括飲品）賣相很漂亮，顏色鮮艷。芝士量充足，溏心蛋真的是糖心，流汁甜心。數塊叉燒，口感也不錯，最重要是辛辣麵，份量十足，食完有飽的感覺。整體來說，這間餐廳的菜式大件抵食，選項有多元化，的確是飯點好去處。@Big_Big_Foodie

今日到粉嶺探朋友，朋友指粉嶺中心開左間新冰室，想一齊試下，老友叫到，當然就捨命陪君子啦🤣椒鹽豬扒炒銀針粉 $66炒銀針粉在一般冰室不常見，立即叫來試試。餐廳落足配料炒，椒鹽豬扒厚切，非常大塊，銀針粉份量很多，條條都肥身大條😂，香濃入味，味道真的不錯。瑞士汁乾炒肥牛河 $58肉片數量不少，乾身不油膩。瑞士汁濃郁，顏色鮮艷，鑊氣足，不錯。滑蛋蝦球飯 $58蝦球一般，數量不多，但滑蛋非常之稠滑，可以一試。午餐會送例湯及飲品，例湯足料，性價比算不錯。餐廳午膳時間爆滿，在門口等了一會才有位，大家要食，記得早到。@Big_Big_Foodie

午巿，白飯偏硬；咖喱汁，味道表面：咖喱雞，骨多過肉，雞頸都有。為咗停止懲罰自己腸胃，我食咗一半就放棄，唔知食過乜，要喺隔離（三個英文字母）買番個漢堡包填補心靈空虛和身體需要。

入粉嶺行一轉，睇完嗰果所謂的"花鳥蟲魚"展覽，四圍盪，想搵個地方歇歇腳。見呢間冰室幾光鮮，又有卡位坐，就試一試。見佢個餐牌都幾多野揀，我地兩個人又唔想食炒粉麵，決定要熱狗同作雞脾餐。熱狗嚟到感覺眼前一亮！未食已經覺得出品有誠意，好睇得！雖然只係簡單嘅麵包，腸仔同埋醬，味道都唔錯。炸雞髀都到，連薯皇同沙律幾大碟。雞髀炸得香脆，但有啲乾。薯皇同沙律一般水準，符合預期。熱飲(奶茶同杏霜)都唔錯，夠熱，杏霜好濃味。食緊嘅時間都仲有好多人入緊嚟，應該好多街坊客。有機會下次再嚟試其他

同址舊店翠河執左一段時間，再次開返茶記門面「荷葉冰室」比起以前感覺乾淨和清新粉嶺火車站附近 餐廳數量唔多大多都係連鎖店 食物都一式一樣「荷葉」開業左一段時間，終於認真試下當日唔洗排隊，去到岩岩好有人走坐入卡位餐牌選擇種類多，設有午餐餐牌叫左籠仔荷葉蒸飯+頭抽叉燒炒賴粉上台速度算快，等左3-8分鐘陸續上台荷葉蒸飯係茶記同50幾蚊包熱飲黎講，CP值好高，讚叉炒賴粉都ok算多叉燒，但係頭抽落多左少少，如果下次落少啲會更好整體幾好無飯夫婦又有多個選擇