影片
呢间糖水舖成日经过，不过就未食过难得一班朋友聚埋一齐就试一试佢佢选择都几多，而且价钱好亲民见到佢嘅绵绵冰好似几出名就试吓本身想试豆腐味不过冇晒配料方面有啲爆珠同埋椰果绿茶味唔算好浓郁，加咗好多水芒果味就不过不失另外朋友仲试咗佢嘅椰汁西米露听佢讲就话好食整体一般
继续阅读
叫左个合桃露，一bug就心知不妙，一pat pat完全唔起沙，唔滑，食落好似呕吐物咁，极似平时果d一盒开粉既即食糖水🤮🤮我怀疑呢间糖水舖所有糖水都唔系自己整！佢个厨房细过㓥房，而且另外叫左个雪糕多士，问佢咩个馅系咩雪糕，佢竟然话「唔知」！真系大开眼界，自己卖既野自己竟然唔知！？就算你系买出面d货，你自己都应该试食过先下麻？咁样做生意，有冇良心架？离哂大谱，black list!大家黎西环记住呢间，千其唔好中伏😕😕😕
继续阅读
合桃露，食唔过 ，无合桃味， 似开粉！食到一嚿嚿粉啰！ 收得呢个价钱，开粉！如果唔系开粉，就真系手工好差，或赶住收工 。唔理咩藉口，做得中式糖水，呢啲只系基本款式，大家都有嘅基本期望！加咗疍白，但疍白系咸嘅，糖水里面嘅疍白点可以系咸嘅呢？真系唔明！食落口感怪怪地添。可能我见识少 荷兰系咁食嘅。红豆沙系好嘅 ，汤丸有3粒 ，都系抵嘅。但由于合桃露太令人失望，整体系唔值呢个价，根本唔应该帮衬。
继续阅读
琴晚同朋友仔食完饭, 去咗荷兰糖水食甜品 因为时间比较早, 所以甜品舖里面嘅客人唔系好多, 唔使排队就可以直接入去<热椰王>因为天气比较冻, 大食妹就拣咗个热椰王, 滋润又暖胃 因为系热嘅所以甜味比较出, 椰水有啲甜, 刮埋佢嘅椰肉黎食, 真系超级饱 但40几蚊食一个椰皇, 大食妹就觉得有啲偏贵<榴梿西米露清心丸>榴梿西米露嘅性价比就高返少少, 有成旧完整嘅榴梿 虽然西米同清心丸份量唔系好多, 但性价比系合格嘅甜品舖喺大概10点几我哋走嘅时候, 客人就开始多啦, 建议系九点几嘅时候就嚟
继续阅读
今日系元宵佳节，梗系要同大少食汤圆啦。响坚尼地城食完饭，一路慢慢散步路去荷兰街食荷兰糖水。我要大少一定要食汤圆，所以大少叫咗合桃露汤圆，而我就叫咗椰王汤圆加清心丸。个合桃露应该真系自己磨，唔似系开粉，但系就真系甜咗啲。我个炖椰王，除咗有新鲜椰肉，仲有海底椰，仲加埋清心丸同埋汤圆，真系好丰富。我个炖椰王都好甜，清心丸就好烟韧，个海底椰都炖到林晒。其实佢啲食品都算真材实料，只不过真系甜咗啲，如果个糖份调减少少，就会更加好。
继续阅读