荳子 (馬鞍山廣場) (已結業)

環境乾淨企理，服務員都有禮貌。食物方面冇乜特別。今次試咗佢哋新產品Duck and waffle。 鴨脾味道談咗少少但係煮得幾好, 肉質幾嫩唔黐骨。甜品就有少少失望...試咗佢哋特別既Stone雖然賣相好靚但係味道嫲嫲哋。反而普通啲嘅流心朱古力蛋糕就好食好多。

又去馬鞍山食飯啦~ 呢間BEANS開左幾間分店~ 馬鞍山呢間算係新開 所以就試下啦~ 未夠六點已經有好多人排隊 所以我地都排左20-25分鐘先入得今次叫左個龍蝦包同埋黃金蟹肉意大利粉~ -黃金蟹肉意大利粉一大隻蟹蓋 好多蟹肉意仲有兩條大大的蟹柳 ~ 意大利粉硬度普通 ~ 好好食~ -龍蝦包好大碟 滿滿的薯條仲有沙律~ 牛油竹炭包 包住好多龍蝦肉龍蝦肉味道好好食 而且包一點都不硬餐飲叫左檸檬蜂蜜 ~ 其實仲想食甜品 但真係太飽了~ 環境很大 坐得舒服 下次會再黎~ 

下午到馬鞍山工作，碰見這個餐廳， 又不用排隊，所以入去一試！ 下午茶有意粉和飲品， 連加一也不用七十元好化算！ 我叫這個蟹肉意粉我覺得很好吃 份量也很足夠！ 空間位置闊落，職員很友善，值得推介！

朋友介紹，去到唔覺得好食。。。外貌靚，一食落去唔好食。個包d“函”以為係平時食開既肉，點知係好似晒乾定係整乾左塊肉，硬到食唔落，唔知自己食緊咩。。。我一度質疑同餐牌唔同。。。點知真係尼個。。。唔好食個包唔好食既話，咁我唯有食薯條。。。唔熱。。。同埋口感差，即時唔想食（唔好食到我差唔多放棄左3份2，朋友見到就幫我食3份1，但都唔見得好食）。。。朋友碟野，佢話普通ok。。。朋友杯野飲一早就黎左，但我杯等了N世以為漏單又朋友差唔多食完晒野先黎既熱朱古力。外貌雖然唔錯，但飲落去先發覺唔好飲。。。咁普通既熱朱古力都攪成咁。。。唔建議叫尼個。Ps.職員比得我地坐出面，就最好有職員得閒睇下坐出面既人有冇需要先得架。。。舉左好耐手都冇人理...劣如果有人想幫襯 ，切記坐出面d位，係唔多會有人理你。另外如果水吧唔夠人沖飲品，建議請多個人幫手。

其實間野都開左一排，次次都見到有人排隊，咁今次放工見唔係咁長龍，就同女朋友黎試下。排左20 mins 左右，就有位喇。咁女朋友鍾意食軟殼蟹，所以就叫咗個軟殼蟹意粉。另外女朋友又鍾意食pizza所以就叫咗個芝士pizza。自己就叫左個龍蝦。湯等左幾分鐘侍應就送咗個湯黎，雖然叫龍蝦湯但個湯冇龍蝦得啲蜆，不過味道都算濃郁。然後個Pizza同埋意粉都一齊上啦。講左個軟殼蟹意粉先，佢係用忌廉底，味道算不錯。想讚下個Pizza，嗰個質地幾軟熟，好似食緊麵包咁，幾好食。總括來講都叫不過不失，可以再嚟食。

今日比較夜收工，想食D好野慰勞下自己，幸好未過Beans 2130既last order時間，9:15PM去到，門口仍有兩、三人排緊隊，馬鞍山果然係個幾時都要排隊食野既地方啊呢度晚餐只有ALL-DAY MENU，無特別既Dinner set，價位主要由78-140蚊不等（另加一），包一杯飲品，可另加25叫一件蛋糕（有一個list既蛋糕，但近收店時間多數都會賣曬）今次我叫左個意大利雲吞，再叫跟餐既熱檸蜜，本來仲想加件cake，但想要既cake都賣曬，所以我就無加甜品了。真係好期待，因為Beans pasta一向好食，但ravioli就有點難整得好味，好想試下！上菜時間好快，印象中10分鐘，甚至5分鐘左右已經上到望落已經覺得d pasta既口感會唔錯加曬分！d sauce又好似幾creamy呢碟ravioli望落其實幾細碟，好似得幾塊咁，初時真係驚唔夠飽！不過，食下食下，其實都唔會太少，食完唔會餓🤣雖然未去到即時feel到好飽果種，但份量黎講我認為都算適中，當然再多幾塊會更好彈牙既pasta包住入面duek碎左既豬肉，口感的確幾好外面既sauce亦好夠味，清清地又鹹鹹地，啱我口味每塊rav

馬鞍山🈶️好多好東西 今次挑了Beans😙😉大約7點幾去到 已經要在門口排隊了 不過好快可以入座☺️之前有去過其他分店食 所以都想試下哩間👍🏽🤣小妹挑了龍蝦包餐😍🤩迷你龍蝦湯真係好迷你🤣😆但真係好飲好濃味👍🏽😋要讚呀👍🏽👍🏽麵包係竹炭包 🈶️點外脆內嫰的質感食到🈶️少少竹炭味 不太濃烈 正🉐🈶如果麵包可以再暖一點會更好😊☺️麵包上面🈶️好多龍蝦肉 真係啖啖肉 配埋個沙律醬真係好食無得輸🤤🤤沙律菜新鮮🈚️苦味 薯條係粗薯 好食有口感 粗薯萬歲🉐💜她挑了豪華版All Day Breakfast🍽份量非常足夠👍🏽🙂Bagel連埋啲Cream係好好食 外脆內嫰 又不會太甜 煙三文魚肥美 黑松露炒蛋好香 蛋🈶️黑松露味🤩🉐磨🍄🈶️炒過 煙肉煎得幾好 脆得嚟又唔燶 腸仔都幾好🤣😆整體嚟講係好食😋🤩價錢不太貴 真心食得過☺️☺️飲品 我點了Rainbow Tea latte🌈☕️🥛味道偏甜 可能太多奶了 茶味較濃會更好 店員很有心機為顧客拉出不同的圖案 🉑️見心思🙂蜂蜜檸檬🍋🍯 有熱飲又凍飲 味道適中 唔會過甜喎 又有檸檬味 都幾開胃架☺️☺️整體嚟講 我地都幾🈵️意哩次晚餐😋☺️

馬鞍山新開beans, 假日就去左試。排隊唔算多人，但裝修好靚。叫左個黃金蟹肉意粉，好香蛋黃味，好濃郁，岩重口味既我。仲有芝士薯條，炸到好脆，同芝士好夾。 味道幾好，但份量不多。

那日放工去左馬鞍山同佢食飯，見佢新開，原來哩間係荃灣嘅分店，不過水準就無我上次食嘅好，也是一般。嗌嘢食可以加錢有份車打芝士薯條，味道還不錯，不過唔係用真芝士熔，只係用芝士醬話係”特濃”朱古力，不過一啲朱古力味都無，都係用朱古力粉沖出黎不特止，仲要話係特濃，真係好誤導人$98嘅黃金蟹肉意粉，仲諗住佢會用蛋黃爆香啲蟹肉，脆脆地咁樣，點知都係就咁撈埋啲意粉度，蟹蓋就係一個空蟹蓋而已，蟹肉就得幾舊，”蟹”柳就有兩大舊，期望佢會好啲啲，個餐牌係幾誤導黑松露意大利飯，普通水準，無乜特別，飯都係用普通米，煮得太淋，無左傳統意大利飯嘅半熟質地2個人食左$269，認真覺得唔係好值，仲要排左好耐，起碼要成30分鐘以上。試過一次好了

唯一感受係等左好耐先有得入建議可唔可以唔駛罰企有得派飛仔呀1.Lobster Roll個迷你龍蝦湯果然好迷你，仲有啲腥個黑色包有啲乾，不過味道唔錯2.Egg Royale個benedict好好味，配上黑魚子好香3.香辣雞翼一啲都唔香辣4.巴馬火腿配哈蜜瓜不過不失

放工嚟咗馬鞍山呢個商場食飯其實都冇乜選擇 而今晚又想食西式嘅餐廳所以就去咗呢間新嘅餐廳食飯原本以為好正常嘅間餐廳點知都會中伏有興趣嘅就睇落去啦卡幫啦華意粉$88尚算正常 不過同正宗嘅版本有啲唔同 冇蛋香冇忌廉香冇煙肉香 而且菇菌亦都帶酸唔新鮮 意粉就尚算煙韌 無過淋焦糖單骨雞翼 冇焦糖味但係有蜜糖味 不過就只係一碟好普通嘅蜜糖雞翼 仲要係一開二 份量又唔多 唔抵食法式油封鴨意大利飯香港餐廳煮油封鴨唔多 所以都滿心期待不過鴨髀比較乾柴 令我有錯覺以為食緊臘鴨意大利飯都煙韌 唔會煮得過淋 不過食得出有幾啖仲係生米蕃茄水牛芝士pizza$88原本以為呢個Pizza一定穩穩陣陣正正常常 點知都係事與願違嘅Pizza嘅批底好似中式嘅蔥油餅咁 感覺好似好油同埋好乾 食落一啲都唔似pizza芝士都覺得唔係意大利嘅水牛芝士 應該係我食過最唔似Pizza嘅PizzaEarl grey latte $36 睇個餐牌嘅時候見到有3D拉花所以先叫呢杯伯爵茶拿鐵 不過一上到枱就即刻好失望 只係一個好普通嘅拉花冇乜伯爵茶味只係得奶味唔值得叫朋友堅持要叫甜品原來係惡夢嘅開始。。。Stone $42係一個黑芝麻蛋糕

行經見到新開的西餐廳終於開幕啦，即刻入去試試先，由於時間尚早所以不用排隊等位就可以入座，一行二入被安排坐架位，餐廳環境幾好、坐位舒適、通道好闊、空間感好好，侍應都好有禮貌。野食方面：- 黃金蟹肉意大利粉意粉望落去好細碟，但其實碟有d深度，for女仔份量OK，賣相唔錯，有隻蟹蓋做裝飾，入面分別有一大一小兩條蟹棒+菇，食落其實味道OK。 - 千島醬蟹棒蟹子帆立貝薄餅Pizza賣相普通，雖然個身好軟，唔可能用手拎起食，不過，食落幾好味、幾足料，每塊都有一粒帆立貝，帆立貝好Juicy、一d都唔乾，而且好多蟹棒，材料充足，唔錯！餐飲叫了黑糖姜母茶、檸檬蜂蜜，黑糖姜母茶姜味適中，唔太辣、易入口；檸檬蜂蜜都唔錯，滋潤喉嚨一流！整體黎講野食係唔錯，但由於叫了兩碟差唔多嘅野，所以有d膩，餐廳幾啱幾個朋友坐低吹下水、食下野！

最近馬鞍山開了很多新的食店🥢碰巧晚飯時間 媽想吃西餐🍴於是便試一下荳子🥛.🐚黑魚子煙三文魚蜆肉意大利粉($98)黑魚子味道鹹鹹腥腥😛煙三文魚只有三塊🤨蜆肉大概只有七、八隻左右😣海鮮份量有點小😪加入了洋蔥去煮🤠添加了香味🤩可惜意粉有啲乾身🙁吃幾口便感覺有點膩😩🦀黃金蟹肉意大利粉($98)意粉附上了一個完整的蟹蓋😎可是裏面沒有蟹肉和蟹膏🤭相信是用作裝飾的 每條意粉沾上了鹹鹹的鹹蛋黃🤯比起上面的意大利粉不算乾👌🏻除了鹹蛋黃以外 還有兩條長蟹柳 蟹柳的水份足夠💦有助解膩呢☺️.🍖孜然單骨雞翼($52)一碟有八件 計起來只有四隻 💸有點貴 不過上菜的時候真的很香 💡大大增加了我的食慾 雖然雞翼是炸的 🍴但是也不會覺得太油 雞翼面灑上了香草🌿 很吸引呢

因為是新開的餐廳，所以即便我們在週日下午2點前來卻還是要排隊。大約20分鐘後有位，都算幾快。餐廳装修開揚，座位闊落。只不過餐枱相對而言細咗d。對於我們這種一叫一桌子菜的大胃家庭來說，就有些不便了。雖說是两大两小，但點了四個套餐，另外再點了甜品。素菜天使麵味道偏清淡，天使麵的柔韌度煮得恰到好處，配上蘑菇的香味，令人感到滿足。看似份量不多，但一個人吃足够了。海鮮墨魚汁意大利飯的味道略淡了些，海鮮的鮮甜並未能夠發揮出來，飯也過於硬身，仿佛略欠火候。薄餅“不薄”，芝士濃郁，但海鮮略帶腥味。甜品反而個個都很出色，不會太甜，賣相和口味都值得讚賞。人均消費180元左右，有些小貴。

一個人叫左個手撕豬肉burger 要求熟蛋, 飲熱Americano ，埋單加一just Hkd$86! 女仔一個人食，食左個burger已經好飽! 真心係好味!已經約埋媽咪遲下試埋dinner! 馬鞍山終於有好西食啦!