荳子 (海壩街) (已結業)

專誠去到荃灣試一試，果然冇失望。星期六一點前到，不用等位。落地琉璃，光線充足，裝修簡單，感覺舒服。食物方面， 點了一份Deluxe Full English Breakfast ，一份黑蒜蜆肉帆立貝白酒意大利粉。飲品就一客荔枝玫瑰花茶同一客伯爵橘子茶。甜品就一客招牌綠茶卷及黑朱古力榛子蛋糕。Deluxe Full English Breakfast - 一向對all day breakfast 冇咩好感，但呢個賣相吸引，機乎每枱都點一客，所以就試一試。香腸，煙肉，炒蛋，炒雜菇茄汁豆……基本材料。值得一讚係個Bagel ，鬆化可口兼又有蜜糖味，妙蛋加上黑松露，立即升咗"呢"。黑蒜蜆肉帆立貝白酒意大利粉 - 用料新鮮，意粉硬度適中。荔枝玫瑰花茶/伯爵橘子茶 - 一壺上，有得 Refills, 茶味清香，味覺及嗅覺都可享受。綠茶卷 - 忌廉香滑，綠茶味略嫌未夠濃。黑朱古力榛子蛋糕 - 🖒🖒🖒酒店級水準，層次豐富，朱古力味濃，當中帶入柚子味去中和朱古力既濃味。店員服務態度亦不錯

同朋友行街街，行到夜晚唔知食咩好，上Openrice 搵見到呢間好多好評，所以決定試一試。忌廉汁鮮蟹肉蟹棒件蟹子意大利粉 - 意粉煮得剛剛好，軟硬適中。忌廉汁一d都唔吝嗇，唔會怕唔夠汁。食落好creamy，好香忌廉味。唯一挑剔係食唔到鮮蟹肉淨係食到蟹棒。帆立貝菠菜意大利飯 - Risotto都煮得唔錯，唔會太硬。而啲飯將忌廉汁、蘑菇同菠菜撈埋一齊，食落又香又有口感。帆立貝都值得一讚，佢落咗小小鹽再去煎，好好味。包一杯飲品，我叫左檸檬蜂蜜。感覺上又可以飲到甜味又健康d。最後當然要叫甜品做結尾啦叫左Lover 85% 。佢係朱古力片加一層層嘅榛子醬，食落好香好滑。覺得佢可以同出面啲蛋糕店媲美。

得閒揸車出荃灣搵野食 就試下尼間甜品鋪開頭連門口都搵唔到,.  設計感十分高好休閒既甜品鋪 好似可以係度坐成日咁~首先試一試佢個心太軟佢都焗得好成功入面無熟晒~一切開仲有流心流出黎好香噴噴 再加埋個雪糕而且入面好香滑~大家可以試一試然後我地叫左個吐司~一上黎伴碟都好靚 而且有好多TOPPING上面仲有雪糕~一切開佢既時候 即刻流晒出黎!吐司本身都好脆~加埋啲汁都好好食不過太多汁啦! 到後尾變左湯咁 要食就要快手啦 

好欣賞佢細細間，不停有客排隊但啲員工又好有心去做野既態度，salad 同 蛋糕都有質素，蛋糕唔太甜，份量岩岩好，自己食哂一件都唔會覺得膩，咖啡都唔錯！唯一唔好就係太多客，每張枱都同隔離好近，想傾密計就唔多方便！

今天來了荃灣較多人吃，亦有不少人為之推介的地方 。其實次次講到荃灣，總說要去荳子，但每每也不順路，沒有經過而就此作罷。今次與朋友聚會，終選定這間來了。點了很多人熱門之選的ALL DAY BREAKFAST，單看賣相相當豐富，比起平時所吃到的ALL DAY BREAKFAST又有一點不一樣。主要香腸、炒蛋、煙肉、蘑菇、焗蕃茄、茄汁豆也齊全，還有特別兩個小窩夫。一個人女仔吃完這份也相當的飽了。還好，有人幫我分擔著。ALL DAY BREAKFAST中最愛吃的是炒蛋，這裡一吃下去便知是黑松露炒蛋，炒蛋嫰滑非常，很想要求再多一點炒蛋。然而其他如煙肉，腸仔則沒什麼太大感覺。三文魚像花一樣的擺設，的確有用心布置一下。另一個好味非這兩個小窩夫莫屬，小窩夫出奇地比想像中來得鬆軟，塗上白色的忌廉來吃，更加的好味。在香港吃過多次ALL DAY BREAKFAST後，目前是我個人中最喜歡的。

喜歡充滿日光既小店，飲杯咖啡☕️被陽光曬下人都醒神d☀️早早聽過尼間餐廳既評語，好懷參半。不過始終要靠自己條脷試過先知既🌝食物既質素同廚師既心情係掛勾🤓睇黎今日廚師心情也不錯☺叫左個黑松露軟殼蟹意大利粉$69份量其實唔多，但一人食足夠飽的。黑松露味夠濃👍🏻加埋忌廉食落creamy，意粉既硬度炒得剛剛好唔會淋晒🌝上面既軟殼蟹雖然只有兩小塊，但有微脆夠香口正所謂小吃多滋味製作需時既吐司有伯爵茶同抹茶兩款，今次試試伯爵茶$49🌝黑蚊蚊既吐司只係外觀都夠晒吸引。用刀一切開伯爵茶爆晒出黎😱流心程度100% 入面有藍梅、紅桑子、合核酥物體既脆脆、迷你綿花糖各小小，仲有球雪糕。伯爵茶味係合格既，不過太多伯爵茶汁既關係浸到多士都淋淋地lu，所以記得唔好相機食先太耐如果唔係就淋晒🌝食飽要來一點甜，今日心情係抹茶卷蛋。卷 山政小山國，餐牌上標明係以上乘製茶工藝做出a級評定既抹茶卷蛋。賣相真係好like👍🏻好有心思絕不hea!至於味道就不過不失，比起專賣抹茶製品的甜品當然沒法比啦🌝

俗語有云 女人天生係有兩個胃既，一個要黎食正餐，一個要黎食甜品。所以今晚同好閨蜜係荃灣食完晚餐後，都付諸以行，轉場去荳子到食甜品。之前已經黎過呢到食野，印象都唔錯，今次叫左兩個甜品，第一個係笠初64%黑巧克力流心蛋糕，呢個流心蛋糕都焗得幾好，外皮香軟得黎表面有少少脆，一切開，裹面既流心就湧出黎，而且朱古力漿既份量岩岩好，又唔會太稀，味道方面64%既黑朱古力唔會過甜，輕輕苦度減輕左甜品既滯度，配埋香草雪糕，味道一流。第二個甜品係抹茶梳芙厘，呢個抹茶梳芙厘等左大約15分鐘左右，一上到感覺佢彷如一盆翠綠既小盆栽，份量十足，當然食落就輕飄飄好鬆軟，不過就略嫌抹茶味唔算太突出，但賣相搭救就不諒佢啦！

尋日諗住趁2016年最後一日約埋三五知己去beans食個tea。一去到唔見有人排隊喎，跟手有個女侍應出左黎問我要唔要張二人枱，我話我地3個人所以想等下一張。該名女侍應已經好唔耐煩地話：「咁你等下張啦！」然後開始有人黎排隊，我地先見到有條排隊嘅繩。我地一直企係menu前面，諗個侍應都講左下張枱比我地。好喇，一直等左半個鐘，終於有一班人走左，該名女侍應出左黎，竟然問：「你地邊先？」當時排第一個班人話係佢地先，我地都堅持係我地先，該名女侍應大聲夾燥底地話：「唔緊要！唔緊要！」然後招乎左個班人入去。佢仲教訓我地：「我叫左你地排入條隊架喎！」我當時黎嘅時候係未有人排隊，而且你都講左下張會比我，你突然失憶？我地唔介意等，但該餐廳嘅女員工態度令我地太失望，唔會再番去幫襯。

今天12月28日趁放假去了Beans吃飯，由於是平日，所以有set lunch 提供。以72元的價錢就可享用黑松露什菌意大利飯連黑糖薑母茶(沒有加一)，都算不錯。由於意大利飯賣相ㄧ般，所以無拍照，但味道的確幾好，味道很濃郁，什菌分量亦不少。再加27元吃了一份輕乳酪梨子芝士蛋糕(由於名字太長，個名好似係咁)，賣相可以也不太甜，略為覺得芝士味不足，如果芝士味濃一些就太好了。杯薑母茶估計係即冲的，都夠薑的。整體OK。

平日lunch 或tea 實在低食．好耐之前食過一次覺得間野得個樣．今次再試．覺得大有進步earl grey lava toast 真唔錯..好香茶味．聖誕再試多個brunch ...雖然咖啡無咩特別．有d 太淡無咩香味．．．不食物真係唔錯 All day breakfast delex 版．蛋加左truffle 好香．其他無咩特別．不過個waffle 也係好味加左honey 落去．好香．食物真係唔錯 黑松露soft crap 意粉．正！！！！

前日(19-12-2016 Mon)放假,自己一個落荃灣整o野,整完去食個晏啦,諗住去貓之茶房,行到上去睇,有張menu列明首一小時包一杯飲品收$60.00,好似冇主菜只係小食,行到甘門口至發現未開門,營業時間由1:30pm開始,我冇理由等o架?於是走人,行去路德圍搵o野食,記起beans,每逄假日經過都大排長龍,呢日平日冇乜人啦.去到,只剩返中間張長枱同門口好曬o既二人枱有位,我唯有坐中間o個張,呢日有啲熱,冷氣開得幾大,大到我頂唔住,睇完menu就決定要$69.00o既黑松露軟殼蟹意大利粉,要熱好立克.但原來呢o度冇好立克,只有檸蜜,咖啡同薑母茶之類,咁我就揀熱檸蜜啦.好快,熱檸蜜到o黎,我唔飲住,等多6分鐘, 黑松露軟殼蟹意大利粉到o黎,佢o既配料重有冬菇同唔知咩菇,影好相食得.好熱,熱到仍有水蒸氣,黑松露忌廉汁杰身,掛滿每條意粉,黑松露味道o岩o岩好,唔太濃或太淡,軟殼蟹只有蟹腳,但仍有膏,意粉口感唔會太腍,成個味道鹹淡適中,雖然份量唔多,但食完好飽肚,可能係啲汁杰身吧.味道: 4.8分而杯熱檸蜜呢,太甜噃,蜂蜜落多o左.味道: 2.8分服務:見有人客o黎會幫人客開門,而所有人

今日同媽咪食完過冬食，去食甜品！見到無咩人等，諗住終於有得試吓！本人係非常之期待可以去試食佢d甜品架！叫咗抹茶甜品，但抹茶味唔夠香濃。入口都係甜味偏重⋯⋯可以話係完全冇驚喜， 仲有啲失望添⋯⋯其實外觀上非常之好睇，做得好的骰好可愛好靚，但入口就比較地普通⋯⋯反而隔離枱食意粉感覺好似好食得多。有機會下次試食佢啲main course。希望甜品嘅份量質素可以改善！！PS：環境waitress服務態度係好好嘅！！讚

起初睇評論以為是一間甜品屋，企原來都有意粉食。我同朋友兩人吃得好開心。飲品好靚而且好好味。價錢都算合理。而且位置非常近地鐵站。十分方便。唯一問題是地方太小。坐位不太舒服。

法國鮮忌廉蜜糖青檸卷蛋 ($38)看似普通既卷蛋其實口感好豐富 味道都好特別❤️鬆軟既卷蛋加上香滑忌廉仲有幾粒蜜糖啫喱仔☺️仲有青檸味既卷蛋好清新 可以一試👍🏻Green tea combo with green tea panna cotta, green tea ice-cream and green tea soufflé🍵surrounded with green tea, love this set so much😋盆栽木槺布甸🍨

Before I try the"Bufflao salad" I have asked the server is it spicy?He say no but i consider how Bufflao can taste no spicy thus i just keep asking but the server just looks shock and feel like misunderstand what i mean.After a few second a server who looks slim explain to me whats "bufflao salad" is .Its just a Caprese salad .I wonder how the restaurant keep running  2years but this simple language problem havent solved.There have about 5 server including barista but just one can answer my ques