荳子 (朗豪坊)

营业中

休息中

可以一試嘅餐廳，熱朱古力小朋友都鍾意飲，玫瑰Latte唔係太甜。French Toast好吃。嗰有香蕉嘅早餐有呢配搭奇怪，如果有得換牛油果或分開上就好。為一可惜係唔兒童餐單。

食左唔同區既Beans,經過朗豪坊先見到呢度又開左分店，食物和環境均保持到水準。唯一我唔中意個手撕包豬肉包既肉絲過甜，咖啡和pizza 都唔錯，今次同Haahen-Dazs和作的甜品組合，性價比很高好玩又好食

呢間餐廳我食過沙田同九龍灣，旺角呢間我第一次食。之前去其他分店都係食返呢個手撕豬漢堡，咁今次都係點返呢款睇下質素keep唔keep到😆手撕豬仔骨漢堡 $144漢堡水準一樣咁好😍豬肉夠哂味，份量又夠多，仲有煮到好淋的洋蔥，加埋半熟太陽蛋的蛋漿，味道好豐富🥰麵包部份比較軟，應該無烘過，但食落唔會太鬆散，亦唔會因為吸收咗醬汁變得又軟又霉，唔錯。薯條香脆，食到後面都仲keep得住脆。沙律正常發揮，可惜我唔食生洋蔥，成塊都無食，感覺有dd浪費😣Perfect Match（朱古力杏仁撻，焦糖忌廉，香蕉）+$30蛋糕比想像中大份，cream非常綿密，焦糖味好濃郁，餅底偏硬身，好有口感，但朱古力味唔算濃，香蕉就非常香甜，好好食😋荳子 (朗豪坊) (旺角)旺角亞皆老街8號朗豪坊4樓7號舖*上述文章只供參考及以當時價格為準

今年第一餐大閘蟹，自己都估唔到係起荳子食。昨天有幸試到朗豪坊期間限定隱藏Menu，大閘蟹拼盤。$88！蟹黃批～好味夠濃郁一口都係蟹黃～爆醇之作 蟹肉脆卷～啖啖肉一流加上香香的蟹味～ 正蟹肉胡椒焗蛋～淡淡嘅胡椒香蛋香配上蟹肉一絕，(已經忘記影相)最後～醋𦍑汁蟹肉沾面配黃羗醬汁，一大口蟹肉，配上軟硬適中嘅沾麵，黃羗醬另味道再提升，好食！再配上冰搖咖啡～完美～戴返頭盔先，我覺得好唔好食≠你覺得好唔好食，好唔好食因人而異。

今晚約左朋友飯局，諗住就去試下旺角呢間新開嘅cafe，未入去食已經發覺門口嘅帶位同事態度已經非常極之不友善，跟住佢帶左我地入去坐低之後，朋問佢可5可以轉另外一個位，佢係用左超差嘅態度回答5可以，其實佢咁嘅服務態度已經好影響我地嘅心情，之後我地都坐低order左蟹膏甲羅燒黃金蟹肉意大利粉$180，比多$32加配左荔枝玫瑰花茶，小食拼盤$168(焦糖單骨雞翼8件、啤酒洋蔥圈、薯條，粟米片牛油果醬及肉醬)，比多$42加配左榛子latte，首先講下個意粉味道都5錯、至於小食方面個粟米片好似要同佢鬥力先咬到，超級硬，薯條亦都屬於係難食，雞翼同薯圈係比較正常，座位都算舒適，之前食過葵芳分店係非常之好味，但係依間真係比較失望

喺呢度食晚餐叫咗2個set味道係不錯的但係衛生情況好惡劣先上嘅係牛肝菌湯好足料嘅開頭都滿心歡喜的之後上嘅就係all day breakfast 當食物一上咗嘅時候就開始有好多唔同嘅蚊飛過仲飛咗落隻碟度同我一齊食啲嘢食已經開始唔開胃點知一切開隻蛋有條頭髮再上嘅就係另一個意粉又有蚊飛落個意粉到啦唔知呢間餐廳係咪因為室外太空曠所以衛生情況太差最後返到屋企屙咗幾次以後唔敢再嚟食總括而言如果大家唔想食到肚痾真係要慎重考慮

荳子係旺角開新分店，咁方便梗係即刻試試啦！食個平日既Lunch Set價錢合理，食物一貫係中上質素，正餐同枱人夾埋試咗意粉🍝🍝漢堡飽🍔🍔仲有沙律🥗🥗沙律𣇉緊要夠新鮮、羽衣甘藍處理得特別好、食開草嘅我食得好開心🔥醬汁係牛油果沙律汁、意外發現用嚟點薯條仲正哈哈😆小食叫咗啲chips係粗直型🍟唔錯但個芝士汁稍嫌唔夠濃蒸包漢煲同普通漢堡都有試，普通版正👍🏻👍🏻但蒸包唔係軟林林嗰隻係烘乾過但有啲硬

終於有時間黎荳子新場，新店位置方便，環境寬敞座位舒適，仲有幾張高背梳化，可以阻隔到外圍聲音，講返食物先，今日我點左焦糖香蕉熱烘窩夫全日早餐，配上冰搖咖啡 。炒蛋～恰到好處，香蕉～有一層焦糖面，一脆一軟，口感十足。煙肉～夾起後沒有多餘油份起碟，窩夫～熱辣鬆軟，唯面層比較深色，不過沒有影響味道。最後冰搖咖啡，啡味夠，視覺一流，好有仙境感覺。🤣另外，落單新系統簡潔，有圖，方便一啲要看圖的朋友。戴返頭盔先，我覺得好唔好食≠你覺得好唔好食，好唔好食因人而異。

今晚去左食朗豪坊新開cafe beans 😌小食：孜然單骨雞翼$62外皮好香脆，內部肉質嫩滑多汁，配上孜然粉，惹味十足😍主食：鮮忌廉周打海鮮意大利飯$146加左挪威焦糖芝士碎，海鮮意大利飯香噴噴，有鮮蝦、蜆肉、帶子、蔬菜粒，撈埋芝士碎好好味，好開胃又暖笠笠😚甜品：Green Tea Waffles$82有蜂蜜窩夫、紅豆麻糬、抹茶脆、忌廉、抹茶雪糕，雪糕溶左落窩夫到好好食，窩夫成個冬甩🍩咁款，好得意😆✨唯一吾好係佢係開放式餐廳，隔離係food court，勁大pepper lunch味傳過尼，一陣油煙味影響食慾，所以環境比左好低分😖

✨黃金蟹肉意粉一食當然食啲special啲！！我係比佢蟹殼吸引去order 果然蟹殼只係used as decoration…🦀️得個殼，冇肉的😭😭反而比鹹蛋搶曬味 真正嘅蟹肉可能淨係得幾啖肉絲。食食下，我會以為自己食鹹蛋意粉🤣🤣不過其實幾好食！✨檸檬蜂蜜🍋🍯咁啱當日唔係好想飲咖啡，所以先就咁跟餐叫呢個飲品～～蜂蜜嘅甜味令檸檬酸減少咗，酸酸甜甜好正‼️我偷食我個frd個薯條，覺得幾好食，外脆內實咁。咸咸地。