荳子 (屯門市廣場1期)

营业中

休息中

成日經過都見到排隊，諗住晏晝接近三點冇咁多人就去試吓，估唔到都要排十零分鐘因為太肚餓嘅關係，一入去就叫晒啲嘢食，整體嚟講啲嘢食同嘢飲都來得好快，而家仲可以嗌「我想和你無所事事」系列嘅嘢飲可以減$8💕睇個樣以為好好食，但係食落去啲薯條好明顯咋過龍，已經唔趣口，反而有啲難咬開，食落去仲有些少油億味不過個芝士醬都俾得好多，如果一個薯條唔係炸咁耐，應該會好食好多一共有八件單骨雞翼，酸酸甜甜咁好開胃，同埋單骨都唔會話好難進食，啲雞翼應該有炸過，所以食落去都會比較脆身，同埋比較香口。個意粉超級淡味，幾乎係食唔到有鹹味唔知係咪水牛城雞翼太濃味嘅關係有影響，不過個意粉食落去我哋幾個都覺得冇咩味新年佢個醬汁好濃郁，同埋都比較多雜菌，可惜個調味未如理想…呢一個Pizza就係最失望印象中好似要$98左右？成件事同急凍嘅Pizza差唔多…佢個尺寸唔大，食落去好油…味道都唔係特別好食…加上係厚批，成個觀感就係喺麵包舖買嘅Pizza麵包…

Beans長期都好多人排隊，難得閒日無咩人就走咗去屯門食晏🤪 對上一次食好似已經係幾年前喺沙田店，今次屯門店食物都係不過不失，唔會話好好食，但就正正常常咁！要讚嘅係屯門店裝潢好靚好大，店員服務態度都好好，而且Lunch Set選擇都算多，仲可以用優惠價加蛋糕或者小食，諗唔到食咩時都係一個唔錯選擇💛 💰黑松露軟殼蟹意粉 $86💰黃金蟹肉意大利粉餅 $86💰黑松露薯條+$28📍Beans地址︰屯門屯順街1號屯門市廣場一期UG層UG42號舖

一次過滿足晒有鹹有甜嘅豪華英式早餐好豐盛其實除咗個黑松露炒蛋同菇之外，基本上樣樣都係現成食物，好在香腸唔會好鹹，菇淡口咗少少，炒蛋又香又滑，好味。加配嘅芝士醬薯條，精髓在於芝士醬，現炸薯條熱辣辣，勁熱氣但好味。老爸每次都食嘅黑松露軟殼蟹意粉，整碟意粉充斥香噴噴嘅松露味。老媽嘅黑蒜鮑魚意粉有黑椒帶點辣，味道比較濃，有啲蜆殼炒爛咗，幾驚佢咬崩牙呀。哥哥叫咗炸雞窩夫雞肉嫩滑，配以似係芝士嘅醬汁，窩夫微甜，係味道又鹹又甜嘅交錯，好特別。

放假冇野做, 同屋企人去左屯門市廣場的Beans 食個all day breakfast , 整體都不錯, 唯一個炸魚柳, 炸得比較燶左少少, 但杯咖啡勝在夠香濃，雖然都幾多人等位, 但職員服務態度都不錯。 下次可以試下佢D意粉。

今日不孤獨，星期六收工約埋老友食晚餐，老友之前一直話想試呢間係屯市既bean，不是Mr bean，咁就擇日不如撞日一試如何。話說呢間cafe成日都見排長隊，今日星期六晚都唔例外，老友早左到排左半小時左右就入得，我收工黎到就岩岩好。餐廳環境算幾大，落單方式可用Qr code，唔識用都可叫侍應幫手，我地就慢慢研究，因為食物款式都算幾多，仲有d加配要求要一樣一樣咁撳，所以都搞左差不多15分鐘，對於不喜歡用Qr code既朋友最好都係搵返侍應幫手啦。黑松露醬薯條第一份到既餐，上菜速度好快，落單後5分鐘唔洗都開始有野食，呢份薯條用粗薯，薯味算ok，黑松露醬味不太濃，薯條比較複雜，有d就熱加脆，有d就暖同少少腍，睇黎係新炸同舊炸溝埋左，唔怪得上菜咁快，都明白既咁多人下下即炸真係炸到天光，但相對變得無咁好食。青咖哩軟殼蟹意大利飯呢個飯先講缺點，1.唔夠熱，2.d飯比較硬，硬到好似唔夠熟咁，小弟比較少食意大利飯所以唔知正宗係咪咁，優點都有既，調味幾唔錯，青咖哩夾做意大利飯味道原來都幾夾，軟殼蟹同樣都係唔夠熱，不是新鮮炸，成個飯有好有壞，所以只係一般。黃金蟹肉意粉意粉口感少少硬，我都覺硬左dd可接受，醬

當晚帶了蛋糕入座，叫了食物後大家都談天說地,9點就埋來說last order,話要埋數先埋單，當然無問題，之後我地話想切蛋糕，佢說係到切蛋糕要收切餅費，我地一口答應話無問題，侍應已面色一沉，問佢擺低枱面飲品係咩，佢竟然答，唉，攞張嚟睇下！我已經心諗，態度咁差，望下佢原來係經理，經理係咪大晒，態度其差，算，我都無理會佢咁多，問我地枱面有咩唔要，要收起佢，但我地全部都揸住餐具食緊話無野唔要住，佢話要同你地擺位切蛋糕，唔收無位擺，我地野都未食完，係咁俾追趕收野已經好唔舒服，但最終聽到佢同同事對話，話一夠用膳時間，就攀晒佢哋走，依一刻真係辣著晒我地，朋友即時問佢你講夠未，依家幾點先，你們全程已不斷係到勁收野，係到不斷氹氹轉，佢解釋唔係話我哋係我哋對號入座，同我們爭論，就算你真係唔係話我哋，都唔應該比客人聽到依啲咁嘅說話，講完話唔係話你地係話出面嗰枱客喎！走咗去就算，全場侍應個個都沒有服務態度，大家交談的時候又高談闊論，真係當客人無到，說話粗鄙，嬲到我們蛋糕都話唔切走人，無下次！

因為急事趕返屯門，處理完畢，要吃少少東西才可以回程，見無人排隊，就坐下食少少打底再返家。餐♥️廳座位距離足夠，座位寬敞，員工有活力，服務不錯。自助點餐，方便安全👍。黃金蟹🦀意大利粉，份量適中，口感不會很膩，意粉軟硬適中合我口味，簡單美味。車打芝士🥔薯條，加$28點選，粗薯條，份量多，抵食。餐飲選了涷🍋檸蜜，清清淡淡，潤喉。跟餐加錢可以選一件自家製蛋糕甜品🧀，我選了覆盤子蛋糕，外表十分精緻漂亮，完全❤❤舒不得吃。蛋糕咬下酸酸甜甜，完全不甜膩，正好繼續滿足食慾，為這晚餐畫上完美句號，滿足😘。💣💣另外，出門口蛋糕櫃檯想買2件蛋糕回家給仔仔，其中一件點選了焦糖燉蛋，但服務員話燉蛋不設外賣，再三詢問是否已預留客人，服務員都話是不設外賣。奇怪的是不外賣，但又陳列於蛋糕櫃，旁邊有埋價錢牌。希望餐廳留意下，既然無外賣，何必陳列並有價錢牌，又不加牌註明（不外賣），搞到排到櫃檯才急急轉其他蛋糕款式。

雖然好多人等位，但等左半個鐘就入到，都算幾快～第一次黎食，餐廳環境幾好，但卡位就唔好坐，枱同櫈既距離太遠，想轉枱，但又無……黃金蟹肉意粉 $86蟹味濃郁，配上什菌意粉，味道提升手撕豬漢堡 $94個手撕豬，又乾又鞋又韌，同食湯渣瘦肉無分別！伏呀什菌意大利飯 $118推介！什菌香濃，飯吸收哂什菌鮮味正呀！咖啡，熱檸蜜餐飲ok但如果可以係熱而唔係微暖就好啦！題外話：侍應態度麻麻，落單apps唔user friendly～

Beans 分店終於開到黎屯門市中心，平日午餐都排左陣隊，第一次試左個lunch set 慢煮手撕豬肉絲漢堡，餡料豐富，分量多但豬肉絲偏甜！今次太飽試唔到伯爵茶蛋糕甜點🍮唯有下次再排隊食過😝

同朋友去屯門聚聚，今日食呢間Bean，整體質素都好好味😋黃金蟹肉意粉意粉嘅質感適中，醬汁調味都好食，帶着濃濃的蟹肉味道，另外亦都有新鮮既蟹肉。黑松露醬薯條薯條夠香脆，夠熱👍🏻好鍾意呢個黑松露醬，味道好濃郁Pizza帆立貝呢個Pizza都好好味，醬汁好足夠，帶着酸酸甜甜的沙律醬，加上粒粒的帆立貝，👍🏻👍🏻😋焦糖布丁伴抹茶心太軟好食呀😆😋Just Mango芒果慕絲蛋糕呢個就打卡一流，但味道就一般啦藍柑草莓乳酸奶好欣賞呢個乳酸奶，做得好好飲，酸酸甜甜的味道😋😋👍🏻👍🏻👍🏻

今晚食咁多野，都係三百幾左右，其實真係幾抵食！但味道黎講就對得住個價錢既！呢個係黃金蟹肉意粉，我覺得味道都OK既，但會有種愈食愈漏既感覺。呢個係軟殼蟹意粉，側邊有啲菇，軟殼蟹我就麻麻，但成個意粉係好食既。甜品我覺得一般，個蛋唔夠滑同埋唔夠偏甜。

之前食過1次，覺得值得再食，今次有折券，於是再來！今次也是坐中間位置，感覺都衞生整潔。我們叫了2個主菜：牛舌三吃，三文魚扒。另外加配黑松露醬薯條及羽衣甘藍沙律。飲品是香蕉芒果沙冰及另加一杯芝士奶蓋飲品（因為太耐無飲）。甜品選了72%朱古力慕絲蛋糕及山政小山圓抹茶卷。先講小食，薯條粗身有薯仔味，外香脆內軟，加濃厚黑松露味醬汁，好食！而羽衣甘藍沙律新鮮，沙律汁酸酸甜甜好入口，開胃！主菜看上去跟碟的比例，份量好像不算多，但食落其實都大件。尤其是三文魚扒，比想像的厚身多肉，食完都開始飽！主菜旁的配菜都不弱，瓜類及紅蘿蔔切成片狀再卷起，就像玫瑰花一樣。擺盤亦有下一些功夫。醬汁味道跟主菜相夾，食落不會太流！牛舌三食不是度度都有，這道菜款式都幾特別，喜歡牛舌的人可以試試！最後的甜品都是焦點之一，那個朱古力慕絲蛋糕，雖然看似細件，但內裏都有花心機，有幾種口感及口味！朱古力蛋糕外層係軟滑慕絲，有濃烈黑朱古力味，蛋糕中間再有2層口味，最中心有一粒較硬的朱古力，軟硬兼入一件蛋糕入面。越食越開心，好像尋寶般，要食到入面才知道有什麼。而抹茶卷，層次上沒有朱古力蛋糕多，是普通的抹茶卷，個人覺得蛋糕體有點點乾，但重

荳子 Beans📍 屯門屯順街1號屯門市廣場一期UG層UG42號舖同成班姊妹去完屯門碼頭打卡睇日落後，我哋去咗屯市搵食，見到平時大排長龍嘅Beans居然無咩人排隊，於是決定喺度食晚餐。 💰$28 (套餐加配)車打芝士薯條 🧀🍟喺度叫套餐可以以優惠價錢加配車打芝士薯條或其他小食，佢嘅薯條炸得好香脆，但又唔會過分油膩，大家記得要點埋側邊嘅車打芝士醬，佢可以令薯條嘅味道昇華，正！ 💰$118黃金蟹肉意大利粉 🦀🍝我不嬲都好鍾意食蟹，呢款黃金蟹肉意大利粉就合晒我心意啦。無論係外觀定味道，呢款意大利粉暫時喺Beans入面係我心目中嘅No.1！佢嘅蟹味好濃郁，意粉同個醬好幼滑，全部加埋一齊，perfect！不過個人嚟講唔係太鍾意放喺上面嘅沙律菜，食落有啲苦味，扣咗佢少少分。 💰$128黑蒜・磯燒鮑魚・蜆肉・白酒意大利粉 🥂🍝印象中冇咩幾多次食過黑蒜意大利粉，呢款由鮑魚、蜆肉同白酒煮成嘅意大利粉味道好新奇。雖然鮑魚同蜆肉嘅量唔多，多人分食下要將鮑魚切到細細粒先人人有得分，但佢嘅黑蒜一啲都唔臭，香濃嘅黑蒜味配埋白酒意粉一齊食特別夾，鮑魚同顯肉亦都無腥味，係一款幾特別嘅意大利粉，未試過嘅朋友可以試吓。

真係想試好耐了，終於同朋友夾到時間 收工一齊過嚟食~！餐廳裝修靚✨環境好舒服✨啲staff服務都好好💕重點係嘢食都好味❤️！唔嚟試下都唔得，又多一間可以encore嘅餐廳選擇嚕~~嗌左兩個主食+兩個小食，同朋友2個人嚟真係飽到捧住個肚走🤭✨all day breakfast ($138)✨黃金蟹肉意粉 ($128)✨黑松露薯條 (套餐加配$28)✨水牛城單骨雞翼 ($58)另外叫咗杯芝士奶蓋四季春😋大滿足！

今日約左朋友屯門食lunch，見Beans 條隊唔係太長，就決定排隊。閒日中午一點半到，排左大概15分鐘就有枱。今次被安排坐4人位，與隔離枱有適當距離，兩個人坐非常鬆動。👍🏻QR code 落單，睇左陣menu, 揀左lunch menu 既黑松露軟殼蟹意粉同埋 a la cart menu 既焦糖香蕉窩夫配炒蛋煙肉，兩份餐都跟杯熱檸蜜或熱薑茶。香蕉窩夫 4/5⭐️一上碟窩夫形狀同不嬲食開既有分別，以為係格仔窩夫🧇，但上碟係好似bagel樣既🫣，不過味道都係窩夫味，不太甜幾好。cream 同syrup都係 on the side, 甜味可以自己調節。焦糖香蕉🍌表皮脆脆，炒蛋creamy，煙肉唔咸，成個combo都幾ok😬黑松露菇菇軟殻蟹意粉 3.5/5⭐️望落好似細份，其實個portion 都幾大👍🏻黑松露sauce都幾creamy, 唔咸，軟殻蟹有兩件，整體味道不過不失，印象唔深刻😶‍🌫️熱薑茶 2/5⭐️完全唔熱，扣分員工有禮，我同朋友食完野仲傾左陣計，唔知夠用餐時間未，但係都無個種趕你走既感覺👍🏻，可能未有人排隊🤔