荳子 (大埔超級城D區)

营业中

休息中

一大班同事特意來食beans，點解？因為beans既黑松露軟殼蟹意粉真係好正！中午lunch time大家就來到beans，叫左呢個意粉。呢個意粉有黑松露，有陣煤氣味，但係並唔難食，好特別ga，就係貪呢個煤氣味，推薦大家食！講下d軟殼蟹啦，真係軟，用牙咬完就吞得，又係好食。反正我好鐘意啦講完個意粉，講下間餐廳，位置好，唔難搵，座位充足，中午亦都唔洗排長龍。裝修有種文青味，餐飲都好有文青feel架，用木做既羹，配上檸蜜，餐牌上面寫住檸檬蜂蜜，差d唔記得就係檸蜜

呢間位於大埔既Beans 位置方便，科學園上班族可以於中午乘搭大埔超級城穿梭巴士到達大埔，落車轉兩個彎就到呢間店啦，可謂非常方便。呢間店環境幾好，而且有唔同種類既檯，10個人來到都可以一張台坐晒，當然 先打電話去預定就更加secure啦。呢次來到我食左黑蒜帆立貝蜆肉意粉，我今次來到唔洗等好耐就可以食lu。味道唔錯，唔好睇個碟好似唔係好大，其實食落都唔少ga，我覺得份量適中，午餐來講係足夠既。另外仲有餐飲檸檬蜂蜜，杯飲品支羹係用木做既，感覺有d文青feel。

今日係大埔補完習，想話搵個地方淨淨地chill下，經過商場見到個裝修幾文青下，裹面又淨淨地，於是入去試下佢。荳子d菜式都係以fusion 西餐為主，望落就價錢就有d偏高，不過難得環境幾優雅，都係值嘅。我叫左個墨魚汁海鮮意大利飯，賣相就滿分，好似高級西餐嘅擺放方式。至於味道，都真係好唔錯喎。首先個墨魚汁飯，味道非常濃郁，飯粒細緻分明，唔會話煮到一patpat，咬落依然有口感，非常不錯。至於配料都幾豐富，有蝦、帶子、魷魚、同魚柳，味道不俗，無乜太大驚喜。至於個塊芝士就認真好食，非常香脆，撈飯食口感更複雜，有畫龍點睛作用。總括來說，荳子價錢雖然相對同商場餐廳有d高，但環境同食物質素確實有呢個水平，值得一試。

🍳The backyard breakfast ($138)好耐無食 All day breakfast 喇！因為食材好健康，又多種類，所以每次食All day breakfast 既時候都會覺得有一種充滿力量同幸福既感覺，亦係我點解咁耐以黎都鍾意食All day breakfast🙂呢個早餐材料好豐富，有煙三文文魚egg benedict，蛋既流心效果唔錯，三文魚好食，如果蛋味再濃啲就更好。Waffle 形狀似一塊小小既bagel，口感軟熟香甜，唔錯。Parma ham 配哈蜜瓜，係少有既配搭，但又幾好食。其他食材如菇、豬肉腸、煙肉同蕃茄仔都煮得岩岩好，整體質素不俗👌🏻另外加錢可以再追加小食/飲品/蛋糕，我就選左車打芝士薯條，薯條係粗身果隻，岩岩炸起好脆，芝士醬味道濃郁，份量好多，每一條都有芝士味，唔錯！😋

第5次來吃，這裡適合扮文青的我。大門展示有新的菜色，完全把我再引進來。Peking Duck Bun北京燒鴨蒸包漢堡. 薯仔. 沙律沙律和薯條，正正常常，這次薯條炸得不錯，外脆內軟，因為即炸所以內熱還在，不沾茄醬已可入口。主菜燒鴨堡，起初還想用刀叉試試，發覺太困難丁，吃堡還是赤手去吃吧。它是把所有北京填鴨的材料放進厚厚的中餐包裡，你只要當它是北京填鴨吃就可，醬汁美味，蓋過一切。可是，我較喜歡薄切的燒鴨，這個有一兩寸厚肉的鴨肉似乎適合鬼佬多點，對我來說是扣分位。Rainbow latte彩虹拿鐵咖啡味很薄，彩紅拉花真是没有特殊味道的，這杯比適合女生。

周末好需要有甜品美食刺激一下味蕾、所以同朋友決定你黎beans、好好享受一下下午茶在一個舒適嘅環境下傾吓計！留意返：大埔beans冷氣有點大荔枝玫瑰梳打水好靚！玫瑰花飄下飄下，配埋梳打水的氣泡，打卡一流、而味道只屬正常！彩虹latte...畫得好靚、但唔算好香滑！影相加分Mixed Berry Waffle佢係有呢個蜜蜂窩夫+新鮮什菌+益力多雪糕！我就係俾佢益力多雪糕吸引左嘅、Waffle 皮脆內軟、好香！益力多雪糕帶點甜&酸，好好味！

嚟食個下午茶，見有荳子，就係呢個分咗四個區域嘅商場搵，原來係係同ＡＢＣ區分隔咗一小段路嘅Ｄ區，仲係扶手電梯後面近玻璃門嗰邊，唔係成日嚟嘅真係覺得有啲難搵。但好多人都好熟路，咁隱蔽都要等差不多十張枱先有位。先揀個飲品，呢度有唔少小倉紅豆嘅抹茶甜品，今日就試類似嘅飲品，大大粒小倉紅豆，濃濃嘅抹茶，再加點泡抹，面頭仲有BEANS嘅印花，好靚，亦好好味，飲完一杯都好似唔係好夠咁。友人就揀咗沙冰系列，原來沙冰之餘仲有好厚嘅忌廉，好夠份量，夠哂凍，唔錯。今次唔食甜品，兩個人就叫啲小食，見每款小食都大約五十蚊，見小食拼盤都係一百蚊左右，叫個拼盤好似開心啲，仲有炸洋蔥圈，肉醬薯條，蜜糖雞翼，香辣雞翼，好豐富。兩款雞翼都好惹味，只係香辣嗰款就一啲都唔辣，同埋洋蔥圈拎到嚟時已經淋咗。呢度冇限時，不時有人幫我吔收咗唔要嘅餐具，但冇趕我吔走，搵個地方坐下抖下傾下計，呢度係唔錯嘅選擇。

諗住近近地，喺大埔搵一間坐得舒服嘅餐廳Beans的確係好唔錯嘅選擇，環境唔錯最鍾意佢部份嘅櫈係有扶手，坐得好有安全感，傾計都舒服啲今日一點鐘嚟食，兩個人等位等左5至10分鐘我哋各叫咗一個set lunch我要左蕃茄肉醬溫泉蛋長通粉味道唔錯，幾開胃，我只係略嫌個長通粉硬咗少少跟餐配送咗杯咖啡，又幾濃郁喎👍🏻👍🏻👍🏻跟set lunch加＄25就可以換一件蛋糕我就要左一件stone佢係芝麻味嘅外層，應該係柚子味嘅餡我本身唔係好食芝麻，但我又覺得佢幾好食喎如果鍾意食芝麻味濃啲嘅話，佢就符合唔到你呢一個要求不過佢成件蛋糕係幾清新㗎，唔會覺得膩所以都值得推薦埋單每人八十蚊左右

端午節呢個長假期，唔去外遊既我就梗係把握時間見吓閨蜜，吹吓水啦12點半左右尼到拎飛，大概都等左20分鐘就有位可以入去啦。裝修多數用灰同木色，感覺好自然同光猛。我地坐近窗邊既圓枱，張枱有DD細，好彩窗台可以放低袋。對比起第一次食既我，已經食過幾次既閨蜜揀野食都好快手，於是就全權交晒比佢。首先係芝士薯條，芝士份量超多，點薯條一流。黑蒜蜆肉帶子意粉，意粉同肉都好入味，食完唔會口渴，份量都夠大。飲品我地就叫左個伯爵橘子茶，可以refill 架。見到好多人推介呢度既甜品，於是我地就叫左Cozy 呢set dessert.裡面分別有Stone (芝麻味蛋糕)，抹茶甜品同兩件tart.Openrice 上面見到多數人都推介Stone, 本身我麻麻地芝麻既，但食落口其實比想像中淡，但有芝麻香，裡面既mousse 好軟滑。埋單只係每人$133, 都算抵食

同同學聚聚，話去試吓呢間荳子。星期六 7pm去到，已經要等枱，我哋等左四個字終於有得入座😆佢個裝修簡單，有田園風味，間隔亦都闊落，大概有30張枱。佢有一個area似一間Cafe，全部都係矮枱矮櫈，然後有一排係fine dine既枱櫈。我哋叫左一份炸軟殼蟹黑松露意粉，再加一個沙律。個軟殻蟹意粉好香松露味，味道適中，佢加多左少少胡椒，軟殼蟹亦都好脆係啱啱炸起嘅~!!至於個沙律就一半半，佢啲菜配埋個汁味道好青😂😂

好喜歡Beans既環境，食過將軍澳分店，今次嚟到大埔，很喜歡這裏的環境，落地玻璃窗可望到街上的風景，有天然的陽光照射感覺很舒服😌今次選擇了煙三文魚All day breakfast，Bagel好柔軟同有香濃嘅牛油味👍🏻黑松露炒蛋好幼滑配埋杯凍檸蜜，簡直係假日的一大享受！今次再試埋帆立貝菠菜意大利飯個人就覺得啲飯唔夠入味。這裏有很多甜品蛋糕選擇，下次一定會再嚟試埋！還有值得一讚是他們的服務態度，那天下午坐了差不多兩小時，侍應沒有催促(大前提當然是沒有人在等候排隊😂)

朋友大埔地膽帶我地去呢度hea下，傾下計。不過等就等得耐d ，要等半個鐘左右，但由於入面d客人大多數都係hea下hea下咁，所以冇所謂啦，幾個人傾下傾下時間都算快到入面環境都ok la, 雖然我地安排坐長枱，不過感覺算係舒服ge肉醬薯條玉露 蘋果金寶仲有兩杯冇特別ge咖啡食物方面，個樣都靚靚仔仔，影下相呃like 都還可以，味道ok, 都係一般cafe 食品，味道唔會有驚艷野野飲就真係mama 地，又細杯左dd, 但杯野飲都係靚仔ge

聽聞BEANS的食物質素OK在新界各區的評價都不錯今天終於前來拜訪～雖然是公眾假期..但已過了1點半的繁忙午飯時間等位不算太久...大約等了15分鐘便有位！朋友說她一向只會點黑魚子煙三文魚蜆肉意大利粉我就點了黑松露什菌意大利飯BEANS的甜品都出名..所以也點了份Green Tea Waffles及home made cake Stone黑魚子煙三文魚蜆肉意大利粉，份量看似不多但都足夠兩個女生share來吃煙三文魚香而不鹹蜆的份量算多，蜆肉雖不厚身，但都算大隻，而且沒沙意粉又香又滑溜，帶點黑魚子的香味道挺好！黑松露什菌意大利飯，黑松露好香，什菌又夠多意大利飯的質感creamy但吃得多就覺得太濃味，而且有點膩...Green Tea Waffles有蜂蜜窩夫﹑蜜燴紅豆蘋果及綠茶雪糕第一次吃donut形狀的窩夫，本以為會像donut的質感但原來質感好得多，是軟熟之中帶點彈性，好香蛋味之中夾雜蜂蜜的微微香甜還可因應個人口味而配上不同的醬料拌窩夫，一隻碟上已有齊吉士奶油﹑忌廉﹑yogurt和綠茶醬！配上綠茶醬是最突出的！！蜜燴紅豆蘋果，紅豆煮得綿密又很甜，但混入微酸的蘋果﹑爽脆的爆珠﹑蜂蜜味的

整體來說是好吃的，但價錢有點偏高，低一點的話我一定會想常常去吃。Backyard$138三文魚班尼迪蛋+窩夫+哈蜜瓜巴馬火腿+煙肉+豬肉腸+蕃茄+茄汁豆不過不失，沒有什麼特別。黑蒜蜆肉意粉$98意粉偏硬，是我喜歡的口感，香氣很足，就是份量少了一點。小食拼盤$118香辣雞翼+焦糖雞翼+啤酒洋蔥圈+肉醬薯條好豐富，看著就已經很滿足，味道也不錯。焦糖雞翼甜甜的，但卻沒有焦糖的香氣，不像焦糖。香辣雞翼也不怎麼辣。薯條份量很多，配上肉醬很夠味，洋蔥圈也好吃，但就感覺不到啤酒。Beans Banoffee +$25海鹽焦糖香蕉拖肥+仙蒂忌廉這個我超愛，本人是cream人，超愛吃cream的，一看到蛋糕上桌就很開心，香蕉味道很濃，但依然沒有感覺到焦糖味。cream也做得很好，夠挺夠滑，加上巧克力脆脆，可以減少膩的感覺，如果可以再多一塊水果，或是苦巧克力就足夠去配cream。跟餐只要加$25，我覺得很划算。彩虹拿鐵 +$37很特別的外表，味道也不錯，但不會再點，畢竟它比其他貴，味道又沒有驚喜。熱榛子朱古力 +$27Sour Jet$48鮮橙+檸檬沙冰+爆炸糖應該是貴在煙霧吧。

為左慶祝一啲大日子 鋸扒係大眾人既選擇 而我都唔例外 所以揀左呢間餐廳食高級牛柳同巨型漢堡包 絕對令我一再回味😝入到去個環境好舒服 張発深到就算放埋書包係後面都好夠位坐 而每個侍應都好有禮貌 服務非常週到 有所加分👍我地叫左一份牛柳燒海蝦同安格斯漢堡 兩份都揀左五成熟 份牛柳有非常濃厚既牛肉味 齒甲留香 雖然切既時候會有啲血水滲出黎 但唔會扣好多分 因為證明佢真係五成熟👍由於個漢堡包都好高質素 入面塊安格斯牛排好淋好鬆化 食落非常滿足😜