荳子 (大埔超級城D區)

营业中

休息中

假期當然係食brunch既好時機，今次嚟到大埔，第三次光顧beans。開飯網資料顯示餐廳開11點，但11點去到仲未開門。等左半個鐘，終於可以入內，座位都算舒服。食物都有好多選擇，有我想食既all day breakfast, 亦有意粉pizza燒雞等等揀，加錢亦可以食cake。煙肉炒蛋正正常常，焦糖香蕉絕配，仲有我至愛既pancake唔會好粉好漿咁，配埋蜜糖真係好好味！而另一set breakfast就有菇菇、炒蛋、麵包、茄汁豆、蕃茄等等，不過有秋葵，餐牌好似無寫到，大家都唔太想食😂跟餐有杯飲品，有檸檬蜜糖/黑糖薑茶/咖啡。食物質素不錯，食到好飽，為假期點綴了不少。

平時行開各區都會見到依間beans 見openrice d甜品可以寫生日字慶祝 所以今次去食下順道同個朋友仔慶生🙆🏻‍♀️可能對beans 有一定既期望 以為d西式飯意粉好出色 但食落有少少失望 份量唔算多 味道好一般😣😣份量少到食完好似冇食咁樣wuwu不過甜品就都出色少少既 幾好食 擺得幾靚 打卡都唔錯既🙆🏻‍♀️不過依間餐廳係慶生日方面就好有心 寫字寫到靚靚地😙仲會好有心寫張卡仔比我朋友 見佢收到都幾開心😆

放工回家路上手機訂了晚餐，系統顯示取餐時間為20分鐘，20:15可取。20:10左右到達餐廳，但等到20:23才能取餐，與下單時間19:50相距超過半小時😂😂😂 店員還說可以見到APP顯示「可取餐」時才到店取，不用站著等，但APP過了預計取餐時間後已經跳到了「可取餐」，客人其實看不到真實可取餐時間。建議加長預設時間由20分鐘到30分鐘，讓客人下單時有更準確的取餐時間估計。

有些餐廳就係比你一種不太深刻印象既感覺，唔係有咩難食或令你不愉快既感覺，但亦唔係特別好食，唔好講會唔會再想黎食，根本對佢無記憶，BEANS就係比我咁既感覺成日都見佢好多人等，某星期日12.15去到，大約等左15分鐘入座，座位比較逼窄，講野傾計基本上隔離一定清楚聽到，服務其實唔錯，奈何唔夠人手，點菜同埋單都等左好耐。食物方面，叫左Spaghetti with Crab and Egg Yolk 同Eggs Benedict ，中規中矩，無咩太大驚喜，同區其實都有好多類似選擇，價錢可能更便宜。

伯爵茶流心吐司🍞＋熱棒子拿鐵☕️想享受一個輕盈的下午茶或者稍息片刻的話，BEANS是個不錯的選擇。環境舒靜、食物質素有水準，可以過一下吃甜品的口癮之餘，又不會太飽肚。伯爵茶流心吐司🍞• 吐司口感鬆軟棉棉、外層烘過帶點脆口，雖然麵包是黑色的，還會期待它有點特別的味道，最後卻甚麼都吃不出來🤣• 內層的伯爵茶流心味道則更為突出，配合一些雜莓吃起來更加清新；片片杏仁片還有棉花糖令口感更加豐富。• 雪糕的作用是為吐司帶來冰火的口感，混合起來一齊食會為味蕾帶來衝擊。熱棒子拿鐵☕️• 咖啡味道清新，很適合配上棒子香，• 第一次看見用杏仁片點綴在奶泡上面。

假日身為偽文青，當然要去cafe坐下。一家三口👨‍👩‍👧去食，叫左兩份晚餐。安格斯牛肉漢堡，焦糖洋蔥，車打芝士，太陽蛋配薯條，先看賣相已經非常吸引。牛肉漢堡可以要求幾成熟，我們叫左6成熟。漢堡牛味很濃，而且有肉汁，不會太乾身。蕃茄肉醬溫泉蛋意大利長通粉，小朋友都唔啱食。番茄醬酸度剛剛好，跟肉醬非常配合，混合埋溫泉蛋的蛋液可以再互相平衡。2碟我份量都頗多，一家三口吃剛剛好。這麼多年，Beans荳子的水準依舊保持！

開心果芝士薄餅配蜂蜜🍯Pistachio honey pizza with Mozzarella cheese🍕.好少食到甜嘅Pizza 原來都幾好味🤣甜甜嘅蜂蜜 配上開心果另外薄餅相本身已經有芝士同砂糖薄餅皮好脆👍🏻當做下午茶食唔錯😄另外佢哋嘅檸檬蜂蜜都好好飲🍹.今次喺大埔分店食服務員態度好好主動俾張凳我哋擺袋態度好有禮貌同親切☺️值得一去再去👍🏻📍 Beans 荳子 (大埔)大埔安邦路9號大埔超級城D區地下670A-671A號舖

星期日下午，阿媽同老婆係屋企睇住BB，又係時間四圍搵食，近近地落大埔中心食，由於周圍都排隊，結果阿爸話未食過呢間，要試下。入到去我們被安排坐中間大枱，枱中間有一條流水，幾特別。由於menu啲字太細，阿爸要帶眼鏡睇，我們叫左1份豬手加肉醬薯條，跟餐有飲品，叫左熱檸蜜。先來了一份薯條，肉醬好味，但薯條淋左啲。再來是豬手，燒豬手已經切開左，唔洗切，幾體貼又方便食，豬皮好脆，而啲肉仲有肉汁，入口嫩滑，好食，配菜有酸菜同薯塊，不過薯塊是淋淋地辣辣地，都幾野味。

假期訓到兩點鐘是常識吧！一起身好想食個Egg Benedict 咁就上網搵啦。原來成個大埔機乎得呢一間餐廳有得食！咁Beans 嘅好多分店我都有食過嘅，佢啲野又唔差，就一於出發啦！叫左份Egg Royale有煙三文魚，上面係黑魚子。味道都唔錯，唔知點解覺得無以前咁好食，但都唔係差。之後仲叫左杯rose latte🤩 飲rose latte好有假日節奏，因為平日通常去大型連鎖咖啡店買咖啡，好難飲到rose latte男友叫左杯 cream burlee latte

其實我從來都唔食egg Benedict，今日諗住試下因爲有我鍾意既蟹肉同牛油果，真係令我大失所望。menu 上面係寫住Avocado crab meat egg Benedict 一上菜，係一粒牛油果肉都無，得奇怪酸甜味既牛油果汁，仲有一大舊未變成絲既蟹柳。係！係蟹柳！仲要係最難食最cheap 嗰款魚肉蟹柳🤢🤢雖然我都唔期望你有好多蟹肉，但係你都唔係用啲咁既蟹柳黎敷衍我呀？一間環境咁好，收費亦都唔平既餐廳竟然會上啲presentation 咁差既野食，真係有好大落差。而且，egg Benedict 個蛋黃竟然係全熟。仲有，我地有向經理反映番 佢黑住面咁回應: 係呀我地係用蟹柳架，都有啲蟹肉既。你做服務業架，可唔可以答得好啲講句唔好意思令你既客人就算食緊啲好難食既野，但係個心都舒服啲？另外，朋友們都叫左all day breakfast 同綠茶卷蛋，都係麻麻地。下次唔會再幫襯🙅🏻‍♀️

今日朋友食lunch,因為朋友一直想試Beans嘅Homemade cake,所以今日就去Beans喇我地13:00左右到，等左5分鐘就有位喇。我叫左個手撕豬仔骨漢堡有薯條同salad，跟餐+$25蚊有拿破崙個漢堡有隻太陽蛋加埋啲豬仔骨絲一齊食好好味豬仔骨絲有少少甜甜地幾好食，可能因為有洋蔥吧？薯條好熱，應該啱啱炸好，賣相一條條好靚。salad就正常水準，整體上好唔錯，唯一失色嘅地方係漢堡入面嘅蕃茄搞到個包濕左跟餐加嘅拿破崙好脆！吉士味都好濃厚，如果佢個紅桑子醬再多啲就好，依家個味唔夠出午餐而言Beans真係唔錯嘅選擇，以後都會同朋友再去

好難得可以11點幾行出大埔中心食飯，就去平時比較多人排隊嘅beans啦！今次一嚟到就有位，店員提醒我哋北京填鴨包要等20分鐘，於是，我哋就嗱嗱聲叫咗一個北京填鴨包先結果都唔算等左好耐就到，啲醬汁非常好食。另外，我哋又叫咗一個黃金蟹肉意粉，不過有少少失望，因為一打開個蟹蓋，裏面冇咩蟹肉，只係得兩條蟹柳。黑松露軟殼蟹意粉就比較多料，黑松露嘅味好重，鍾意食嘅可以點。叫呢個全日早餐係因為佢有焦糖香蕉，可以當係甜品咁食。不過其實跟餐加$25都可以叫一份蛋糕。呢個薑母茶驅寒一流

荃灣嗰間就食得多 大埔呢度都係第一次大概夜晚8:30到嚟食 都唔算好多人我哋叫咗個牛油果蟹肉他他擺盤都幾靚 啲料都幾足 蟹肉喺面中間有好多菜 牛油果係最底 都幾開胃本身想食北京烤鴨嗰個包 但係話今日無就轉左去食五花腩嗰個包 有五舊五花腩都幾入味 啲薯條都係熱辣辣 好脆但係個包就麻麻哋 好似食緊白饅頭咁嘢飲真係唔係幾好 我哋叫咗杯榛子咖啡同埋綠茶鮮奶榛子咖啡係凍嘅 又冇榛子味個綠茶鮮奶 朋友話甜到一個點 佢最後放棄左淨係飲水算啦總括來講嘢食係好食嘅但係嘢飲就要慎重選擇

揀左 Beans 呢間餐廳，平日可以訂位之餘職員仲幫我預留甜品用作寫字🖋.最後預訂入座時間，我遲了，職員都有幫我留位. （二人 window seat 座位是有限的）呢間 Beans 職員服務很好，年青，仲好有禮貌，食物質素不錯之餘，環境都好舒服. 職員送上甜品還有一張 Beans 生日卡. 生日卡?? 一打開張卡.. 嘩，好得意呀!!職員係卡上寫字仲畫埋公仔係 minions 呀!哈哈，好得意好窩心難忘!!驚喜

抵食嘅下午茶今日落大雨諗唔到地方去就去食個下午茶諗住Hea返幾個鐘。咁之前都聽過有人話荃灣嗰間beans好出名，但係之前次次去到都好多人排隊，所以一直都冇機會試。點知最近聽朋友講，先至知道原來大埔都開咗一間，仲要唔係最近嘅事。我就係平日嘅下午去嘅點知去到位都唔駛等就可以入啦喎！好開心！入面裝修得好靚，好文青😍叫咗一個流心抹茶吐司，等左10分鐘都唔使就上菜啦。$42 蚊（要加一）大大個多士仲要有嘢飲，好香嘅抹茶味。原來六點前order就可以叫佢寄Lunch Menu或者tea menu,係抵過平時dinner Menu好多架，所以下次都打算再過嚟食。