荳子 (德福廣場1期)

营业中

休息中

平日不是太差的我都盡量小出負評，不過呢個就真係好差😰🥺人哋話真係食X食着豆呢句說話係形容乜嘢？當然係唔好嘢！！！今次真係捉蟲食着豆！！如果唔係有個課程要係到上，相信唔會咁早係呢到食早餐，唸住咁早起身，想飲反杯靚D嘅咖啡☕️⋯⋯點知….唔單只係杯咖啡唔得，連早餐都好唔掂如果杯咖啡係好飲嘅，70元個早餐就一D都無問題，我飲咗咁多年咖啡，呢杯咖啡真係好唔得，我而家唔係去普通茶餐廳嘅咖啡禾，係呢到食早餐，都係想飲反杯有質素嘅咖啡☕️，但杯咖啡完全無咖啡香，又無咖啡味，只係覺得一杯好甜嘅奶咁😅我不嬲去開D咖啡店都係大多數飲熱莫加咖啡，今次也不例外⋯⋯咖啡又唔得，早餐又唔掂，何解？隨咗係D座位坐得舒適之外，我唸唔到有乜嘢籍口可以再嚟！！！😰😰😰😰😰————————😩食乜食着豆…..咖啡無味好嚇人🥲早餐食完唔會飽…..份量太小嚇親人😅今日無開心簡單….因為上堂會好煩⋯🥺食….拍…寫..已經成為我生活中的一部份鍾意食..鍾意拍…鍾意寫..留下生活回憶🤣—————————-

星期六來到BEANS，都幾多人排隊，至少排左半個鐘先入座。店鋪裝潢簡約，有種日系西餐咖啡店的感覺，令人好舒服同RELAX，坐的凳係SOFA黎，好舒服。點左個The Backyard Breakfast ($138)，非常豐富，有煙三文魚班尼迪蛋、窩夫、哈密瓜巴馬火腿、煙肉、豬肉腸、蕃茄、茄汁豆、炒什菌。實在睇見都覺得滿足，有超過10款的食材，而且顏色好靚，色香味俱全。特別覺得好食的有 煙三文魚班尼迪蛋、哈密瓜巴馬火腿同窩夫。窩夫係比較特別，有口感，少少甜同埋好香蛋味。食完之後覺得滿足。

這晚路過九龍灣人氣食店，總要給它機會 ...“德國燒豬手”，入味，又香，皮焗得不錯，可以脆一點更佳！但造型上的那幾條芫荽「九唔搭八 」，是否用芫荽碎會好一些呢？這套餐跟了一客“羽衣甘藍沙律”，雖然碟頭小了些，但起碼企理，菜新鮮，沙律醋有撈勻，味道也不錯。我們也點了一杯“薑母茶”，現在晚上開始轉涼，這杯飲料來得正好。我們兩個人才點了一個餐，所以若有所失，於是多點了個甜品，“雜莓窩夫” ... 我們點完了窩夫，侍應靚女馬上換兩只新的碟給我們，還有新的餐紙巾和刀义，十分醒目！窩夫上有蜂蜜、新鮮雜莓、吉士奶油、益力多雪糕、香蒂忌廉純乳酪、柚子爆珠、朱古力碎、士多啤梨醬、乳酪醬 ... 材料夠豐富，配搭得宜，擺盤精緻，這甜品「無得彈」！

荳子beans差唔多每日食晏必定大排長龍，今日朋友放假，可以12點前攞到位！入去坐低，呢間出面對住馬路，白天陽光普照，光線充足下，環境好舒服Lunch set 有多個選擇，我揀左燒蝦意粉每個set 包一杯飲品 ，我揀左熱檸檬蜜糖小食焦糖單骨雞翼Grilled Prawn spaghetti Hot Lemon honey Caramel single bone chicken wings大蝦煎得剛剛好，吾會太老，意大利炒過亦掛住汁好夠味好彩選擇正確！焦糖單骨雞翼，啲糖痴住曬好好味下次再黎可以試吓佢啲甜品蛋糕，叫set可以追加，但怕下午食太多太飽恰眼瞓所以冇叫

3杯飲品都系黎自「我想和你無所事事」- 巴樂草莓四季春：芭樂味淡到唔係好覺，加上士多啤梨糖漿既甜味 整體好奇怪- 草莓拿鐵：m記士多啤梨奶昔味，cp 值低- 熱香芋拿鐵：假芋頭味 肯定唔係用真芋頭整3杯野飲都$30up 冇expect係咁既質素全部野飲已經揀左小甜都勁甜，但冇得揀半糖/微糖 - 非常濕潤既梳乎厘 出水既 💀🤢- 什莓窩夫 根本唔係窩夫 只係一個冬甩形狀既雞蛋仔 又唔知點解要加d爆珠上去 完全唔夾 😵‍💫🥴- 成餐最好就係個柚子芝士蛋糕

唉！無諗過咁差，其實呢間分店開咁耐都未試過堂食。因為成日排長龍，午飯就跟本唔會想等，加上無耐就疫情，所以只係試外賣，但已經覺得佢住啲意粉，飯都係淡而無味。 呢一日，約咗好友食 early dinner，六點前就坐低，茶餐無嘢好揀，最終都係揀 lunch menu，原來已經轉咗用手機點餐，一向我都好鐘意用，但佢哋呢個，成個版面我覺得亂糟糟咁，又多顏色，有點煩！我都未試過用手機點餐點得咁艱辛⋯⋯左揀右揀，揀咗一個意粉，一個 pizza，加$25要一個薯條，本想要埋蛋糕，但想要個款無晒，算吧！諗落都好彩，慳翻$25，呢餐食完主食都應該無咩胃口😪車打芝士薯條到先，賣相好麻麻，有啲唔新鮮feel👎🏼 食落都係👎🏼 我哋都食淨晒，真係好少嘥嘢，但無法😕 黑松露軟殼蟹意粉到，賣相ok，好可惜，都係好淡的，只係軟殼蟹先生好咸⋯⋯雖然，係要健康一點，但又未至於去到無味！？是嗎？千島醬蟹棒帶子薄餅，賣相ok，個餅底超麻麻，餡料都一般，又焗到啲蟹棒硬晒⋯⋯唉！唔好味！超唔滿足嘅一餐🥱

每次夜晚經過呢間餐廳都係超多人排隊，所以今次約朋友專登預早d黎食餐廳環境都幾舒服，我地揀左「香煎大蝦龍蝦汁意粉」、「The Backyard Breakfast」同埋另外再加黑松露醬薯條香煎大蝦龍蝦汁意粉，大蝦煎得幾香口有蝦味，意粉個汁都幾惹味，但略嫌不足既係個汁其實唔太夠龍蝦味The Backyard Breakfast入面有煙三文魚班尼迪蛋、窩夫、哈蜜瓜巴馬火腿、煙肉、豬肉腸、蕃茄、茄汁豆、什菌，超豐富抵食，值得一提既係班尼迪蛋隻蛋流心同埋烘過既鬆餅底好好食，同埋窩夫烘得好鬆軟好食黑松露醬薯條，食落外脆內軟，配合埋個黑松露醬，令薯條既味道更有層次！

Full breakfast 份量偏少, 香蕉份量係最多包係現成既...Cheese cake +$25 Size細到一人都、吾夠綠茶Latte有一半係冰, 1/3係泡, 飲兩啖巳冇建議叫熱飲會好点

想試咗好耐，次次都有勁多人排隊，今日行過見條隊只有4、5個人排，即刻去排，等咗15分鐘左右就有位。格調較日系，有溫暖舒適感覺。以手機自行落單，其實係方便嘅，不過你用智能產品唔係咁叻又有老花，可能你要比人白目一下(可能餐廳經理慣性繁忙太過勞累)，只係問咗餐飲係咪撳drink list，差啲比佢篤爆個mon哈哈。Out of 個人service問題，食物係好食嘅，黑松露意粉味道調較得恰到好處，黑松露餘韻充斥口腔。手撕豬仔骨漢堡，甜甜地微酸好開胃，食完唔會覺得好膩，但係都幾大份超級滿足

星期六約咗朋友喺九龍灣食lunch🍽一早已經決定食呢間之前去過荃灣嗰間店環境都舒服諗住靜靜地可以傾吓計都預咗星期六會好多人，好彩今次唔係等咗好耐，唔使半個鐘已經有位✌🏼店員都好有禮貌，一坐低已經有提供溫水，我哋一行三人揀咗四樣嘢食諗住happy share西班牙辣腸海鮮通粉有驚喜😏平時食開辣腸都係配蕃茄醬🥫估唔到呢個幾特別🤔小小辣好開胃🤏🏼值得一試香辣單骨雞翼都好出色🌈上到枱食嘅時候仲係熱辣辣另外單骨雞翼都有三四種唔同嘅口味，如果你鍾意食雞翼嘅一定要試，餐牌上亦有提供素食菜式🥗就算有朋友係素食者都有唔同嘅選擇總括嚟講食物質素唔錯價錢合理💁🏻‍♀️其實Beans好多地方都有分店🗺大家經過開都可以試吓💯

Lunch time同事話想食餐好，不惜千里迢迢由公司搭車出德福再排上半個鐘都要試吓呢間餐廳。日日收工經開都見佢排長龍，出面望入去餐廳環境確實唔錯，今日終於可以試吓佢d野食🤤我叫咗個egg benedict，同事就叫咗個all day breakfast，本人對egg benedict 情有獨鍾，原因之一係一野切落隻蛋個陣睇住d蛋汁流出嚟嗰下，真係何其爽！(有少少變態😛 今次呢個egg benedict賣相ok，味道無乜驚豔但都係好食嘅，但份量少咗d，唔多夠飽，可能係餐廳陰謀等我叫多份蛋糕（明明自己大食⋯同事個all day breakfast聽佢講都唔錯，下次有機會可以試吓～同事最後每人叫咗款蛋糕share，其中個拿破倫蛋糕真係不得了🤩又脆又唔會太甜，真係好好食！呢個lunch好滿足！

如果有一日見到變唔使等位，嗰日一定係奇蹟。無論係午市、晚市、定係其他時間，永遠出邊都排緊隊，就知道呢度有料。呢個海鮮通粉麻辣，但係完全唔辣，但係味道就好好嘅。呢個鮑魚意粉就相當一般啦，今次諗住試吓新野食，點知個味道就似茶餐廳乾炒意粉個味，但係淡口版，味道好一般至於呢個栗子撻，就好有驚喜，栗子蓉好香，唔係好甜，至於個撻底亦非常之好味。餐廳亦一如以往咁好坐，服務好好，難怪永遠咁多人排隊，下次都係食返啲招牌菜了！

第一次幫襯這間分店，週日黃昏六點幾已經排長龍，等了大約半個鐘有位，入到去第一個感覺係D冷氣好勁，好凍，入坐開始計限時90分鐘，落order係自己掃QR code落，叫了大蝦龍蝦汁意粉、班尼狄全日早餐、黃金蟹肉意粉，加咗錢要黑松露薯條及焦糖燉蛋、餐飲要黑糖姜母茶(少甜），黑松露我覺得唔夠濃郁，食物份量也幾足，賣相也幾靚，味道也ok，整體ok，埋單時第一次在openrice買現金卷，即買即用幾好，又有折，指定付款方法仲折上折真係幾抵.

嚟到呢間德福廣場嘅荳子食早餐，行過經常見大排長龍， 見今日早餐冇乜人排就試下，， 首先環境幾舒服陽光夠光猛西冷牛扒早餐 加餐飲 普通的美式咖啡$68紋西冷牛扒煎得很乾， 冇乜肉味， 但食落夠香口，同無咩渣，，太陽蛋沙律菜無咩特別， 但個鬆餅都唔係我食開嗰隻鬆餅嚟嘅， 似係漢堡包上下面嗰兩塊包 咖啡更加一般，， （假日）水果早餐 加餐飲 新鮮橙汁$81紋煙肉煎得ok，夠香口得嚟呢唔太鹹， 炒蛋冇乜味， 煙三文魚呢就係果隻味， 果杯水果更加冇味 成個餐最特別係嗰塊包， 煙韌得黎夠份量又 越嚼越香兩個早餐真的好一般， 只不過係比其他餐廳嘅嘢食特別少少囉， 小妹唔會 覺得值得排隊食， 早餐肯定下次唔會再嘗試，太貴啦個包ok的話， 小妹有啲心郁郁想試下甜品蛋糕嘅， 可惜杯咖啡唔掂 甜品好味，加埋杯咖啡正嘅話咁就一流啦

原來Beans都有下午茶餐 適逢下午茶時間嚟到 梗係要貪平嗌個下午茶餐啦😁黃金蟹肉意大利粉🦀- 味道不過不失 本來幻想住鹹蛋味會好重 但實際上只有淡淡的鹹蛋黃味 意粉偏硬 同之前食嘅感覺唔同 不過都好味嘅👍🏻👍🏻甜品揀咗小山園抹茶蛋糕 眾所周知小山園抹茶係綠茶界嘅中流砥柱 用佢嚟整甜品都冇乜可能整得唔好食 呢個蛋糕既味道同想像中一模一樣 唔會過甜 抹茶味突出 配埋咖啡飲一流🎊入面嘅紅豆提供左唔同嘅口感 更加會令人一啖接一啖 正呀🤗