影片
以上资料只供参考，请与餐厅确认详情
相关文章
叫左个午餐食，牛肉粒西炒饭，心谂炒饭一定无伏啦。第一啖d饭居然只系微暖，喂d饭你就算预先炒定都好歹叮返热佢丫？ 牛肉粒有6-7粒，有3粒系筋，有1粒系完全不可能咀嚼嘅级别，系连3x-40蚊嘅两𩠌饭都未食过完全咬唔落嘅牛肉粒。其实真系贪就脚，服务平时都只系50分。记起半年之前有次平日又系食lunch但已经系3点几，唔系多食客，好多都一两个人坐四人台/卡位，我都系其中一个坐卡位。我其实已经食完碟饭饮埋半杯野坐多阵就准备起身走人，有个女伙记带左3个新街客响我旁边张四人台入座，个女伙记响我侧边劲大声话「佢走左我就比返张卡位你地」，我就谷9气饮完啖野，以同一个声量回返佢一句就卖单走人。喂我做过尼行，明白卡位会倾向派比左3-4人嘅客，好声好气问都可能会调得走坐紧卡位嘅客，但就一定唔系咁样赶走个仲未饮完野嘅客啰。
继续阅读
☀️醒神早餐c $36雪菜肉丝汤意粉份量比想像中少都几多 唔知系因为早餐定系外卖...不过味道方面系满意嘅意粉就算浸咗一阵都仲弹牙有咬口雪菜肉丝比例上就比较多虽然有啲红辣椒丝但唔会有辣味嘅火腿奄列+多士蛋奄列唔会话太熟 入面都保留到啲蛋汁主角当然系入面包著满满嘅火腿丝调味适中唔会过咸冻咗浸翻入汤都好好味😋多士有两片 嗌咗走牛油预设系烘底走面包边因为烘过所以未算松软 不过因为选用白面包所以斋食会有啲甜味整体都够饱嘅 味道正正常常～
继续阅读
住附近，之前因为小菜晚餐送小食，所以都多帮衬。食物质素真系无大问题，选择又多。可惜，服务态度真系好有问题，晚巿永远坐唔满，午巿都系半满，但楼面落单永远表现不耐烦，送餐又送溜，要客人受气实太过份。😓
继续阅读
今日lunch突然想食焗猪扒饭, 直接去附近既茶餐厅谂住一定会有得嗌黎食, 落单后好快有得拎。焗猪扒饭, 外卖有得减$5, 埋单$47好多汁, 有蕃茄, 猪扒好大块,够淋, 炒饭底, 几好食
继续阅读
话说今日落去食下午茶因为好想食啲茶餐厅常餐落单嘅时候，个女侍应已经有啲问题企开成张枱咁远，要叫出去先落到单咁冇计啦，照叫出去啰咁就叫咗三个餐1.雪菜肉丝肠仔米线2.沙嗲牛肉面常餐3.猪扒包个猪扒包同嘢饮就一早到咗咁就食住等另外两个餐啦食到咁上下，同我哋讲冇雪菜问我哋可唔可以转餐肉？雪菜同餐肉系两样嘢嚟㗎㖞咁谂住一餐半餐，我忍佢啦，谂住同佢讲转餐肉点知佢行过嚟又再讲冇沙嗲牛我即时燥左点解可以嗌三个餐两个餐都冇？点解唔可以喺我哋落单嘅时候同我哋讲清楚冇呢两样𩠌啊？好似局住要我哋要食咁？之后同佢讲两个餐都唔要啦，就咁俾咗猪扒包餐个钱就走咗啦临尾个侍应仲话我哋发烂渣大佬啊，你货不对办，冇㗎早讲等我哋可以早啲离开或者拣其他嘢食啦一心想食雪菜肉丝米同埋沙嗲牛面点知一间咁大嘅茶餐厅可以冇呢两样嘢你地话庆唔庆呀？想点样揿唔知大家明唔明本身打算食𠮶样𩠌，点知又冇个种心情？
继续阅读