影片
话说...是咁的今天食早餐，明明我点了一个自选三样的面餐，三样$31，我加牛扒+$5，公仔面，冻奶茶+$2张单写$44我就去问点解，佢写单同我写错左猪扒，又写错出前一丁。系咪我比较生保就咁对我，唉。我好失望。点解是我！！最后解完同我讲唔好意思，而我只能答你出岩价钱食物就算啦。点解咁样屈我，我真的不太著重钱的问题，只是明明我已经好大声讲要乜野。最后唔好意思就算！明明系佢听错写错。真心觉得非常之难受，唉。
继续阅读
一早又要嚟大窝口做野，落咗地铁，周围行吓，睇下有咩好食，误打误撞，行到呢个好细的商场，见餐厅虽然唔大，但里面环境几干净，所以入去食个早餐。都系一般例牌港式早餐，有面类，麦皮早餐，加肉类，鸡，猪，牛，鱼扒早餐等...🥢吉列鱼柳，奄列，猪仔包早餐奶油猪仔包，虽然热的，但奶太多，兼个包唔脆，鱼柳唔错，粉浆薄，炸得脆，点沙律酱，好味👍🏻，奄列，蛋中间仲有小小流心，入边火腿丝算多。奶茶☕️用黑白淡奶冲调，入口好滑，真可以讲句奶香茶滑😋
继续阅读
第一次食呢间茶餐厅嘅常餐，38蚊有猪扒汤意粉，火腿奄列，厚多士同饮品。猪扒汤意粉唔多意粉，有几件细细块嘅猪扒，汤底味道几好，唔重味精，只是意粉真的很少。厚多士都唔算好厚，上面嘅牛油都唔多，火腿奄列都系普普通通。饮品要了热奶茶，反而成份餐最好就系呢杯奶茶，好香浓好滑，为这餐平平无奇嘅常餐加了分。
继续阅读
返工前食个丰富早餐, 又去呢度食下面餐, 要左雪菜面+火腿蛋, 个汤同D雪菜都无咩味, 味道较淡口, 好清下. 面系大光面, 但唔知点解咬落好似好胶咁, 真系麻麻. 雪菜一D咸味都无, 可能浸得太耐无晒味.个火腿蛋属正常野, 两样都微微煎过一下, 唔算太油腻. 另外亚姐仍然保持咁有礼貌, 几好.
继续阅读
朝早去见个客, 早到左响附近食个早餐, 见呢间好多街坊, 咁我谂应该都OK挂, 就试试啦.要左沙爹牛面+火腿奄列, 个沙爹同一般茶记口味有D唔同, 呢间有D泰国口味, 几惹味. 牛肉几腍, 份量算多. 面系普通大光面, 唔会煮到腍晒, 软硬刚刚好. 火腿奄列个馅较少火腿, 蛋太单薄, 唔足料.跟餐热奶茶正常, 茶味几浓, 奶唔多.
继续阅读