榮峰餐廳

营业中

休息中

榮峰餐廳（Wing Fung Cafe）位於香港屯門龍門居，以親民價格和地道滋味聞名。每日早餐精選豐富多樣，當中熱香餅堪稱招牌，絕對是必試之選！熱香餅外皮金黃酥脆，內裡鬆軟香甜，塗上厚厚的花生醬或煉奶，入口濃香四溢，每咬一口都令人滿足。搭配一杯滑順的絲襪奶茶或香濃咖啡，完美開啟一天。餐廳環境簡約樸實，座位寬敞，適合一家大小或朋友聚餐。服務快捷親切 其他早餐選擇如火腿蛋治、煎蛋腸粉同樣出色，份量十足，性價比高。作為屯門老牌茶餐廳，榮峰堅持傳統風味，熱香餅尤其令人回味無窮！

屯門榮豐餐廳真係一間抵食又親民嘅茶記！早餐豬軟骨麵係佢哋嘅招牌，湯底清甜濃郁，滿載骨膠原嘅香氣，豬軟骨燜得軟腍入味，咬落軟糯又帶咬口，配上彈牙幼麵，每啖都好滿足！早餐仲有港式奶茶，茶香順滑，完美開啟一日！其他食物如沙嗲牛肉都好有水準，份量足，味道正。服務態度好得沒話說，服務員親切有禮，落單後上菜快到飛起，啱晒早晨趕時間嘅人！環境乾淨企理，坐位寬敞，食得舒舒服服。價錢親民，CP值爆燈，豬軟骨麵同其他小食質素高，絕對係屯門街坊嘅心頭好！想食一餐簡單又好味嘅早餐，榮豐餐廳真心值得一試，食完真想日日幫襯！

係到食左幾次，因附近茶餐廳選擇少，但真係再無下次，完全接受唔到，餐廳列入黑名單。▶️乾炒牛河，河粉係碎上，我用筷子是夾不到河粉，懷疑河粉是隔夜不是新鮮的，牛肉ok。▶️星洲炒米，先得人驚，又係碎上，仲要勁濕，好似糊仔餐咁，要用湯匙食具先拎到黎食，實在太碎太濕。同待應講，星米好濕及碎，佢換左西炒飯，西炒又係濕濕地，唔乾身，味道就ok。▶️之前有食過咖喱牛腩，咖哩好甜，好似食甜品咁，可能糖當鹽落，牛腩又硬又少。▶️奶茶（喼喼地），多奶都唔得，救唔到杯茶。😣🥺食完心情包你好差，我唔期望食物質素好好，但都唔係差到咁呀，係街隨便搵一間茶餐廳都好過佢。🤔環境方面，空間大，但頭上射燈，好殘眼，射燈射住對眼，好唔舒服。總捨而言，兩個炒粉、咖喱、奶茶都唔得，唔明廚師及待應點解可以過到自己個關，拎上枱畀客食。

平時都有去呢間茶記，焗飯係極難食，小菜就普普通通冇鍋氣。不過早兩晚去食飯，真係莫明奇妙！叫咗份星洲炒米同沙嗲肥牛煲，等左好耐，個煲係酸既！似泰式炒金邊粉個種，唔知係咪落錯單，再睇餐牌，寫住「沙嗲肥牛煲」喎！一路食一路懷疑！真係頂唔順，要問店員！「你呢個沙嗲肥牛煲，落罐頭菠蘿架？酸既？」店員：攞去廚房問，話係沙嗲醬「你哋早餐沙嗲牛肉都係冇花生醬，落菠蘿、酸架？」店員答：係結果，唔夠30分鐘，我返到屋企肚屙！千祈唔好再去！油到不得了！我問佢用邊個牌子沙嗲醬又答唔出！粉絲又一大舊，要求攞鉸剪又冇提供！最後成煲冇再掂過！

早前，媽咪有晨運朋友推介屯門的新私樓豐連地下間新茶餐廳 <榮峰餐廳>，價錢合理又食得飽！於是，媽咪便提議到這間新茶餐廳食爸爸生日飯！這是質素一般的爸爸生日飯，質素還差過附近的溫莎餐廳！店員多數是中年女人，勝在店員服務態度好！Menu餐包質感鬆軟，甜度適中！例湯出奇的足料例湯！焗芝士雜菌海鮮長通粉 $60我這份其實剛剛夠味，我略嫌太多汁！焗芝士龍蝦汁海鮮意粉 $62細佬選擇的焗芝士龍蝦汁海鮮意粉，意粉軟硬適中，相對份量比我的長通粉還要多！ 而且，加了芝士及龍蝦汁，味道更香濃！照燒鰻魚拼雞扒 配黑椒汁 $88鰻魚拼雞扒，有兩塊雞扒及一大條鰻魚，份量跟價錢合理！薯條薯條最香脆可口，我們兩姐弟爭食呀！菜遠肉片炒河 $60爸爸的選擇飲品

下午茶食生炸雞髀唔錯，不過沙律唔凍变溫室沙律就唔係咁得喇，入面嘅青瓜係苦呀真係會幫襯第二次，只係唔會幫襯 下午茶。員工服務好有禮貌，早餐都有水準多選擇，希望要改善啦

因為打算晚上吃任食火爐，所以午餐就吃少少保留體力，做晚間打扙的打算。見這間榮峰餐廳未同小絲吃過，剛好今天午餐又有炒河食，因為普遍炒河粉份量都比較少，所以就同小絲到這間餐廳啦。因為早己選定吃甚麼，所以一入餐廳就點食物。食物都很快到，我點的豉椒牛肉炒河到先。這個豉椒牛肉炒河可以說是餐廳廚師考牌之作，要煮得好食要有一定程度的廚藝。先是炒河粉底不可太多油，不可太多斷，要有鑊氣。芡汁裡的料頭要出水，不然吃食客在吃這碟炒河途中會出水，芡汁就會稀，變成“湯河”。另因為份量少，所以調味與老抽加色都要很準確，多些少些已經食到。這個炒河的調味，鑊氣，材料處理，芡汁稀杰都拿捏得非常好。小絲那個炒金邊粉我沒有吃，看賣相好似很不錯。另外我們的食物份量意外地多。很抵食。我們2個才吃了$118，又成功慳了一餐。神級無味食評師-阿偉

外賣通常加$1是理解的，但這間店連飲品個杯都會收$1。我已經行咗一轉先返去餐廳等外賣，餐廳入面還有很多空位，天氣咁熱，客人想在舖頭入面等都好正常，那我隨便選一個bar枱位啦，一個年紀大的男侍應就話「阿姐行入啲啦！呢度好窄，咁樣好阻埞」，佢絕對可以有禮貌啲叫我行入去，本身嗰個位本身都係俾客人坐嘅，如果佢地覺得咁窄，不應該放椅子，是餐廳設計的問題而不是客人的問題吧，如果說話技巧好一點，說地方窄怕撞到客人之類會順耳很多。(無啦啦俾人叫阿姐😫)講番個外賣，焗蜜桃雞排飯$58+$2(外賣)，茄汁底沒有茄汁味，雞排肉大部分都沒味的，偶然會吃到很重黑椒味，和蜜桃真的很不夾呢。熱檸茶的茶底很苦，我平時不會加糖都加了大半包，還是不好喝...

今日放工唔想返屋企唯有周圍去附近行下碰下運氣，剛剛好見到榮峰餐廳，見到餐牌顯示既價錢係附近算係好有競爭力，所以即刻入去試試，最緊要新裝修環境是是正正。入去打開餐牌，有小炒，有鐵板，有湯麵，作為食肉獸，同埋一定要jer jer聲既我就梗係叫個鐵板先講。食鐵板梗係叫個雜扒餐配黑汁呢d標準配搭！跟住整多杯熱奶茶。不過呢個鐵板都係有餐湯+餐包，湯我就叫中湯，都係普通茶記例水級。無咩特別，不過就係青紅蘿蔔。餐包就配牛油，輕輕整熱，算係咁。到主菜到，自己淋上黑椒汁，個種jer jer聲真係令人振奮，上面有豬扒雞扒火腿腸仔，扒既份量對得住呢個價錢，肉質算好鬆軟。不過就知道落得好多鬆肉粉，值得一讚反而係薯菜。薯條炸得脆口，唔算太多鹽，d菜擺鐵板並無燒焦同過熟，呢真係有d神奇。

今日好可以舒舒服服食個早餐 慢慢嘆下 難得既weekday放假！榮峰餐廳算係區內既新餐廳 上次食過一次 覺得麻麻地 但成日都見幾多人 尤其係早餐時段 所以今次比多次機會佢 店員態度好好 唔算太殷勤 但幫到手同埋唔會扮睇你唔到😂 好快就落左單 今次食佢越式風味嘅香茅豬扒檬粉配熱奶茶 如果可以30幾蚊就食到一個越式檬粉都幾抵 不過30幾蚊唔應該期望太多杯奶茶一嚟到有好多茶跡喺側邊 唔知係洗得唔夠乾淨定係本身隻杯係咁 茶好澀 不太欣賞 檬粉到喇 無色既湯底 但有炸蒜蔥補救下 香茅豬扒幾好味既 至少無雪味 而且有香味 你話好出色佢又唔算 呢度坐落係舒服同埋清淨 人多但唔會好嘈 張凳係坐得舒服既 所日都好多人黎傾偈坐下咁 同埋檯係無紙巾 我問個姐姐拎 佢話要出去拎 但佢好好佢話佢幫我拎 同埋餐廳出餐都好快既 岩哂好急既香港人 但佢既茶底同埋食物真係要改善下 畢竟附近都好多同類既餐廳競爭對手

外賣自取早餐！第一次買落單經理態度已經差，收錢仲要話張紙幣舊吾收，講左冇帶八達通都仲要肯收！拎外賣又無人理！第二次仲離譜！今次落單換左個女經理，態度都系咁差！問左等10分鐘有得拎！咁就等喇！過左15分鐘諗住去拎！都未有！問侍應就答就差少少，因為人多做吾切，咁再等囉！再過左15分鐘，即系已經等左30分鐘! 再問個經理，態度差吾想理我，就話等下喇！又等！等到45分鐘！另外一人既外賣早餐已經有！都未見我個外賣！！！！最最最最最最過分！！！原來我個外賣吾系整緊，系比人拎左！！！個經理話再整過，我話取消吾要！然後仲拎住張單問張單系米我既!!!! 即系好話我求其拎張單黎拎外賣！！！我吾會再幫親d 間垃圾餐廳！！！