影片
港铁旺角站 E2 出口, 步行约2分钟
继续阅读
营业时间
星期一至日
11:00 - 22:00
公众假期
11:00 - 22:00
公众假期前夕
11:00 - 22:00
以上资料只供参考，请与餐厅确认详情
呢间荣哥煮场喺旺角都开咗一段时间，成日都有经过见到，原来晚市嘅二人餐都几多款式，几抵食㖞👍🏼当日所见侍应都好热心主动，而且上菜都好快~•🥢 二人套餐 $298 呢个二人套餐包咗一锅汤、一款自选小菜、一碟前菜、两碗白饭、两碗甜品/饮品。当日前菜系醋香木耳，口感爽脆，酸酸哋好开胃👍🏼📸 浓汤花胶鸡煲上菜嘅时候鸡汤系微暖嘅，会附埋一个炉可以滚返起个汤先饮，够热之后就较细火啲暖住个汤，个汤好足料，除咗有好多花胶同埋鸡件，仲有啲芹菜同云耳～ 鸡汤味道都几浓郁，好重鸡味，但唔会好咸，仲标榜无味精！鸡件系熟晒嘅，但肉质唔会嚡；花胶就偏向爽口，但完全唔会有腥味/怪味😛 呢个汤加白饭好好食😋•📸 柚子虾球虾球系新鲜炸起热焫焫，而且每只都几大只，口感爽弹👍🏼 柚子酱酸甜开胃，但略嫌啲酱捞得唔均匀，同埋炸皮厚咗啲啲~•📸 杨枝甘露📸 樽仔冻柠茶甜品同饮品每人只可拣其中一样，我同朋友就叫咗一个甜品同一个饮品～当日甜品只有杨枝甘露，芒果味酸甜适中，椰汁味亦都好香，仲有唔少柚子肉同埋西米，但最特别嘅系仲有芒果味爆爆珠！🤩而呢到嘅冻柠茶系樽仔上，预设咗走冰少甜，非常贴心！茶味同柠檬味都大致恰到好处，只系饮到底有微微涩味
继续阅读
最近嚟旺角好似咩都食腻晒，突然惗起可以去食下家常菜🤣主要唔使用味精，原汁原味又健康，而且里面嘅员工都几好人，有时候仲可以倾两句，感觉几舒服～二人套餐😍超抵选择（4煲任选一款+24种小菜任选一款+白饭两碗+前菜一碟+是日甜品两位或饮品两位或各一）🐟招牌酸菜鱼煲料足到快满写，鱼嘅份量都唔少哦🤣而且下面仲有🔥一直加热，不过够热我就闩咗，咕噜咕噜咁惊烧底🤣淋上酸菜汤非常好送饭👻🦴酸甜蓝莓骨咪睇佢黑鼆鼆咁，其实都系蓝莓酱包裹著每一旧肉😋🍯杨枝甘露（冻）/话梅咸柑桔（热）我对糖水比较有兴趣，朋友就想饮其他野，问咗一下可以选择自己钟意嘅😁杨枝甘露里面仲有爆珠，食著口感唔错😆话梅记得要笃哦😉氛围唔错，服务好积极👍🏻四款煲任君选择，搭配嘅小菜有24款可选，总有一款啱你😆对于饭量细嘅女生可能2人餐都可以3个人食咯🤣因为捞汤都好送饭，最后我地小菜都系打包走😝
继续阅读
同阿女庆祝生日，一家大细尼食饭，餐厅职员&唔知系咪老细既老细🤣态度热情好客，令人食得好舒服，一直keep住有客人，都算多人食，上菜速度快，我地叫左两个2人套餐，再加左d野饮，挂住食，冇点影相，小朋友比较细食，加上份量都几足，所以都食到饱饱。老细好好人仲帮我地分埋鸡汤，我饮汤都饮左3碗，觉得好满足，不过可能我自己煲汤几乎唔落盐，所以觉得个汤稍为咸左少少，但都能接受，鸡肉唔鞋身好食，同埋份量多！千岛酱虾球好食，大小朋友都好钟意食，如果唔系饱，争啲想叫多份😅煤炭饭特登跟套餐叫左个试下，样子特别，味道亦唔错！烟烟韧韧、少少甜，好啱我仔既口味👍🏼虽然到食生日蛋糕系唔会提供餐具服务，不过好彩有一早系电话问定，所以我地有自备餐具，不过佢地呢个做法我地都接受到，因为呢度始终唔系食蛋糕既地方，冇理由要人做多左野，而且佢地已冇收加一，我觉得赞👍🏼成餐饭食得开心，而家好少呢类型既餐厅啦，希望佢地保持到水准同服务态度！有机会一定再尼帮衬！
继续阅读
📍🇭🇰 荣哥煮场 Wing Gor Chef.玩完食鸡，一于去食鸡…煲！🤣来到旺角，见到有间食鸡煲的地方，就入去食晚餐先！.我们马上就点左个二人套餐 {HK$298}，有几款套餐选择！.大家都想养颜和增骨胶原，就点左个套餐C: 浓汤花胶鸡煲。.这个套餐配：🍚两碗白饭一个前菜-腌制酸木耳- 这个前菜十分开胃🤤，酸酸地带点微辣，食完一啖又一啖，等主角出场！一个自选小菜- 有超过廿十多款选择，最后拣左千岛酱虾球！呢个意外地有惊喜的一菜，大虾🍤配上炸浆炸得皮脆肉嫩，与千岛酱的味道十分夹，食完一件又一件，很适合𩠌饭！主菜-花胶鸡煲- 主角终于出场，一个半熟的鸡煲放上石油气炉再慢慢滚起，煲上有满满厚肉的花胶及嫩滑的鸡肉，啖啖入口，啖啖爽口，不知不觉我们就食完了！🍧饭后甜品-杨枝甘露- 最后食返碗糖水滋润返，今晚餐饭真的食得很饱很满足呀！.P.S. 最后发现原来食满$200，就可抽奖一次，满$400，就可抽奖两次，如此类推，食得多就自然可以抽得多！100%中奖！
继续阅读
#20240422 📝📍 荣哥煮场 @winggorchef 旺角山东街55号地舖➖➖➖➖➖➖➖➖➖➖➖➖➖➖➖➖➖#二人套餐 $298 🥢 #前菜 💭 以为系好似平时酒楼啲花生咁细细兜，点知咁大兜，真系有啲吓亲😂云耳好爽脆，用左陈醋同劲多蒜去整，酸酸地又带啲惹味好开胃～. 🥢 #药膳黄酒鸡煲 💭 用台湾既一条根去整，一直以为一条根系用尼整药贴敷，原来仲可以用尼煮野食，药味比起酒味重啲，除左一条根，仲用左当归同黑枣呢啲贵药材去煲，可以驱寒祛湿，咁岩🐷去果日落大雨，一饮真系暖入心☔️啲鸡件切到细细旧，方便上枱滚起就食得，每旧鸡无论系咩部位都好滑，唔好睇佢细细旧，其实有好多件，食极都食唔晒咁🐔. 🥢 #柚子虾球 💭 叫套餐除左有鸡煲仲跟个小菜，有好多款可以拣，拣左啲出面少见啲既，其实味道想像到，近似柚子蜜既味道，不过值得一赞既系碟野望落好多，原来粒粒都系虾球🦐唔似平时食开果啲会放啲灯笼椒呀菠萝呀系度滥竽充数，坚货真价实！. 🥢 #白饭 🥢 #甜品 💭 食药膳鸡个底通常系面底，🐷第一次跟饭食，原来都几夹，再连埋啲辣椒豉油滴啲落个饭度非常送饭🌶️食到尾个套餐仲可以拣跟野食定糖水，拣左杨枝甘露，花奶味偏重，食得出系自家制有heart💓见餐牌仲有啲散叫餐食，下次尼要试下先🤩.#旺角美食 #🐷在旺角 #🐷_食
继续阅读