影片
以上资料只供参考，请与餐厅确认详情
相关文章
月饼来讲，细细个都是吃美心，大个可能吃过奇华，唔使同我讲𠮶啲咩奶黄月饼，新式小型奶黄月，什么酒店或是嘉麟楼月饼，因为我觉得奶黄馅的月饼，统统非常难吃，奶黄月饼多数都是有人馈赠，我才会试试，否则一般都只会吃传统的莲蓉月饼。超戆居，本身楼下有得攞，迟迟唔攞，临尾两日（定过埋取饼日期），先逐间打去问仲有冇货，结果妻子要出九龙取😂冇食过其他细舖头你就冇发觉原来荣华月饼其实咁正，雪藏过之后，难免会比较硬身，莲蓉冇咁流质。如果没有经过雪藏，莲蓉带点流质，外皮压到非常结实，莲蓉味道又不会太甜，流质得来带点油香，可说是相当出色的。
继续阅读
买咗团购 ，今日去荣华换金砖酥。去到见到有很多味道，每件都系独立包装，都几细件，特价$6.50/件(原价$10/件)。一心想拣完味道至拎出coupon ，点知个店员问我系咪用coupon嘅 ，如果系就冇得选择，因为已经定咗味道！每张coupon有5款味道，凤梨/蛋黄凤梨/蓝梅/冬蓉/南枣, 每款各1件。 哗！当个店员拉开柜桶，一袋袋用背心胶袋包住，好似梅菜咁拎出嚟打开比我睇，当时真系唔开胃呀！！ 心想..... 就算fix咗d味道都包靓少少啦，好似街市买菜咁！况且，买咗2张价值$40嘅团购，换嚟系2袋寒寒酸酸嘅饼仔！早知买2件东海棠嘅北海道芝士饼算啦！返到屋企，就当然试试味道啦！ 凤梨：即是凤梨酥。虽然不太甜，但菠萝馅味道好淡, 唔多突出，加上外皮牛油味嘅太浓又太淋，所以一咬散哂，味道如食淋咗嘅牛油曲奇一样!蛋黄凤梨：都系如凤梨酥味道，只有多少少咸蛋黄粒，外皮都系一样，牛油味太浓又太淋！蓝莓：d饼嘅外皮牛油味实在太浓又太淋 ，蓝梅馅嘅味都唔系太突出，所以食落口只觉有劲浓嘅牛油味!纯冬蓉：从来冇想过会要呢只味，加上劲浓嘅牛油味外皮... 但冇办法冇得拣！不过，应该唔会试直至过期算数！无奈！南枣：好抗拒南枣, 都系冇想过会要呢只味，但冇办法冇得拣！所以都系应该唔会试, 直至过期算数！无奈！除咗食惯荣华嘅腊肠，今次系第一次食佢嘅金砖酥，不过, 都唔好食嘅, 又唔算平, 下次唔会再买啰！如果为咗食凤梨酥，我宁愿到超市买盒台湾产品，味道好d又抵，更加唔使揪住两袋梅菜咁！
继续阅读