榮昇金閣

营业中

休息中

平日早上經過，兩個後生仔出來介紹有早茶兩樣$36優惠，睇過點心紙，有粥有腸粉。最近海皇執左，不失為另一個選擇。不過早市茶錢要$8，略貴！准山粥，啱養生。蝦米煎腸粉，少少硬，老人慎服。埋單$44。正正常常咁啦～

今日在摩利臣山游泳池游完水肚餓搵嘢食，出嚟收到有人派傳單宣傳這間點心店，由於店舖位置不在大街，店員仲好好心帶我去舖頭指示位置，原來上一手就是蒲田日本料理，大利清湯腩隔離，店員話剛開了兩個月，現時早茶11點前離開及下午茶1:45後入座有88折十分優惠，點心是自家製造用出品用心有保證，所以我就入去試吓，點了一籠燒賣和一碗生滾魚片粥。燒賣食落足料彈牙，識真推介生滾魚片粥夠曬熱辣辣抵讚，下次一定會再來試埋其他點心.見到老闆是個後生仔有活力，店員們都招呼好、現在很難找到保留了傳統的味道的點心，希望這間點心店越做越好，保留香港的點心文化

衛生4分：外賣包裝正常乾淨，可以畀四分。服務5分：接線生親民落力，講明新張期內，散叫全部有八折，孖寶因為已經好特價，所以冇折打，問多兩句都好有耐心一一解答。外賣自取果然十五分鐘內準備好，完全唔使等，效率高，可以畀滿分。味道5分：1)    $33一盅臘腸滑雞飯夠飯夠雞肉，Ｄ厚雞肉都幾滑吓同唔嚡，條臘腸就好潤，而且好夠味，另上果D甜豉油個味教得好好，淋哂落個飯剛剛好。2)     香菇燒賣皇一客有四件，顏色靚又爽脆，仲好食過附近幾間名牌酒樓！抵食5分：$55食咗一盅飯同一籠點心，飽肚好食，真心抵玩，新店一定畀滿分支持，聽日繼續八折一定再食。