影片
招牌菜
食记 (36)
啧啧称奇，人面变，时代转，此舖却仍是几十年前模样，陈旧似到尽头，连价钱也彷佛没追通胀…..一问老板娘，开店迄今三十六年。由以前十几岁悭钱学生哥口痕吔哪喳嘢医肚，至今带住另一个学生哥来。速食豪快哪喳，大概是吃风味吃付低廉价值但一肚子胀满的爽透盖过对味觉的腌尖。一定不是坐着舒适，非慢叹吹水格局，叫做因疫情隔开些少枱与枱距离。4碟连环点的双拼，总数$72。每碟都「醒」几条生菜，每碟都选了咖喱汁，有短暂的辣。来回点了两次猪肠，与猪肺一样，件数多，而且渗着果皮味，过足口瘾。
继续阅读
好耐冇食过鱼肉碗仔翅，心血来潮之下就嚟左元朗旧区范围试揾，真系俾我揾到！铺头系旧啲，环境草根啲，但味道就正正系我想要嘅😍除左鱼肉碗仔翅外，仲加左碟咖哩杂锦，好味😋 相信会偶尔挂住再翻食
继续阅读
荣兴系元朗历史犹久嘅车仔面舖头〰️除咗有车仔面，咖哩，仲有应该系最多人嗌嘅鱼肉面〰️另外仲有粉仔同碗仔翅〰️份量充足味道合理，咖哩绝对系车仔面应有水准唔会难食得去边〰️而且价钱好化算〰️💭不过始终系有多年历史嘅小店，所以环境卫生唔会话系特别好，不过冷气都尚算充足㗎❄️🤣
继续阅读
双拼车仔面($29)其实系咪得元朗人食车仔面先会落甜酱？🧐谂返起之前返学同同学食车仔面🍜，成枱得我同另一个又系住元朗的同学喺度问点解冇甜酱提供😂。今次难得清清地叫咗个墨丸🐙加生菜幼面🥬。一如既往的味道😌，因为加咗咖喱汁所以有少少辣辣地，加埋甜酱味道啱啱好😋。呢间舖头真系有细食到大👧🏻，好似又由出世𠮶阵已经喺度👶。除咗车仔面之外，我有时都会喺度买粉仔😚，唔知点解食过咁多间好似都系呢间最好味，可能呢啲就系童年嘅味道😂。虽然呢间舖头望落去好残好旧，但入到去都干净企理嘅✨。而且我谂呢个价钱出面应该食唔到🤑。下次大家黎元朗都可以试吓，不过佢个位置都有啲难揾😎。同埋钟意食重口味嘅可能就唔系咁啱你哋啦🤪。
继续阅读
今日我个朋友带咗我去食呢间车仔面，个门面真系唔得到爆，如果比我自己经过，我一定唔会入去。入到去地下系滑潺潺嘅，如果唔系我个朋友话佢几好食，我一定走返出去。个餐牌真系好难睇，有好多种选择，我都系是但咁叫咗猪皮猪红鱼蛋油面，加咗咖喱酱，因为事头婆话唔会辣㖞。你问我系咪好好食，我只觉得普通，觉得只系好普通嘅车仔面╮(￣▽￣"")╭我个朋友叫咗同我嘅差唔多，再加左猪肠，但系就冇咖喱酱，跟住再叫多咗一碟鱿鱼牛柏叶($20)。反而我觉得𠮶碟鱿鱼牛柏叶都几好食嘅。如果你问我会唔会再去，咁我又觉得冇必要专登再去食。
继续阅读