荔源粥麵店

营业中

休息中

晚上在附近打完波覺得肚餓，就入左呢間粥店。叫左一碟炒面同牛肉腸，等候期間老闆娘主動同小弟傾左陣，非常親切，亦嚇親小弟原來佢個仔最近升職加人工，難怪佢咁開心，問我夠唔夠，唔夠再叫，佢請客，令我有點難為情，呢種D咁好客的老闆係香港已經好少有了。食物好快來到，炒面一般般，而腸粉有D驚喜，皮薄而且滑，但豉油咸左D，建議使用甜豉油。總括：食物唔錯，價錢便宜而且相當飽肚，有機會再試食粥。服務很好，很有效率

落深水埗買電腦，等拎機既時候有d肚餓，之前有Friend介紹附近有間粥舖d腸粉唔錯就去試下。去到等左一陣就有位。叫左叉燒腸($12)，牛肉腸($12)同炸兩($9)d野食黎得幾快 腸粉即叫即做腸粉皮好滑，叉燒同牛肉味道幾好炸兩 撞啱油炸鬼出爐熱辣辣腸粉皮厚度適中，油炸鬼幾脆加d芝麻真係無得頂等遲d天氣凍d可以試埋d粥

琴日出去高登買底板, 之後準備搭12A返屋企, 因為平時都系塔地鐵, 完全唔知個巴士站隔離開左間粥店.見天氣涼涼地, 突然想食碗粥, 點知full鬼左, 之後有人遞左張餐牌比我, 最後都系決定叫外賣.叫左一盒$7炒河粉 , 一盒$7炒米粉 , 加碗$12艇仔粥 . 返到屋企打開仲暖, 河粉多左少少油 , 不過幾好味, 青蔥味好香, 可能預先爆過, 自己系個返盒度加左甜醬同辣醬先拎走, 呢D醬真系好鬼夾河粉, 一盒幾多下, 同屋企人share, 反而炒米就沒咩油啦 , 用紅蘿蔔絲炒, 好彈牙同干身, 又系一大兜. 至於我個main course艇仔粥,勁足料 ,粥底好綿,有米香味, 我又唔覺得稀,我自己就比屋企人重口味, 食粥我一定加胡椒粉,正!P.S.比錢先知, 原來外賣+$1, 用飯盒裝個D原來唔洗加ga(炒粉麵) ,要kum蓋個D先收+$1(艇仔粥) lol

放學去深水埗買野，經過見到間粥鋪，心血來潮不如入去食個中式下午茶。坐落環境系好，夠光猛通風。即刻Order我摯愛叉燒腸同艇仔粥，唔使5分鐘兩樣一齊上台。叉燒腸熱辣辣，而且都好滑，真抵讚。艇仔粥都好多材料，粥底好綿，岩曬我口味。去粥鋪食野點少得杯凍豆漿，落單時侍應推介試凍芝麻糊。都好，好少粥鋪有埋甜品，好濃芝麻味，不過我覺得可以再甜D。食飽飽好滿足，買單都係30蚊。太飽了，有機會下次試埋油炸鬼，聞到都想食。

行開深水埗,突然想食粥,系附近搵左間粥麵舖,叫左碗牛肉腸粥,豆漿,油炸鬼,d粥好綿,好正,豆漿岩我口味,唔會太甜,油炸鬼就冇咩特別,今次食得太飽,下次可以試下其它。