荃運美食中心 (已結業)

工廠區真係有好多食堂，好唔好食，又是另一件事。是日來了荃運，點了個豉椒肥牛飯，身水身汗，肯定要再整杯凍飲。飯光速送到，餸和白飯是分開上的，仔細看看，肥牛份量好多，可是，味道是偏咸，而且也有點韌，水準未算十分好，只是典型食堂的大件夾抵食級數。大大碟飯，連埋杯凍檸茶，只是三十三蚊，仲有電視睇，都無咩好投訴。

今日講開午餐飯堂除左冠荃真係不得不提荃運 聽同事適佢地好似係同一個集團,因為認得d伙計兩頭走咁就真係唔知係咪喇不過講真,呢間質素就略差一籌但都係好唔錯架喇d午餐$30個有湯有野飲,好抵食但係我就最鍾意食佢個小菜最正就係醬爆西芹肥牛勁好食!!!!! 同埋有菜有肉健康d嘛!!!!不過而家都越來越貴喇初初年頭開果時好似先$35蚊,而家要$42最慘係無野飲跟丫嘛..... (其他餐就有)但又真係好好味,搞到我次次都忍唔住叫佢

這裡招牌是(荃運)，宣傳單張為(荃運美食中心)，餐牌稱為(荃運餐廳)，名稱有點混淆，可能當中會有其原因，不要緊，有得食就好了。今天早餐來了這裡，選擇了特色早餐，羅宋湯銀針粉、油包及火腿奄列，飲品為熱好立克。羅宋湯銀針粉，湯料有番茄及洋蔥等，銀針粉微微的帶著煙韌，兩者的配合有點新鮮，味道卻不覺特別吸引。油包及火腿奄列及熱好立克做得亦不過不失。餐廳內部都幾大，裝修過頗新，餐廳或美食中心也好？身處工業中心之下，怎樣也算工廠食堂。