荃豐撈麵 (已結業)

很喜歡這裏的撈麵，所以得閑就會來食。尤其是香蒜撈麵，蒜香味特別重，而且滷水雞翼也非常之入味，亦都係我嘅心頭號。佢呢度嘅撈麵唔會整得好林，有咬口。而且價錢實惠所以我都好鍾意幫襯呢度啊。

呢間間唔中路過荃豐都會食下，貪佢夠快，又多送揀，連西蘭花同娃娃菜都有夾埋味精營多一齊食，食啲菜個心好過少少另外最近見到有啲中式送同例湯，中式試過咕嚕肉同椒鹽豬扒，味道ok，但唔夠熱，呢個真係要改善下湯就只飲過蕃茄薯仔湯，堅冇味精，而且師父比好多渣我，正

今次來試，全因是之前見到佢以咁本土的店名和簡單以印尼撈麵作招牌菜，留下深刻印象。//到達時，我真的想不到佢不只賣撈麵，簡直是車仔撈麵檔，因佢可配搭的餸菜實在太多，我都想了一陣才決定點套餐吧⋯⋯//雞扒牛丸香腸撈：麵餅有兩個，份量真可當正餐，用返原裝撈麵的醬和有鹵水汁去撈，十分惹味。//我覺得佢較吸引的地方是佢既配菜以這微甜的鹵水汁煮，如香腸牛丸都不是煎炸的，感覺冇咁油膩，令我回想以前喜歡吃撈即食麵的時光。//但我只能說：這套餐營養不太均衡，太多肉，可點自由選擇，才有菜食。另外，三十幾蚊食個撈麵是貴還是抵，真的有點難定奪，因佢味道又幾好食既⋯⋯

大前日(6-4-2015 Mon)朝早,同男友起身後食早餐,由於去荃豐買o野,所以落荃豐食,原來想去翠河,但人多.男友見呢間冇乜人,於是呢間.全部由佢決定食咩o野,佢就買o左餃子,卥水雞中翼,西蘭花撈麵,卥水雞髀, 卥水腸仔,炸燒賣同煎蛋脯,蔘蜜同蜜桃玉露各一支,盛惠$88.00.我o地分好後食得,如果男友唔話我知係炸燒賣,我會以為係普通肉丸.呢個外面炸得好脆,燒賣本身味道就淡淡地;煎蛋脯內裡o既菜脯唔算多,亦唔算好脆; 卥水腸仔卥水雞髀,撈麵都正常冇問題.餃子幾好食,白灼西蘭花冇乜味, 卥水雞中翼就鹹o左啲.飲品唔評論啦,不過佢唔多夠凍.味道: 3.06分,抵食係2.5分.

今天和老婆仔在荃灣逛街買了很多衣服錢包大出血不禁帶點內疚感老婆仔說要吃點便宜的晚飯在天橋上看到這裡的撈麵的招牌於是便過來看一看價錢其實我們都喜愛吃撈麵加上價錢可以所以便進來了我叫了個30元的雞扒撈麵老婆仔則要了30元的牛扒撈麵另外再加5元要了杯豆漿其實兩個撈麵都差不多都是有香腸雞翼牛丸唯一不同的只是雞扒和牛扒裡面有兩個營多撈麵其實製作非常簡單所有材料也都是預先製作好所以下單時都是即時夾給我們味道就是一般營多撈麵的味道雖然製作得很快但或者是工多藝熟味道仍然是有的但其他食材卻味道普通是一般在家簡單製作的味道而且有點冷其中我的雞扒更是沒有什麼味道的不過這個價錢來說已經不能要求太多還好晚上時間人不是很多我們吃完後還坐在餐廳內用電話在網上繼續我們的購物行動雖然味道一般但是經濟實惠好讓我們能再繼續購物

大前日(16-3-2014 Sun)朝早早同男友起身,為去禮賓府食個早餐,我o地落到o黎,決定支持冇乜人o既呢間,我同男友都揀$30.00o既唔辣豬扒撈麵同小辣雞扒撈麵,我就加$4.00要凍奶茶,男友就攞支麥精,唔知要加幾多錢,幸好我問佢總共俾幾多錢,佢答$70.00,即係麥精要加$6.00.等o左幾耐吓,兩個撈麵終於到o黎,我o既豬扒撈麵重有豬頸肉,牛丸同腸仔;男友o既有雞中翼,牛丸同腸仔.我o地食喇,撈麵同腸仔甜甜地,可惜牛丸同切條豬頸肉太乾身,但好彩豬扒唔太乾,補救到少少;而試男友o既雞扒,雞扒口感最好,鬆軟同juicy啲,雞中翼就係滷水o既,都算入味.而小辣o既程度竟然都有啲嗆,我食一小啖就唔食喇.而凍奶茶都幾夠味而且順滑,似模似樣o既.而份量其實都唔少,我o地食到好飽,直至傍晚我都唔餓.(3點幾只食一個萄撻,詳情請睇下篇KFC o既食評.)服務:一入去,店員即講句早晨;落單時佢都會問要唔要辣;不過俾奶茶我時竟然係熱奶茶,我話係凍奶茶,佢都好唔好意思咁幫我轉返,變o左我有啲內疚感添.

早一輪見到有個朋友在 FACEBOOK 上載了荃豐撈麵的照片，對於一個其實對食物唔算好大要求、最愛頹飯的我即刻心動。奈何你要我專登過去，我又唔會喎！咁啱個日有野想買，就諗起不如去荃豐啦，順便可以試下個撈麵。一睇餐牌，除左可以點 SET 外，亦可以好似車仔麵咁自行選料。餐牌上的SET好多都係扒類，我自己個人對扒類的興趣不大，所以就點了個 A 套餐！A 套有兩個營多撈麵，兩條腸、兩粒牛丸、兩隻雞翼。呢個套餐的特點係所有配料都係以滷水汁滷過，滷腸仔我都係第一次試，滷水味濃亦甜，啱晒我。滷水雞翼俾佢滷到好軟，入口即散！正！唯讀滷水牛丸呢下我覺得真係唔多掂，九唔搭八。至於撈麵啦喎，咪就係一般營多囉，你可以有咩要求？我自己就鍾意食硬身啲既麵，如果佢個麵唔好咁軟身會更好！你話 $30 抵唔抵就好見仁見智，當大家樂的焗豬扒飯都賣緊 $40 的時候，我真係零願食營多，都唔想食生的米。 

星期6冇野做又唔想留係屋企又懶煮...就留街去左荃灣食野其實營多係屋企都可以整到,但有時心血來潮都想黎食下可能呢間野取勝就係多餸揀,不過開始月黎月貴有好多個SET 不過都係中意自己揀送...阿姐未整好我最LIKE既菜甫煎蛋又唔想等所以冇叫只係揀左釀豆腐，鹵水雞翼同豬頸肉，都唔錯

由細到大，除了在家食撈麵外甚少，甚至沒幾可吃一個撈麵，就算是在麵店也沒有吃過。直到最近，在下才於中環及尖沙嘴的蘭芳園吃過撈丁，真的兩隻手指都數得出。人在荃灣，突然間又被荃豐中心的荃豐撈麵吸引，初時不知道是否撈丁，於是軀身前往探究一番，希望可以找出答案來。來到門口原來先要排隊落單，付款後才自己找座位坐下來。其實店子不算大，只可容納最多二十多個食客，吃完就怱怱便走。在下的撈麵有雞翼香腸及牛丸，加上營多撈麵。店員先把麵撈好，然後加餸便告完成，加上調味料便可吃得。撈麵來得較乾，但帶來辛辣味道，還好沒有把在下的嘴變成孖潤腸；牛丸結實卻沒有沾上醬汁或醬料，露說是原味；雞翼卻偏鹹了一點，也不見得嫰滑，也有點死實；幸好香腸沒有那麼的硬，而且被店員用剪刀剪成兩半。麵乾當然用汽水送下，不至被乾死，味道實屬一般，也不可說是捧啦，服務也算這樣子，不過不失。

香蒜撈麵可以話係同年回憶居然係荃灣揾到一間專賣店店舖係車仔麵格局舖晒好多街頭小食任揀撈麵可選小撈（一個）/大撈（二個）只見阿姐熟手甘攪攪下又剪剪下就出爐了阿姐知道我地第一次試仲送左粒炸燒賣又一有人情味的街坊小店C3牛扒撈麵 $30牛扒是典型茶餐廳試,薄薄的沒有牛肉味炸燒賣可能放太久,外皮不脆裡面冷了撈麵即叫即煮唔會好似七仔甘焗到淋晒香香的蒜味都幾吸引D4牛雜撈麵 $33有牛腩、牛筋、牛扒、牛丸比較欣賞牛筋好嚼口又不會太unD餸就貫徹左小食店精神夠地道味道同質素算不過不失如果你想heahea地食餐唔正經的飯都係個不錯的選擇

小弟喜歡吃麵，特別是公仔麵，湯又得撈又得。走了來吃麵，既然這裡以撈麵為店名，就吃撈麵。用上的大概是印尼的營多撈麵，都幾咸吓，其餘的餸有：牛扒，乾巴巴的沒什麼味，還好不會太韌；牛丸完全沒咬口，不用提也罷；腸仔是白烚貨色；雞翼很腍身，好在也夠味。另要了魚肉燒賣，勝在夠熱，不會吃到滿口是粉。凍檸茶就很一般，看見鄰檯很多人喝奶茶，有機會再試。

今(17-6-2012 Sun)朝,同男友起身後又去食早餐,又唔知食乜好,又一邊行一邊諗,行到綠楊,就行去荃豐,我問小飛象?佢答好,去啦.但又唔記得係邊個場o既地下.但見到開心餐廳,不如去試吓,但上到去又唔想試.男友記得荃豐撈麵隔離o個間,我記得,翠河嘛,己試過啦,咁再去啦.去到行入門口之際,男友話食荃豐撈麵.@.@”我o岩o岩見到翠河係幾full o既,咁再同男友轉呔啦.入到去,只有3,4個客人,我同男友就揀撈麵,佢要$28.00o既雞扒撈麵,我要$28.00o既牛扒撈麵,加$2.00要豆漿同凍阿華田小甜.我o地order完睇住亞姐撈,亞姐問我o地要唔要辣,我o地答唔辣.到整o個個又問要小辣嗎?我答唔辣.然後亞姐又問一個豬扒撈,一個雞扒撈,我答一個牛扒一個雞扒.整好後,我o地再提佢飲品係要乜o野,真係好驚佢o地唔記/得.我o地坐低後,開餐喇.其實牛扒同雞扒撈除o左牛扒同雞扒唔同外,其他餸都係一樣,有雞中翼,牛丸同香腸各一.男友一食香腸就話好甜,雞翼,牛丸呢啲都係滷水o野,雞扒同牛扒都冇乜點醃,好普通,而撈麵都仍食到蒜蓉味o既.我杯凍小甜阿華田就冇乜味,唔係唔夠甜,而係阿華田唔夠.食完

尋日(6-3-2012 Tue)晏晝因爸爸要覆診,我唔想佢又要為晚飯買餸而煩,於是我話我放工後去買熟食返屋企.而呢日咁o岩有新同事返工,我要教佢做o野,男友放假等我放工一齊去買,不過我又有o野做而遲啲走,就交男友自己買o野返我屋企先.我返到屋企,睇睇男友買o左咩o野,有菜脯炒蛋,韭菜餃子同滷牛(月展),我問男友o係邊o度買?佢答呢o度.乜呢o度有呢啲o野賣o既咩?好,開飯喇!我先試菜脯炒蛋,甜甜地o既?蔥多過菜脯,菜脯味道唔太濃,基本上只係食到爽口,蛋就炒得唔老.味道: 3.5分韭菜餃子,皮唔太厚,韭菜唔太多但好香.味道: 4分最後試滷牛(月展),滷水入味又o岩o岩好唔鹹,牛(月展)口感o岩o岩好又唔乾,都唔錯.味道: 5分問男友呢o度幾錢?佢答唔到,話當佢$50.00,而尋晚咁o岩大哥都返o黎食飯,咁就計四個人.

今日(2-5-2011 Mon)勞動節補假,同男友起身後,佢又返工前陪佢食o野,落到荃灣話想食壽司,雖然已經10點幾,但都未開啦.於是佢話有間食麵o既好似好得,但行兩步又怕搵唔到,於是佢話o黎呢間,係咁介紹話撈麵o既餸好特別.其實呢間我以前都有提議過,但唔知係佢聽唔到定咩o野,今次終於o黎試喇.o黎到,只有兩,三個客食o緊,我企埋去睇吓啲餸,真係有好多種,男友問有冇炸燒賣?亞姐話咁早未有,唔可以咁早炸定,會腍.噢!我冇得食.最後決定,我要烏冬,漢堡扒,唔辣魚蛋,雞翼同豬皮.男友要細印尼撈麵,要腸仔,辣魚蛋,牛丸同芝心丸.我o地分別要凍好立克同凍檸茶,我o既就$32.00,男友o既$30.00.我o地睇住佢將烏冬同麵烚熟撈起同加味精粉餸,男友o個個整好,我食腸仔,咦?!甜o既?亞姐答係呀,我o地落八角烚o架.啊,真係幾聰明喎.之後我o個碟都整好後,就自己拎埋位食.坐低後,我o地都交換o野食,牛肉同樣用佢o地o既秘汁烚熟,所以都係甜甜地,芝心丸內裡o既芝士都好多,味道亦好濃,而佢o既印尼撈麵又辣又甜咁,都幾得意.而我o既呢,其實一睇就知全部都淡淡地,只食滷水雞翼有味,佢都好入味好夠味.而飲

年少輕狂, 我也曾經做過街童 - 所謂街童, 其實只是晚晚流連荃豐吧了, 那時每天在荃豐放下多少腳毛, 自己也不記得了, 只記得一肚餓, 就會在荃豐買小食, 薯條、燒賣、牛肉, 還有一樣就是撈公仔麵大個左之後, 不計茶餐廳, 反而無食過撈公仔麵, 除了因為唔健康, 還有因為唔想企係商場食咁狼狽某一天, 看到荃豐這間打正旗號為賣撈麵的小店, 勾起兒時點點回憶, 決心一試叫了一個牛雜撈麵, 起碟後因為覺得唔夠飽, 再加一條腸仔, 公仔麵不是丁麵, 是意料之內, 炒得乾身才是重要, 這裡還可以, 但可惜那個牛腩汁破壞了, 一路食牛腩汁的膠質一路黐住我把口, 還是覺得豉油汁最好這裡的牛雜很有趣, 有牛腩、牛筋之餘竟然有牛扒、牛丸, 真係點估都估你唔到, 牛扒幫你剪開, 是普通快餐店式乾身無牛味牛扒, 牛腩還可以, 但牛筋太白沒牛味, 只能從樣子看到那是牛筋, 牛丸嘛... 更不消提, 就像煎壤三寶那樣, 滾了很久放在架上那些貨色, 乾巴巴的讓人無言以對, 還好加的腸仔算正常, 不然我可能反檯了餐還跟一杯飲品, 點了台式椰香奶茶, 也不用加錢, 味道一般但算是很超值等等! 我的目的不是為尋回兒時