茶魚飯后

营业中

休息中

呢頭冇乜野好食, 所以有間好d嘅茶記我都會有時黎食早餐/lunch但係外賣真係谷鬼氣, 連續兩次叫外賣都漏野, 上次都仲叫態度好d, 肯道歉。今次直情喺電話度鬧番我轉頭。話佢都唔知原來兩個沙牛腸仔麵入面係冇pack到沙牛同腸仔... 即係外賣得plain noodles係我錯。呢d管理呢d服務, 好野!多謝你, 令我終於喺Openrice寫我人生第一個食評。祝你地生意興隆, 繼續訓練多d人嘅EQ, 香港好多人好燥底, 真係要你地train我地多d

媽媽話唔想煮飯咁就一於落樓下食飯🙈彩明其實越開越多新嘅餐廳 但有啲都未試過 咁呢次可以試吓樓下啲茶記 順便試吓好唔好食啦🤤海皇醬櫻花蝦炒飯有鑊氣嘅炒飯 每一粒飯都好分明 冇諗過呢個炒飯會落蟹柳 蝦仔 魷魚 但有呢幾樣食材炒出嚟唔差喎 另一個餸菜唔太記得個名 唔知乜乜枝竹魚柳煲成個煲係唔太差 但唯一一樣野我覺得唔好嘅係就係太鹹 食完呢個呢個煲係咁飲水囉😂 枝竹係入味 但就鹹😂 魚柳係炸左先再落個煲到 入面仲有啲好似仿鮑片嘅野菜咁😂整體來講個飯係好食過魚柳煲😂因為個支竹魚柳煲太鹹🤦🏻‍♀️

21/3/2019 調景嶺 茶魚飯后今日早左食lunch,諗住食個早餐當early lunch...見商場間茶魚飯后仲有早餐就入啦…(早餐到11:30am)其實一直都知呢間茶餐廳貴同唔抵食，但係諗住冇試過食早餐就嚟試下，一睇餐牌都知 又係嘞水嘅早餐…不過冇辦法啦都入左去……叫左個A4 金妹火腿+腸仔+餐肉+西煎雙蛋+法國牛角酥……+37 聽落以為好多嘢，但係嚟到其實得好少嘢食…… 首先我唔明白點解要強調係金妹火腿 …我唔覺得火腿有乜特別……午餐肉又鬼死咁乾，一啲都唔好食！煎雙蛋我要咗炒蛋，又係好乾而且無味…落咗好多鹽先有味… 法國牛角酥應該係咪你牛角酥先啱…個包唔鬆又實…唔好食…老實講，呢堆野$37認真唔抵…食完都唔知食左啲乜…

因為夜晚要返工，今日又系情人節，咁就出去同👦公司附近食lunch喇呢間野叫茶魚飯后，仲要有魚湯系列，以為佢會唔差…雖然魚湯只系得5個選擇，選擇唔多，都叫左個豬潤肉片魚湯米線食啦～一嚟到，即刻試飲左一啖湯…哇，只系得味精味…其實出得街食的確預左佢系味精…但說好的“魚湯”呢？一啲魚味都冇，仲慘過用雞汁加水，起碼雞汁都有“雞”味丫 為左淡反佢濃烈嘅味精，我加左半杯水入去，仲飲哂啲水，跟住問職員再拎多杯水，職員態度極差，的確入座系比左2杯水，咁飲完要多一杯系咪唔得先？黑面，仲要“裝”下我隻杯，檢查我系咪飲哂…另外，👦叫左沙姜雞，啲肉都系鞋到一個點，仲恐怖過我玩overcooked雖然調景嶺真系唔多選擇，但下次我寧願響地鐵站外賣爭鮮企響度食，都絕對唔會再幫襯

2019年1月19日星期六有咩慘過星期六都要返工約埋同事815公司附近食個早餐。去返平時食開早餐嗰間茶餐廳食。叫嘢食嗰時發現餐牌好似比平時貴。原來禮拜六日早餐全部加兩蚊。使唔使呀附近啲人唔使食咩！好在個菠蘿油早餐好食，只不過比平時貴兩蚊條氣真係有啲唔係好順。呢度啲辣椒油好好食好香加埋落通粉到正。

每次到朋友將軍澳的家，都是去位於她樓下商場的酒樓晚膳，今次我朋友就介紹我們一起去這間茶餐室試一試。原來這間餐室是屬於銀龍集團的，看到茶匙上的標記才知道。我們為咗避開星期六晚的高峰期，我們特意到晚上8:30pm後才去到，雖然一去到便有枱，但可惜都只剩幾張小圓枱，其實不是因為害怕坐得迫挾，而是枱面實在有點細，放不下太多餸菜，而原本有較大的枱的另一處，已經開始清洗，亦懶得再轉場去別處，唯有接受吧了！我們一共五人，就叫了兩個2人小菜套餐（$172）再加一碟干炒牛河（$58）。除咗蔬菜只有兩碟之外，其餘如小菜、白飯、例湯和食品也是四份。最快上枱是干炒牛河，牛河炒得幾夠穫氣，相當不錯，無怪乎朋友的老公每次到來，干炒牛河是他必點的。跟隨而來的是例湯就好一般，看不到湯料，不知是否因為已經太晚了，但勝在夠熱。其餘的餸菜也慢慢相繼送來，有蟲草花北菇蒸滑雞（$64），鷄蒸得恰到好處，鷄仍然好滑、啫啫牛仔骨煲（$73）就味道一般，反之銀魚仔鹹魚蒸肉餅（$62）我就頗為喜歡，味道調較得不錯，有口感，最怕是那種吃下去便知道肉餅裡面有太多鬆肉粉的感覺，加上有鹹魚粒，「送」飯一流。至於南乳醬肥牛炒蓮藕片（$68）也是

呢日約咗朋友喺將軍澳彩明苑，去到未夠鐘，又見肚餓就去咗呢間位於彩明商場三樓嘅茶魚飯后食個早餐。早餐餐牌都有好多款選擇，最後我揀咗個金妹火腿通粉配西煎雙蛋及法國牛角酥餐熱咖啡，承惠$34。通心粉入面有三片火腿，湯底係是金寶湯底，味道都唔錯只係通心粉口感略為太腍。西煎雙蛋有蛋味，牛角包是熱辣辣嘅，不過好細隻。咖啡味都算香濃，不過唔夠奶味，而且口感唔夠滑溜。整體嚟講，呢餐食物味道不過不失，不過感覺上就有少少貴。

今朝七點幾約咗個同事一齊去食茶魚飯後早餐！食咗個非常美味嘅菠蘿油早餐配火腿湯通粉！菠蘿油簡直冇得頂，皮脆牛油又唔會太多，最重要係啲菠蘿皮一咬落去唔會散晒。火腿湯通粉也非常正，配埋佢哋自家製辣椒油簡直係正

晚飯時間去茶餐廳食飯，去到見到有十零人在等位，我同阿姐講話兩位，阿姐話兩位就唔使等，有卡位。見到餐牌有牛扒鋸，就點咗兩個巨人西冷牛扒餐，跟餐有紅白中湯選，送牛角酥和飲品，凍飲加三蚊。先來個牛角酥，個牛角酥就淋左小小，中湯就厭佢唔夠熱，可能放左好耐，杯野飲都幾好。。。主餐來啦，牛排都幾大塊，應該足八安士，汁和飯都幾多，份量夠飽，女士可能食唔曬，可以選擇薯菜。呢個價錢仲想點丫。總體來講都算滿意，下次會再去食。

個餐牌特登括住個A4早餐，可以說是專為港人而設，成40元，只是得幾件。估佢唔到，連一個通粉都無！感激外賣九折。所有食物加細版！成個餐加埋，一件一件在街買，相信只值30元。

只有肥膏及排骨的京都肉排😰賣相以為okay，一咬就知瀨嘢，一係淋pat pat嘅肥膏，一係無嘜肉嘅排骨，得兩舊係正常肉，平時細食嘅我，食完都覺得肚餓，陰公!收得$75，毫無良心，咁我寧願去隔離嘅大家樂，或者差唔多價錢嘅太興好過😤

調景嶺彩明商場早排裝修完，好多食肆都大洗牌，依間算新開既茶記，入去食個lunch。午飯時段都幾爆場，可能附近多學校，有學生哥同附近開工既人，要排隊拎飛入去有啲係門口等位，或者等攞外賣嘅人午餐基本上係一個星期甘set好哂，姐係代表我星期一去已經知道星期日有咩午餐食咖喱牛腩飯，味道中上，午餐黎講收貨總結，lunch黎講基本上都過50蚊一個飯，加埋凍飲都過50蚊，不過今時今日既香港，相信人們都習慣左午餐係依啲價錢

調景嶺彩明邨商場，領展收返之後，好多餐廳都冇曬，終於開番間茶餐廳。價錢比之前嗰幾間貴少少， 不過食物種類都算多，地方算乾淨企理，整體都ok。今日食左個金蒜汁西冷牛扒飯， 賣相有啲失望， 金蒜汁唔係好蒜， 西冷牛扒應該叫做薄牛扒。 食物正常冇乜特別，普通茶餐廳口味 。個飯好大個， 有幾條菜唔係啲凍冰冰嘅西蘭花，幾好！有啲餐飲唔洗加錢，凍飲要加三蚊，少飯仲可以平一蚊。 如果買外賣仲可以有九折。 平均由46蚊開始起跳，如果唔啱食仲有啲常餐特餐， 沙爹牛肉煎雙蛋嗰啲。 以茶餐廳嚟講都算唔錯。

話說彩明商場大裝修全商場餐廳只剩下板前同譚仔，之後大家樂從新開張而呢間茶餘飯后緊接其後，等左一個月人流無咁多同朋友一齊去食晚餐，相對之前幾間結業嘅餐廳呢間貴得多以公屋商場茶記黎講價錢亦相對較貴，但食物味道只係比翠河好小小而價錢就貴多多，所以今次係我同朋友第一次黎食亦都會係最後一次，期望呢間餐廳快結業比其他有心經營嘅人接手。

見佢餐牌寫住火腿通粉係用香港嘅金妹嘜火腿， 而且餐廳都好似好有香港特色。 因為新開，整體都算乾淨，侍應一般都好有禮貌 。呢度啲酥皮蛋撻幾好，唔太油又唔太甜。 菠蘿包、墨西哥包有成塊面咁大。今次第一次嚟食晚飯，有好多選擇，有魚蛋、牛肚、牛腩麵，又有中、西式碟頭飯、中式家庭菜。食咗個潮州魚蛋河，都ok 。另外叫咗芝士焗肉醬意粉就爭少少。啲意粉太淋，不過都算夠多醬同芝士，又夠熱。 滑蛋蝦仁飯啲飯太硬， 又唔係好夠蛋汁。