茶館

营业中

休息中

話說今晚唔想煮飯，於是周圍搵餐廳叫外賣。結果搵左間係石硤尾既餐廳，叫茶館。不過呢間唔係茶樓個隻ｆｅｅｌ，而係茶餐廳。我地叫左蜜糖薯仔牛柳粒（連白飯同湯），焗咖哩薯仔雞扒雞。叫完先發覺兩個都有薯仔，不過兩種煮法，算啦ＸＤ薯仔牛柳粒，份量唔少，比想像中多，仲有好多牛柳粒，食落牛柳唔ｈｉｇｈ口，薯仔都夠臨，不過有ＤＤ咸，但連白飯食都可以接受。至於焗飯，絕對係一流，食落焗既時間岩岩好，而且拎到返屋企都仲熱。芝士剛剛好溶，而雞扒又唔會韌，好好味，唯一真係要彈既係飯可以多ＤＤ，不過可能係我大食。成餐飯，共１３２元。以晚餐黎講，絕對唔算貴，可以成為我地既飯堂之一。

叫個外賣等咗一個鐘都未有，打電話落去跟進打咗三次，第一次話出走，第二次仲話幫我地打比外賣員送到邊，第三次就改口話未送出去，說話推搪，態度不佳，最後要自己落去攞。本身諗住可能真係今日好忙啦，但係我諗都係藉口，原來唔止一次收到投訴，希望茶館可以正視問題，街坊生意唔係咁!😡

因為住附近所以嚟呢度外賣自取就比較方便，向來都唔覺得佢哋啲態度會好好，點知前幾日晚我叫個蒸排骨飯，等左半個鐘，催下個男職員，好似我欠左佢咁，話蒸排骨係好慢㗎！但駛唔駛半個鐘呀！所以我發誓唔會再去幫襯，洗錢買氣受。態度差

話說本人行10幾分鐘路程，終於去左石硤尾村的茶館，好開心有常餐，即係特餐，即係唔多需要技術簡簡單單的炒蛋、火腿加公仔麵。我叫B餐，疫情期間，睇唔到口形，聽錯係人之常情，要確認係落單個人的責任。 anyway, 我叫B餐，落單阿姐轉頭遞張單黎，背對住我的，好似好忙咁，但講左句睇下啱唔啱，既然你叫得我睇，我梗係睇，一睇落左D餐，我咪即刻同佢講。阿姐的第一反應係：「我又俾老細鬧！」然後再問：「D 丫嘛！」我：「唔係，係B, 我叫B。」阿姐：「咪D囉。」語氣態度麵非常差，我仲要感覺到俾人威迫，嚇窒左。最後先B for Boy 確認係B餐。阿姐本來都走左了，又轉頭想扮可憐：「真係唔食？我又俾老細鬧了！」意指我累佢。 講真我即時話你知落錯單，你即時去改，好過你花幾分鐘嚇我。然後其實張單只係手劃改左。最過分的係，幫後面隔離枱落單時，繼續單打我，阿姐你唔係呀？ 如果唔係落錯左我呢張單在先，你會之後問多句「D for Dog?」食物無咩特別，但經驗係難忘地惡劣，我係斯文人，唔同你拗，俾係第個，你俾人打啦。

味道系唔差，但由夜晚6點38分落既Order，7點50分先送到系咩一回。我好奇條魚係咪太過生猛 游走左捉唔實 定系重系到釣緊 可以等咁耐。第二，當員工將外賣送到，我晦晦氣地 咁講  ‘’ 咦 過左一個鐘 咁耐既？‘’ 個老女員工 就答我 ‘’唔關我事 ，唔好同我講 你同佢地講。‘’我心唸 我都知應該好忙，咁我洗唔洗落去同所謂既 ‘’佢地‘’ 講？

茶記雖不是我的飯堂，但偶爾也會挑選一間幫襯。今日嚟到石硤尾，見這間茶記幾精緻，不如來試試。入到去才知它絕不細少，用了綠色及木作主缐，頗為時尚，連燈飾也精挑細選，不錯。只是因為疫情關係，不透明的夾板影響了景觀。我抵達時已過了2點，連下午茶都有供應，選擇很多，飯丶麵丶小菜丶漢堡包及熱狗都有。我叫了和風义燒麵套餐（$52），它可揀辛辣麵丶讚歧烏冬丶或出前一丁，套餐有火腿蛋多士及飲品，多士亦可選厚多士或蒜蓉多士。我選了辛辣麵及蒜蓉多士。和風义燒果然用日本义燒，有兩大片，亦幾厚身，比好多拉麵店厚。义燒以廋為主，只有少少肥，食落啖啖肉，好味。拉麵煮得彈牙，無過時，义燒加埋辣辣地的拉麵，好夾。👍🏻👍🏻👍🏻滑蛋火腿多士都是一般茶記水準，蛋不夠一些出名食肆(如澳洲牛奶公司）幼滑，但亦不過不失。蒜蓉多士焗得香，有蒜蓉味，ok!檸茶也是正常水凖，不澀口。

因為工作關係，偶爾也會來這裡吃午餐，不過這次，我不是在平日前來，而是在假日裡獨自到來吃午餐。 絕對是健康敵人，令人又愛又恨的港式經典「乾炒牛河」是我這天的午餐選擇，河粉色澤雖欠了點深濃，味道可還是夠的。牛肉份量也足夠，加上銀芽、蔥與紅蘿蔔絲，仍能讓我把它吃得一點不剩。一大碟「乾炒牛河」，加一碗「青紅蘿蔔例湯」和一大杯「鹹檸七」，把肚子填得滿滿的。飽餐過後，可以加班工作了。

下午茶時間經過石硤尾邨😯無意中見到間裝修好靚嘅餐廳👍🏻所以決定入去試吓一入到去員工就即刻過嚟探熱 帶位🙈完全唔洗等👀我哋雖然兩個人👐🏻但係職員見到有卡位都俾我哋坐😼唔洗咁逼下午茶餐牌種類非常多😉價錢亦都相對便宜👌🏻嗌左個芝士磨菇釀雞中翼配烏冬🥤仲有紅豆冰😋個雞翼有超多芝士同磨菇👍🏻非常足料🤞🏻紅豆冰啲紅豆都好淋😼係好食嘅下午茶走嘅時候收銀都好有禮貌😉整體來講係一個罕見裝修靚價錢平又好食嘅屋邨茶餐廳🔥下次都會嚟👍🏻👍🏻👍🏻

食過呢度嘅早餐，麻麻哋，好記得個雞扒炸到又乾硬又冇味，但估唔到晚餐水準差天共地！茄子炆倉魚超級大碟，由於係是日晚餐嘅其中一款，連埋白飯例湯都係$74，份量足夠兩個人食。魚新鮮、茄子好好味，唔會好油或者過鹹。例湯係青紅蘿蔔，味精重手咗少少，不過係跟餐送嘅就算，放棄不可惜。單叫咗個蜜椒薯仔牛柳粒，又係超級大碟，結果食唔哂要打包。佢用即磨黑椒，寧舍惹味。不過有少少過甜，同埋太少汁有啲乾，但整體味道都唔錯。會再嚟！

近呢個幾月，換咗個新人做收銀，打去叫外賣由最初唔熟甩甩咳咳，到衣家講嘢無尾音，招呼、早晨都唔多講⋯咁趕客，真的食少左！好掛住之前個收銀。嘢食就普通茶餐廳，正常嘅

今日下午行經這間茶館， 2人行很快便有搭枱位，不過同桌食客好明顯不想與人同其他人坐，但無奈嘅午饍時間開始都冇得揀。回歸正轉，我們叫了一個午餐C 同H ，即係涼瓜牛肉飯及豬扒烏冬，配羅宋湯及茶。首先說説羅宋湯，侍應說d 湯會好辣，點知原來一d味都冇除了咸味，好明顯係溝淡左，所以有d失望，唯有寄望涼瓜牛肉飯，一吃之下都叫比較正常，豆豉有豆豉味，涼瓜有涼瓜味，牛就淡牛肉味不過完全是各有各味道，另外d飯比較硬，也沒有飯香，所以我也要很努力地去吃完碟飯。而豬扒烏冬內的豬扒還可以，但個紅蘿蔔最好切細件d，因為1/3 條蘿蔔斜切之後整條放上碗，是很難進食的。今次d食物唔吸引，所以冇影相。

Today 同girlfriend 試新嘢呢間嘢開咗唔係好耐架啫 叫茶館我以為係飲茶 其實係茶記一般茶記嘅食物環境衛生麻麻 地方唔夠乾淨我地係食咗兩碟嘢 lunchtime 黎價錢係街坊價粟米斑腩飯味道麻麻地唔稱得上好食 普通粟米湯味道溝成嘅汁斑腩幾件咁啦海鮮炒烏冬賣相好差差地好似求其一大碟再炒埋一碟咁味道一般 同埋佢好似放到凍晒咁烏冬比較硬嘅冇乜料嘅都 份量唔算多 但夠食叫多兩杯嘢飲好似冇餐但雖然冇餐加埋嘢飲都唔駛六十嘅但整體麻麻新開個地方已經痴泣泣

最近市面慘淡，經過呢間裝修幾精緻嘅茶餐廳，試下入嚟幫襯早餐，點咗一個咸牛肉蛋包餐，只係三十蚊，但係包身軟綿綿，蛋汁嫩滑，咸牛肉足料 ，味道出乎我意料之外，覺得很有水準，值得再嚟幫襯。

平常已經少同細佬妹食飯，都喺一年幾次嘅生日飯、做節飯，如單獨個別食就更少，不過，今晚就同細妹「撐枱腳」，因為有啲嘢交收，加上老婆上堂，小弟無飯開，索性交收完，一齊食埋飯先散。就番佢，當然晌番石硤尾食，佢建議嚟呢間「茶館」，咪睇個名以為賣茶為主，其實只喺間茶記，不過，新開唔耐，室內嘅裝修新簇，環境又光猛，眼見亦有唔少街坊幫襯，但冷氣唔喺好夠，感覺有微微侷促。座位旁插住啲餐牌，首先睇睇喺個「精選晚餐」嘅餐牌，主要喺啲小炒套餐，賣$54-$72，跟例湯及白飯，但唔包嘢飲，另叫有半價。結果，「精選晚餐」嘅選擇我哋兩個都唔啱，因為細妹都嚟過食嘢，所以，佢就鍾意個「撈一丁麵」餐，可選配唔同嘅配料，仲包埋火腿炒蛋多士及餐飲。吉列豬扒撈一丁麵餐 $52好快上咗碟火腿炒蛋配蒜蓉多士，睇個樣大概都知個炒滑蛋唔算好滑，而件蒜蓉多嘅蒜粒烘到濃晒，我就無試到味，但個賣相就肯定唔太得，細妹嘅評價喺普通。而個撈丁選咗XO醬，但無諗過啲一丁煮完就咁放晌碟面「風乾」，而啲XO醬則就咁撻上面，所以，等到細妹食完份炒蛋多士，啲一丁真喺好似「乾晒」咁，撈好耐先撈得勻啲XO醬，味道OK嘅，但處理上有啲敗筆；而件吉列豬唔得，細妹

新開茶餐廳，menu 多選擇，中西日餐都可以揾到，而且經營時間長，肚餓都可以黎醫下肚既。#椰汁紅豆冰(左) ，跟餐加$8。椰汁好香，唔會好甜，紅豆佔左成半杯，好滿足。#芒果椰子奶，跟餐加$6。非常甜，唔推薦。#豬排配沙律 $40本身叫雞扒，點知落錯單，比左豬排都算，豬排好乾，又簿又細塊，成個餐份量較少，個人覺得唔值$40。#咖哩牛腩飯 $52咖哩唔算好辣，牛腩煮得幾淋，而且唔會好多肥膏位，份量都OK ，仲有根位。