影片
13/4/2025 星期日，又系九龙城一年一度嘅「泼水节」，梗系要嚟凑热闹啦。首先揾食医肚先，唔想每次都系食泰国菜，今日见到呢间食台湾料理，－于试吓啦！我哋坐近窗边位，望到「宋皇台地铁站出口」，如果搭地铁嚟的话，就确系方便。点餐可以由店员落单，佢系直接喺餐牌上剔落单。我哋叫咗两款面，有配菜（花生，云耳，青瓜酸酸地增加食欲。）肉燥汤面，配料有卤水蛋半只，够饱口。肉燥花枝丸汤面，花枝丸有口感，好食。另外加卤水蛋一只😋葱油生菜一碟，生菜新鲜，酱料葱油香口。烙椒鸡中翼一客，皮脆肉滑，微辣，够惹味，正。饮品：蜜桃乌龙茶，胚芽珍珠奶茶🧋值得推介的小店。提一提，现时是试业期间，只收现金💰。
继续阅读
见到试业期间门口有人排队，梗系去试吓，不过我哋等咗3分钟左右就已经有位。牛肉嘅份量都足够，老实讲都算多，但系非常咸，系无牛味得咸味。白萝卜同红萝卜都唔够淋，应该话未煮透。汤底同面都一般，唯一加分位系有少少配菜，啲配菜仲好食过个面。黑糖珍珠奶茶有得少甜，但茶味唔够，要另外加12蚊。价钱唔平，质素一般，啲牛系咸到食唔到，好失望。朋友嘅牛肉饭都系食左少少就食唔到，牛肉咸到咁惊食完要洗肾，个汤都系得咸味，厨师真系好浪费食物。最后，好少餐厅lunch time要加一，觉得好唔值，无下次。
继续阅读