茶舍 (儲金閣)

营业中

休息中

星期六下午十二點多在大埔墟附近，朋友介紹此西餐廳。到達時有卡位不用等直入，我感覺似乎都是一般冰室，大部分午餐都在60咁上下，選擇頗多，有湯麵有意粉有焗飯，檯面不大，環境服務一般。海鮮湯扁意粉，忘記影相，個碗就好大湯就好多，朋友話不過不失。天使麵份量大，朋友沒有多說，只講填飽個肚就算。豬扒焗飯份量都大，朋友就頗滿意，她到此餐廳用膳都是食此焗飯。而我選擇了雞胸沙律，份量也是大的，沙律菜一般，雞胸肉厚稍乾。

公司附近一間冰室，裝修得挺不錯，食物質素挺不錯！吉列豬扒咖哩滑蛋包飯（６４元）超大塊的吉列豬扒，炸得外脆內嫩的，而且帶點肥，吃起來特別香！咖哩是港式風格，味道比較濃郁，帶點辣味。滑蛋的份量很多，口感非常嫩滑又有蛋香蒲燒鰻魚炒珍珠飯（６８元）用的鰻魚質素挺高的，而且肉很厚，吃起來肉嫩，有魚油香，而且不會腥。而且炒飯加了木魚碎，蔥花和粟米等，亦因為加蒲燒汁，所以味道會比較濃厚，適合重口味的人！魔鬼芝士一口脆魚柳（３８元）脆魚柳是吉列的炸法，表面炸得很香脆，魚柳很嫩滑，再配上熱熔芝士，口感軟糯的芝士帶來濃濃的芝士香！蒜香雞翼／柑橘雞翼（１８元）雞翼被炸香炸脆，但保留了不少的肉汁，配上蒜香或柑橘，一個惹味，一個解膩！

同朋友又嚟咗大埔呢頭覓食 經過見到呢間餐廳個名幾得意叫Hi Tea茶舍 感覺好似同一般茶餐廳唔同所以就決定試下佢啦呢度食物種類好多元化 有常餐 焗飯 蛋包飯 pizza 意粉同意大利飯等等 就連甜品都有 感覺好似去咗cafe咁濃蝦湯海鮮湯飯 (走洋蔥 走芫荽)湯底係好濃郁嘅蝦味 但又唔會過咸 有青口 大蝦 帶子 魷魚圈 蜆係入邊 d飯索哂湯汁食落好惹味 如果唔想食湯飯嘅人呢款亦有得轉做扁意粉鮮蜆白酒煙肉蒜香天使麵呢碟天使麵嘅份量好大份 有蜆肉 菇同大量嘅煙肉 食落唔會太油 但白酒味就唔算好出蒜香雞翼雞翼炸到表皮好香脆 而且幾大隻下 雖然只係跟餐追加嘅小食 但幾有驚喜 芒果雜果生椰乳特調飲落去係芒果椰汁同乳酸嘅混合體 呢個組合又幾清新玫瑰普洱茶(樽裝)幾濃玫瑰味 不過有少少蓋過咗茶味

❣︎ 裝潢以綠色白色為主 有種小清新感覺除左有一般常餐之外 仲有pizza·焗飯·漢堡等等食飯時間遲一步都要等位以QR code落單 ♡⋯⋯食評⋯⋯♡ ☻ 4.6/5 ✨咖哩雞焗飯 $58估唔到焗野都上菜上得咁快傳統港式咖哩🍛再加上邪惡芝士🧀入口小小辣好惹味 厚身雞扒成片上 好滿足呀😛✨鮮茄午餐肉通粉 $48配腸仔·炒蛋·丹麥酥包超厚切大大粒午餐肉 鮮茄湯底有薯仔同洋蔥✨芝士焗西蘭花 🥦鋪滿盤的芝士🧀西蘭花吸收左忌廉汁 正呀👍🏻

高質Fusion茶餐廳🇭🇰❤️‍🔥性價比高嘅食堂😍必食焗牛脷飯💯💎 三層芝士鮮茄焗牛脷飯 $64必食💯💯（😋：9.5/10）👍🏻：呢個可能係我食過最高質嘅茶餐廳焗飯😍😍😍佢個焗牛舌超級啱我心水💯❤️係焗得勁腍🤤我一定會再encore呢個飯‼️本身一開始見到啲牛舌切到一粒粒三角形🔺正方形▫️咁有少少失望😂點知食落超級腍！又超級入味！係超高質嘅焗牛舌🤤🤤仲要帶埋佢啲芝士真係超級多🧀加埋個炒飯底🍚啲飯都算粒粒分明，完全係最Perfect嘅配搭😚👎🏿：。💎 蒲燒鰻魚炒珍珠飯 $68值得一試❗️（😋：8.5/10）👍🏻：其實呢個飯都好食😂只係上面嗰個實在太surprise我了🙈🙈鰻魚炒飯好足料，差唔多每兩三啖就可以食到鰻魚粒🐟賣相唔錯都好有色水，味道都足夠，我個人都鍾意呢個少少濕濕地嘅口感😗不過可能有啲人會嫌唔夠炒得乾身🍚同埋如果以珍珠味嚟講嘅話會唔夠彈牙嘅口感🤣👎🏿：。💎 柚子雞翼 跟餐加$18可以一試✅（😋：7.2/10）👍🏻：每一個餐都可以追加小食有薯條同雞翼揀，我哋今次試咗個柚子雞翼就正正常常咁啦😂 柚子醬加雞翼鹹鹹甜甜咁囉🍊🍗如果唔鍾意食甜嘅雞翼就唔好嗌啦～ 佢有好多款味道俾大家揀的😍😍👎🏿：。

放飯喇！是日午餐來到大埔區的茶舍。放眼餐廳幾乎滿座，還好沒有等太久！看見很多台客人都點了蛋包飯，自己也一於試試！今次點了蕃茄汁香煎豬扒滑蛋包飯，燒肉汁白切肉滑蛋包飯，黑松露野菌蠔仔意大利飯。豬扒很大塊，比我的手掌要大，豬扒有口感，味道剛好，蕃茄汁略嫌太少。燒肉汁白切肉味道濃了點，軟熟有口感，如果喜歡吃肥甘，值得一試！黑松露野菌蠔仔意大利飯，有驚喜！蠔仔分量滿滿的，而且新鮮大隻，黑松露味道夠濃，意大利飯的忌廉汁濃稠度配合得剛好，性價比一流！

坐得叫左個炸雞髀 凍奶茶17:38落單17:48 比翻張單我18:02 飲品先到18:12 催下張單 女待應叫我等多2分鐘18:18 再催多次18:25 有個男待應行過嚟問我係咪一個人 叫左野食未同佢講落左單9個字 佢仲同我講一個人就唔好坐4人位我嚟果陣都仲大把位可以坐 咁緊係坐大啲張檯 舒服啲架啦你地9個字都出唔到單 依家仲話我霸住張4人檯我就即刻話同我取消張單 唔鬼食有個女待應過嚟 係之前跟我催單既 話唔好意思 唔收我杯茶錢我就豪比佢 呢啲垃圾服務既餐廳 以後都唔再嚟

火都嚟埋！漏單呆坐45分鐘冇餐出，仲要俾人鬧我霸住張枱！😡頭先5點半到諗住去大埔墟 「HI TEA 茶舍」食個TEA先買餸，哎咗個炸髀凍奶茶。1738落單，1748出到張單俾我，等到1802先出到飲品，1812我催單，已經等咗半個鐘，waitress 我問話等多2分鐘，1818再催話2分鐘到而家都未有，話幫我催緊，1825收銀個男仔走話嚟，諗住跟我張單，佢問我「係咪一個人？」「我話係」「落咗單未？」「落咗，等咗快九個字」「你1個人唔好坐張4人枱，坐去第二張細枱啦！」😏我火都嚟埋！😡你估我好想坐住你張枱咁耐架？「咁幫我cut單啦！唔食啦！等足九個字未上菜仲要俾你趕？」😡「好呀！幫你cut 單囉」😜其他兩位waitresses 即刻衝過嚟話唔好意思，個男仔推架車嚟清埋我張枱，嫌我阻住佢做生意，我大聲講「個男唔幫我跟單，仲話我霸住張枱趕我走！幫我埋單！以後都唔食！」waitress話「我唔收我錢啦」「收返我奶茶錢😤」，雖然飲咗兩啖。「我地請你飲啦！😅」「唔洗啦，我受唔起！收返我杯茶錢」「真係唔好意思」個男繼續西面啤住我😜其實我嚟個時好多位，我求其坐張枱，我左右都係吉枱。跟住我左右有兩家人，遲

🎈HiTea 茶舍餐廳裝潢帶點小清新，餐牌有意粉pizza等西式選擇，亦有常餐、焗飯等，最開心仲有芝士蛋糕、中式糖水可以做飯後甜品WhatsApp 落單外賣自取有優惠，性價比相當高🎈鮮茄午餐肉湯通粉（配丹麥包＋腸仔炒蛋）午餐肉切成方形粒粒，食落超滿足鮮茄湯底酸甜適中，配上鹹香午餐肉好開胃而且仲有花膠，湯底落足料誠意十足🎈雪菜肉絲湯米粉（配丹麥包＋腸仔炒蛋）雪菜肉絲份量夠晒多，同米粉係絕配細心位係湯同米粉分開裝，外賣都唔怕浸到米粉淋晒🍜🎈咖喱雞焗飯焗飯好有驚喜，熱辣辣又夠份量🔥咖哩汁味道香濃，味道微辣，加上嫩滑雞肉、薯仔同芝士🧀呢個焗飯可以encore再encore😗🎈原味芝士蛋糕🎈紅桂花銀耳馬蹄爽想更滿足可以加甜品或者蛋糕，芝士蛋糕甜度剛好，口感幼滑，而馬蹄爽入面有銀耳、桂花，清甜滋潤🎈熱檸檬水🎈熱奶茶

餐廳名稱非常特別，其實裏邊嘅食物都係偏向茶餐廳為主。鰻魚炒飯份量十足，上面鋪上滿滿嘅鰹魚絲，粒粒鰻魚亦都係比較多嘅，但係味道就差少少。整體上炒飯嘅味道都係醬汁甜味為主。而豬扒蛋包飯賣相好有驚喜，滑蛋半熟唔會過老，蛋味道尚算濃郁，豬扒1塊大大塊，佔3份四隻碟滿，顏色金黃吸引。雖然有醬汁調味，但醬汁味道偏淡同埋偏少，如果呢方面可以改善一下就會更好。餐廳嘅環境同普通嘅茶餐廳分別不大，只係因為餐廳新開冇幾耐，所以尚算新淨同埋乾淨。

去大埔買嘢行過見到呢間餐廳嘅餐牌，食物非常吸引，有少少肚餓就入去食嘢先😆店內環境非常舒適，估唔到會有呢類型嘅櫈可以坐😬餐牌上種類繁多，有一刻陷入了選擇困難🤣綜合水果茶~甜酸程度適中，果肉非常多，茶味香濃！煙肉凱撒沙律~沙律菜脆度十足，非常新鮮！煙肉份量亦都好多！抵食！脆炸軟殼蟹芥末吐司~賣相十級吸引！軟殼蟹熱辣辣，加上微甜嘅沙律醬，簡直係絕配！薯條亦都炸到非常香脆！柚子芝士蛋糕~蛋糕的的骰骰，食完一個正餐，再食佢，都唔會有負擔👍口味微甜，口感香滑😋

今次去嚟一間人氣食堂，真係冇得頂，試咗佢哋嘅幾款經典菜式，每款都係又抵食又好吃！😍👍首先，講下濃蝦湯海鮮泡飯，呢個蝦湯湯底真係足料到爆炸，海鮮鮮甜得嚟又新鮮，尤其係帆立貝，咬落彈牙又juicy，配埋熱辣辣嘅白飯，滋味一流。再嚟就係蒲燒鰻魚飯喇，佢嘅鰻魚厚切香滑，加埋特製醬汁，真係好入味，滿滿嘅日式feel，食嗰陣完全唔覺得係食緊外賣，覺得自己好似坐喺日本小店咁！咖哩雞焗飯就真係正中下懷，笑口棗咁嘅雞扒包裹住熱辣辣、濃郁嘅咖哩汁，芝士拉絲好似永無止境，好過癮。每啖飯都有咖哩嘅香味，食嗰陣簡直開心到不得了。🤤最後說下千島醬海鮮pizza，真係食嘅時候熱氣騰騰，芝士撈埋海鮮食落去咸香得嚟又juicy，一啖口香滑入肚，滿足得很。整體嚟講，依間食堂嘅菜式都係勁正點，實在令人食指大動，口水直流，你下次經過嗰陣，記得仲要兜返嚟試埋其它嘢食啊！💯👌

呢晚放工太攰，想買外賣返屋企食。去到大埔見到有間好多選擇的餐廳，所以決定喺呢度買返去啦。呢個舖頭名都幾得意，英文名叫做Hi Tea🤣 不過我哋係食晚餐嘅🤣 呢度裏面環境都乾淨企理，店員都幾有效率，落單好快，亦都可以坐喺度等拎外賣。裏面嘅環境都乾淨企理，坐喺度食應該都幾舒服，仲有播放住周杰倫歌😊咖喱牛腩焗飯咖喱汁好香濃，牛腩超級入味，份量都好多，係我哋好鍾意嘅牛腩味道，仲有已經好入味嘅牛筋😊正！另外仲有薯仔，薯仔勁入味，推介😊白汁魚柳焗飯魚柳同白汁呢個組合係絕配，裏面嘅魚肉都幾嫩，配飯好味😊蒲燒鰻魚炒珍珠飯 份量好多，珍珠米飯炒飯好有彈性，而主角嘅鰻魚燒得香濃，加埋飯面上乾木魚碎碎加埋一齊食好香口，味好濃郁😊熱咖啡咖啡香味幾出，濃郁熱奶茶 茶奶比例唔錯，滑口整體嚟講，呢度都價錢合理，食物份量都幾多，味道唔錯，抵食😊😊

           24/12/23 大約下午2時本人一行三人到大埔茶舍HITEA分店午餐， 普通的午餐遇到不禮貌對待， 事源點餐後想攞杯水，但叫了兩次三都沒人理會，本人只好自己到水吧前拿杯水，但水吧只有杯沒有水，水吧前有一後生男員工和一後生女員工，那後生女員工和我距離比較近(之前問過她拿水不獲理會), 於是拿住隻杯走向問她拿水, 她說 “等陣啦”語氣好不禮貌, 跟住拿走我手上的杯然後掉到吧檯上,是 掉”不是放隻杯在檯上,好不耐煩的樣子, 態度非常惡劣,根本沒有禮貌可言, 嘩! 這是什麼服務態度呀! 我沒有得罪你什麼! 用這麼差的服務態度對待客, 不過公平一點, 其他員工的態度好好,只是那個後生女員工服務態度好有問題. 會影響你們貴公司的形象, 這件事後本人和朋友不會再到貴餐廳用餐以免再發生同類事情, 如果貴公司繼續僱用這樣員工只會影響貴餐廳的形象!謝謝!

大明里一帶的餐廳很多，平常不煮飯都會在這一帶搵食，趁平日放假可以早點避開人潮不用等位。上openrice見到好多人吃鐵板餐，所以來訪前已決定要試，另外還點了他們冬日火鍋系列❄️鐵板餐附一份胡麻醬沙律及濃蝦湯，沙律菜新鮮爽脆；濃蝦湯質地creamy之餘名符其實的濃郁。紐西蘭肉眼扒(10oz)配薯條及蒜蓉汁($138)，上枱已見到肉眼扒超大塊而且有油亮感，急不及待要切開試試🥩點了五成熟，肉質仍然好juicy，本身用黑椒醃過，不蘸醬汁已經好夠味；薯條是連皮的，所以外層會帶酥脆感。不得不提伴碟的翠肉瓜超甜超好吃👍🏻再來有冬日限定的濃蝦湯海鮮鍋($138)，選了扁意粉，湯底原來就是剛才附餐的濃蝦湯，煮過大蝦﹑青口及蜆後，再用來煮蔬菜﹑芋絲及豆皮串，非常掛湯入味🦐大蝦肉質爽口鮮甜，蝦頭還有滿滿的蝦膏。另外湯底內還有蟹柳及豆腐等配料，兩個人分著吃都很滿足～飲品都要一讚，朱古力沖得很濃，檸茶茶底也濃而不澀🍋