茶聊 (已結業)

原諒我只係影咗食物環境大致都唔錯，有啲打卡位， 俾人影吓相講返食物先下午同朋友去叫咗兩個lunch set第一樣揀嘅就係百香果沙律🥗，其實因為本人好鍾意食百香果，但係百香果嘅醬就真係少咗啲，感受唔到果種清新，如果多番啲長就會好食啲。另外叫咗個龍蝦漢堡加薯條，係最貴嘅，龍蝦都係啖啖肉，但就唔覺得話好特別，不過薯條就好新鮮，外脆內軟但我最鍾意都係呢個巴拿馬火腿漢堡，有黑松露，又有蛋，超級好食！！嚟到就係珍珠奶茶🧋紫薯味勁好飲，原味都正，係朝聖必飲嘅飲品！影相更加唔使講！好有美感！

聽呢個名好耐一直未有機會食，終於某星期日的下午去左呢間，本身都幾期待去呢間，因為見好多人都有去。我地點左：💛明太子海膽煙斗粉Sea Urchin with Rigate Pasta in Mentaiko sauce💛全日早餐 (我去邊度都會叫all day😂)All day breakfast💛髒髒黑糖珍珠鮮奶Meiji Milk with Cocoa and black sugar pearls💛布蕾珍珠黑糖鮮奶Meiji Milk with Cream Brûlée and black sugar pearls..飲品唔錯 食物標準 環境okAll day breakfast不錯飲品賣相好美☺️不過我地點的pasta有d貴～味道和份量也不是很驚喜性價比不高

Happy 😃 Happy😃珍惜同朋友相聚一刻！難得可以4️⃣人同枱聚餐！一齊喫下茶、聊聊天😚🍔和牛漢堡配薯條麵包焗得好脆口😎和牛漢堡扒夠厚實👍🏻切開漢堡扒大約有7成熟，食入口肉汁豐富，好好食😋🥘牛油龍蝦汁燴海鮮意大利飯簡單調味就能帶出海鮮嘅鮮味，唔錯！龍蝦汁比我想像中略為少，但都無影響整體嘅味道，而且意大利飯煮得軟硬適中🧀酸酸百香果芝士蛋糕食入口百香果嘅香味即時爆發出嚟！酸味十足，幾特別😎🤎髒髒黑糖珍珠鮮奶奶味香濃，黑糖珍珠夠香甜，口感夠煙靭💜紫薯髒髒鮮奶杯面鋪滿紫薯粒，口感豐富！飲入口清甜，紫薯香味濃💛芝芝芒芒芒果飄香，飲落質感幾順滑，味道屬於少甜❤️火龍果四季春四季春茶味突出之餘，又不失果香味道，幾解渴

我見好多人嚟呢間餐廳都係為咗打卡，但其實餐廳環境唔算太多打卡位，反而啲食物外觀相幾吸引適合影相。煙三文魚卡邦尼意粉咸度適中，擺成一朵花幾有心思。飲品就普普通通，沙冰好飲過奶茶。

呢間係旺角嘅cafe，成日見唔少人去打卡📷，所以去試吓好唔好味先😆。cafe要先俾錢落order,之後等店員送菜。原隻龍蝦包配薯條 $178成日見人食龍蝦包，今次就叫咗佢🦞🥖。龍蝦包呢面頭上面呢有好多嘅龍蝦肉，食落去都幾彈牙。至於麵包方面，麵包以牛油烘香，特別香口。薯條🍟熱辣辣，份量多，應該用七味粉調味。另外仲會配上沙律，可以清吓熱氣🥗。檸檬牛油北海道帶子燴忌廉芝士意大利飯 $98意大利飯有三大粒帶子，食落嫩滑，煎得幾好😛。另外，意大利飯煮得啱啱好，飯粒粒粒分明，入面仲有啲翠玉瓜粒同車厘茄。Cream cheese 味都幾出，食完個飯都幾飽🤤。芝芝抹茶 (少甜) （+$14跟餐）幾鍾意個芝士奶蓋，佢係同鐡塔牌或者卡夫牌嘅忌廉芝士味道相近😚，而且唔會太稀。至於抹茶沙冰味幾濃郁，叫少甜啱啱好🍵！芝芝芒芒 (少甜) （+$14跟餐)奶蓋一樣，芒果沙冰就唔會話係假甜味🥭。小總結，其實覺得茶聊食物質素幾好，而且環境輕鬆舒適☺️，同幾個friend 嚟吹水都幾好。

旺角朗豪坊隔離有間高質Cafe。食物非常有驚喜🤩。龍蝦包配薯條～龍蝦肉一d都唔吝嗇。啖啖肉好滿足🤤。配埋薯條🍟同沙律菜。食完真係堅飽😬。滿滿龍蝦肉。幸福感滿瀉🥰。黑松露巴馬火腿配賓尼迪～鍾意巴馬火腿嘅咸咸香香😋。估唔到加上黑松露。又會甘夾wor👍🏻。蛋蛋刺穿咗。蛋黃湧出來。添加一份滑同香。紫薯髒髒鮮奶～為食妹👧🏻見到呢杯drinks真係❤️❤️眼。紫薯🍠控一定要點😎。🍠不簡單。一飲❤️上。

和牛漢堡配薯條$158 好好食既和牛漢堡扒，味道非常之香，好有牛的甜肉味，而且肉質又好滑，入口第一啖已經好正。另外既芝士、蕃茄、生菜都好新鮮，所以成個DISH既賣相真係好唔錯。當然薯條都幾脆而且份量好夠。粉粉荷蘭汁煙三文魚班尼迪蛋$108 第一次食班尼迪蛋，原來是一個幾特意既DISH，蛋可以煮到外熟內滑有蛋黃流出來，配上厚厚的三文魚，口感都幾特別。一碟有兩件而且每件都夠大，如果一個人食，真係一份就夠一個LUNCH了~牛油梨龍蝦肉配有機黎麥沙律配百香果汁$98 這是一個幾LIGHT又特別的沙律，我最LIKE百香果汁，因為酸酸又甜甜好開胃。 牛油梨龍蝦肉又係一個幾好的食法，將牛油果做成好似醬咁，好滑又香現上碎龍蝦肉，口感一流味道又有層次。布蕾黑糖珍珠鮮奶珍珠又好食，鮮奶夠濃，上面有一層甜甜的CREAM 更甜更香。而且賣相好靚，影相正。牛油果桃膠鮮奶又係牛油果，因為真係好吸引，原來用來打奶都幾夾，加上桃膠多一重有咬口的感覺~又唔錯~

今日黎到旺角揀左呢間茶聊，超高既樓底，好有文藝氣息，店員仲要好有禮貌，超級好印象。原隻龍蝦包配薯條 ＄178龍蝦包食落好鮮味，同埋睇圖都見到龍蝦超多肉，配搭少少龍蝦汁好夾，我個人特別鐘意個甜包，夾埋大大啖既龍蝦肉真係好開胃。呢間既薯條好新鮮。粉粉荷蘭汁煙三文魚 ＄108吉爆粒蛋果下真係好爽，令我食慾大增，一路點d蛋黃流心汁一路配沙律食，讚。牛油梨龍蝦肉配有機沙律 ＄98開胃沙律，有d好fresh既感覺，龍蝦肉亦好鮮味。髒髒黑糖珍珠鮮奶 ＄14呢杯超級讚，岩我口味，我最鐘意店家係用黑糖味既珍珠，愈咬愈出味。木瓜桃膠鮮奶 ＄16新鮮既感覺，好養生。

Happy People’s Day! 人日快樂！相傳女媧從年初一開始創造萬物，初七正正乃創造人類之日，於是初七被稱為「人日」，意思為人類的誕生日。筆者特意到訪曾在ViuTV電視節目中亮相的網紅餐廳 — 茶聊，慶祝一年一度的「人日生日」（多麼美麗的吃喝藉口）。髒髒紫薯鮮奶 ($44)打卡一流！顏色非常夢幻、漂亮！充滿紫薯及奶香。髒髒黑糖珍珠鮮奶 ($44)奶香十足，黑糖珍珠並沒有連鎖手搖店的甜膩，感覺相對健康。原隻龍蝦包配薯條 ($178)有點失望，龍蝦肉比較乾，沒鮮味，醬汁味道亦偏淡，而且份量偏小。粉粉荷蘭汁煙三文魚牛油果賓尼迪 ($108)Eggs Benedict的溫度及烹調時間控制得宜，切開後蛋黃呈流心狀態；煙三文魚味道不突出，但荷蘭汁不合格，既不creamy亦不濃郁，味道更像千島醬 (?)。總結（5分滿分）餐廳環境🖼🖼🖼🖼餐廳服務🤵🏻🤵🏻🤵🏻🤵🏻🤵🏻食物賣相🌸🌸🌸🌸🌸味道質素👅👅👅整體價錢💸💸💸性價比值⚖️⚖️📍茶聊 (旺角)旺角砵蘭街189號1樓🚘 交通港鐵旺角站E1出口，步行約3分鐘

之前睇Viutv辣火頭開火已經覺得呢間餐廳環境好靚而且有原隻龍蝦包自從喺韓國食完之後喺香港都搵唔到類似嘅龍蝦包😭😭而且亦都唔少朋友去完推介話係適合傾偈聚舊嘅地方 所以就向朋友提議一齊去喇既然比龍蝦包吸引嚟當然就叫咗原隻龍蝦包配薯條啦 啲龍蝦多到個包裝唔曬瀉曬出嚟一食落口有好濃龍蝦湯嘅味道而且個包唔係好硬嘅法包食落好軟熟 包本身亦好香美中不足嘅地方係食到龍蝦殼但都證明係真材實料龍蝦肉😂😂粉粉荷蘭汁煙三文魚牛油果賓尼迪呢個benedict有齊我最鍾意嘅食材本身諗住中規中矩 點整都好食但又估唔到幾有驚喜朋友話係香港食過最好食嘅Egg Benedict個蛋白同埋流心蛋黃令到成個質地好Creamy 再加上 底下個包軟熟唔乾好有心思地搽左牛油果醬喺包上面加埋煙三文魚之後味道好有層次而且Benedict 個流心狀態真係拿挰得啱啱好 大推介！牛油梨龍蝦肉配有機藜麥沙律跟蛋白卷再叫多咗樣比較健康嘅沙律平衡下賣相非常特別好似一個蛋糕底下嘅係龍蝦洋蔥等等嘅沙律上面就係一層牛油果醬再加上藜麥沙律同埋蛋白卷而藜麥沙律更加用咗好特別嘅百香果汁 我自己就比較鍾意普通沙律醬 但百香果汁比較健康 崇尚養生嘅朋友都讚不絕

話說呢間位於旺角嘅樓上Cafe之前見到好多朋友推介話唔錯，最近終於趁得閒少少同朋友食晏，環境闊落樓底夠高好舒服，餐廳亦有少量吧枱，落地玻璃夠晒chill，打卡一流，餐廳由開業至今仍然充滿人氣，唔想等位可以預先預約😉_🍔和牛漢堡配薯條 $158和牛漢堡擺盆夠吸睛，份量足料，漢堡內有芝士、蕃茄同厚度十足既和牛漢堡扒，配埋熱辣辣薯條一齊食更香口，另外上網亦都有見唔少人推介他們的龍蝦包，下次有機會再同朋友試吓先😍_🥗藜麥大蝦牛油果沙律配百香果汁 $108餐廳嘅餐牌使用嘅食材都比較健康，藜麥大家都知佢嘅纖維豐富，大蝦夠彈牙，配上百香果醬汁食落去酸酸甜甜好開胃，鍾意食沙律嘅朋友仔可以叫嚟試吓_🫓粉粉荷蘭汁煙三文魚牛油果賓尼迪 $108呢個特別推介，切落去嘅時候水波蛋內蛋汁係爆出黎，配埋帶鹹香嘅煙三文魚，食落去嘅時候令到麵包更為濕潤，值得一試_🍹超級水果茶 （午餐跟配加$15）🍸雙莓四季春 （午餐跟配加$15）餐廳有提供多款特色特飲，今次叫嘅呢兩杯味道都同樣清新，有助解膩，小編特別喜愛水果茶，使用多款水果製作而成，包括西瓜、蘋果、菠蘿等等，四季春為沙冰，飲落去透心涼

茶聊，同“茶療”同音，後者似乎更符合英文名“Tearapy”既意思，可能餐廳想以茶“聊”及“療”。今次第二次到訪，彷如隔世。不過餐廳冇變，一樣高樓底，裝修以灰黑色為主，感覺摩登。今日係大年初五，黎呢度食個西式開年飯先。今日要試新野，揀左一份麵包，一份賓尼迪同一份沙律分黎食。另外仲有好多小食揀。落單係自己去收銀俾錢先，之後野食會送上。粟米忌廉湯（跟餐）套餐包括是日餐湯，今日係粟米忌廉湯，湯用茶杯上，可以當茶飲，哈哈。飲完暖下胃先。原隻龍蝦包配薯條 $178新年揀個好意頭既哈哈笑龍蝦包先。龍蝦包切開兩件，方便食用。龍蝦肉拆好哂，包括兩隻龍蝦鉗仔，上面加左芒果醬同爽脆蟹籽，甜甜酸酸，通常西式龍蝦都係食醬多。個包明顯搽左牛油烘過，幾脆口，不過入面就冇龍蝦肉，但係有一塊羽衣甘藍。炸薯條加左調味，不過唔過咸，凍左少少先食都仲脆脆地，點茄汁食尚可。伴碟仲有少少新鮮沙律菜同半粒車厘茄，加左少少沙律醬唔會肥。粉粉荷蘭汁配松露巴馬火腿賓尼迪 $108上次食左三文魚賓尼迪，今次試下Menu既另一款先。粉粉荷蘭汁配松露巴馬火腿賓尼迪一客兩件，賣相好靚。半熟賓尼迪整得合格，上面加左少少松露醬，幾香。我鍾意流心蛋

呢間café都算係打卡熱點見到Openrice好多Like咁我就試下係咪咁勁抽先龍蝦包配薯條嗯，點講呢，薯條係我鐘意嗰款辣粉薯條不過龍蝦無乜鮮味，要靠個汁帶起肉算係彈牙嫩口，唔係過熟實的的個麵包唔算軟熟，亦無乜牛油味有機10穀飯配叼草雞胸肉忌廉汁因為個飯係全部都係10穀飯加埋個忌廉汁其實食落有少少似Risotto雞胸肉真係少少肥肉都冇，成塊柴咁不過個調味幾好，又煎得都唔錯好似塊煎香咗嘅柴皮咁~成個飯感覺都幾健康整體黎講嘢食冇乜特別飲品正常中上水準髒髒黑糖珍珠鮮奶打卡幾靚如果再試，會試另外一隻味嘅10穀飯都算幾有特色嘅

朋友想約出黎食個tea，黎個激情對話。難得見到茶聊有得book枱，想食好耐架喇🥰 牛油梨炸雞墨西哥卷餅炸皮夠薄冇油益味，雞又juicy，加埋軟熟嘅taco, 新鮮嘅菜同牛油果蓉，成年事好夾，唔錯唔錯。 森森野莓梳乎厘其實我覺得定價平少少有賣兩塊pancake 係非常好。因為出面d 梳乎厘pancake 多數都係3塊，食完好滯😵 pancake處理得好好，夠鬆軟，入口即溶，加埋d cream 同雪糕食都甜而唔膩。 但我覺得可以加多d berries, 同埋plating 有進步空間。髒髒黑糖珍珠鮮奶呢杯野主力都係用黎打咭🤣 飲落同出面嗰d差唔多，冇乜驚喜可言。佢冇得揀甜度，係奶味重d，帶少少黑糖味，唔會太甜，珍珠煮得透，Q彈有黑糖味。 整體黎講野食野飲味道唔錯，同埋都幾打咭able，價錢算合理，而家有得book 都推薦大家試試。

原隻龍蝦包配薯條 $178個包焗到表面好脆 食落好香牛油味🧈 而龍蝦肉份量都算多 夾住個包食啖啖肉 加埋濃味既醬汁都算唔錯😚評分: 7.5/10🌟和牛漢堡配薯條 $158和牛漢堡等候時間比較耐 但一黎到聞到好香牛油同牛肉味就流哂口水🤤 和牛都算大塊 食落好淋加埋啲肉汁就perfect 而且佢個sauce整得好夠味😋評分: 8/10🌟龍蝦海鮮意大利飯 $138飯既配料有兩隻蝦肉🦐、青口同龍蝦🦞 海鮮食落唔會太大雪味 都算正常 而意大利飯雖然好夠味 但食落好膩 同埋偏硬身 感覺一般評分: 5/10🌟鮮露旬忌廉天使麵 $98呢個天使麵反而有驚喜！ 首先賣相都算吸引 而且用上忌廉加黑松露去煮天使麵 食落都有淡淡松露香 天使麵整得好掛汁 加埋露旬食 jeng! 😆評分: 8/10🌟海鮮龍蝦湯 $88雖然定價偏貴 但佢用料同飲落都好濃龍蝦味同埋好鮮甜 所以呢個都值得試既🤣評分: 8.5/10🌟炸薯條配黑松露芝士醬 $68薯條即叫即炸 係偏幼身個種同埋好脆 而黑松露芝士醬都好香松露味 但可以再濃郁少少咁就會更加出色 而薯條份量偏少 幾個人share好快食哂🥲評分: 6.5/10🌟蒜香牛油焗扇貝 $6