茶聊 (已結業)

小妹好耐無出旺角呢個熱鬧既地方，難得約左朋友出去傾計食飯，就花左啲時間揀左呢間cafe。。開頭揾呢間餐廳都花左啲時間，去到大廈既大堂係玻璃門，小妹諗緊係咪要按制先入得時，保安叔叔就出黎幫我開門，但佢就講錯左樓層俾小妹知，好彩自己記得係1樓啫入到餐廳會經過條走廊，呢個一定係少女既打卡位，玫瑰花佈置既電話亭同巴士站，再轉灣先有職員帶位餐廳係要自己出去點餐，同埋即時付款既，呢樣小妹就麻麻地鍾意，因為人多要排隊等就唔岩懶惰的我了兩個人撐枱腳叫左2杯髒髒飲品，建議飲返原味，因為少甜左之後既紫薯鮮奶就有啲失真不得不讚下個龍蝦汁意大利飯，軟硬適中又唔會太腥，值得推介蟹肉包都唔差，賣相特別，但個包身就有啲淋左，但整體都合格既

終於約到個好難約嘅朋友出嚟食飯吹下水，冇事先book定食咩，出到嚟再睇，結果有啲上到去已經好多人，最後見呢間剛開門，應該未咁快多人就諗住搏下，可惜依然要排🥲 不過一上去已經見店內裝修好靚，好啱打卡。今次最想提一提個軟殼蟹漢堡同杯髒髒黑糖珍珠鮮奶，極度邪惡，影相出嚟亦好靚～鐘意海鮮嘅我係龍蝦同軟殼蟹之間選擇困難，最後都係揀咗蟹，果然冇令我失望，個蟹整得好脆，如果牛油果再多啲就好🤤至於杯鮮奶真係好適合打卡，味道亦都唔錯，珍珠都好好咬，下次出旺角可以再encore呢間餐廳😆

門口有一個打卡嘅電話亭位地方靚 擺盤靚嘢食都好好食😋😋😋本身想叫一個蟹蓋嘅小食但係因為賣晒所以轉左叫忌廉芝士磨菇釀雞翼雞翼位去骨之餘釀咗忌廉芝士同蘑菇雞翼外皮金黃色忌廉芝士味好香三樣嘢加埋好夾👍🏻👍🏻有驚喜叫咗一份推介嘅龍蝦蟹肉包雖然龍蝦同蟹肉只係擺咗半個包仲有半個包係冇餡嘅但係個包整得好香牛油味 少少脆龍蝦同蟹肉嘅味道都好出所以整體來講都好值得食👍🏻值得讚下嘅係佢嘅粗薯條好脆 份量都唔少有一個小食係炸雞配辣醬炸粉唔會好多只係薄薄一層所以食到啖啖肉 點唔點醬都好食👍🏻仲叫咗杯髒髒黑糖珍珠鮮奶打卡一流 📸個樣滿分 💯味道係正常嘅黑糖珍珠鮮奶 冇特別好飲可能因為個樣太靚所以俾咗太多期望佢🙈

旺角茶療。呢間人氣爆燈嘅樓上餐廳，真係質素同環境都冇得頂，所以真係有啲食過返尋味，今次再同朋友你食個下午茶又有新嘅驚喜！美式特盛漢堡$78呢個漢堡包餐放喺可愛嘅鳥籠，成件事升級左，並唔係普通嘅漢堡包，而係一個優雅又古典感嘅美食。漢堡包中嘅漢堡扒好有口感，同時肉味香濃，配上新鮮嘅蔬菜本身已經係一個高質素嘅套餐，加上呢個吸引人瘋狂拍照嘅擺盤，勁正！櫻花蝦靈芝菇卡邦尼意粉$158呢個意粉同樣做得出色，意粉質地有口感，個汁又滑又香，配上櫻花蝦和靈芝菇，係一個夠飽又好味嘅主食。清幽四季春 餐飲一如飲品嘅名稱，有一股淡淡的茶香，一流嘅台灣四季春茶葉。楊枝甘露茶$20楊枝甘露味道嘅茶飲，特別而且獨特，味道酸甜帶有茶味，感覺清新。

上次食過見食物味道唔錯，專登嚟同朋友食生日飯，食到一半，之前又叫人比Signal先至攞生日蛋糕出嚟，長頭髮紮馬尾嗰個女侍應，粒聲唔出就突然攞咗個蛋糕出嚟擺低！呢樣都算。都未開始食蛋糕就收走枱上面啲嘢，其中一碟食咗一半嘅薯條，係佢想收走之前已經講我哋要嘅！兩個人一齊講， 原來都聽唔到！仲直接將紙巾掉落去啲薯條上面！之後都冇講對唔住，仲啤左我哋一眼就收走左！勁嬲！！黎食生日飯唔係黎受佢氣！想搵老細反映返老細又唔見人！知你哋啲同事趕收工，但係嗰陣時只係9:30都唔好發我哋脾氣啦唔該！想食生日飯嘅人唔好黎啦！你哋只會受氣！

係朗豪坊附近其實都唔少嘢食揀不過想要間坐得舒服少少嘅餐廳就有少少難度呢間樓上鋪見到佢個名叫茶聊以為係d 淨係飲茶嘅餐廳入到去睇完menu估唔到係好似cafe 咁龍蝦蟹肉包配薯條 $178插住醬汁由自己決定落幾多唔會搞到d 汁淋係面索晒呢個idea 幾好香濃牛油果醬炸雞漢堡配薯條呢個係朋友食 佢話都多汁唔乾可以encore🤤蜆肉意粉菠蘿沙沙煙三文魚Eggs Benedict 配香橙荷蘭汁黎到茶聊不得不提有得跟湯再加埋呢到既熱飲真系好抵！跟餐大大杯！岩晒d 飲料殺手😂

想試「茶聊」好耐，行行下發現原來喺旺角朗豪坊附近！午餐1200-1700，供應時間都幾長喎！其實好怕樓上餐廳污糟，一開lift見到門口都幾企理❤️放心！1430前仲送埋茶一杯+餐湯！落完單剛巧1425，仲有得送，好好彩牙🥳！是日餐湯薯仔忌廉湯，用杯上拎起就飲得😃！牛車水海鮮喇沙闊條麵闊條麵有小小嚼勁，相對有口感！海鮮有蝦、青口、墨魚、庶蝦，非常豐富😍！升級飲品+$20牛乳雪山龍眼冰呢杯飲品奶味比較重，好清甜香滑，做得唔錯！一路飲仲食到龍眼肉，相當有驚喜😍！

🍝辣味雞汁欖油香蒜炒蜆意粉（$88）：鍾意辣嘅朋友呢一款意粉應該適合你，因為佢真係比較重口辛辣味，食得辣嘅小編都覺得有辣嘅感覺。蜆都出色，入口鮮甜，並不是雪藏蜆肉。🍔鳥籠漢堡：至尊漢堡（$158）：打卡影相一流！侍應將鳥籠放上枱嘅一刻，忍唔住講咗聲好靚。鳥籠漢堡係一個套餐，包括漢堡、薯條，以及凱撒沙律。而漢堡餡料包括：安格斯牛肉、炙燒澳洲黑椒腩肉片、以及芝士。漢堡肉幾好食，入口有咀嚼感，保持到柔軟肉質但又唔會太過鬆軟。好奇一問之下，侍應表示漢堡肉係自家手打製。腩肉呢個配搭真係好神奇，但係係夾同好食的。🧋髒髒黑糖珍珠奶茶（$44）：賣相豪放不羈，入口鮮奶同埋朱古力即刻成件事少女心滿滿。值得一讚嘅係飲品甜度適中，店家考慮到黑糖珍珠本身嘅甜度，鮮奶方面保持返原有嘅味道。兩者共同享用嘅時候，成件事啱啱好。🥞京都丹波紫薯梳乎厘（$98）：又係打卡力作。梳乎厘有濃濃嘅蛋香，內心好棉滑柔軟，無牙婆婆都一樣可以享用到。裝飾擺盤都好用心，先有紫薯蓉，再加上紫薯脆片及藍苺作為點綴。成件事好賞心悅目。☺️整體而言：食品質素不俗，與價錢成比例。店舖內除咗食物之外，仲有好多打卡位。距離朗豪坊幾分鐘嘅路程，座位舒適

行旺角行到攰攰地就搵間餐廳食個下午茶，見到人地打卡影到好好味咁就去試下。1.髒髒紫薯鮮奶（沙冰）$44一嚟到真係好靚，面頭係奶蓋灑咗紫薯粉營造到就嚟漏出嚟咁，下面唔止紫薯mix鮮奶同沙冰，仲有啲紫薯肉可以撩出嚟食，最鐘意佢唔會太甜。2.大吉嶺芝士奶蓋 $39第一啖就幾好飲，奶蓋好夠鹹味，吸上嚟都感覺到茶味，但係可能就係奶蓋太充足，飲到一半之後得返啲奶蓋，好鹹，但佢個茶底本身又唔係好甜，飲到後面就飲唔落了。3.布蕾黑糖珍珠梳乎厘 $88蛋香幾足夠，略嫌裡面有啲太濕，但我鐘意個珍珠煮到啱啱好，唔會煮太軟或者太硬。下次如果再嚟會叫有珍珠嘅飲品。可能呢間餐廳特登控制咗甜度，食物同飲品都唔會太甜，無叫少糖，原味都完全唔會過甜，非常好，而且個賣相都好好，打卡一流。

一直都好鍾意飲紫薯鮮奶，隔咗段時間冇飲，心思思又想飲，於是約咗朋友嚟食野飲野~餐廳裝潢好有心思，一出就已經係打卡位，正！我地每人點咗一樣野食同飲品，包括至尊漢堡配凱撒沙律薯條（＄158）、辣味雞汁欖油香蒜炒蜆意粉（＄88）、髒髒紫薯鮮奶（＄44）同埋芝芝巨峰葡萄（＄48）。至尊漢堡放喺鳥籠入面，打卡滿分💯，食落都高質！漢堡入面既安格斯牛肉係自家手打既，比半融化既芝士包住，食落好juicy ！漢堡仲配有炙燒澳洲黑椒腩肉片，腩肉肥瘦分明，好味道。配菜凱撒沙律好新鮮，而薯條係即炸既，呈誘人既金黃色，食落又香又脆。辣味雞汁欖油香蒜炒蜆意粉一上碟已經香噴噴。意粉係自己比較鍾意既幼身嗰種，而炒蜆食落好鮮甜，而且辣辣地好惹味！飲品好快就上，髒髒紫薯鮮奶既紫薯味香濃，而且因為沙冰既關係，飲到最後味道都唔會變淡。至於芝芝巨峰葡萄，個芝士奶蓋好厚，而且飲落個味道香濃。

今日又有好朋友帶卡幫妮食好野是日lunch 黎到旺角覓食🤤一入去都見到好多打卡位😂🔸京都丹波紫薯疏乎厘 $98▪️好靚靚個樣 影相一流啦！ 個疏乎厘幾好味，不過啲紫薯蓉係凍嘅，有少少奇怪😆😆🔸跟餐蘑菇湯▪️味道正常🔸龍蝦蟹肉包配沙律薯條 $188▪️小失望呀- 個包ok但龍蝦肉比較乾身😢整體感覺都冇咩汁，麻麻地🥲🔸吉列魚柳薯條 $88▪️好脆呀炸得！正！🔸芝芝巨蜂葡萄 $20 (跟餐優惠）▪️非常大杯，係出面賣野飲果隻size👍🏻👍🏻好好飲呀，上面個芝士奶蓋又厚又正，又唔會好甜👍🏻👍🏻🔸火龍果四季春 $17 （跟餐優惠）▪️呢個朋友叫既，都話好好味👍🏻Overall 個環境唔錯，食物中等，不過d野飲好正😊平時同朋友行開街上黎食個下午茶都唔錯👍🏻👍🏻👍🏻

呢間樓上cafe不論打卡定野食飲品都好正 lunch去好快就full哂😂 Lunch set有餐湯 幾濃郁嘅白湯 個包好脆口 送湯正!. 至尊漢堡🍔 . $158係安格斯牛肉•炙燒澳洲黑椒腩肉片•芝士嘅burger!! 用鳥籠上成個賣相好吸引又好打卡 有d驚喜🥰 burger幾好食 肉質好juicy 仲夾左生菜蕃茄等配料 另配有粗薯條🍟同沙律🥗好大份兩個人share都ok!. 辣味雞汁欖油香蒜炒蜆肉意粉🍝 .$98正常發揮 有少少辣 蜆肉無沙唔腥👍🏻 不過加左欖油會感覺有d油 所以意粉唔會好乾身 . 牛乳雪山龍眼冰 . $45季節限定! 香滑牛奶味重過龍眼味 不過入面有粒粒龍眼肉 面頭嘅cream好滑仲有d nuts 感覺特別😚. 雙莓四季春 . $45水果茶一樣好飲 好清甜 有士多啤梨🍓同藍莓🫐 一d都唔藥水 仲好夠凍好大杯🤤好想試埋佢其他茶呀🥰

收銀員西口西面，極度冇禮貌，簡直係想趕客走！唔明餐廳點解仲要請呢啲員工食物一般飲品OK，甜品略嫌太甜賣相不吸引呢啲級數隨街都有，仲要自助點餐價錢仲唔係平一定唔會再有下次

香港人最鍾意食好西同打卡，呢間餐廳無論食物、環境都好正，難怪咁多人讚搭𨋢上一層就見到佢個靚靚招牌打卡位，好少女風呀食物係正常cafe都有嘅款，但飲品多元化，係茶飲店嘅款式午飯時間叫咗個set餐湯係忌廉湯，好香蘑菇味夠creamy 至尊漢堡配凱薩沙律薯條$158鳥籠都出埋，實要打卡啦漢堡內裏有安格斯牛肉、炙燒澳州黑椒腩肉片、芝士，勁豐富包本身好鬆軟，牛肉係自家手打，好有口感。腩肉片唔會好肥膩。加埋芝士、牛油果、蕃茄等食到好滿足！沙律好fresh爽口薯條香脆，調味剛好芝芝巨峰葡萄+$20先飲個芝士奶蓋，好軟滑，陣陣淡香芝士味再飲果汁，重葡萄好香甜整體嚟講質素好高，係會回頭想食嘅餐廳

一直都超鍾意茶聊既飲品，好飲之餘又可以打卡。今日午餐就黎呢度搞掂。一入收銀處範圍樓底好高，餐廳裝修以摩登灰黑色為主，座位都幾舒服，冷氣好勁！首先自己搵張枱坐低先，然後去收銀處落單比錢講低枱號，服務員之後就會送上食物。餐牌唔少選擇，有龍蝦蟹肉包，漢堡，賓尼迪，全日早餐，沙律，特色小食，意粉，意大利飯，同肉類。飲品有芝士奶蓋沙冰，芝士奶蓋茶，明治鮮奶，高山純茶，新鮮水果茶，同特飲。餐包是日餐湯及一杯茶4揀1，升級飲品有優惠。不設加一服務費。用餐時間限九十分鐘。冇黎一排，餐牌又有新野，一定要試吓先。薯仔忌廉湯（跟餐）是日餐湯係薯仔忌廉湯，用一套茶杯仔上枱，熱辣辣。薯仔忌廉湯夠濃滑，入面仲有少少煙肉片咬吓咁，唔錯。另配一細塊好香脆嘅吐司，已經搽咗牛油，甜甜哋，好味道。至尊漢堡 $158見到呢款新出既鳥籠漢堡，真係打卡必點！一上枱當然係相機先食！我係3款鳥籠漢堡當中揀左至尊漢堡。至尊漢堡即係安格斯牛肉，灸燒澳洲黑椒腩肉片同芝士。主角安格斯牛肉係100％自家手打安格斯純牛肉漢堡，超厚身，雖然全熟，但係唔鞋唔乾有肉汁。漢堡扒上面係熱融芝士，再上面就係脆口同帶香濃豬肉味既灸燒澳洲黑椒腩肉片。一個漢堡又