影片
以上资料只供参考，请与餐厅确认详情
招牌菜
相关文章
环境好，适合与三五知己共聚；食物味佳，价格亦合理；本来应该可以吸引我经常来，但此店的customer service 实在太差，当我落order 时，竟然会被店员（中年男人）催我落快d⋯当我问香薰茶与法国香茶的分别时，在厨房的两个女人突然大大声插嘴：＂香薰茶咪系香薰茶，法国茶咪法国茶，点答你有咩分别＂[ !!! 连自己卖的产品都唔知有咩分别，仲可以咁大声讲出黎⋯我真系唔知可以讲咩⋯]当想order 一份cheese cake （而不是一个, menu 写明一个要提前订）时，个女店员竟然话：menu 有写要提前订，用对眼望下menu 啦！仲有，当你想揾人加水时，建议大家提前十五分钟前同店员讲，因为佢地会做完d 唔急既野 e.g. 个场走浄1／3人，亦冇人等位情况下收碟，执枱，再等一大轮先会帮你加一次水⋯总结：如果你只在乎食物质素，此餐厅的确不错！但如果你想同朋友黎cafe 倾计食野，我建议你去第二间，因为佢地既不礼貌，最后令你失礼朋友！
继续阅读
一早BOOK左位 所以唔驶等就入去先讲环境...装修唔错 但真系几黑可能抽风唔够 一入去好焗...而且有阵唔知咩味个种味系霉霉甜甜咁 但个味道闻落去唔舒服既似D衫/食物放左好耐 放到发霉 霉到有阵益甜味咁讲食物质素 我同朋友叫左SET餐我系个蕃茄猪扒扁意粉我本人对食物要求一般 (近乎底)但碟野真系同我个人要求一样低D猪扒炸(似炸非炸) 到皮跟扒分开 分开意思系有部份扒皮上枱时已经系碟既一边 (仲系林晒既)味道系一般....衰D讲句 楼下街市卖D奄好既冻扒有味过佢意粉.......得个酸字...又淡 对于无乜要求既我....都唔系几钟意里碟野...系咁耳食D就算其实今次发POST主要系想讲个男职员服务态度真系极度 十分 非常 超级--->恶劣全个晚餐 净系听到佢系厨房闹人 感觉真系好差我黎楼上CAFE 系想同朋友系一个舒适/RELAX既环境吹下水咁全程2个几钟入面 不断听到佢闹同事 闹食客真系感觉好BADDDDDDD问佢有无纸巾 用呼喝既语气话: 系晒度呀! 自己拎!隔离枱话埋单 佢又用好恶劣语气答: 唔得闲呀! 而家唔得闲埋单!!其实唔止我地一台 佢对好多枱客都系咁呼喝食客 可能系里间CAFE既STYLE!$77黎受佢气 我宁愿去食老麦好过!最好笑系 到你食完 佢又突然好似上左身咁 同超好态度同你讲多谢帮衬, 下次再黎WO....真系精神病! =="
继续阅读
终于去了茶禅，去之前去开饭睇过，食物水准算好评，不过见几篇食评都话态度恶劣，其实都有些担心，今晚自己试过后，都想打食评,顺便系同佢平反下,因为佢地态度很好!因同朋友食生日饭唔想无位，我早一日打了去茶禅订位!入到去全店得一个上了年几的女士做厨房兼仕应，佢安排我同朋友坐日式位置，即系坐地下，全程佢都好有礼貌，到我地落餐，佢说不好意思，暂时得佢一个人，上菜会慢些少，请见谅，我地说没所谓，到我地落餐，佢就话今天头盘沙拉得返栗米，唔介意拣老火汤会好些，食野为开心，我同朋友都拣了老火汤老火汤真系无落味精同盐，好原汁原味，不错，如果中意食浓味野就未必岩胃口啦!朋友的餐上了，份量偏精致，女仔应该够食我的餐份量都系偏精致，味道偏淡，不过还可以接受冻薄荷朱古力，够浓得来唔太甜，健康朋友的热薄荷朱古力其实我无计过时，食物来的速度系慢少少，大约四十分钟内到齐，不过去得楼上cafe, 都想坐多阵，上菜时间偏慢，不过可以接受，到埋单时，女仕应重问我同朋友食唔食蕉，哈哈,佢话今日D蕉好靓，埋单无加一，$180,总括来讲餐厅服务态度良好，无开饭写得咁差，食物味道都系偏淡，所以佢都比列入为有营食市.
继续阅读
与茹素的朋友在旺角开餐从来都是苦差事;无意中发现旺角有此同时供应荤素食品的楼上cafe,就二话不说,食左先讲!晚上7点多来到,只有一对老夫妇看店,而我们竟然是第一台食客!名为茶禅,有很多充满佛教色彩的装饰,播著柔和的音乐;餐厅的布置倾向日式风格,人多更可以选择坐榻榻米座位呢!前菜有例汤及沙律选择,例汤罕有地不是例牌的红白汤,而是老火汤!既然老板娘落力推荐,所以大家都点了是日的粟米红萝卜素汤,而且是不加味精的!值得一赞!主菜方面,本人选了冬荫功素汤米粉,茹素的友人则选了茄汁素猪扒意粉; 冬荫功汤底够酸够辣,十分醒胃,份量很多,男生也应该够饱,素食配料有素虾及素鱼蛋;少吃素食的我实在想不到现今的素食的"像真度"如此高呢!至于茄汁素猪扒意粉,都是采用一段的茄酱,素猪扒味道豆味够重,不过不失。本想一试Menu上写明采用楼上cafe较少见的Illy咖啡,可惜咖啡机却坏了;听闻此店最闻名的饮品是花茶,不过我们最后都选了台式奶茶;味道偏甜,也不太够热;看到邻台点了花茶都是连小炉端上的,一阵阵香茅的味道扑鼻而来,真是很后悔没有点花茶呢!下次一定要试试!
继续阅读
先前朋友带过来开会试过一次，野食唔错，以cafe来讲真系好有心。果晚食晚餐，佢有素/有肉，岩晒我地3个人，前菜可以转汤，青红萝白，坚老火，冇味精(我一食味精会屙..)，主菜我要左个咖哩龙利，个咖哩好好味>o<!!!个薯仔超入味，我情愿佢比多几旧薯仔我唔少两旧肉>w<!!!!之后饮野我要花茶，我都系头一次去cafe系有得忝饮花茶(以前去果d系冇..或者有啦,但可能你唔问就=冇)，但呢度系主动加水比你。 之后我自己再约朋友来过两次真系好正，好清悠，一个最大而且最好既卖点系佢真系禁烟！有次有条友上黎玩野，佢情愿唔做佢生意！最讨厌烟味，楼下果d话就话有吸/非吸烟区，但整果对烂鬼门又成日唔拉埋d烟味都系谷出黎，废的！但呢度系0烟。老板播既歌又几有格调，人流唔算多，所以好岩倾计，我帮人塔罗询解都系呢度。
继续阅读