茶理史 (已結業)

因為有優惠，所以今日收工就去買左兩杯諗住返屋企試下。見網上面佢嘅小芋圓評價唔錯，所以買左一杯紅柚綠茶同熱嘅芋香鮮乳地瓜小芋圓。佢嘅凍飲係透明杯而熱飲係黑色紙杯，返到屋企滿心期待咁飲先發覺，竟然竟然冇落芋圓！！！係半粒都冇！！！成杯野變左芋香鮮乳？味道方面真心普通，顏色一睇都知係用粉沖，有好少量芋泥，但明顯奶亦只係奶粉。重點係想飲芋圓冇芋圓，對間野好失望。而杯紅柚綠茶味道偏淡，簡單啲講就係西柚加溝左水嘅綠茶。極度建議大家下次買熱飲記住check過先好走，唔係就好似我咁咩都冇。

今晚喺九龍城食完飯，行過見到覺得個名幾得意就睇下。原來有芋圓飲品，一向鐘意食芋圓嘅我就即刻買咗啦。叫咗芋香地瓜圓，少糖少𣲙。飲落味道冇好大驚喜，冇好大芋香味，地瓜圓軟硬適中，整體就不過不失。

這家店就在九龍城廣場的斜對面，十分易找這次點了一杯草莓鮮乳地瓜小芋圓客人不多，但制作需時，前面就只有一位客人，等了十分鐘才制作好。這是第一次喝茶理史，不清楚這家店飲料會不會偏甜，所以點了正常糖份。嚐了第一口覺得有點太甜，下次叫半糖應該就剛好。草莓的部分用果肉制成，很fresh很有香味。鮮乳的部份因為糖分比較多，嚐不到牛奶味道，所以無法多加描述。而地瓜小芋圓很彈牙，不會過硬過軟，大小也剛好，粗飲管每顆芋圓也吸得到。總括來說，下次還會光顧，試一下其他口味～

以前好中意飲台式手沖飲品，但依家開始注重健康就少左。因為糖份太高都唔知要跑幾耐先消耗到一杯奶茶係今日甘岩見到口渴又無咩人排隊就試下買杯《琥珀白玉奶茶》少甜試下本身應該係配珍珠但店員話無哂要轉芋圓一飲就已經覺得唔岩自己口味，成杯泰式奶茶甘好甜又無咩奶味反而個芋圓有驚喜！好有咬口

成日都會喺尖沙咀買查理史啲嘢飲, 今日路經九龍城廣場，發現佢開咗分店， 我即刻開心到不得了!!!!今日就叫咗芋香鮮奶芋圓，50%少甜，50%少冰。杯嘢飲唔單止有地瓜圓同芋圓， 仲有粒粒芋頭。啲圆細細粒又煙韌彈牙，多重口感享受，值得一試。