茶水檔

营业中

休息中

我和同行朋友等了約半小時才有的餐，但當我食完後他的餐也未到，我們有禮貌地問餐的情況，第一次的回覆是廚房係咁，第二次的回覆是等下！第三次的回覆是吹緊！廚房好忙，但當時餐廳只餘下數位客人。我們發現其他客人也有甩單，錯單的情況，真心建議大家不要來了！

再次光顧，今日叫咗一份梅菜扣肉飯同紅酒燴牛腩飯😎紅酒燴牛腩飯真係好好味😋牛腩好林👍🏻梅菜扣肉都好食，不過好多梅菜，如果多扣肉會開心啲😛同埋男士食就比較細份😂女士食就岩岩好☺️同埋職員都好好👍🏻值得推介😋

有日行過見到轉角有間幾大既茶記，見天氣幾涼，就坐左街邊，對住馬路隔離係d 五金鋪，都算開揚。見佢早餐都幾特別，可以揀辛辣麵/芝士麵/福麵/銀針粉，試左沙嗲牛肉銀針粉，火腿奄列多士，熱奶茶。沙嗲牛肉偏甜，而且湯底唔係好夠熱，覺得普通。多士薄身香脆，幾好食。火腿奄列都係正常質素，不過呢個價錢黎講唔係特別抵食，味道都係一般。而且奶茶面頭有好多茶渣，感覺唔係太好。不過鍾意坐outdoor 的都係一個選擇，因為好多位，距離都夠開揚，不過試左一次就夠了。

餐廳冇咩特別靚裝修職員都幾ɴ̆̈ɪ̆̈ᴄ̆̈ᴇ̆̈❀叫咗兩個早餐①沙嗲牛肉福麵火腿奄列厚多士凍奶茶=$𝟺𝟻②鹹牛肉炒蛋芝士麵火腿奄列厚多士凍奶茶=$𝟺𝟻凍奶茶係正宗茶餐廳味道👍🏽鹹牛肉炒蛋好香唔係咁多地方有✦芝士麵係平時街賣$2 四包嗰種 同屋企煮出來一樣冇咩特別驚喜福麵煮得好好食😋軟硬度適中沙嗲牛肉好香沙嗲花生味厚多士好軟熟 同凍奶茶好夾ʚ

43蚊 豬潤福麵 轉米粉 要加錢 加6蚊 👌餐set 左係咁 轉野加錢okay 嗌熱齋啡 全走 啊姐落單落 啡走 👌 聽錯姐好啦 豬潤米上枱得兩塊超薄豬潤 好寒酸...... 如果成本咁高 不如唔好賣比得兩片 又唔好睇 客人又"咋型"唉 最慘 連個米粉都冇味.......... 點解連個福米都可以煮到咁......差到.........碗野食左兩啖 放低錢走左其實無心煮野比人食 何苦開鋪？ 淨係為左搵錢 咁成本高既野你就咪賣啦 #入左去一次都嫌多

呢幾日係附近開工，無意中發現有間幾精緻的餐廳，而且人潮多到要係外面開枱先勉強滿足到需求。早餐餐牌難得呢間餐廳有供應豬潤，憑感覺已經覺得點A餐，配福麵。餐具都幾特別，有種古色風。上菜時已聞到福麵個種獨有味道，芬香撲鼻。灼豬潤既時間拿捏得好，唔會過冧，好食！利申：好食既嘢份量唔會多，所以食完都仲有d餓。

天有不測之風雲，無啦啦雷雨交加，嚇到團團好驚青，我唯有帶佢避走入元朗建德街嗰間「茶水檔」。.既然嚟到，唯有醫下肚，Order咗是日午餐椒鹽豬扒飯&涼瓜排骨飯，感受下老貓小狗嘅浪漫🌹.但坦白講，呢間嘅椒鹽豬扒調味重手咗🤢，如果可以有啲酸酸甜甜嘅青檸吊下味，會較開胃～至於涼瓜排骨飯，不過不失🤔但值得一提，佢地配嘅係沙律菜，幾特別🥗.不過呢度係揸車人士嘅速食之選👍🏿香港人乜都要快，時間就係金錢嘛😸醫飽個肚再戰下場啦～

呢日一行嚟到建德街這間應該開咗冇幾耐嘅《茶水檔》食晏。叫咗個南乳炆豬手飯 (跟菜飯)椒鹽豬扒飯(跟菜飯)分別跟熱咖啡及熱奶茶，的兩個餐都係各$52。今餐有送例湯，紅蘿蔔粟米湯，足料冇落味精味道鮮甜。南乳炆豬手菜飯 - 都有幾多嚿豬手，豬手有肉，炆得夠腍。南乳味中帶有少少酒味，南乳味鹹淡適中，相當唔錯。椒鹽豬扒菜飯 - 試咗一啖朋友嘅椒鹽豬扒，椒鹽夠入味香口，豬扒肉質都幾腍，朋友話好食。餐仲有嘢飲，兩杯味道都幾好。總括嚟講，呢度午餐幾好味，連湯、飯及嘢飲都係$52，我哋會再嚟幫襯。

昨日星期天 妹夫生日 ，佢話到呢個茶水檔試下早餐 ，因為未食過， 咁就去試下， 去到 裝修 都幾好 新穎 ，應該係新開冇耐， 望見內面都人頭湧湧座無虛席 ，原先估計 食物都幾好挂， 坐低拎起餐牌一望 款式都算多 ，但價錢 好似有點 那個 ，普通早餐 牛扒蛋 未包任何粉麵 都要45蚊， 要加十蚊先至有出前一丁或者芝士麵辛辣麵 揀擇 ，食物上枱 牛扒好似掩得太過又點霉嘅感覺 ， 雞蛋 煎得普普通通好似快餐店 用圓形模剪咁，唔似一般茶餐廳有微燶邊嘅蛋， 有啲失望 ，最搞笑 望見隔離枱阿伯 叫咗個麥皮餐， 麥皮竟然係一舊舊未有搞開就咁拎上嚟畀人 ，另外杯咖啡 一般般毫無味道 ，咁嘅價錢咁嘅質素應該再冇下次幫襯

++++++++++++++++++++++++++++++++++++++++++++++++++++++塊雞扒好大好juicy配上秘製醬汁一流，成個餐好多野食超豐富＋多10蚊轉個辛辣麵，凍檸茶大大柸，茶味香濃。。。。隨餐跟厚多士，好鬆軟。。。。。。。。下次會再試下d菜飯餐好似幾吸引。++++++++++++++++++++++++++++++++++++++++++++++++++++++++