茶檔 (已結業)

其實係中環搵嘢食唔係難, 但要有啲質素, 對出品有啲要求, 係幾難....今日唔衝唔撞, 去到呢間茶檔, 先睇睇個menu, 都可以入去一試. 結果, 明明同落單姐姐講話, 個多士唔要牛油, 點知都係有.  又比入面廚房哥仔聽到, 那哥仔就話, 攞返嚟.  真係同我換咗塊無牛油嘅多士.  真係Like 爆.英式早餐: 有蛋, 蕃茄, 薯餅, 腸仔, 烟肉, 多士, 蕃汁豆另外, 個太陽蛋, 蛋邊同個底少少燶脆, 而太陽剛剛流心, 腸仔, 薯餅, 烟肉,唔會煎到燶. 講真 真係無諗過茶檔都對服務咁有要求.  另外, 同事食個常餐: 沙爹牛麵 + 炒蛋 + 多士 沙爹牛麵夠熱, 湯底好濃嘅忌廉湯味. 炒蛋 非一般茶記炒法, 係用叉子攪嘅炒法. 

雖然中環無咗蛇竇，不過多咗間茶檔 😍 入面設計有啲似舊式嘅冰室，價錢仲要係中環黎講算幾抵食叉燒滑蛋飯 📍$55個蛋炒得岩岩好，夠哂香滑，但叉燒略嚴瘦咗啲。加埋個甜豉油，好地道嘅感覺爆蒜椒鹽豬扒飯 📍$56本身隔離枱上呢碟嘅時候已經好期待，碗飯飄過已經好香，到自己個碗黎到 🤭🤭 超多炸蒜，好香噴噴 🤭 不過食完就.... 好彩而家戴口罩咋港式奶茶 📍好香滑嘅港式奶茶 👍🏻 原來呢到仲有茶走，望落都幾正，下次要試埋佢

經過中環機利文新街一條橫街，見到一間餐廳門面以綠色石牆身，長方形霓虹燈招牌中間大大個店名「茶檔」，還有鐵窗花和綠鐵皮攤檔非常之懷舊的茶餐廳檔 走入室內，牆壁上都是仿舊區招牌充滿了香港懷舊特色。店內座位不多，有幾張木凳木枱，坐得較為逼。冷氣機流水滴落我坐的枱和杯檸檬水，無得飲店員說可以換一柸新，不過我沒有時間等了。早餐大衆化價錢經濟實惠HK$31都值得食。火腿粟米忌廉湯通粉（太油、太咸、重味精）+腸仔太陽蛋（味道還可以）+牛油方包（麵包鬆軟）

真係要推一推介呢一間餐廳，呢日去到上環附近做野，途經呢一間餐廳，見到有好多人排隊行埋去睇下，原來係茶餐廳，不過好好奇點解會咁多人排隊呢，原來係因為呢到有招牌菜式，就係爆蒜椒鹽豬扒飯，身為炸蒜控既我，又點會唔入去試丫爆蒜椒鹽豬扒飯 $56一嚟到嘅時候即刻嚇咗一跳，冇諗過豬扒同炸蒜會咁多，仲多過下面啲飯，豬扒切得細細舊，方便食之餘連肉質都食到炸蒜嘅味道，而炸蒜撈埋白飯食真係冇得彈，相信嚟多碗白飯我都可以清埋佢同場加映呢兩個公仔放咗喺鋪頭嘅當眼處，非常吸引眼球，要努力繼續支持呢啲小店！！

一個人午餐，去咗公司附近嘅「茶檔」買外賣，比「爆蒜」兩個字吸引咗，叫咗個「爆蒜召鹽豬扒飯」+「凍奶茶」，等咗5分鐘就攪掂！返到公司，試吓杯凍奶茶，有茶味，唔會比奶蓋過咗，好飲 再試個飯，果然係爆蒜，仲有好多配料，不過略嫌D蒜炸得唔透，仲有啲生蒜果種辣味 豬扒已經係碎上，好方便夾起就食，而且醃得夠味！呢個飯盒最敗筆竟然係個飯本身，好硬好乾，落唔夠水去煲果種，每食一啖都好涸喉，唉～ 變咗淨食餸就好咸，唯有慢慢咬爛啲飯啦🙈

呢間野係荃灣都有，不過一路都冇機會試，今日咁啱過海做完野經過就入去食下啦呢碗芝士豬頸肉撈丁不過不失啦，豬頸肉煎得夠乾身又夠香，芝士多少少會更好，凍檸茶就正正常常咁啦，呢個價錢嚟講有少少貴

Happy to discover this new cha Chan tang!Newly opened - with good enough choice.I ordered the 豬頸肉芝士撈了. Cheese sauce is cheesy enough, pork slices are tender. In short, it’s nicely done in cha chan tang standard. Good place to have some quick, comfort food

Lunch 唔知食乜好，唯有周圍行下！行到茶檔又見唔係太多人就決定入去試下 可以2點幾關於人唔多ge！上左二樓得一枱8個人。。。嘢食都係類似茶記果d不過裝修好新幾有特色叫左個椒鹽豬扒飯加個凍奶茶小冰小甜都好快有得食！賣相都幾靚仔食落都幾好食！份量夠！唔會食完唔飽椒鹽味好好食，奶茶都ok！真係有小冰小甜左ge！侍應姐姐都好好禮貌埋單58蚊都可以啦！中環地區。。。點知埋單見到收銀位有反送中post card係到，唔止一兩張🤭所以應該係黃。。？

呢間呢茶記係最近喺中環新開嘅黃店，喺門面玻璃窗貼左幾張好搶眼嘅明信片！好靚，可以俾食客拎走！睇佢餐牌似乎係主打瑞士汁或者芝士汁撈麵/飯，於是我同朋友都各自叫左個招牌嘢試下！（1）蔥油瑞士雞髀飯個瑞士汁略嫌太甜，唔夠香，雞髀普通（可能我嘴刁，覺得唔夠亂滑，同埋有啲凍）（2）豬頸肉煎蛋芝士汁撈麵呢個set等左20分鐘先有得食😢店員話咁啱賣晒芝士汁，要再打過😅唔緊要啦夠新鮮！個芝士汁係幾香嘅👍🏼啲面嘅煙銀度啱啱好，唔會太淋又唔會太硬😬講真呢間茶檔性價比絕對唔高，不過奉行顏色消費主義嘅食客就絕對可以一試！

返工平時都好少食早餐。但今日特別肚餓，就行左去附近搵野食。尼間叫茶檔既茶餐廳，外表懷舊，舖砌小瓷磚，行入去有種文藝感。沙嗲牛肉麵餐 ($33)。湯底好濃，真正忌廉湯！沙嗲牛肉夠嫩，好入味，完全唔老！份量其實好大份，一個人食真係捧住個肚走。餐肉煎蛋就無乜太特別，當然隻煎蛋係脆邊，十分香口。今次飲茶走，茶底香濃滑身，師傅有功架！

This is a new shop accidentally discovered that was recently opened so decided to give it a try. Ordered the typical tea resturant favorite 黯然燒魂飯 which is basically bbq pork , egg rice with sweet soy sauce. reminds me of the old shop around the area 蛇竇 which is also famous with a similar dish. The sauce is a but too sweet for me but other than that it si pretty good. Would likely come again to try their othet dishes.

自問好耐無去過一間我覺得好正既冰室。今次俾我搵到，仲同公司好近，開心死！不過都幾邪惡，唔可以成日食。餐牌樣樣都好好食，我同兩個同事睇左勁耐都係有選擇困難症。掙扎左好耐要葱油瑞士雞脾定雞翼煎蛋，主要係又想食脾又想食蛋，最後決定加五蚊，要脾飯加蛋。同事同我決定一樣，不過更邪惡地要左撈公仔麵。隻脾好大隻，肉質煮得好，都juicy既。葱油好邪惡。加蛋撈飯係絕對明知之選。不過飯量唔算好多，我一個人都完全食得哂。

公司附近新開的茶記冰室，平時其他食店食到悶曬。有新餐廳當然要即刻幫襯。呢到雖然店面小小，但有閣樓，都可以容納不少人。午飯價格大約50元，茶餐大約40元。在中環算平。.我地叫咗午餐：原條咖哩吉列魚柳飯$56、炭燒豬頸肉煎蛋飯$52，包熱飲。.原條咖哩吉列魚柳飯.魚柳即炸，燙口，肉質算滑嫩。咖哩汁不辣。飯好大碗，汁唔夠多。.炭燒豬頸肉煎蛋飯,炭燒醬汁加蛋汁超正喔。豬頸肉偏淋。醬汁伴飯已經可以食一大碗。