茶木‧台式休閒餐廳 (V Walk)

营业中

休息中

同朋友一齊食叫左個二人餐，跟左個菇湯，又唔俾碗同匙羹，想問啲職員拎又愛理不理咁。終於問到佢地拎個碗，個碗又勁污糟。咁主食我揀左三文魚茶漬飯，不過不失。朋友叫左個玉龍果鱸魚柳，好耐冇食過啲咁難食既野。佢表面既醬汁極酸極攻鼻，過咗之後啲魚腥味出曬嚟，差啲嘔。另外叫左個紅豆薏米水，點知係勁重薑味，好難飲🫠最後朋友唯有補叫多兩個小食，個職員又聽唔明咁又話唔可以加，最後有個男職員幫手先搞掂。甜品雪糕味道係最好。

呢間分店第一冇服務 叫極啲staff都唔應 第二要上餐等勁耐（仲要冇乜人食嘢嘅時間）第三叫咗個火鍋 等咗30-45mins 都未熟仲要啲湯仲係暖一啲熱嘅感覺都冇，（加咗2次火）第四 個火鍋上泥 啲湯少得恐怖 完全唔似火鍋 啲湯甚至少過一碗湯麵嘅份量 叫個Staff加湯佢話冇得加只可以水 只能講唔會再食！

大年初一一家人🧑‍🧑‍🧒‍🧒拜完年去完深水埗公園玩肚餓搵食，原本想去VWalk地下cafe但室內冇位，只有室外但15度有d凍，轉入商場🏬茶木。門口有阿姐拉客入咗去，點菜時先發現15%服務費，問返阿姐先知原來新年加收，但門口又冇提示🔔，阿姐入場又冇講😅叫咗巧克力🍫曲奇🍪蜜糖🍯磚塊🧱（$82）配凍檸茶走冰，另一個餐珍珠奶茶🧋冰琪淋可頌窩夫🧇（$52）配熱豆漿。等咗10分鐘有嘢飲🧃，豆漿有泡濃味有豆味，再等5分鐘有croffle，外脆內軟，珍珠奶茶🧋雪糕🍦大舊正，可惜珍珠唔甜。等多5分鐘有多士，超大份，中間面包切開炸完再放入去砌返，皓細心，皓脆口，雪糕都大球，皓飽。埋單用埋八達通利是🧧

臨時約朋友食飯～好耐無食過台灣嘢，加上朋友就嚟生日，諗住喺茶木簡單order個甜品慶祝下🍰我哋叫咗個二人餐，同埋加咗一個晚餐set、晚餐+$30都可以揀2款小食👍2人餐幾抵食～ $168 有兩個主食,兩杯飲品 再加兩款小食😋我哋揀咗個沙茶牛肉鍋🥘、黑醋豬軟骨飯、鹽酥雞排飯～ 加咗$68 要奶蓋瀑布蛋糕～ order 嘅時候可以揀主題，我揀咗happy birthday … 🤣但嚟到係無咗個牌嘅😝但味道唔錯～ 奶蓋可以多少少🤏😝

Lunch time見唔洗等位就即刻入咗去三個人有卡位坐，環境都舒服😌Lunch set都係抵，$68up有主菜加飲品，飲品選擇都多我叫咗豬軟骨拌麵，兩樣嘢分碟上，豬軟骨好入味，唔會太咸，麵底仲有得選辣或者唔辣不過辣味唔太夠，鍾意食辣嘅我覺得如果辣啲就好啦😆朋友叫咗三文魚茶漬飯，外觀好靚，仲有三小碟俾你自己加落去，好味😋今餐飲品order咗凍紅豆薏米水同埋熱黑糖薑茶，紅豆薏米好足料，黑糖薑茶另外仲附上一小塊餅乾，冬天飲暖笠笠

🥰台式麻辣牛頰肉手工拌麵午 （午餐 $88）手工麵條質感煙韌彈牙厚實，醬汁有濃郁嘅花椒味，唔辣，味道唔錯。牛頰肉質感非常嫩滑，仲有少少肥肉，食落有骨膠原嘅感覺。質感好味。午餐跟嘅鴨血同素鵝就非常麻麻。鴨血冇味，質感正常，唔算特別嫩滑煙靭。素鴨都係冇味，普通。🥰烏魚子元貝手作麵 $98烏魚子鹹香味道較重，都幾有新鮮感，唔會話同平時d 明太子意粉一樣味。手作麵條有嚼勁爽彈。帶子生熟度軟硬度合適，味道正常。👌🏼紅燒牛肉麵 $88湯底算係ok，有少少牛骨髓湯嘅味道。牛肉份量十足，大大嚿。不過就比較多牛筋，都幾難咬，但係又未算係好硬好韌嗰種。普普通通。新竹米粉份量勁多。不過覺得都係手作面應該比較好。👌🏼黑麻油雞翅 ：有麻油嘅香味， OK。👌🏼黑糖薑母茶跟餐叫嘅都大大杯，仲有一塊餅乾送埋，都幾窩心。味道較淡，唔算有辣嘅薑味，好在都唔係好甜。🤔小芋圓芋泥奶茶（加珍珠）芋泥質地都okay 濃厚，但係都似落咗香精嘅感覺。比較甜。珍珠冇味，唔煙靭，普普通通，可以唔使加錢叫。芋圓就幾煙靭，冇咩味。環境： ★★★☆☆ 食物： ★★★☆☆ 性價比：★★★☆☆ 推介度： ★★★☆☆

茶木台式下午茶都幾抵食，佢哋個set 紅燒牛肉麵都好大碗，肉算都鬆軟，湯底好夠味道，仲包括飲品，另加購酥炸雞軟骨香口又脆口。咁啱朋友是日生日，我地個甜品加入祝福語Happy Birthday ! 打埋卡，又係一個有儀式感的下午小聚。

話說我下午茶時段去食茶木，因為我男朋友肚餓，所以就想食多啲，就問左個姐下午茶餐果碗牛肉麵同主menu果碗份量係咪一樣，個呀姐就話下午茶餐果碗紅燒牛肉麵係少啲嘅。咁如事者，我地就嗌左正menu果碗$88，無嗌到下午茶餐果碗$72嘅。但咁岩個呀姐送嚟嘅時候，連埋三碗一齊送，咁我就同個呀姐講 我地係叫主menu果碗紅燒牛肉麵，個呀姐就話無曬大碗啦 洗唔切 所以就用細碗，但我想講果四碗嘅份量係一模一樣….佢點分邊碗係正menu果碗呢？ 😅 都算， 我就再同第個服務生講呢個情況，佢就重複話無曬大碗果啲，但重點係 唔關個碗事 係個份量嘅問題。咁如果份量一樣 我點解要嗌個貴$16嘅主餐先？ 之後個服務生就同我講 主餐果碗多一舊牛 但蘿蔔就相同，$16一舊牛？😅 合唔合理先大家？ 之後佢地仲都唔明😅問我係咪想加多啲都得..😅最後純粹入去換個大碗同加左湯比我就算數.. 真係😅好似有點雞同鴨講.

睇食評好多人話服務唔好 但因為地點就腳 所以揀平日6點前去食 唔繁忙應該ok既唔洗等位 唔限時 點了火鍋 賣相好靚 但可能我地坐風口位 燒完一個火種都未滾 同侍應講就即刻換一個新既火種比我 仍然唔滾 侍應見到同經理商量後 就關咗我果邊個冷氣 咁好快就滾了 終於食得😆我地食臭臭鍋同沙茶鍋 湯底個味都幾好 材料質素都唔錯 叫了冬粉 成個鍋食晒都幾飽加$16點了水果茶 不過覺得唔夠凍 同侍應講就即刻比咗杯冰我其實間舖一到6點幾都full晒 但覺得服務都不錯 環境又好 勝價比高

sorry但其實vwalk間teawood真係好垃圾！不單止上菜遲，而且skip單。我落咗一碗豬頸肉麵，但上咗一碗牛肉面。問佢地究竟發生咗咩事，反而怪落我同我d frds都，但其實我地好確定唔會拿錯。因為我地落嘅都唔同。豬同牛仲係分得清嘅。而且！我等咗至少45分鐘，等咗d完全我唔想食嘅?冇比我一個合理嘅解釋，拍拍屁股走人?而且d分量真係好少好少。等咗45分鐘，食d唔想食嘅，仲要食唔飽。究竟有冇一個合理解釋?真係大避雷！

見呢間推出左套餐價錢還可以就打算黎試下。唔試唔知，一試中伏。佢嘅食物質素都算可以，不過服務嘅問題就令人非常失望😅。佢最大問題係超長等野食時間 - 30分鐘！！我地叫咗兩碗麵，一碗麻辣牛肉拌麵同一碗鹽酥雞扒手作麵。呢兩碗麵竟然要麵等足30分鐘先上到比客人。要等咁耐真係完全接受唔到😅如果你趕時間/ 接受唔到要等30分鐘，我真係唔建議你黎呢度。絕對會浪費晒你寶貴嘅時間😅😅仲有就係服務態度好差。中途叫waiter催單，完全唔諗住幫手催，淨係一句上緊架啦。全程都冇人嚟解釋或道歉，呢種服務水準真係令人失望透頂，令人完全唔想再幫襯😅😅Fair啲講，佢個麻辣牛肉拌麵同鹽酥雞扒手作麵其實係好食，但味道點都無用，一切都被超長嘅等餐時間蓋過咗😀總之，vwalk茶木嘅食物質素尚算可以，但服務同上餐時間太嚴重。希望餐廳可以快啲改善，雖然我應該以後都唔會再幫襯😊🫶🏻

tea time 叫左個台式沙嗲牛肉拌面加福州魚丸紫菜湯，加凍珍珠奶茶。拌面幾好味，但係幾啖就食晒，份量真心比較少，好彩有幾粒魚丸頂下肚，不過我黎食tea既目的都係為左飲杯珍珠奶茶，其他都係配角黎

今日去v walk行街買嘢，行到攰又肚餓，見到有台式“茶木”餐廳，就叫咗一個下午茶餐台式沙爹牛肉拌麵，福州肉丸紫菜湯，跟餐仲可以選擇任何飲品，一杯凍嘅黑糖瀑布珍珠奶茶，都係65蚊超值又好味。

去開南昌站，搵早餐🥣食，咁啱見到茶木有開，以為自己眼花😵‍💫，原來今日係茶木第一☝️日有早餐🥣食。入去話隨便坐，但侍應安排咗我坐中間位，後來我轉卡位，點知張枱好似自己有心跳💗咁卜卜地震，可能我慣咗靈異事件，唔驚，但震住我食早餐🥣唔舒服🤢我再轉轉角個卡位，想落order時先睇到餐飲珍珠奶茶🧋要0830先可以😌order，咁我真係坐到0830先QR code落單。最後叫咗台式肉燥米粉拼台式醬油粽（$44）。米粉唔錯，粽內有蛋黃，大滿足😌。珍珠奶茶🧋都好飲，可惜珍珠唔甜。

走進茶木，香氣四溢，先點了個招牌紅燒牛肉麵。牛肉入口即化，咀嚼間感受到小許嘅彈性，湯底濃郁得嚟唔膩口，真係滿足到我呢個肉食愛好者！跟住試吓麻辣半筋半牛肉拌麵，味道正中「惹味」兩個字，鴨血同腐皮對於味蕾嚟講簡直係舞動，尤其係啲糖心蛋，流心嘅效果做得好有驚喜😍。轉個調調，來份草莓沙冰，清新果香，雖然有啲水分離，但攪一攪就「嘩啦啦」嘅口感又回來喇。最後，瀑布珍珠鮮奶就略嫌平平，珍珠係嗰啲少咗點精神嘅類型，不過整體嚟講，茶木俾到我一個放鬆食嘢嘅好地方。呢間嘅台式小食真係㨂得緊，每樣嘢食都有佢嘅特色，不過重點係，呢到嘅食物同氛圍，都係一種減壓嘅好選擇。食得係味道，食得係滿足，下次再嚟，都實要帶埋幾個朋友一齊享受啦👫💖🍜。