影片
唔知大家有冇发现每间茶木其实都唔同，有啲有set lunch有啲冇。今次我食呢间位于淘大三期嘅茶木系有lunch set/tea set! 价钱一配面/一个定食饭其实同单点一样，但包埋野饮㖞！而今次我想推介系佢个香稣鸡排面！ 一如以往鸡排同面系会分开上，热辣辣之余个炸粉一啲都唔厚！味粉控制得几好唔太咸！面身都阵牙嘅，不过略嫌份量少左啲，未知系咪因为佢系套餐关系呢？餐饮可以加钱转特饮，我拣左水果茶😋酸酸地开胃吖😋
继续阅读
不知所谓的收银女职员，问吓套餐A系乜之后当落单，话更改又唔俾，结果出到嚟外卖就系咁沙律虾球两粒啰，企在门口等外卖25分钟，问佢这外卖系咪我，完全就怕细菌咁唔应人
继续阅读
简单来讲，佢呢间野完全唔似我平时食开茶木应有嘅质素，仲有，佢难食程度可以令到我再浪费时间写这篇食评.九龙湾三间分店最差呢间，另外去过旺角朗豪坊，尖沙咀国际广场和荃湾某分店都系好食嘅，系淘大呢间差到爆核啰
继续阅读
呢间都算茶木分店入面好差嘅。一次堂食等40分钟上菜，一次外卖等足一个钟。重点系客人根本唔多，个店员解释话转dinner menu会忙乱啲，都冇乜客忙乜鬼乱啊？劝大家去德福个边茶木食，虽然多人啲但唔洗等咁耐。除非你好多时间，想hea下喇。食过6、7间茶木分店呢间真系等特别耐。就算非繁忙时间都要等二十分钟以上，堂食。不过有朋友吹下水都过得快啲，自己毒毒一个真系惨。店长可唔可以反省下搞乜效率咁低？咁搞法食龙肉都冇味
继续阅读
平日难得唔驶返工，产检之后就要食得丰富D，可以放肆一下。茶木食过lunch & dinner，下午茶就第一次食。TEA选择都唔少，分台式刈包、小食、主食及甜品。茶本真系谂起甜品，不过俾老公禁止左，就选左食台式鸡蛋肉崧起司卷饼，感觉比较特色d，而老公就要食饱d，叫左芝心鸡翅肉燥饭。本身套餐有饮品，不过加$5可以任选特饮(除果汁外)，呢个够晒吸引，我升级要左热带水果茶，而老公就叫左巧克力火山。芝心鸡翅肉燥饭最快上枱，我望就唔觉得有咩特别，不过除鸡翼之外，都有半只蛋&雪菜伴碟，都几丰富，老公食落系赞，个鸡翼起左骨，啖啖咁食够晒爽，食到尖尖先有骨，好入味，仲嫌2只唔够，而肉燥就基本野，我试左一般。鸡蛋肉崧起司卷饼系美观，整得好靓，好清楚见到馅料层次，仲有少少沙律菜件碟。饼底系薄，都易入口，肉崧&起司都系好胃，不过食落就好少，两啖就食完，系唔够饱，如果唔肚饿，系唔错的选择。热带水果茶加$5就好抵！入面好多生果，西瓜、火龙果、青柠……个水果茶用橙汁冲，所以会偏甜少少，见到隔离枱有ee打开个盖加热水再冲&食入面d生果，我就觉得一壶已经够晒饱。巧克力火山会偏甜，巧克力味好重，但老公就觉得普通左d，但只加$5就值得饮。
继续阅读