茶木‧台式休閒餐廳 (MOSTown新港城中心(4期))

营业中

休息中

經常來吃茶木的下午茶餐。價格比晚餐划算很多。幾乎每次都點紅燒牛肉面。牛肉夠軟，白蘿蔔紅蘿蔔都夠熟。手工面很有嚼勁。推薦！紅燒牛肉面+珍珠奶茶，套餐61元。加一后67.

馬鞍山茶木應該係全香港最差的茶木分店之一。D職員黑口黑面，動作又慢，平日時間食客不多，餐廳內有多張吉檯，攞籌後即使有多個空位亦不安排客人入座。我點了午餐Set鳳梨甜酸鱸魚柳配古早肉燥手作麵，飲品選了紅豆薏米水。Lunch Set $69,連加一埋單$75.9。等左一段時間，終於送餐黎，賣相都唔錯。不過睇真d，送錯食物。我明明點了古早肉燥手作麵，但送來的卻是紅燒牛肉手作麵。唉！等左咁耐先等到職員送餐黎，唔想又再等過，加上d職員黑口黑面，都費事叫佢地換過。部分職員不是背著客人，就是只顧聊天，我跟附近幾檯食客想加水，都不知道揮左手幾耐先有職員黑住面黎加水。鳳梨甜酸鱸魚柳酸酸甜甜夠醒胃，魚煮得夠滑，水準之作。紅燒牛肉手作麵不過不失，正正常常，始終我點的不是它，絕不能稱上美味。紅豆薏米水還可以，紅豆薏米份量適中，紅豆煮得夠淋，整杯飲品清清地都幾好。食物質素不過不失，但建議加強職員培訓，服務態度有待改善。

晚餐點了個酸辣包椒粟飼雞，酸辣味配合得很好，是開胃之菜。菜一送來，就耐不住喝了幾口湯，停不了。一不小心，咬了和酸菜一樣顏色的辣椒，很辣，立時多喝兩口湯。雞件稍遜色，有點過熟，皮肉分離的，不過不肥膩，也沒雪藏味。最終都是回歸酸辣湯底，真是一啖也不放過，菜、肉都吃完了，也要把湯喝至見底。飲品紅豆薏米水也不錯，除了解辣，也很美味。雖然有大大粒用糖煮過的紅豆，整也不太甜。（用紙飲管的)甜品地瓜慕絲塔一般得很，有點雪久了，不夠軟滑，硬硬的。

📍 茶木（馬鞍山）👎🏿👎🏿以後唔食茶木💀牛肉麵 又咸面又硬 兩條兩條痴住，啲味濃到胃痛，食辣嘅辣到超級飛起牛係好味既，但太咸了好味指數： 1️⃣2️⃣3️⃣4️⃣4/10分 人均消費：一碗牛肉麵要$87 性價比低地址：茶木馬鞍山新港城

明明2015年講過以後都唔會再黎呢間茶木不過最近一個月都黎左兩次點解無啦啦又會黎！主要原因近來💕代言人🤣二來馬鞍山真係無咩好食食左兩次見有改善就平反一下啦！首先衛生方面好左嘅無幾年前見到咁離譜！望落去都正正常常企企理理！服務方面都比起上次黎滿意得多，都係正正常常咁啦！（雖然睇其他人食評都話麻麻，可能無期望過又無咩嘢trigger 到我，不過不失)嘢食方面都好左好多，起碼無上次黎嘅一團麵，食炸粉等等，而且味道都唔錯中上鍋最近兩次嘅第一次黎食係lunch第一次食希臘乳酪咖哩雞飯又幾好味鍋另一個係午餐滷水四拼飯，嘩！呢滷水汁又係正嘅！我平時唔鍾意食滷水都忍唔住食左好幾啖跟餐有柚子蜜就正正常常啦因為太飽同趕住返工所以無叫甜品近期第二次去就係Sunday lunch+tea !剩係記得影甜品😅本身叫蕃茄牛肉面點知落錯左香辣牛肉麵唔緊要啦其實我本身都想食🤣家人叫左另一個希臘乳酪保濕豬扒飯！呢個好好食好開胃，仲好食過上次個咖哩，不過超飽！好啦！終於試到個甜品！海鹽珍珠奶蓋岩漿蛋糕首先黎到個賣相好靚同相係一樣奶蓋珍珠同蛋糕味道都好match好好味仲有支甜筒🍦食下午茶時段只係　$58堅抵食！

好耐冇食茶木，今天又係午市來幫襯。茶木時不時有些新菜式，滿足一下香港人善變的性格。偏偏我家幾位都好傳統，次次來都係點果幾味，今日都唔例外。出品保持質素，沙律菜和蝦都好新鮮，牛肉依然好腍好入味。不過今次d飯就濕咗d，有些失分。

去到茶木見到無人等，就打算直接入去，問女店員需唔需要攞飛等，佢話執緊枱就黎入得。然後佢就對一個男店員講「x！咁耐都未執完？」呢個時候有幾個人黎左，就攞飛等位。女店員無端端話攞左飛等位會優先，叫我地再要攞飛等過。咁樣嘅服務態度真係差到無野好講，以後都唔會再去馬鞍山茶木。

食物差，味精湯麵，味精肉燥，厚粉炸雞，真係唔好食！服務差，當你望佢佢地即時閃開，加水企定等你放個杯俾佢加，個個木口木面，鞋聲鞋氣，同佢講唔該都唔會應你！完，唔會再幫襯喇！

其實都真係好少俾劣評比一間餐廳又唔想講呢間茶木每況愈下~~~~~~~~~~~~~~~~~~~但真係退步左好多....記得以前細個食其他分店既茶木係會覺得好開心當日係由TOAST BOX開始食起叫左杯珍珠奶茶係怪怪地既味道,唔識形容有幾怪但好似未洗乾淨有洗潔精味?下午茶叫左個牛肉面,無乜特色都唔係好味唯一可取係以下呢個飯,味道都唔錯馬鞍山美食沙漠當中,可能都會再比多次機會比呢間茶木既~員工既服務態度都係一般般

味道賣相不錯，價格偏貴（同時本人自細討厭加一服務費），服務員態度可改善（始終係客，唔係趕豬趕狗，年青人唔好永遠呢個世界欠左你咁概樣同態度）下午茶：周日人不太多，三個人只等五六台廿分鐘左右，其他共三四十人等位，好快有位入座！對於下午茶來說，食物的價格偏高，結賬要差不多港幣298元。最吸引是雞扒和面包條很好吃。炸豬扒雞扒推薦，三色面包條也可以。芋圓甜品下面全部係冰唔抵。至於台灣傳統核心主食的紅燒牛肉麵等可以其他地方食，唔需要茶木食。

同小朋友們放完電，原來諗住食甜館，點知今日唔開算～ 入返mostown都有野食嘅～ 由於帶住2個小朋友，當然都以提供bb櫈為主～ 茶木就完全符合我地要求，而且呢間舖仲可以㨂唔坐店內，坐商場劃出嚟嘅「店外」位置，為咗避免嘈住其他客人，我地就㨂咗坐出面Tea set有吐司，小食，主食同甜品，嚟茶木當然吃吐司呀～ 不然幹嘛？我就叫咗台式牛肉溫泉蛋芝士吐司，朋友就叫咗薯絲炸蝦配鹽酥雞，大家都飲珠珠茶茶雖然落單時講要等20分鐘，但唔駛10分鐘已經上齊晒喇～ 對住湊住小朋友嘅我地真係幫好大忙，事關小朋友坐唔到咁耐嘛套餐配埋沙律，感覺上健康啲～ 不過沙律當然冇咩驚喜啦但吐司好有驚喜啊～ 估唔到牛肉唔係淋到爛嗰啲，仲好有咬口，軟軟的～ 溫泉蛋蛋汁配埋芝士同吐司，濕濕又脆脆，超正～超吸引的蛋蛋珠珠茶茶用咗環保飲管，茶味偏淡，珍珠就比較硬，但外層又好淋㗎喎，甜度就適中啦～ 不過有得坐低同朋友傾吓計食個tea, 於願足矣～埋單一人50蚊～ 抵食～

今次試下茶木嘅泡飯感覺咸咗d，不過都幾香幾足料食完泡飯，略嫌未夠飽，見到新出了款台式糖水，就點嚟試下。紅豆沙都幾綿，唔似酒樓個D溝水，而且好多料，又有珍珠 (好有咬口感)、薏米、芋圓配搭，甜味適中。

茶木雖然是到處都有的連鎖餐廳，但我自己卻一次都未曾吃過。但愛好甜食的我也早聞茶木有名的蜜糖吐司，於是決定一試。點了草莓香草蜜糖磚塊，巧克力蛋糕，以及外型特別的香橙蛋糕。蜜糖磚塊配上雲呢拿雪糕和士多啤梨醬的確十分滿足，如果可以再加強蜜糖味，就更好了！

雖然宜家多左好多餐廳，不過放假係馬鞍山食嘢，點都要等下位~好彩今日唔算多人呢，傾下計等左陣就坐得仲有得靠邊坐，同朋友自成主角。今次主要黎食麵包磚啦，耐唔耐就要嚟探下佢我哋仲叫左其他嘢食啦~坐下傾下有一日 

同幾個朋友o係附近食完飯，朋友話好掛住【茶木】既磚塊甜品，於是就去左呢度食。朋友A叫左「草莓香草蜜糖磚塊」，果然無令大家失望，真係Keep到水準，香口鬆脆既厚多士磚塊，每一塊都滲滿了香濃既牛油香味，而且很有咬口，新鮮草莓很足料，放滿了整整每一層的磚塊吐司上。而我則選了「香芒鮮果拿破崙」(唔知有無記錯個名)，傳統的拿破崙由三層酥皮夾着兩層吉士醬及鮮果而成。 雖然拿破崙是很普遍的甜品， 但真正好吃的， 卻不易吃到。呢度選用了新鮮水果與奶油製造的獨特香脆的層次，將傳統法式甜品提升了另一個層次。