茶木‧台式休閒餐廳 (康怡廣場北座)

营业中

休息中

媽子決定剝牙前，為了減輕她的擔心和驚青，於是提出要同佢撐檯腳，剝完牙後再同佢食好野！ 食乜好呢，撇除她幾乎日日食的連鎖快餐店，最後決定坐丁丁去康怡的茶木。客人唔多，地方闊落整潔，坐得都幾舒服。 媽媽要了鹵蛋肉燥飯 (竟然有 2 隻蛋咁多) ，我就要了牛肉麵 (本來想試芝士雞翼+炸雞件，但見台灣牛肉麵好出名，來台式食肆冇理由唔試下)。等左一陣開餐啦！ 碗牛肉麵 D 麵好似刀削麵，煙韌彈牙。舊牛肉係筋+腩的結合，好入味好林。 仲有紅蘿蔔和白蘿蔔，同埋芫荽和蔥以伴，夠晒香口。 成碗麵比我預期中大碗 (下午茶時段竟然有咁大碗 )，而且個湯底又好入味。餐飲方面我倆都要了熱的黑糖珍珠奶茶，又係比我預期的大杯！溫度唔會熱到熨口飲唔到，真抵讚！ 味道方面唔太甜，珍珠煙韌，成杯飲得出好香的黑糖味。

Visited with my family at around 21:00 tonight. Very aligned poor service from the shop in charge himself to several waiters on floor. Never gonna be there again.

Haven't visited this restaurant for a while. Happen to have training in tai koo today, let's tried if it has something new. Comfortable and bright decoration and spacious environment. The lunch menu is as simple as usual.I ordered lunch set B - noodles with fried chicken fillet with an iced black sugar milk tea.The chicken fillet is crisp, tender and a bit hot due to freshly fried. The saltiness is less than expected. Three pieces are more than I think, sufficient for big eater like me.The thick

過了一個漫長既星期，又來到星期六！咁去左同屋企人食茶木，知道會有很多人排隊等，所以我們來個早少少既晚餐大約5:30去到，剛時都不用排隊，很快便有位坐！本來想食下午茶，原來星期六日是沒有的，那我們就散叫了。3個人點左兩樣野大家share食：酥炸排骨麵排骨炸得剛剛好，十分香脆！下次會再次點黎食！炸雞排肉燥飯，炸雞排飯整體一般，沒有排骨炸得咁香脆可口。最後，叫左甜品👇🏻黑塘紅豆綠茶冰淇淋層層疊吐司做得很鬆脆，有點蜜糖係面，再配上紅豆和綠茶雪糕唔會十分甜！😋

朧絡不絕真的沒誇張，中午12時準時來食午餐，都已經見人龍了，可恨也。只因相似價位，以70元左右一個lunch,以此店食物口味最正常，也最豐富。好了，點個餐，能挑小食主食同特飲，真是happy.最happy是同可愛的舊同事來個reunion呀，bb >3< 肉燥飯都係有點油膩，個小食雞撕好多盤呀，有青瓜絲淋胡麻醬 ，列作冷盤夏天食唔錯幾開胃的 仲選了個菜的。飲品我好喜歡，養生去水腫濕熱，因是薏米煮紅豆，仲似到有薑粒去風，真係好正，絕對有衝動跟著煮雪起來慢慢喝同同事大大聲講大大聲笑 ，識到您地好開心，為我工作帶來很多歡樂

康怡呢間茶木雖然已經開左一段時間, 但午市仍然好多人排隊, 我地6, 7人去等位往往都要等30分鐘, 所以我地都唔會經常去食。前兩天我地食完lunch經過見到午市Menu唔同左, 決定今日預早去排隊試下。康怡呢間茶木唔大間, 所以午市等位時間都比較長, 而且需要坐得迫d同要搭位。午市新Menu, 都係同之前差唔多, 小食, 主菜同飯或麵各揀一款配一杯飲料。另外仲有午市麵餐。午餐份量正常, 我地7個人一人一份。飲品先到, 今日呢個紅豆薏米水甜左少少。午餐味道都唔錯, 價錢70幾蚊一位。雞扒麵賣相比較吸引, 個牛肉麵牛味好濃。

今日經過茶木，發現2:30-6pm有幾抵食嘅下午茶。 今次試咗牛肉麵，芝士雞翅拼鹽酥雞。 飲品選擇非常多，試咗杯紫薯拿鐵和水果茶。 總括來説，味道不錯，下次會試試其他種類。

康怡廣場基本上間間餐廳都要等位，琴日可早少少食晏，就諗住食呢間順便食埋個招牌甜品。一去到條龍雖然長，但排左唔洗10分鐘就有枱，可以接受喎。一行五人各叫左個lunch set, 加$9可轉原本$31嘅飲品，再貴少少的特飲就補差價。食台灣野當然要飲佢的特飲，我要左士多啤梨沙冰，有原粒士多啤梨，加提子汁係杯底，上枱時賣相一流，飲落少少提子甜又有士多啤梨中和返，好味。最後我地叫埋芒果蜜糖磚塊，超完滿的一個午餐

It was about two o'clock when I ordered a set lunch there. The set was fantastic since there were noodles, duck, and chicken wings. I could have a cup of hot tea too! The taste of food was very special as it was just like I was having food in Taiwan, maybe due to the special Taiwan sauces the chef had used. The service and environment were satisfying. The hygiene was clean too. The price was reasonable. Overall, I had an enjoyable experience.

LUNCH時間去康怡搵食時常常見到呢間開左業都幾個月嘅茶木排哂長龍，上班族如果午飯時間唔充裕都好難係呢度攞到位食晏。今次因為表妹考完試放早想約我係太古食LUNCH，咁我就利用呢個機會叫佢搵定位等我地黎開餐不過原來午市係需要人齊才可以安排入座，我地到果陣表妹已經排到去頭位，所以即刻可以安排到入座, THANKS表妹呢度嘅LUNCH SET真係幾啱我地女士們，份量唔算好多，不過有小食又有個主菜，仲配一碗肉燥飯或麵，另外仲配杯台式飲品。我地仲另外點左一個甜品，非常滿足嘅一餐!

今日老細唔係公司, 我地決定搵間要排隊嘅餐廳食🙈康怡廣場呢間茶木雖然都已經開張左一段時間, 但係午市人龍依然日日都咁長😌今日終於可以排到試下究竟有咩咁吸引😚是日剛巧係冇飲管日🙈好香脆, 冇諗過Lunch都咁大件👍隻鴨唔錯, 不過個麵有d酥好腍好入味😋

早兩日午飯坐低兩分鐘等同事，著牛仔衫個經理 Dickson 就無啦啦走黎問我 d 朋友幾時到，話陣間人多我要出返去企。。不過當時周圍有一大半空位播。。。劉華而家唔得閒提你今時今日咁ｏ既服務態度。。。就搞成拱。。。叫左個魚柳肉燥飯午市套餐，呢間店初初開張果排用比較好食o既無骨魚柳，而家 d 魚柳有骨又無咁好食。。。同事餐飲叫左杯咖啡，店員落完屙打即走，我就做埋店員提返同事咖啡要加 $9啊。。。好彩同事有的是錢。。所以今日午餐就寧願過對面 aeon 超市 food court 買個 $30 周三特價刺身飯食，既新鮮又好味，起碼唔會無啦啦有人走黎叫你去門口企。

今日好忙好攰，放咗工之後，個人冇哂胃口，唔想食咁多嘢，但係又想對自己好d,，點算呢？？？ 咁就走咗去Teawood 食番個蚝仔粥，話哂蚝都係我嘅頭號至愛嘛。晚飯時間，好多人喺門口等位，好彩我得一個人，唔使等好耐就有位，真係好彩喇！蚝仔粥，個碗好大，份量就啱啱好，仲有唔少蚝仔添，睇見都好開心。仲有呀，d蚝仔都唔算細隻，隻隻蚝仔都漲卜卜，啖啖肉，d粥唔算錦，潮州粥底，而個粥湯就好夠蚝仔味，charge番唒電lu。

茶木其他分店食得多，康怡呢間新開左幾個月所未食過，今日經過見唔使排隊就一於入去試下啦！雖然唔使排隊，但我地2個企左喺門口一陣都冇人理，收銀同蛋糕櫃兩個職員望住份文件講緊野，對我地視而不見，幾經辛苦終於入座打開餐牌吐司得三種，芒果，士多啤梨同埋tiramisu味。以前食過其他分店有好多味有綠茶味，唔知係咪改晒menu定淨係呢間冇呢。叫左個waiter黎落單，講左食物名，佢叫我地搵返個number俾佢....感覺唔係好pro，仲要命令個客打返開menu搵答案俾佢...我地揀左tiramisu味，大約10分鐘就上菜，脆卜卜好香好好味。飲品叫左紫薯latte，好香唔太甜，性價比高。熱帶水果茶個壺比以前細左，同埋好酸飲唔到，入面d水果唔太吸引，麻麻地。

發現新大陸太古終於有番間正宗少少既台灣野食新開張都已經好多人排隊所以我都等一頭幾個禮拜先去試下最終我晚上630pm去應該唔使等位我錯了都有成10幾人等咁令我更期待這間店香辣牛肉麵湯好飲肉一咬就溶入味麵都好食但個人來講太少🤔炸雞排肉燥飯感受到台灣風味太耐冇食過肉燥飯又唔油d雞排另外個雞排麵真係美中不足雞排好鬼油油都頂唔順服務就差少少唔係冇禮貌係太少人做到踢晒腳希望下次好少少就ok最後點可能唔食鹽酥雞咬感係唔錯但d粉點綴得太少下次叫佢俾多d粉